ലോറി വാങ്ങാൻ ആളില്ലെന്ന സങ്കടവുമായി അശോക് ലെയ്‌ലാൻഡ്, വിൽപ്പനയിൽ 9 ശതമാനം ഇടിവെന്ന് ബ്രാൻഡ്

പാസഞ്ചർ വാഹന വിപണിയിൽ വിൽപ്പന പൊടിപൊടിക്കുകയാണ്. എന്നാൽ വാണിജ്യ വാഹനങ്ങളുടെ കാര്യത്തിൽ സ്ഥിതി അൽപ്പം മോശമാണ്. ലോറിയെന്ന് പറയുമ്പോൾ എല്ലാവരുടേയും പ്രിയപ്പെട്ട ബ്രാൻഡാണ് അശോക് ലെയ്‌ലാൻഡ്. വാണിജ്യ വാഹന നിർമ്മാതാവും ഹിന്ദുജ ഗ്രൂപ്പിൻ്റെ മുൻനിര സ്ഥാപനവുമായ അശോക് ലെയ്‌ലാൻഡിൻ്റെ മൊത്തം വാഹന വിൽപ്പന ഒക്ടോബറിൽ 9 ശതമാനം ഇടിഞ്ഞ് 15,310 യൂണിറ്റായി എന്നാണ് ബ്രാൻഡ് പുറത്ത് വിട്ട റിപ്പോർട്ടുകൾ സൂചിപ്പിക്കുന്നത്.എന്നാൽ കഴിഞ്ഞ വർഷം ഇതേ കാലയളവിൽ 16,864 വാഹനങ്ങളാണ് കമ്പനി വിറ്റത്. കയറ്റുമതി ഉൾപ്പെടെയുള്ള മൊത്തം വിൽപ്പന മുൻ മാസം 9,408 വാഹനങ്ങളായിരുന്നു.

വാണിജ്യ വാഹന മേഖലയിലെ പ്രധാനിയായ അശോക് ലെയ്‌ലാൻഡ്, ബസുകൾ, ട്രക്കുകൾ, എഞ്ചിനുകൾ, പ്രതിരോധം, പ്രത്യേക വാഹനങ്ങൾ എന്നിവയെല്ലാം നിർമിക്കുന്നതിനൊപ്പം തന്നെ വ്യാപിച്ചുകിടക്കുന്ന ഉൽപ്പന്ന ശ്രേണിയിൽ വ്യാവസായിക, മറൈൻ ആപ്ലിക്കേഷനുകൾക്കായി എഞ്ചിനുകളും നിർമ്മിക്കുന്നുണ്ട്. 2025 സാമ്പത്തിക വർഷത്തിലെ ഒന്നാം പാദത്തിൽ കമ്പനിയുടെ ആദായം 8.7 ശതമാനം കുറഞ്ഞ് 525.58 കോടി രൂപയിൽ എത്തിയിരുന്നു.

അശോക് ലെയ്‌ലാൻഡിൻ്റെ മാറ്റവാത്തകളിലേക്ക് നോക്കിയാൽ ഈ വർഷമാദ്യമാണ് അശോക് ലെയ്‌ലാൻഡ് 24.95 കോടി രൂപ ടിവിഎസ് ട്രക്ക്‌സ് ആൻഡ് ബസ്സ് പ്രൈവറ്റ് ലിമിറ്റഡിൽ നിക്ഷേപിച്ച് 49.9 ശതമാനം ഓഹരിയുടമകൾ സ്വന്തമാക്കിയത്. ഓട്ടോമോട്ടീവ് ഡീലർഷിപ്പ് ബിസിനസിൽ സ്പെഷ്യലൈസ് ചെയ്ത TVS ട്രക്കുകൾ, 2023 ജൂൺ 13-ന് സംയോജിപ്പിച്ചതുമുതൽ ഇന്ത്യയിൽ അതിൻ്റെ സാന്നിധ്യം അതിവേഗം സ്ഥാപിച്ചു.

ടിവിഎസ് മൊബിലിറ്റി പ്രൈവറ്റ് ലിമിറ്റഡുമായുള്ള സംയുക്ത സംരംഭമാണ് ടിവിഎസ് ട്രക്കുകൾ, അവിടെ 50.1 ശതമാനം ഭൂരിഭാഗം ഓഹരികളും കൈവശമുണ്ട്, അതേസമയം അശോക് ലെയ്‌ലാൻഡിന് ഇപ്പോൾ 49.9 1 ശതമാനം ഓഹരിയുണ്ട്. അശോക് ലെയ്‌ലാൻഡ് വാണിജ്യ വാഹനങ്ങളുടെ അനുബന്ധ സ്ഥാപനമായ സ്വിച്ച് മൊബിലിറ്റിയും ഒരു ഇലക്ട്രിക് ലൈറ്റ് കൊമേഴ്‌സ്യൽ വാഹനങ്ങളുടെ IeV സീരീസ് ഇന്ത്യയിൽ പുറത്തിറക്കിയിരുന്നു.

