സൈബർ ട്രക്കിൻ്റെ ആദ്യ ബാച്ച് ഡെലിവറി തീയതി പുറത്തു വിട്ട് ടെ‌സ‌്ല; ഇനി അധികം കാത്തിരിക്കണ്ട

ടെസ്‌ല എന്ന ഇലക്ട്രിക് വാഹന ഭീമൻ്റെ ഏറ്റവും കൂടുതൽ കാലങ്ങളും ആളുകളും കാത്തിരിക്കുന്ന ഒരു മോഡലാണ് സൈബർട്രക്ക് എന്നത്. 2019-ൽ ആദ്യമായി വാഹനം ആദ്യമായി അവതരിപ്പിച്ചത് വാഹനത്തിൻ്റെ ഡിസൈൻ കൊണ്ട് ഇലക്ട്രിക് പിക്കപ്പ് ട്രക്ക് ലോകമെമ്പാടും വളരെയധികം ശ്രദ്ധ നേടിയിട്ടുണ്ട്. എന്നിരുന്നാലും, ധാരാളം വാഗ്ദാനങ്ങൾ ഉണ്ടായിരുന്നിട്ടും, സൈബർട്രക്കിന്റെ ലോഞ്ച് ടെസ്‌ല വീണ്ടും വീണ്ടും നീട്ടിക്കൊണ്ടുപോകുകയായിരുന്നു. അങ്ങനെ നീണ്ട കാത്തിരിപ്പിനൊടുവിൽ ആദ്യ ബാച്ച് എത്തുന്ന തീയതി അറിയിച്ചിരിക്കുകയാണ് കമ്പനി.

നവംബർ 30 ന് നടക്കുന്ന ഇവന്റിൽ ടെസ്‌ല 10 സൈബർ ട്രക്കുകളാണ് വിതരണം ചെയ്യാൻ പോകുന്നത് എന്നാണ് അറിയിച്ചിരിക്കുന്നത്. ഇതുവരെ വാഹനത്തിന് 20 ലക്ഷം ബുക്കിങ്ങുകളാണ് വന്നിരിക്കുന്നത്. ബാക്കിയുളള കസ്റ്റമേഴ്സ് അൽപ്പം കൂടി കാത്തിരിക്കണം എന്നാണ് കമ്പനിയുടെ ഭാഗത്ത് നിന്നുളള പ്രതികരണം. 2023 അവസാനത്തോടെ സൈബർട്രക്ക് ഡെലിവറി ആരംഭിക്കാൻ തയ്യാറാണെന്ന് ടെസ്‌ല സിഇഒ എലോൺ മസ്‌ക് മുമ്പ് വെളിപ്പെടുത്തിയിരുന്നു.

നിലവിലെ മുൻകൂർ ബുക്കിംഗുകളും ടെസ്‌ലയുടെ പ്രൊഡക്ഷൻ പ്ലാനുകളും വിലയിരുത്തിയാൽ, ബുക്കിംഗുകൾ പൂർണ്ണമായി ക്ലിയർ ചെയ്യാൻ നാലോ അഞ്ചോ വർഷത്തിലധികം എടുത്തേക്കാം. തുടക്കത്തിൽ പ്രതിവർഷം 1.25 ലക്ഷം യൂണിറ്റ് ഇലക്ട്രിക് പിക്കപ്പ് ട്രക്ക് ടെസ്‌ല ഉത്പാദിപ്പിക്കുമെന്ന് ഞങ്ങൾ പ്രതീക്ഷിക്കുന്നു, അതിനു ശേഷം ഈ ദശകത്തിന്റെ മധ്യത്തോടെ ഇത് 2.50 ലക്ഷം യൂണിറ്റായി ഉയർത്തുമെന്ന് മസ്‌ക് പറയുന്നു.

ഹെവി-ഡ്യൂട്ടി സ്റ്റെയിൻലെസ് സ്റ്റീൽ ബോഡി ഘടന ഉൾപ്പെടെ സൈബർട്രക്കിൽ സജ്ജീകരിച്ചിരിക്കുന്ന നൂതന സാങ്കേതികവിദ്യകൾ കണക്കിലെടുക്കുമ്പോൾ തുടക്കത്തിൽ ഉൽപ്പാദനം അല്പം മന്ദഗതിയിലാകാം. കാത്തിരിപ്പ് കാലയളവ് മാത്രം പ്രൊജക്റ്റ് ചെയ്യപ്പെടുമ്പോൾ, പ്രത്യേക രാജ്യങ്ങളിലെ ലഭ്യത, ലോജിസ്റ്റിക്സ്, മുൻകൂട്ടി ബുക്ക് ചെയ്ത എല്ലാ ഉപഭോക്താക്കളും യഥാർത്ഥത്തിൽ ഡെലിവറി എടുത്തേക്കില്ല എന്നതുൾപ്പെടെയുള്ള ഒന്നിലധികം ഘടകങ്ങളെ ആശ്രയിച്ചിരിക്കുന്നു.

