എസ്‌യുവി സെഗ്മെന്റ് തിരികെ പിടിക്കാൻ റെനോ; അപാര ലുക്കിൽ 2025 ഡസ്റ്റർ -സംഗതി ക്ലച്ച് പിടിക്കുമോ?

ഇന്ത്യൻ വാഹന വിപണിയിൽ കോംപാക്ട്, മിഡ് സൈസ് എസ്‌യുവികൾക്കായുള്ള വർധിച്ചുവരുന്ന ഡിമാൻഡിന് മറുപടിയായി, പുതിയ തലമുറ ഡസ്റ്ററിനെ അവതരിപ്പിക്കാൻ ഒരുങ്ങുകയാണ് റെനോ. രാജ്യം ആകാംക്ഷയോടെ കാത്തിരിക്കുന്ന ഈ മോഡലിൻ്റെ ആഗോളതല അരങ്ങേറ്റം കുറച്ച് മാസങ്ങൾക്ക് മുമ്പ് റെനോയുടെ ഉപസ്ഥാപനമായ ഡാസിയ ബ്രാൻഡിന് കീഴിലാണ് നടന്നത്.

ഇപ്പോൾ, ഈ ജനപ്രിയ മോഡലിൻ്റെ എക്സ്റ്റീരിയർ, ഇൻ്റീരിയർ മെച്ചപ്പെടുത്തലുകൾ വ്യക്തമായി കാണിക്കുന്ന റെനോ ബ്രാൻഡഡ് ഡസ്റ്ററിൻ്റെ ആദ്യ ചിത്രങ്ങൾ പുറത്തു വന്നിരിക്കുകയാണ്. പുതിയ റെനോ ഡസ്റ്ററിൻ്റെ എക്സ്റ്റീരിയർ ഡിസൈൻ ഡിസ്റ്റിംഗ്റ്റീവായ മാറ്റങ്ങൾ കാണിക്കുന്നു, പ്രത്യേകിച്ച് ഫ്രണ്ട് ഫാസിയയിൽ. പതിവ് റോംബസ് എംബ്ലത്തിന് പകരമായി റെനോ ബാഡ്‌ജിംഗ് കൊണ്ട് അലങ്കരിച്ച വളരെ റേഡിയേറ്റർ ഗ്രില്ലാണ് വാഹനത്തിനുള്ളത്.

ഈ സൗന്ദര്യവർധക മാറ്റങ്ങൾ ഉണ്ടായിരുന്നിട്ടും, 4343 mm നീളവും 2657 mm വീൽബേസുമുള്ള ഡസ്റ്ററിൻ്റെ അളവുകൾ മാറ്റമില്ലാതെ നിലകൊള്ളുന്നു. ഇൻ്റീരിയറിലേക്ക് നീങ്ങുമ്പോൾ, 2025 റെനോ ഡസ്റ്റർ അതിൻ്റെ റൊമാനിയൻ സഹോദരനായ ഡാസിയ ഡസ്റ്ററിനെ നന്നായി പ്രതിഫലിപ്പിക്കുന്നു, സ്റ്റിയറിംഗ് വീൽ എംബ്ലത്തിൽ മാത്രമാണ് ഇവയെ വേർതിരിച്ച് അറിയാവുന്നത്.

ടോപ്പ് സ്പെക്ക് ട്രിം ലെവലുകൾ ഒരു കട്ടിംഗ് എഡ്ജ് 7.0 ഇഞ്ച് വെർച്വൽ ഡാഷ്‌ബോർഡും 10.1 -ഇഞ്ച് ടച്ച്‌സ്‌ക്രീൻ മൾട്ടിമീഡിയ സിസ്റ്റവും അവതരിപ്പിക്കുന്നു, ഇത് ഫ്രണ്ട് പാനലിന് മുകളിൽ മനോഹരമായി സ്ഥാപിച്ചിരിക്കുന്നു. ടാബ്‌ലെറ്റിൻ്റെയും സെൻ്റർ കൺസോളിൻ്റെയും ഡ്രൈവർ സെന്റ്രിക്ക് ഓറിയൻ്റേഷൻ മൊത്തത്തിലുള്ള ഡ്രൈവിംഗ് എക്സ്പീരിയൻസ് വർധിപ്പിക്കുന്നു.

