ഇവി എംപിവിയുടെ ബുക്കിങ്ങ് തുക 51000 രൂപ, ബിവൈഡിയുടെ ബ്യൂട്ടിയെ സ്വന്തമാക്കാൻ ചെയ്യേണ്ടത് ഇത്രമാത്രം

പുതിയ eMAX 7 MPV-യുടെ ബുക്കിംഗ് 2024 സെപ്റ്റംബർ 21 മുതൽ ബിവൈഡി ആരംഭിച്ചിരിക്കുകയാണ്. വാഹനം ബുക്ക് ചെയ്യുന്ന ആദ്യത്തെ 1,000 ഉപഭോക്താക്കൾക്ക് 51,000 രൂപ വരെ കിഴിവുകളും ആനുകൂല്യങ്ങളും കാർ നിർമ്മാതാവ് പ്രഖ്യാപിച്ചിട്ടുമുണ്ട്. ആദ്യത്തെ 1000 ഉപഭോക്താക്കൾക്കും കോംപ്ലിമെൻ്ററി ആയി 7kW, 3 kW ചാർജറുകൾ നൽകുമെന്നും കമ്പനി അറിയിച്ചിട്ടുണ്ട്. ഓഫറുകൾ പരിമിത കാലത്തേക്കാണെന്നും 2024 ഒക്ടോബർ 8-ന് മുമ്പ് വാഹനം ബുക്ക് ചെയ്യണമെന്നും 2025 മെയ് 25-നോ അതിന് മുമ്പോ ഡെലിവറി ചെയ്യുമെന്നാണ് കമ്പനി അധികൃതർ അറിയിച്ചിരിക്കുന്നത്. 51,000 രൂപയാണ് ബുക്കിംഗ് തുകയായി നിശ്ചയിച്ചിരിക്കുന്നത്.

EMAX 7 അടിസ്ഥാനപരമായി ഫേസ്‌ലിഫ്റ്റ് ചെയ്ത e6 MPV ആണ്, കൂടാതെ എക്സ്റ്റീരിയറിലേക്കുള്ള ഡിസൈൻ അപ്‌ഡേറ്റുകളും ക്യാബിനിലെ മാറ്റങ്ങളും ഉണ്ട്. പുറത്ത്, eMAX 7, MPV-യെക്കാൾ മൂർച്ചയുള്ളതായി തോന്നുന്നു, അത് സ്ലീക്കർ ഹെഡ്‌ലാമ്പുകൾ, പുതുക്കിയ ടെയിൽ ലൈറ്റുകൾ, പുതിയ ബമ്പറുകൾ എന്നിവ ഉപയോഗിച്ച് മാറ്റിസ്ഥാപിക്കുന്നു. പ്രൊഫൈൽ, അതേസമയം പഴയ e6-ൽ നിന്ന് മാറ്റമില്ല.

ഒക്‌ടോബർ എട്ടിന് ഓൾ-ഇലക്‌ട്രിക് ഇമാക്‌സ് 7 എംപിവി ഇന്ത്യയിൽ പുറത്തിറക്കുമെന്നാണ് കമ്പനി വ്യക്തമാക്കിയിരിക്കുന്നത്. ഇത് പ്രധാനമായും e6 എംപിവിയുടെ ഫെയ്‌സ്‌ലിഫ്റ്റ് പതിപ്പായിരിക്കും. ഹൈബ്രിഡ് മോഡലായ ടൊയോട്ട ഇന്നോവ ഹൈക്രോസുമായാവും BYD ഇമാക്‌സ് 7 മാറ്റുരയ്ക്കുക. ചൈനീസ് കമ്പനിയിൽ നിന്നുള്ള ആദ്യത്തെ മോഡലായിരുന്നു e6 എങ്കിലും തുടക്കകാലത്ത് ടാക്‌സിയായി മാത്രം വിറ്റിരുന്നത് ചെറിയ തിരിച്ചടിയായിരുന്നു.

