ടെസ്‌ല ഒരു കില്ലാടി തന്നെ; ഒരു കാറിന് 40 സെക്കൻഡോ?

ടെസ്‌ല എന്ന കമ്പനി ഓട്ടോമോട്ടീവ് വ്യവസായത്തെ കൊടുങ്കാറ്റാണ് എന്ന് വേണം പറയാൻ. അവരുടെ എളുപ്പവും എന്നാൽ ഫ്യൂച്ചറിസ്റ്റിക്കുമായ ഡിസൈനുകൾ മുതൽ അവരുടെ മോഡേൺ ടെക്നോളജി വരെ, ടെസ്‌ല കാറുകൾ എന്നാൽ നൂതനവും പരിസ്ഥിതി സൗഹൃദവും ആയി മാറിയിരിക്കുകയാണ്. കമ്പനിയുടെ ഏറ്റവും ശ്രദ്ധേയമായ ഫാക്ടറികളിലൊന്നാണ് യു‌എസ്‌എയിലെ നെവാഡയിലുള്ള "ഗിഗാഫാക്‌ടറി".

അവിടെ ബാറ്ററി സെല്ലുകളും പാക്കുകളും വലിയ അളവിൽ നിർമ്മിക്കുന്നുണ്ട്. കൂടാതെ, ടെസ്‌ലയ്ക്ക് ചൈനയിലെ ഷാങ്ഹായിൽ ഒരു ഗിഗാഫാക്‌ടറി ഉണ്ട്, അത് ഏഷ്യൻ വിപണിയിൽ ഇലക്ട്രിക് കാറുകൾ നിർമ്മിക്കുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്. അവരുടെ ഏറ്റവും പുതിയ ജിഗാഫാക്‌ടറി, ജർമ്മനിയിലെ ബെർലിനിലാണ് സ്ഥിതി ചെയ്യുന്നത്.

അമേരിക്കൻ ഇലക്ട്രിക് കാർ കമ്പനിയുടെ പ്രധാന നിർമ്മാണ സൗകര്യങ്ങളിൽ ഒന്നാണ് ഷാങ്ഹായിലെ ഗിഗാഫാക്‌ടറി. ഒരു ട്വിറ്റർ വീഡിയോയിൽ കാണിച്ചിരിക്കുന്നതുപോലെ, ഈ ഫാക്ടറി ഓരോ 40 സെക്കൻഡിലും ഒരു പുതിയ മോഡൽ 3 അല്ലെങ്കിൽ മോഡൽ Y കാർ നിർമ്മിക്കുന്നുവെന്ന് അടുത്തിടെ അറിയിച്ചിരുന്നു. ഉൽപ്പാദന കേന്ദ്രത്തിൽ ടെസ്‌ലയുടെ വലിയ തോതിലുള്ളതും ഫലപ്രദവുമായ നിർമ്മാണ പ്രക്രിയ ഇതിലൂടെ മനസിലാക്കാൻ സാധിക്കുന്നത്.

ടെസ്‌ലയുടെ ഗിഗാഫാക്‌ടറി ഷാങ്ഹായ്‌യിൽ ഓരോ 40 സെക്കൻഡിലും ഒരു കാർ ഉൽപ്പാദിപ്പിക്കുന്നതിന്റെ ശ്രദ്ധേയമായ നിർമ്മാണ വേഗത ഈ വർഷം ആദ്യം ഫോർഡിന്റെ അവകാശവാദത്തെ പോലും മറികടക്കുന്നതാണ്. മിഷിഗണിലെ ഡിയർബോൺ ട്രക്ക് പ്ലാന്റിന് ഓരോ 49 സെക്കൻഡിലും ഒരു എഫ്-150 പിക്കപ്പ് ട്രക്ക് പുറത്തിറക്കാൻ കഴിയുമെന്നായിരുന്നു ഫോർഡ് അവകാശപ്പെട്ടിരുന്നത്.

വീഡിയോയിൽ, ഗിഗാ ഷാങ്ഹായിലെ പ്രൊഡക്ഷൻ ലൈനുകൾ എങ്ങനെയാണ് ഡബിൾ സ്റ്റാക്ക്ഡ് വർക്ക്ഷോപ്പുകൾ ഉപയോഗിച്ച് കാര്യക്ഷമമായി ക്രമീകരിച്ചിരിക്കുന്നതെന്ന് ഒരു തൊഴിലാളി വിശദീകരിക്കുന്നുണ്ട്. നിലവിൽ, ടെസ്‌ല അതിന്റെ ഏറ്റവും ജനപ്രിയവും താങ്ങാനാവുന്നതുമായ രണ്ട് മോഡലുകളായ മോഡൽ 3, മോഡൽ Y എന്നിവ ഈ ഗിഗാഫാക്‌ടറിയിലാണ് നിർമ്മിക്കുന്നത്.

കഴിഞ്ഞ കുറച്ച് മാസങ്ങളായി, ടെസ്‌ല സിഇഒ എലോൺ മസ്‌ക് ഉൽപ്പാദന സ്കെയിൽ വർദ്ധിപ്പിക്കുന്നതിൽ കാര്യമായ ഊന്നൽ നൽകിയതിൻ്റെ ഭാഗമായിട്ടാണ്, ഓരോ 40 സെക്കൻഡിലും ഒരു കാർ പുറത്തിറക്കുന്നത്. ഇത്ര വേഗത്തിൽ ഒരു കാർ നിർമിക്കാൻ സാധിക്കുക എന്നത് വാഹനവിപണിയിൽ കമ്പനിക്ക് നേടാൻ പറ്റുന്ന ഏര്റവും വലിയ നേട്ടം തന്നെയാണ്.

