ഇതാണ് ടാറ്റയുടെ അന്തസ്സ്; എതിരാളികൾ കാണുന്നുണ്ടല്ലോ അല്ലേ

അടുത്തിടെ, ഒരു ഉപഭോക്താവ് തന്റെ ടാറ്റ ടിയാഗോ ഇവിയിൽ ഒരു പ്രശ്‌നം നേരിടുകയും, പ്രശ്നം ഡീലറുമായി പങ്കുവെച്ച് സർവീസിനായി എത്തിച്ചപ്പോൾ മോട്ടോറും ഗിയർബോക്സും ചാർജ് കൂടാതെ മാറ്റിസ്ഥാപിച്ചു കൊടുക്കുകയും ചെയ്തു. വാഹനം ആക്സിലറേറ്റ് ചെയുമ്പോൾ ബോണറ്റിൻ്റെ ഉളളിൽ നിന്ന് ശബ്ദം കേൾക്കുന്നു എന്നതായിരുന്നു വാഹനത്തിൻ്റെ തകരാർ.

പ്രശ്നം കണ്ടുപിടിക്കാൻ ഉടമ ഒരു അംഗീകൃത സേവന കേന്ദ്രത്തിൽ നിന്ന് സഹായം തേടിയെങ്കിലും വിശദമായ പരിശോധന നടത്തിയിട്ടും പ്രശ്‌നങ്ങളൊന്നും കണ്ടെത്താൻ സാങ്കേതിക വിദഗ്ധർക്ക് കഴിഞ്ഞിരുന്നില്ല. അതിന് ശേഷം ഒരിക്കൽ കൂടെ അവിടെ എത്തിച്ചതിന് ശേഷം വാഹനം ഉയർത്തുകയും പരിശോധിക്കുകയും ചെയ്തപ്പോഴാണ് കാറിൻ്റെ മോട്ടോറിൻ്റെ സമീപത്ത് നിന്നാണ് ശബ്ദം വരുന്നതെന്ന് കണ്ടുപിടിക്കാൻ സാധിച്ചത്. ടിയാഗോ ഇവിയിൽ ഇത്തരത്തിലൊരു പ്രശ്നം ആദ്യമായിട്ടാണ് റിപ്പോർട്ട് ചെയ്യുന്നത്.

ഇതിനെ തുടർന്ന്, കൂടുതൽ പരിശോധനയ്ക്കും വിവരശേഖരണത്തിനുമായി വാഹനം വിടാൻ മെക്കാനിക്ക് ശുപാർശ ചെയ്തു. തുടർന്നുള്ള പ്രവർത്തന ഗതി നിർണ്ണയിക്കാൻ എഞ്ചിനീയർമാർ ശേഖരിച്ച ഡാറ്റ വിശകലനം ചെയ്തു. പ്രശ്നം പ്രധാനമായും ഗിയർബോക്സുമായി ബന്ധപ്പെട്ടതാണെങ്കിലും, ഇലക്ട്രിക് മോട്ടോറിന്റെയും ഗിയർബോക്സിന്റെയും സംയോജിത സ്വഭാവം രണ്ട് ഘടകങ്ങളും മാറ്റിസ്ഥാപിക്കേണ്ടതുണ്ട്. വാഹനം വാറന്റിയുടെ പരിധിയിൽ വരുന്നില്ലെങ്കിൽ, പകരം വയ്ക്കുന്നതിന് ഏകദേശം മൂന്ന് ലക്ഷം രൂപയോളം വരുമെന്നാണ് മെക്കാനിക്ക് പറഞ്ഞിരുന്നത്.

എന്നാൽ ഒരു ചാർജ് പോലും ഈടാക്കാതെ ഉടമയ്ക്ക് വാഹനം കേടുപാടുകൾ മാറ്റി കൊടുക്കുകയും ചെയ്തു.രാജ്യത്തെ ഏറ്റവും വലിയ വാഹന നിർമാതാക്കളായ ടാറ്റയെ കുറിച്ച് എപ്പോഴും കേൾക്കുന്ന ഒരു കാര്യമാണ് വാഹനത്തിൻ്റെ സർവീസിനെ കുറിച്ച്. എന്നാൽ ഇവിടെ വളരെ മാന്യമായി തന്നെ ഡീലർ കാര്യങ്ങൾ കൈകാര്യം ചെയ്തിട്ടുണ്ട് എന്ന് മനസിലാകും. എത്രയൊക്കെ ഇടിച്ചു താഴ്ത്താന ശ്രമിച്ചാലും ടാറ്റ എന്ന കമ്പനിക്ക് ജനങ്ങളുടെ മനസിൽ വലിയൊരു സ്ഥാനമാണ് ഉളളത്.