ഡിസൈനിലേക്ക് നോക്കിയാൽ ഇമാക്‌സ് 7 നിലവിലെ e6 എംപിവിയുടെ അതേ അടിസ്ഥാന രൂപവും വലിപ്പവും തന്നെ നിലനിർത്തും. എന്നാൽ പുതുമ നൽകാനായി മുന്നിലും പിന്നിലും ശ്രദ്ധേയമായ ചില നവീകരണങ്ങളും ബിവൈഡി അവതരിപ്പിക്കും. കാറിന്റെ ഹെഡ്‌ലാമ്പുകൾക്ക് e6 മോഡലിന്റെ രൂപത്തിന് സമാനമായ ആകൃതിയുണ്ടെങ്കിലും ഇൻസൈഡുകൾ പരിഷ്‌ക്കരിച്ചാണ് മാറ്റം കൊണ്ടുവരാൻ ശ്രമിച്ചിരിക്കുന്നത്.

പുതിയ ലൈറ്റിംഗ് ഘടകങ്ങൾ അവതരിപ്പിക്കുന്നത് ഭാവം മാറാൻ സഹായിച്ചിട്ടുണ്ട്. ഇമാക്‌സ് 7 എംപിവിയുടെ മുൻവശത്തെ മറ്റ് മാറ്റങ്ങളിൽ പുതിയ ബമ്പർ, പുനർരൂപകൽപ്പന ചെയ്ത എയർ ഡാം, ക്രോം ഘടിപ്പിച്ച പുതിയ ഗ്രിൽ എന്നിവയെല്ലാം ഉൾപ്പെടുന്നുമുണ്ട്. പിൻഭാഗത്തേക്ക് വന്നാൽ ഇലക്ട്രിക് മൾട്ടി പർപ്പസ് വാഹനത്തിന് പുതിയ ടെയിൽ ലാമ്പുകളും ഒപ്പം നേർത്ത ലൈറ്റ് ബാറും ഒരു പുതിയ റിയർ ബമ്പറും കമ്പനി സമ്മാനിക്കും.

ബിവൈഡി e6 ഇവിയുടെ അതേ അടിസ്ഥാന രൂപം തന്നെയായിരിക്കും ഇമാക്‌സ് 7 എംപിവിയുടെ അകത്തളത്തിനും ഉണ്ടാവുക. പക്ഷേ വലിയ ടച്ച്‌സ്‌ക്രീനും പനോരമിക് സൺറൂഫും പോലുള്ള കുറച്ച് പുതിയ സവിശേഷതകളോടെ അകത്തെ കാഴ്ച്ചകൾ കിടിലമാക്കാൻ ബ്രാൻഡിനാവും. മൂന്ന് വരി ഇരിപ്പിടങ്ങൾ വാഗ്ദാനം ചെയ്യുന്ന സീറ്റിംഗ് ലേഔട്ടാവും ഏറ്റവും വലിയ മാറ്റമായി ചൂണ്ടിക്കാണിക്കാനാവുക.

ആറ് സീറ്റുകളിലും ഏഴ് സീറ്റുകളിലും ബിവൈഡി ഇമാക്‌സ് 7 വാഗ്ദാനം ചെയ്യുമെന്നാണ് പ്രതീക്ഷിക്കുന്നത്. പുതിയ ഇലക്ട്രിക് എംപിവിയിലെ ബാറ്ററി പായ്ക്കിനെ കുറിച്ചും റേഞ്ചിനെയും സംബന്ധിച്ച വിവരങ്ങളൊന്നും ചൈനീസ് വാഹന നിർമാതാക്കളായ ബിവൈഡി ഇതുവരെ പുറത്തുവിട്ടിട്ടില്ലെങ്കിലും e6 എംപിവിയിലെ അതേ 71.8 kWh ബാറ്ററി പായ്ക്ക് തന്നെയാവും പുത്തൻ മോഡലിലും തുടിപ്പേകാൻ എത്തുകയെന്നാണ് വിവരം.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.