കഴിഞ്ഞ ദിവസമാണ് ടെസ്‌ല തങ്ങളുടെ കസ്റ്റമേഴ്സിൻ്റെ പരാതി പിൻവലിക്കാൻ ഒരു ടീമിനെ ഇറക്കി എന്ന വാർത്ത നമ്മൾ കൊടുത്തിരുന്നു. മോശം ഡ്രൈവിംഗ് റേഞ്ചിനെക്കുറിച്ച് പരാതിപ്പെടുന്ന ഉപഭോക്താക്കളെ തങ്ങളുടെ വാഹനങ്ങൾ സർവീസിനായി കൊണ്ടുവരുന്നതിൽ നിന്ന് തടയാൻ ടെസ്‌ല ജീവനക്കാർക്ക് നിർദ്ദേശം നൽകിയിട്ടുണ്ടെന്നാണ് അറിയുന്നത്. കഴിഞ്ഞ വേനൽക്കാലത്ത്, പരമാവധി ശ്രേണിയുമായി ബന്ധപ്പെട്ട അപ്പോയിന്റ്മെന്റുകൾ റദ്ദാക്കാൻ ലാസ് വെഗാസിൽ കമ്പനി ആരും അറിയാതെ ഒരു "ഡൈവേർഷൻ ടീം" സൃഷ്ടിച്ചിരുന്നു.

ടെസ്‌ല വർഷങ്ങൾക്ക് മുമ്പ് തങ്ങളുടെ വാഹനങ്ങളുടെ ഡ്രൈവിംഗ് ദൂരം പെരുപ്പിച്ചുകാട്ടാൻ തുടങ്ങിയെന്നാണ് റിപ്പോർട്ടുകൾ സൂചിപ്പിക്കുന്നത് അത് മാത്രമല്ല - കമ്പനിയുടെ റേഞ്ച്-എസ്റ്റിമേറ്റിംഗ് സോഫ്‌റ്റ്‌വെയറിൽ കൃത്രിമം കാണിച്ചിട്ടും ഉണ്ട് എന്നാണ് ഒരു സോഫ്റ്റുവെയർ വിദഗ്ദൻ അഭിപ്രായപ്പെട്ടത്. തുടർന്ന്, ബാറ്ററി അതിന്റെ പരമാവധി ചാർജിന്റെ 50% ത്തിൽ താഴെയാകുമ്പോൾ, അൽഗോരിതം ഡ്രൈവർമാർക്ക് അവരുടെ ശേഷിക്കുന്ന ഡ്രൈവിംഗ് റേഞ്ചിനായി കൂടുതൽ റിയലിസ്റ്റിക് പ്രൊജക്ഷനുകൾ കാണിക്കും.

ഇത്തരം പ്രവൃത്തികൾ ചെയ്യുന്നത് പുറത്തറിയുമ്പോൾ കമ്പനിയുടെ നിലനിൽപ്പിനെ തന്നെയാണ് അത് ബാധിക്കുന്നതെന്ന് ഓർക്കണം. അഡ്വാൻസ്ഡ് കെമിസ്ട്രി സെല്ലുകൾക്കുള്ള പി‌എൽ‌ഐ പോലുള്ള നിലവിലെ സ്കീമുകൾക്ക് കീഴിൽ കമ്പനിക്ക് ഇന്ത്യയിൽ അപേക്ഷിക്കാൻ സാധിക്കും. ബാറ്ററി സംഭരണത്തിനായി 18,100 കോടി രൂപയും, ഓട്ടോ-കോൺപോണന്റുകൾ അത് പോലെ തന്നെ ഡ്രോൺ സാങ്കേതിക വിദ്യകൾ എന്നിവയ്ക്കായി 26,058 കോടി രൂപയുടെ പിഎൽഐ സ്കീമും സർക്കാർ ഇതിനകം തന്നെ പ്രൊഡക്ഷൻ-ലിങ്ക്ഡ് ഇൻസെന്റീവ് സ്കീമുകളിൽ ഉൾപ്പെടുത്തിയിട്ടുണ്ട്.

വാണിജ്യ വ്യവസായ മന്ത്രാലയ ഉദ്യോഗസ്ഥരെ കാണാൻ ടെസ്‌ലയുടെ പ്രതിനിധികൾ കഴിഞ്ഞ മാസം രാജ്യം സന്ദർശിച്ചിരുന്നു. ഇന്ത്യയിൽ ഇലക്ട്രിക് വാഹനങ്ങളുടെ ഇറക്കുമതി തീരുവ കുറയ്ക്കണമെന്ന് അന്ന് ചർച്ചയിൽ പ്രതിനിധികൾ ആവശ്യപ്പെട്ടിരുന്നു. നിലവിൽ, പൂർണ്ണമായി നിർമ്മിച്ച യൂണിറ്റുകളായി ഇറക്കുമതി ചെയ്യുന്ന കാറുകൾക്ക് എഞ്ചിൻ വലുപ്പവും, ഇൻഷുറൻസ്, ചരക്ക് മൂല്യം എന്നിവയെല്ലാം കണക്കിലെടുത്ത് 60% മുതൽ 100% വരെ കസ്റ്റംസ് തീരുവയുണ്ട്.