ഒരേയൊരു രാജാവ്! ബ്രെസയുടെ ചിട്ടുകീറി വീണ്ടും ഒന്നാമനായി നെകോസൺ; നവംബർ കണക്കുകൾ ഇതാ

ഇന്ത്യയിലെ ഏറ്റവും കോംപറ്റീഷൻ നിരഞ്ഞ സെഗ്‌മെന്റുകളിൽ ഒന്നാണ് സബ് കോംപാക്ട് എസ്‌യുവി സെഗ്‌മെന്റ് എന്നത്. നിരവധി വ്യത്യസ്ത വാഹന നിർമ്മാതാക്കൾ ഈ സെഗ്‌മെന്റിൽ തങ്ങളുടെ എസ്‌യുവി മോഡലുകൾ വാഗ്ദാനം ചെയ്യുന്നു, നിലവിൽ ഇവയിൽ ഏറ്റവും ജനപ്രിയമായത് ടാറ്റ നെക്‌സണാണ്. കഴിഞ്ഞ രണ്ട് മാസത്തിനിടെ, ഈ സെഗ്‌മെന്റിലെ മുൻ ചാമ്പ്യനായ മാരുതി സുസുക്കി ബ്രെസയെ വിൽപ്പയുടെ കാര്യത്തിൽ മറികടക്കാൻ നെക്‌സോണിന് കഴിഞ്ഞു.

2023 നവംബറിൽ ടാറ്റ മോട്ടോർസ് നെക്‌സോണിന്റെ മൊത്തം 14,916 യൂണിറ്റുകളാണ് വിറ്റഴിച്ചത്. എസ്‌യുവിയുടെ മൊത്തത്തിലുള്ള വിൽപ്പന, വാർഷിക അടിസ്ഥാനത്തിൽ 6.0 ശതമാനം കുറവാണെങ്കിലും, അതിന്റെ ഏറ്റവും അടുത്ത എതിരാളിയായ ബ്രെസയേക്കാൾ കൂടുതലായിരുന്നു. കഴിഞ്ഞ വർഷം ഇതേ മാസം ടാറ്റ നെക്‌സോണിന്റെ മൊത്തം 15,871 യൂണിറ്റുകൾ ടാറ്റ വിറ്റഴിച്ചിരുന്നു.

താരതമ്യപ്പെടുത്തുമ്പോൾ, 2023 നവംബറിൽ മാരുതി സുസുക്കി ബ്രെസയുടെ മൊത്തം 13,393 യൂണിറ്റുകൾ വിറ്റു. കഴിഞ്ഞ വർഷം, ഇതേ കാലയളവിലെ 11,324 യൂണിറ്റുകളുടെ വിൽപ്പനയുമായി താരതമ്യപ്പെടുത്തുമ്പോൾ, ഇത് 18 ശതമാനം വാർഷിക വളർച്ചയാണ് നൽകുന്നത്. ബ്രെസയെ കൂടാതെ, നെക്‌സണിന്റെ മറ്റൊരു എതിരാളിയായ ഹ്യുണ്ടായി വെന്യു 11,180 യൂണിറ്റ് എന്ന വിൽപ്പന നേട്ടവും കൈവരിച്ചു. ഇത് വാർഷിക അടിസ്ഥാനത്തിൽ 4.0 ശതമാനം വളർച്ച നേടി.

കൂടാതെ, ഹ്യുണ്ടായി വെന്യുവിന്റെ കസിനായ കിയ സോനെറ്റിനും ഈ വർഷം നവംബറിൽ 6,433 യൂണിറ്റുകളുടെ മാന്യമായ വിൽപ്പന രേഖപ്പെടുത്താൻ കഴിഞ്ഞു. കഴിഞ്ഞ വർഷം ഇതേ മാസം 7,834 യൂണിറ്റുകളുടെ വിൽപ്പന രേഖപ്പെടുത്തിയ സോനെറ്റിന് YoY അടിസ്ഥാനത്തിൽ 18 ശതമാനം ഇടിവ് നേരിട്ടു. ടാറ്റ നെക്‌സോൺ വളരെക്കാലമായി അതിന്റെ സെഗ്‌മെന്റിൽ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളിലൊന്നാണ്. ഈ നേട്ടത്തിന് നിരവധി കാരണങ്ങളുണ്ട്. അവ എന്തെല്ലാമാണ് എന്ന് നമുക്ക് ഒന്നു നോക്കാം.

ടാറ്റ നെക്‌സോണിന്റെ ഡിമാൻഡ് അടുത്തിടെ ഉയർന്നതിന്റെ ഒരു പ്രധാന കാരണം പുതിയ ഫെയ്‌സ്‌ലിഫ്റ്റ് പതിപ്പിന്റെ ലോഞ്ചാണ്. കുറച്ച് മാസങ്ങൾക്ക് മുമ്പ്, ടാറ്റ മോട്ടോർസ് ഈ ജനപ്രിയ എസ്‌യുവിക്ക് വളരെ ആവശ്യമായ ഡിസൈനും ഫീച്ചർ ലിസ്റ്റ് അപ്പ്ഡേറ്റും നൽകി. എസ്‌യുവി കാഴ്ചയിൽ കൂടുതൽ ഫ്യൂച്ചറിസ്റ്റിക്കും സാങ്കേതികമായി കൂടുതൽ പുരോഗമിച്ചതുമാണ്. കൂടാതെ പല സെഗ്‌മെന്റ് ഫസ്റ്റ് ഫീച്ചറുകളും വാഗ്ദാനം ചെയ്യുന്നു.