ടെസ്‌ല സൈബർട്രക്ക് 2019 അവസാനത്തോടെയാണ് ആഗോളതലത്തിൽ അരങ്ങേറ്റം കുറിച്ചത്, രണ്ട് വർഷത്തിന് ശേഷം ഇത് ഉപഭോക്താക്കൾക്ക് വിതരണം ചെയ്യുമെന്നായിരുന്നു നിർമ്മാതാക്കൾ അന്ന് വാഗ്ദാനം ചെയ്തിരുന്നത്, എന്നാൽ ലോകമെമ്പാടുമുള്ള വാഹന വ്യവസായത്തെ പിടിച്ചുകുലുക്കിയ ആരോഗ്യ പ്രതിസന്ധി ഉൾപ്പെടെ നിരവധി തടസ്സങ്ങൾ ബ്രാൻഡ് നേരിട്ടു. ഈ വർഷം മൂന്നാം പാദത്തിൽ ഡെലിവറികൾ ആരംഭിക്കുമെന്ന് പറഞ്ഞിരുന്നെങ്കിലും പ്രത്യക്ഷത്തിൽ അതും നടന്നില്ല.

ഡെലിവറിയ്ക്ക് മുന്നോടിയായി മാത്രമേ സൈബർട്രക്കിൻ്റെ വിലയും മറ്റ് വിവരങ്ങളും ബ്രാൻഡ് പുറത്ത് വിടുകയുളളു എന്നാണ് പ്രതീക്ഷിക്കുന്നത്. ടെസ്‌ല സൈബർട്രക്ക് ബുക്കിംഗ് ട്രാക്കർ നൽകുന്ന കണക്കനുസരിച്ച്, 48 ശതമാനം ബുക്കിംഗുകളും മിഡ് ലെവൽ ഡ്യുവൽ മോട്ടോർ വേരിയന്റിനും 44.5 ശതമാനം ട്രൈ-മോട്ടോർ വേരിയന്റിനും ബാക്കി 7.5 ശതമാനം എൻട്രി ലെവൽ സിംഗിൾ-മോട്ടോർ പതിപ്പിനുമാണ്. മാത്രമല്ല ഇവയിൽ, 74.3 ശതമാനം ബുക്കിംഗുകളിൽ ഫുൾ സെൽഫ് ഡ്രൈവിംഗ് ഓപ്ഷനുകളും ഉപഭോക്താക്കൾ ഉൾപ്പെടുത്തിയിട്ടുണ്ട് എന്നത് ശ്രദ്ധേയമാണ്.

ടെസ്‌ല സൈബർട്രക്കിന്റെ ക്യാബിനിൽ 17 ഇഞ്ച് ടച്ച്‌സ്‌ക്രീൻ സിസ്റ്റം അത് പോലെ തന്നെ പുതിയ യൂസർ ഇന്റർഫേസും ഒപ്പം ആറ് പേരെ ഉൾക്കൊള്ളാൻ സാധിക്കുന്ന ഇടവുമുണ്ട്. വെറും 2.9 സെക്കൻഡിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ ഇലക്ട്രിക് പിക്ക് അപ്പിന് കഴിയുമെന്ന് കമ്പനി അവകാശപ്പെടുന്നു.

കൂടാതെ സിംഗിൾ ചാർജിൽ 800 കിലോമീറ്റർ ഡ്രൈവിംഗ് റേഞ്ച് വാഹനം വാഗ്ദാനം ചെയ്യുമെന്നാണ് ടെസ്‌ല പറയുന്നത്. മാത്രമല്ല സൈബർട്രക്കിന് അഡാപ്റ്റീവ് എയർ സസ്‌പെൻഷനും ലഭിക്കുന്നതിനാൽ കൂടുതൽ സുഖപ്രദമായ ഒരു ഡ്രൈവ് വാഗ്ദാനം ചെയ്യും, അത് പോലെ തന്നെ വാഹനം നമ്മുടെ ഇഷ്ടത്തിനനുസരിച്ച് നാല് ഇഞ്ച് താഴ്ത്തുകയോ ഉയർത്തുകയോ ചെയ്യാം എന്നതും പ്രത്യേകം നോട്ട് ചെയ്യണം.

മോഡൽ S പ്ലെയ്‌ഡിന്റെ അതേ ട്രിപ്പിൾ മോട്ടോർ സജ്ജീകരണമാണ് സൈബർട്രക്ക് ഉപയോഗിക്കുക എന്നും ജൂലൈ പകുതി മുതൽ പ്രൊഡക്ഷൻ ഓപ്പറേഷനുകൾ നടന്നുകൊണ്ടിരിക്കുകയാണെന്നും റിപ്പോർട്ടുകൾ സൂചിപ്പിക്കുന്നു. ഈ വർഷം ഇതുവരെ മോഡൽ 3, മോഡൽ Y എന്നിവയുടെ 13 ലക്ഷം യൂണിറ്റുകളും മോഡൽ S, മോഡൽ Y എന്നിവയുടെ 44,000 യൂണിറ്റുകളും ടെസ്‌ല ഡെലിവർ ചെയ്തു.