ലളിതമായ ലോ സ്പെക്ക് വേരിയൻ്റുകളുടെ ഇൻ്റീരിയർ ചിത്രങ്ങൾ ഇനിയും വെളിപ്പെടുത്തിയിട്ടില്ലെങ്കിലും, അടിസ്ഥാന മോഡലുകളിൽ അനലോഗ് ഇൻസ്ട്രമന്റേഷനും അടിസ്ഥാന സജ്ജീകരണവും ഉണ്ടായിരിക്കും എന്ന് പ്രതീക്ഷിക്കുന്നു. ഹുഡിൻ്റെ കീഴിൽ, 2025 റെനോ ഡസ്റ്റർ വൈവിധ്യമാർന്ന മുൻഗണനകൾ നിറവേറ്റുന്നതിനായി ഒട്ടനവധി എഞ്ചിൻ ഓപ്ഷനുകളാൽ സജ്ജീകരിച്ചിരിക്കുന്നു. ഗ്യാസൊലിനിൽ പ്രവർത്തിക്കുന്ന ത്രീ സിലിണ്ടർ 1.0 TCe എഞ്ചിൻ, 100 bhp പവർ നൽകുന്നു.

കൂടാതെ, 130 bhp കരുത്ത് ഉൽപ്പാദിപ്പിക്കുന്ന 1.2 TCe ഗ്യാസോലിൻ ടർബോ ത്രീ സിലിണ്ടർ എഞ്ചിനുള്ള ഒരു "മൈൽഡ്-ഹൈബ്രിഡ്" പതിപ്പും ഓൾ വീൽ ഡ്രൈവ് വാഗ്ദാനം ചെയ്യുന്ന 48 വോൾട്ട് സ്റ്റാർട്ടർ ജനറേറ്ററും ലഭ്യമാകും. ഡസ്റ്റർ മോഡൽ നിരയുടെ ഏറ്റവും മുകളിൽ e-ടെക് ഹൈബ്രിഡ് മോഡലാണ്, ഫോർ സിലിണ്ടർ 1.6 എഞ്ചിനും ഒരു ഇലക്ട്രിക് മോട്ടോറും ഇത് ഉൾക്കൊള്ളുന്നു, അതിൻ്റെ ഫലമായി 140 bhp മാക്സ് പവർ ഇത് പുറപ്പെടുവിക്കുന്നു.

യൂറോപ്പിനായുള്ള ഡാസിയ ഡസ്റ്റർ റൊമാനിയയിൽ നിർമ്മിക്കുമ്പോൾ, റെനോ ഡസ്റ്ററിൻ്റെ പ്രൊഡക്ഷൻ സൈറ്റ് തുർക്കിയിലാണ് എന്നത് ശ്രദ്ധേയമാണ്. രസകരമെന്നു പറയട്ടെ, ടർക്കിയിൽ, മുൻതലമുറ ഡസ്റ്റർ മോഡൽ ഡാസിയ ബ്രാൻഡിന് കീഴിലാണ് അവതരിപ്പിക്കുന്നത്, അതേസമയം പുതിയ തലമുറ മോഡൽ റെനോ ആയി വിപണിയിലെത്തും.

ഇന്ത്യൻ വിപണിയെ സംബന്ധിച്ചിടത്തോളം, റെനോ ഡസ്റ്റർ ചെന്നൈയിലെ റെനോ നിസാൻ പ്ലാൻ്റിലാവും നിർമ്മിക്കപ്പെടുന്നത്, വാഹനത്തിന്റെ ലോഞ്ച് അടുത്ത വർഷം, അതായത് 2025 രണ്ടാം പകുതിയിൽ നടക്കും എന്നാണ് പ്രതീക്ഷിക്കുന്നത്. തുർക്കിയിൽ, പുതിയ തലമുറ റെനോ ഡസ്റ്ററിൻ്റെ വിൽപ്പന ഈ വർഷം രണ്ടാം പാദത്തിൽ ആരംഭിക്കും.

അതേസമയം, പുതിയ ഡസ്റ്ററിൻ്റെ ഫൈവ് സീറ്റർ, സെവൻ സീറ്റർ വേരിയൻ്റുകളുടെ വരവ് ഇന്ത്യൻ ഉപഭോക്താക്കൾക്ക് ആകാംക്ഷയോടെ പ്രതീക്ഷിക്കാവുന്ന ഒന്നാണ്. ഹ്യുണ്ടായി ക്രെറ്റ, കിയ സെൽറ്റോസ് തുടങ്ങിയ സെഗ്‌മെൻ്റിലെ വളരെ സ്ഥാപിത മോഡലുകളുമായി മത്സരിക്കാൻ ഫൈവ് സീറ്റർ മോഡൽ ഒരുങ്ങുന്നു. മറുവശത്ത്, ഹ്യുണ്ടായി അൽകസാർ, ടാറ്റ സഫാരി, എംജി ഹെക്ടർ പ്ലസ് തുടങ്ങിയ എസ്‌യുവികൾക്കെതിരായ ശക്തമായ മത്സരാർത്ഥിയായി ഏഴ് സീറ്റർ ഡസ്റ്റർ വിൽപ്പനയ്ക്ക് എത്തും.