ഷാർപ്പ് ലുക്കും മികച്ച മൈലേജുമായി വരുന്ന 2024 സ്വിഫ്റ്റിന്റെ കൂടുതൽ വിവരങ്ങളുമായി പുത്തൻ പരസ്യചിത്രം

ചില ഐക്കണിക് കാറുകൾ ഇന്ത്യൻ വാഹന വ്യവസായത്തെ പുനർനിർവചിച്ചിട്ടുണ്ട്, ഇന്ത്യയിലെ വാഹന രംഗം രൂപപ്പെടുത്തിയ സുപ്രധാന മോഡലുകളായിരുന്നു അവ. ഒന്നാം തലമുറ മാരുതി സുസുക്കി സ്വിഫ്റ്റ് അത്തരം വാഹനങ്ങളിലൊന്നായിരുന്നു എന്ന് നിസംശയം പറയാം. നിലവിൽ മൂന്നാം തലമുറയിലുള്ള സ്വിഫ്റ്റ് ഇന്ത്യയിലെ ഒരു ട്രെൻഡി കാർ തന്നെയാണ്.

നാലാം തലമുറ മോഡൽ ഉടൻ തന്നെ വിപണിയിൽ എത്തും, നമുക്ക് ഈ പുതിയ തലമുറയെ സൂക്ഷ്മമായി ഒന്നു നോക്കികളയാം. ഇന്ത്യയുടെ പ്രിയപ്പെട്ട ഹാച്ച്ബാക്ക് അകത്തും പുറത്തും ഒരു കാര്യമായ പുനർരൂപകൽപ്പനയോടെയാണ് വരുന്നത്. നാലാം തലമുറ മോഡലിൻ്റെ മൊത്തത്തിലുള്ള സിലൗട്ട് ഇപ്പോഴും ഒരു സ്വിഫ്റ്റ് ഷൈലിയിൽ തന്നെയാണ്. ജനങ്ങൾ മനസിലേറ്റിയ ബേസിക്ക് ഡിസൈനും സ്റ്റൈലിംഗും കമ്പനി വലിയ മാറ്റമില്ലാതെ നിലനിർത്തുന്നു.

അതേസമയം, പുതിയ മിനി കൺട്രിമാനിൽ നിന്ന് നിരവധി ഡിസൈൻ പ്രചോദനങ്ങൾ പുതിയ സ്വിഫ്റ്റിനുണ്ട് എന്നതും ശ്രദ്ധേയമാണ്. അല്പം പുനർരൂപകൽപ്പന ചെയ്തതും വലുതുമായ ഗ്രില്ല് അടങ്ങുന്ന ഒരു പുതിയ ഫ്രണ്ട് ഫാസിയ വാഹനത്തിനുണ്ട്. ഈ ഗ്രില്ലിന് ഒരു സ്‌പോർടി സറൗണ്ടും ലഭിക്കുന്നു, അത് കൂടുതൽ അഗ്രസ്സീവ്നെസ് നൽകുന്നു. ഹെഡ്‌ലൈറ്റുകൾക്ക് ഒരു പുതിയ എൽഇഡി DRL സിഗ്നേച്ചർ ലഭിക്കും.

മൂന്നാം തലമുറ സ്വിഫ്റ്റിൻ്റെ ഫ്രണ്ട് ബമ്പറിലെ പുഞ്ചിരി പോലുള്ള ഘടകം പുതിയ തലമുറയിൽ ഇല്ലാതെയാവുന്നു. പകരം ഫോഗ് ലൈറ്റുകൾക്കായി ക്ലീൻ ഡിംപിളുകൾ പോലെയുള്ള ഹൗസിംഗുകൾ ഉണ്ടാക്കുന്നു. ലോവർ ബമ്പറിലും ഒരു സിൽവർ ഘടകമുണ്ട്, അത് "ഫോക്സ് സ്കിഡ് പ്ലേറ്റുകൾ" എന്ന് കമ്പനി പരസ്യം ചെയ്യും. സൈഡ് പ്രൊഫൈലിൽ, നമുക്ക് പരമ്പരാഗത റിയർ ഡോർ ഹാൻഡിലുകളും പുതിയ അലോയി വീൽ ഡിസൈനും കാണാൻ കഴിയും.