ഇന്ത്യൻ വിപണിയിൽ ടാറ്റ ആൾട്രോസ് സിഎൻജി ഹാച്ച്ബാക്ക് അവതരിപ്പിച്ചുകൊണ്ട് ടാറ്റ മോട്ടോഴ്സ് അടുത്തിടെ അതിന്റെ പോർട്ട്ഫോളിയോ വിപുലീകരിച്ചിരുന്നു, അതിന് ശേഷം പ്രീമിയം ഹാച്ച്ബാക്കിനായി XM, XM(S) എന്നീ രണ്ട് പുതിയ വകഭേദങ്ങൾ കൂടി നൽകി. ടിയാഗോയും ടിഗോറും ഇതിനകം തന്നെ ഫാക്ടറി ഫിറ്റഡ് CNG വേരിയന്റുകളിൽ വിൽപ്പനയ്ക്ക് എത്തുന്നു. എന്നാൽ ഇവയുടെ പ്രായോഗികത വർധിപ്പിക്കുന്നതിനും സെഗ്മെന്റിലെ എതിരാളികളേക്കാൾ മുൻതൂക്കം നേടുന്നതിനും ഇവയ്ക്ക് സമീപഭാവിയിൽ ട്വിൻ സിലിണ്ടർ ക്രമീകരണം ലഭിച്ചേക്കാം.

രാജ്യത്ത് ഏറ്റവുമധികം വിറ്റഴിക്കപ്പെടുന്ന കോംപാക്ട് എസ്‌യുവിക്ക് ട്വിൻ സിലിണ്ടർ സാങ്കേതികവിദ്യ ഉപയോഗിക്കാനാകും, അതിനാൽ ഇത് ഒരു CNG ആവർത്തനത്തിലും ടാറ്റയ്ക്ക് എസ്‌യുവിയെ അവതരിപ്പിക്കാനാകും. 125 PS പവറും 225 Nm torque ഉം സൃഷ്ടിക്കുന്ന പുതിയ തലമുറ 1.2 ലിറ്റർ DI ടർബോ പെട്രോൾ എഞ്ചിൻ അവതരിപ്പിക്കുന്ന ആദ്യ ടാറ്റ മോഡലായി നെക്സോൺ മാറുമെന്ന് പറയപ്പെടുന്നു.

ഇത് സ്റ്റാൻഡേർഡായി ആറ് സ്പീഡ് മാനുവൽ ട്രാൻസ്മിഷനുമായി കണക്ട് ചെയ്യും, കൂടാതെ ഒരു ഓപ്ഷനായി DCT യൂണിറ്റും ഉണ്ടായിരിക്കും. CNG സാങ്കേതികവിദ്യയുമായി മാരുതി സുസുക്കി ഗ്രാൻഡ് വിറ്റാരയും ടൊയോട്ട അർബൻ ക്രൂയിസർ ഹൈറൈഡറും മിഡ് സൈസ് എസ്‌യുവി സെഗ്‌മെന്റിൽ നിലവിൽ ഉള്ളതിനാൽ, വരാനിരിക്കുന്ന കർവ്വ് കൺസെപ്‌റ്റിന്റെ പ്രൊഡക്ഷൻ പതിപ്പും ബൈ-ഫ്യുവൽ സംവിധാനത്തിൽ വരാം.

ടാറ്റ മോട്ടോർസ് പഞ്ചിന്റെ ഇവി പതിപ്പും അവതരിപ്പിക്കും. ഇലക്ട്രിക് പഞ്ച് അതിന്റെ മിക്ക ബോഡി പാനലുകളും നോർമൽ ICE പതിപ്പുമായി പങ്കിടും, എന്നിരുന്നാലും ഇവിയ്ക്ക് സവിശേഷമായ അലോയി വീൽ ഡിസൈനും ചില സ്റ്റൈലിംഗ് മാറ്റങ്ങളും ഉണ്ടായിരിക്കാം. അകത്തളത്തിലേക്ക് നീങ്ങുമ്പോൾ, ഇതിന് നെക്സോൺ ഫേസ്‌ലിഫ്റ്റിന് സമാനമായ സ്വിച്ച് ഗിയർ ഉണ്ടായിരിക്കും എന്നാണ് പ്രതീക്ഷിക്കുന്നത്.

കൂടാതെ 360 -ഡിഗ്രി ക്യാമറ പോലുള്ള ഫീച്ചറുകളും നിർമ്മാതാക്കൾ വാഗ്ദാനം ചെയ്തേക്കാം. പഞ്ച് ഇവിയിൽ ടാറ്റ മോട്ടോർസിന്റെ ജനപ്രിയമായ സിപ്‌ട്രോൺ പവർട്രെയിൻ ഉപയോഗിക്കാനാണ് സാധ്യത. ലിക്വിഡ് കൂൾഡ് ബാറ്ററിയും ഫ്രണ്ട് വീലുകളിലേക്ക് പവർ നൽകുന്ന പെർമെനന്റ് മാഗ്നറ്റ് സിൻക്രണസ് മോട്ടോർ സെറ്റപ്പുമാവും വരുന്നത്. എന്നിരുന്നാലും, ബാറ്ററി പായ്ക്കിന്റെയും ഇലക്ട്രിക് മോട്ടോറിന്റെയും കൃത്യമായ വിവരങ്ങൾ ഇതുവരെ കമ്പനി പുറത്തുവിട്ടിട്ടില്ല.