വാഹന കയറ്റുമതിയിൽ ജപ്പാനെ തൂക്കിയത് ഈ രാജ്യമോ, നിങ്ങളുദ്ദേശിച്ചവർ തന്നെയാണോ എന്ന് അറിയണ്ടേ

വാഹന കയറ്റുമതിയിൽ കഴിഞ്ഞ വർഷം ലോകത്തിലെ ഏറ്റവും വലിയ വാഹന കയറ്റുമതിക്കാരായ ജപ്പാനെ ചൈന മറികടന്നിരിക്കുകയാണ്, ജപ്പാൻ്റെ 4.42 ദശലക്ഷവുമായി താരതമ്യം ചെയ്യുമ്പോൾ 4.91 ദശലക്ഷം വാഹനങ്ങളാണ് ചൈന കയറ്റുമതി ചെയ്തിരിക്കുന്നത്. ചൈനയുടെ കസ്റ്റംസ് ബ്യൂറോ ഇതിലും ഉയർന്ന സംഖ്യ 5.22 ദശലക്ഷമാണ് റിപ്പോർട്ട് ചെയ്തിരിക്കുന്നത്, വർഷത്തിൽ 57 ശതമാനത്തിൻ്റെ വർദ്ധനവാണ് വരുത്തിയിരിക്കുന്നത്.

ടൊയോട്ട ഉൾപ്പെടെയുള്ള ജാപ്പനീസ് വാഹന നിർമ്മാതാക്കൾ മറ്റ് രാജ്യങ്ങളിലും വാഹനങ്ങൾ നിർമ്മിക്കുന്നുണ്ട്. ജാപ്പനീസ് കമ്പനികൾ ഹൈബ്രിഡുകളിൽ ശ്രദ്ധ കേന്ദ്രീകരിച്ചപ്പോൾ ഇലക്ട്രിക് കാറുകളിലെ നിക്ഷേപം മൂലം ചൈനയുടെ ഓട്ടോ സെക്‌ടർ ഗണ്യമായ വളർച്ച കൈവരിച്ചിട്ടുണ്ട്. 2023ൽ 4.42 ദശലക്ഷം വാഹനങ്ങൾ ജപ്പാൻ കയറ്റി അയച്ചതായിട്ടാണ് കണക്കുകൾ വ്യക്തമാക്കുന്നത്.

ചൈന ഇതിനകം പ്രതിമാസ അടിസ്ഥാനത്തിൽ ജപ്പാനേക്കാൾ കൂടുതൽ വാഹനങ്ങൾ കയറ്റുമതി ചെയ്തിരുന്നു, എന്നാൽ കഴിഞ്ഞ ദിവസം പുറത്തു വന്ന ഡാറ്റ പ്രകാരം ഒരു വർഷം മുഴുവനും ഒന്നാം സ്ഥാനത്താണെന്ന് സ്ഥിരീകരിച്ചിട്ടുണ്ട്. ജാപ്പനീസ് കമ്പനികൾ കൂടുതൽ ജാഗ്രത പുലർത്തുന്ന പ്രദേശമായ ഇലക്ട്രിക് കാറുകളിലെ വൻതോതിലുള്ള നിക്ഷേപം കാരണം ചൈനയുടെ വാഹന മേഖല സമീപ വർഷങ്ങളിൽ വലിയ തോതിൽ കുതിച്ചുയർന്നിട്ടുണ്ട്.

വര്‍ഷങ്ങളായി ലോകത്തെ ഇലക്ട്രിക് വാഹന രംഗം ഭരിച്ച് കൊണ്ടിരിക്കുന്നത് ടെസ്‌ലയാണ്. ലോകത്തിലെ ഏറ്റവും വലിയ ഇവി വിപണികളായ അമേരിക്കയിലും ചൈനയിലും ടെസ്‌ലക്ക് ശക്തമായ സ്വാധീനമുണ്ട്. 2023 കലണ്ടര്‍ വര്‍ഷം അവസാനിച്ചതോടെ ഇപ്പോള്‍ വില്‍പ്പന റിപ്പോര്‍ട്ടുകളും പുറത്തുവന്നിരുന്നു. അത് പ്രകാരം 2023 കലണ്ടര്‍ വര്‍ഷത്തിന്റെ നാലാം പാദത്തില്‍ 4,84,507 വാഹനങ്ങളാണ് ടെസ്ല വിറ്റത്. എന്നാല്‍ ഇതേകാലയളവില്‍ 5,26,406 യൂണിറ്റ് ഇലക്ട്രിക് കാറുകള്‍ വിറ്റ് ചൈനീസ് ബ്രാന്‍ഡ് അമേരിക്കന്‍ ബ്രാന്‍ഡിനെ തറപറ്റിച്ചു.

ഇലക്ട്രിക് കാര്‍ മോഡലുകളുടെ മാത്രം വില്‍പ്പനയാണ് മുകളില്‍ സൂചിപ്പിച്ചത്. ഇത് കൂടാതെ 4 ലക്ഷത്തില്‍ പരം ഹൈബ്രിഡ് ഇലക്ട്രിക് കാറുകളും BYD 2023 അവസാന പാദത്തില്‍ ഷോറൂമില്‍ നിന്നിറക്കിയിട്ടുണ്ട്. ബാറ്ററി നിര്‍മ്മാണ കമ്പനിയായി 1995-ലാണ് BYD സ്ഥാപിതമായത്. 2003-ലാണ് BYD കാര്‍ നിര്‍മാണത്തിലേക്ക് കടന്നത്. ഇലക്ട്രിക്, ഹൈബ്രിഡ് മോഡലുകള്‍ വില്‍പ്പനക്കെത്തിക്കുന്ന BYD ചൈനയിലും തിരഞ്ഞെടുത്ത യൂറോപ്യന്‍ വിപണികളിലുമാണ് വാഹനങ്ങള്‍ വില്‍പ്പനക്കെത്തിക്കുന്നത്.