ദൃഢമായ ബിൽഡ് ക്വാളിറ്റിയും 5-സ്റ്റാർ സേഫ്റ്റിയും: കഴിഞ്ഞ കുറച്ച് വർഷങ്ങളായി, ബിൽഡ് ക്വാളിറ്റിയിലും സുരക്ഷയിലും മികച്ച കാർ നിർമ്മാതാക്കളിൽ ഒരാളായി ടാറ്റ മോട്ടോർ‌സ് പേരെടുത്തു എന്ന് നമുക്ക് നിസംശയം പറയാം. ഗ്ലോബൽ NCAP -ൽ നെക്‌സോൺ മികച്ച ഫൈവ് സ്റ്റാർ റേറ്റിംഗ് നേടി, രാജ്യത്തെ ഏറ്റവും സുരക്ഷിതമായ കാറുകളിലൊന്നായി സ്വയം തെളിയിച്ചതാണ്. നെക്‌സോണിന്റെ ഏറ്റവും പുതിയ ആവർത്തനത്തിൽ ആറ് എയർബാഗുകളും ഒരു കൂട്ടം മികച്ച സേഫ്റ്റി ഫീച്ചറുകളുമുണ്ട്.

ഒന്നിലധികം ഡ്രൈവ്ട്രെയിൻ ഓപ്ഷനുകൾ: ഒന്നിലധികം ഡ്രൈവ്ട്രെയിനുകൾക്കിടയിലുള്ള ഓപ്ഷനാണ് വാഹനത്തിന്റെ വിജയത്തിന് പിന്നിലെ ഏറ്റവും പ്രധാനപ്പെട്ട മറ്റൊരു കാരണം എന്ന് പറയാം. ടർബോ പെട്രോൾ എഞ്ചിൻ, ഡീസൽ എഞ്ചിൻ, കൂടാതെ വ്യത്യസ്ത ബാറ്ററി പാക്കുകളുള്ള ഇലക്ട്രിക് ഡ്രൈവ്ട്രെയിനുകൾ എന്നിവയ്‌ക്കൊപ്പമാണ് ടാറ്റ നെക്‌സോണിനെ വാഗ്ദാനം ചെയ്യുന്നത്. എല്ലാത്തരം ഉപഭോക്താക്കൾക്കും അനുയോജ്യമായ ഒരു നെക്‌സോൺ പതിപ്പ് ഉണ്ട് എന്നതാണ് വിൽപന വോളിയം കൂടാനുള്ള കാരണം.

ഫീച്ചർ-റിച്ച്: ഫെയ്‌സ്‌ലിഫ്റ്റിന്റെ ലോഞ്ചിനൊപ്പം സൂചിപ്പിച്ചതുപോലെ, നെക്‌സോണിന് നിരവധി പുതിയ സവിശേഷതകളും ഫീച്ചർ അപ്പഡേറ്റുകളും ലഭിച്ചു. സെഗ്‌മെന്റിലെ ഏറ്റവും കൂടുതൽ ടെക് ലോഡഡ് എസ്‌യുവികളിലൊന്നാണ് ഇത്. വലിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, രണ്ട് ഫിസിക്കൽ ടോഗിൾ സ്വിച്ചുകളുള്ള ടച്ച് ബേസ്ഡ് HVAC കൺട്രോളുകൾ എന്നിവ നെക്സോണിന് ലഭിക്കുന്നു.

കൂടാതെ ഒരു പുതിയ 10.25 ഇഞ്ച് ഡിജിറ്റൽ ഇൻസ്ട്രുമെന്റ് ഗേജ് ക്ലസ്റ്റർ തുടങ്ങിയ സവിശേഷതകളോടെയാണ് ഇത് വരുന്നത്. ക്രൂയിസ് കൺട്രോൾ, ഓട്ടോമാറ്റിക് ഹെഡ്‌ലാമ്പുകൾ, റെയിൻ സെൻസിംഗ് വൈപ്പറുകൾ, 360 -ഡിഗ്രി ക്യാമറ, ബ്ലൈൻഡ് സ്‌പോട്ട് മോണിറ്റർ, വയർലെസ് ചാർജർ എന്നിവയും ടാറ്റ മോട്ടോർസ് ഇതിൽ വാഗ്ദാനം ചെയ്യുന്നുണ്ട്.

മികച്ച വില നിർണ്ണയം: ടാറ്റ നെക്‌സോൺ രാജ്യത്തെ ഏറ്റവും വാല്യു ഫോർ മണി കാറുകളിൽ ഒന്നാണ്. 8.09 ലക്ഷം രൂപ മുതൽ 12.99 ലക്ഷം രൂപ വരെയാണ് പുതിയ നെക്‌സോണിന് ടാറ്റ മോട്ടോർസ് നൽകിയിരിക്കുന്ന എക്സ്-ഷോറൂം വില. നെക്‌സോൺ ഇവിയുടെ വില 14.74 ലക്ഷം രൂപയിൽ തുടങ്ങി 19.94 ലക്ഷം രൂപ വരെ ഉയരുന്നു. നെക്‌സോൺ ശ്രേണിയിൽ ഒന്നിലധികം വ്യത്യസ്ത വേരിയന്റുകളുണ്ട്.