ഇലക്ട്രിക് ബസ് നിർമാതാക്കളായാണ് സ്വിച്ച് മൊബിലിറ്റി പൊതുവേ രാജ്യത്ത് അറിയപ്പെടുന്നത്. എന്തായാലും ബ്രാൻഡിന്റെ പുതിയ പ്ലാറ്റ്‌ഫോമിനെ അടിസ്ഥാനമാക്കി കമ്പനി IeV3, IeV4 എന്നിങ്ങനെ രണ്ട് ലൈറ്റ് കൊമേഴ്‌സ്യൽ വാഹനങ്ങളാണ് രാജ്യത്തിനായി അവതരിപ്പിച്ചത്. IeV3, IeV4 എന്നിവയെക്കുറിച്ച് പറയുകയാണെങ്കിൽ ഡിസൈനിന്റെ കാര്യത്തിൽ ഇത് ICE അശോക് ലെയ്‌ലാൻഡ് ദോസ്ത്, ബഡാ ദോസ്ത് എന്നിവയോട് ഏതാണ്ട് സമാനമാണെന്ന് ആദ്യ കാഴ്ച്ചയിൽ മനസിലാവും.

330V ഹൈ-വോൾട്ടേജ് ഇവി ആർക്കിടെക്ച്ചറിനൊപ്പം ബോഡി-ഓൺ-ഫ്രെയിം നിർമാണത്തിലാണ് IeV3, IeV4 ഇലക്ട്രിക് കൊമേഴ്‌സ്യൽ വാഹനങ്ങളെ സ്വിച്ച് പണിതെടുത്തിരിക്കുന്നത്. ബോഡിക്ക് 9.7 അടി വരെ നീളമുള്ളപ്പോൾ 340 ക്യുബിക് അടി വരെ കണ്ടെയ്നറുകൾ സൂക്ഷിക്കാൻ കഴിയുമെന്നും കമ്പനി പറയുന്നു. ഇനി ഇന്റീരിയറിലേക്ക് വന്നാൽ രണ്ട് സീറ്റിംഗ് ലേഔട്ടുള്ള ഡ്യുവൽ ഡ്യുവൽ-ടോൺ ഡാഷ്‌ബോർഡ് eLCV മോഡലുകൾക്ക് ലഭിക്കുന്നത്.

ഇലക്ട്രിക് പവർ സ്റ്റിയറിംഗ്, ഹിൽ ഹോൾഡ് അസിസ്റ്റ്, സ്ലൈഡിംഗ് ആൻഡ് റിക്ലൈനിംഗ് ഡ്രൈവർ സീറ്റ്, മൊബൈൽ ചാർജിംഗിനായി രണ്ട് യുഎസ്ബി പോർട്ടുകൾ, ലോക്ക് ചെയ്യാവുന്ന ഗ്ലൗ ബോക്സ്, റിവേഴ്സ് പാർക്കിംഗ് സെൻസറുകൾ, ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എന്നീ ഫീച്ചറുകളോടെയാണ് വാഹനം വരുന്നത്. തീർന്നില്ല, വെഹിക്കിൾ ട്രാക്കിംഗ്, തത്സമയ വിവരങ്ങൾ, ജിയോ-ഫെൻസിംഗ്, ട്രിയോ ഹിസ്റ്ററി, മറ്റ് വിവിധ വിവരങ്ങൾ എന്നിവ ഉൾക്കൊള്ളുന്ന സ്വിച്ച് അയോൺ കണക്റ്റ് സാങ്കേതികവിദ്യയും eLCV ട്രക്കുകളിലുണ്ട്.

പവർട്രെയിനിനെയും ബാറ്ററി പായ്ക്കിന്റെും വിശാദാംശങ്ങളിലേക്ക് കടന്നാൽ IeV3 ഇലക്ട്രിക് കൊമേഴ്‌സ്യൽ പതിപ്പിന് 25.6 kWh LFP ബാറ്ററി പായ്ക്കാണ് തുടിപ്പേകുന്നത്. ഇത് ഒരു ഇലക്ട്രിക് മോട്ടോറുമായാണ് ജോടിയാക്കിയിരിക്കുന്നത്. അങ്ങനെ 40 kW ലീക്ക് പവറിൽ 190 Nm torque വരെ ഉത്പാദിപ്പിക്കാൻ ഈ മോഡലിന് സാധിക്കുമെന്നാണ് അശോക് ലെയ്‌ലാൻഡ് വാണിജ്യ വാഹനങ്ങളുടെ അനുബന്ധ സ്ഥാപനമായ സ്വിച്ച് മൊബിലിറ്റി അവകാശപ്പെടുന്നത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.