പിൻഭാഗത്ത് ആവേശകരമായ ബ്ലാക്ക് എലമെന്റുകളുള്ള ഒരു സ്‌പോർട്ടി ബമ്പറും പുതിയ എൽഇഡി സിഗ്‌നേച്ചറുള്ള പുനർരൂപകൽപ്പന ചെയ്ത ടെയിൽ ലൈറ്റുകളും നമുക്ക് കാണാം. മൊത്തത്തിലുള്ള അപ്പീൽ ഇപ്പോൾ വളരെ ഷാർപ്പാണ് എന്നും മനസിലാക്കാം. അകത്ത്, പുതിയ സ്വിഫ്റ്റ് അതിൻ്റെ വലിയ സഹോദരങ്ങളായ ബലേനോ, ഫ്രോങ്ക്സ് എന്നിവയിൽ നിന്ന് ധാരാളം പ്രീമിയം ഘടകങ്ങളും പാർട്സുകളും കടമെടുക്കുന്നു. വാസ്തവത്തിൽ, ഈ ഘടകങ്ങളിൽ ഭൂരിഭാഗവും ബ്രെസ, ഗ്രാൻഡ് വിറ്റാര എന്നിവയുമായും പങ്കിടുന്നു എന്നതും ശ്രദ്ധേയമാണ്.

മൊത്തത്തിലുള്ള ഡാഷ്‌ബോർഡ് നിലവിലെ മൂന്നാം തലമുറ മോഡലിന് സമാനമാണ്. എന്നാൽ വയർലെസ് ആൻഡ്രോയിഡ് ഓട്ടോയും ആപ്പിൾ കാർപ്ലേയും അടങ്ങുന്ന 9.0 ഇഞ്ച് ഇൻഫോടെയിൻമെൻ്റ് സ്‌ക്രീൻ ഉൾക്കൊള്ളുന്ന തരത്തിലാണ് ഇത് പുനർരൂപകൽപ്പന ചെയ്തിരിക്കുന്നത്. അക്കാരണത്താൽ, സെൻട്രൽ എസി വെൻ്റുകൾ ഇപ്പോൾ വ്യത്യസ്തമാണ് എന്ന് കാണാൻ സാധിക്കും, കൂടാതെ ബലെനോയുടെ അതേ ടോഗിൾ സ്റ്റൈൽ ക്ലൈമറ്റ് കൺട്രോൾ പാനൽ കമ്പനി ഇതിൽ ആസൂത്രണം ചെയ്യുന്നു.

റീഡൗട്ടുകൾക്കായി ഇന്റഗ്രേറ്റഡ് ഡിസ്‌പ്ലേകളുള്ള ഓൾഡ് സ്‌പോർട്ടി റോട്ടറി ഡയലുകൾ ഇഷ്ടപ്പെടുന്നവരാണ് നിങ്ങളാണെങ്കിൽ, ഒരല്പം നിരാശനാകും. ആഗോള വിപണികളിൽ, ഇന്ത്യൻ സ്പെക്ക് മോഡലിന് ഉടനെ എങ്ങും ലഭിക്കാൻ സാധ്യതയില്ലാത്ത ഫീച്ചറുകളും കംഫർട്ടുകളും നിറഞ്ഞതാണ് നാലാം തലമുറ സുസുക്കി സ്വിഫ്റ്റ്. വെൻ്റിലേറ്റഡ് സീറ്റുകളും ഓട്ടോ ഹോൾഡ് ഫംഗ്‌ഷനോടുകൂടിയ ഇലക്ട്രോണിക് പാർക്കിംഗ് ബ്രേക്കുകളും ഇതിൽ ഉൾപ്പെടുന്നു.

കൂടാതെ, തെരഞ്ഞെടുത്ത വിപണികളിൽ സ്വിഫ്റ്റിനൊപ്പം AWD സജ്ജീകരണം സുസുക്കി വാഗ്ദാനം ചെയ്യുന്നു, കൂടാതെ മെച്ചപ്പെടുത്തിയ സുരക്ഷാ നിർദ്ദേശങ്ങളോടുകൂടിയ സമഗ്രമായ ADAS സ്യൂട്ടും വാഹനത്തിൽ ഉണ്ട്. ഇവ രണ്ടും ഇന്ത്യ സ്പെക്ക് മോഡലിൽ ഫീച്ചർ ചെയ്യാനുള്ള സാധ്യത കുറവാണ്. പുതിയ 1.2 ലിറ്റർ Z12 ത്രീ സിലിണ്ടർ പെട്രോൾ എഞ്ചിനാണ് ഇതിൻ്റെ സവിശേഷത. മെച്ചപ്പെട്ട മൈലേജിനായി ഭാവിയിൽ ഈ പവർട്രെയിനിൻ്റെ സ്ട്രോംഗ് ഹൈബ്രിഡ് പതിപ്പ് മാരുതി സുസുക്കി വാഗ്ദാനം ചെയ്തേക്കാം.