ഇന്ത്യയില്‍ രണ്ട് ഇവികള്‍ ചൈനീസ് കമ്പനി വില്‍ക്കുന്നു. ചൈനീസ് വിപണിയില്‍ ഇവികള്‍ക്കുള്ള ഡിമാന്‍ഡിനൊപ്പം സര്‍ക്കാറില്‍ നിന്നുള്ള പരിപൂര്‍ണ പിന്തുണയും കൂടിയയപ്പോള്‍ കമ്പനി വളര്‍ന്നു പന്തലിച്ചു. ടെസ്‌ലയുടെ സ്വന്തം മണ്ണായ യുഎസിലും വേരൂന്നാനുള്ള ശ്രമത്തിലാണ് BYD. അങ്ങനെ വന്നാല്‍ ടെസ്‌ലയെ ബഹുദൂരം പിന്നിലാക്കാന്‍ കമ്പനിക്ക് സാധിക്കും. തങ്ങള്‍ കാറുകള്‍ വില്‍ക്കുന്ന വിപണിയിലെല്ലാം മുമ്പന്‍മാരാകാന്‍ ടെസ്‌ലക്ക് സാധിച്ചിരുന്നു. വളരെ കുറച്ച് മാര്‍ക്കറ്റുകളില്‍ മാത്രമാണ് സാന്നിധ്യമുള്ളതെങ്കിലും അവിടങ്ങളിലെല്ലാം മുന്‍നിര ബ്രാന്‍ഡുകളെ പിന്നിലാക്കാന്‍ ടെസ്‌ലക്ക് സാധിച്ചിരുന്നു.

യുഎസ്, ചൈന, പശ്ചിമ യൂറോപ്പിലെ ചില രാജ്യങ്ങള്‍ എന്നിവിടങ്ങളിലാണ് ടെസ്‌ലക്ക് കാര്യമായ സ്വാധീനം. 2019-ല്‍ ടെസ്‌ല ചൈനയിലും പ്ലാന്റ് തുറന്നിരുന്നു. 2023 അവസാന പാദത്തില്‍ BYD-യുടെ പിന്നിലായിപ്പോയി എങ്കിലും ബാറ്റണ്‍ ഇപ്പോഴും ടെസ്‌ലയുടെ കൈയ്യിലാണ്. 2023-ലെ അവസാന പാദത്തില്‍ തന്നെ മുന്‍പാദത്തെ അപേക്ഷിച്ച് ടെസ്‌ലയുടെ വില്‍പ്പന മികച്ചതായിരുന്നു. മുന്‍ പാദത്തേക്കാള്‍ 11 ശതമാനമാണ് വളര്‍ച്ച.

2023-ല്‍ കമ്പനി ലോകമെമ്പാടും 18 ലക്ഷം യൂണിറ്റുകള്‍ വിതരണം ചെയ്തതായാണ് റിപ്പോര്‍ട്ടുകള്‍. മുന്‍വര്‍ഷം ടെസ്‌ലയുടെ ഡെലിവറി 16 ലക്ഷം യൂണിറ്റായിരുന്നു. വര്‍ധന 38 ശതമാനം. എതിരാളികളില്‍ നിന്ന് മത്സരം കടുത്തതിനാല്‍ എത്രകാലം ടെസ്‌ല സിംഹാസത്തില്‍ അജയ്യരായി ഇരിക്കുമെന്നത് ചോദ്യമാണ്. പുതിയ വെല്ലുവിളികള്‍ മറികടക്കുന്നതിനായി ടെസ്‌ല ഇന്ത്യയടക്കമുള്ള വിപണികളില്‍ പ്രവേശിക്കാനുള്ള ഒരുക്കത്തിലാണ്. ഈ വര്‍ഷം തന്നെ ടെസ്‌ലയുടെ ഇന്ത്യന്‍ എന്‍ട്രിയുണ്ടാകുമെന്നാണ് റിപ്പോര്‍ട്ടുകള്‍.

ഗുജറാത്തില്‍ ടെസ്‌ല പ്ലാന്റ് സ്ഥാപിക്കാന്‍ പോകുന്നതായും അതുസംബന്ധിച്ചുള്ള പ്രഖ്യാപനം അടുത്ത മാസങ്ങളില്‍ ഉണ്ടാകുമെന്നുമാണ് സൂചന. ഏതാനും വര്‍ഷങ്ങളായി ഇന്ത്യന്‍ മാര്‍ക്കറ്റില്‍ പ്രവേശിക്കാന്‍ ടെസ്‌ല ഊഴം കാത്തിരിക്കുകയാണ് ടെസ്‌ല. എന്നാല്‍ ഇന്ത്യയില്‍ കാര്‍ ഇറക്കുമതി തീരുവ വളരെ കൂടുതലായതിനാല്‍ വരവ് വൈകുകയാണ്. ഇന്ത്യയില്‍ പ്ലാന്റ് സ്ഥാപിച്ചാല്‍ നീക്കുപോക്കുകള്‍ക്ക് സര്‍ക്കാര്‍ തയാറാകുമെന്ന ഉറപ്പ് ലഭിച്ചാല്‍ ടെസ്‌ലയുടെ വരവ് വേഗത്തിലാകും.