ഫെറാറി വക തീപാറുന്ന മൂന്ന് മോഡലുകൾ, ഇറ്റാലിയൻ ബ്രാൻഡ് രണ്ടും കൽപ്പിച്ച് തന്നെ

ഇറ്റാലിയൻ വാഹന നിർമ്മാതാക്കളായ ഫെറാറി, 2024-ൽ മൂന്ന് പുതിയ മോഡലുകൾ അവതരിപ്പിക്കാനുള്ള പദ്ധതികൾ വെളിപ്പെടുത്തിയിരിക്കുകയാണ്. ബ്രാൻഡിൻ്റെ 2023-ലെ വിൽപ്പന കണക്ക് പ്രഖ്യാപനത്തിൻ്റെ ഭാഗമായിട്ടായിരുന്നു പുതിയ മോഡലുകൾ അവതരിപ്പിക്കുന്ന കാര്യം അറിയിച്ചത്. ഇറ്റാലിയൻ വമ്പൻമാർ 2023-ൽ റെക്കോർഡ് വിൽപ്പനയാണ് നടത്തിയത്, 2025 വരെ തങ്ങളുടെ മുഴുവൻ മോഡൽ ശ്രേണി അലോട്ട്‌മെൻ്റുകളും കണക്കിലെടുത്ത് 13,663 വാഹനങ്ങൾ വിതരണം ചെയ്തു.

ഏതൊക്കെ മോഡലുകൾ പ്രതീക്ഷിക്കാം എന്ന കാര്യത്തിൽ ഫെറാറി മുറുകെപ്പിടിക്കുന്നുണ്ടെങ്കിലും, ലാഫെറാറി ഹൈപ്പർകാറിൻ്റെ ഏറെ പ്രതീക്ഷയോടെ കാത്തിരിക്കുന്ന ഒരു കാറായിരിക്കും സാധ്യത. ഇലക്ട്രിക്കലും ടർബോചാർജിംഗിനും അനുകൂലമായി പുതിയ മുൻനിര മോഡൽ V12 എഞ്ചിൻ ഉപേക്ഷിക്കുമെന്നാണ് പ്രതീക്ഷിക്കുന്നത്.

റിപ്പോർട്ടുകൾ പ്രകാരം, ഫെറാറിയുടെ 499P എൻഡ്യൂറൻസ് റേസ് കാറിൽ ഉപയോഗിക്കുന്ന പവർട്രെയിനിന് സമാനമായ ടർബോചാർജ്ഡ് V6 എഞ്ചിനുമായി ജോടിയാക്കിയ ശക്തമായ ഹൈബ്രിഡ് സെറ്റ്-അപ്പ് പുതിയ ഹൈപ്പർകാർ ഉപയോഗിക്കാനാണ് സാധ്യതയെന്നാണ് റിപ്പോട്ടുകൾ പുറത്തുവരുന്നത്. 2024ൽ എത്താൻ സാധ്യതയുള്ള മറ്റൊരു മോഡൽ 812 സൂപ്പർഫാസ്റ്റിന് പകരമാണ്. കാറിൻ്റെ ടെസ്റ്റ്മ്യൂളുകൾ യൂറോപ്യൻ റോഡുകളിൽ വളരെക്കാലമായി കണ്ടുവരുന്നതാണ്.

കൂടാതെ കാർ V12 എഞ്ചിൻ നിലനിർത്തുമെന്ന് തന്നെയാണ് പ്രതീക്ഷിക്കുന്നത്. 812 സൂപ്പർഫാസ്റ്റിന് പകരക്കാരനെയും ഫെറാറി പരീക്ഷിക്കുന്നുണ്ട്. 2025-ൽ ആരംഭിക്കുന്ന ഫോർമുല 1 ടീമിനായി ലൂയിസ് ഹാമിൽട്ടണിൻ്റെ സേവനം ഉറപ്പാക്കിക്കൊണ്ട് ഫെറാറി അടുത്തിടെ മോട്ടോർസ്പോർട്സിൽ തരംഗമായി. ഫെറാറി വാഹനം ഇപ്പോൾ മലയാളികൾക്ക് കൂടുതൽ സുപരിചിതം ദുൽഖർ സൽമാൻ വാങ്ങിയ പുതിയ മോഡലിലൂടെയാണ്.

എലഗൻസും ടെക്നോളജിയും സമന്വയിക്കുന്ന ഒരു സൂപ്പർകാറാണ് 296 GTB. ഇലക്ട്രിക് മോട്ടോറുമായി കണക്ട് ചെയ്ത 3.0 ലിറ്റർ V6 എഞ്ചിനാണ് ഇതിന്റെ ഹൃദയം. ഹൈബ്രിഡ് പെട്രോൾ എഞ്ചിൻ മറ്റേതൊരു ഫെറാറിയെയും പോലെ തന്നെ പെർഫോമെൻസിനായി ട്യൂൺ ചെയ്തിരിക്കുന്നു. ഈ ഹൈബ്രിഡ് സജ്ജീകരണം 818 PS മാക്സ് പവർ പുറപ്പെടുവിക്കുന്നു.

ഇത് ഫെറാറി ഇതുവരെ നിർമ്മിച്ചതിൽ വച്ച് ഏറ്റവും ശക്തമായ V6 എഞ്ചിനാക്കി ഈ യൂണിറ്റിനെ മാറ്റുന്നു. ഫെറാറി 296 GTB -ക്ക് വെറും 2.9 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വരെ വേഗത കൈവരിക്കാൻ കഴിയും. കൂടാതെ മണിക്കൂറിൽ 330 കിലോമീറ്ററായി സൂപ്പർകാറിന്റെ പരമാവധി വേഗത പരിമിതപ്പെടുത്തിയിരിക്കുന്നു.

യാത്രക്കാർക്ക് പരമാവധി സൗകര്യവും കംഫർട്ടും പ്രദാനം ചെയ്യുന്നതിനായി പ്രീമിയം ലുക്കിംഗ് ക്യാബിനാണ് കാറിനുള്ളത്. ഡാഷ്‌ബോർഡിലും സീറ്റുകളിലും ഡോറുകളിലും ഉയർന്ന നിലവാരമുള്ള മെറ്റീരിയലുകളാണ് ഉപയോഗിച്ചിരിക്കുന്നത്. ഈ ഫെറാറിയിലെ സ്റ്റിയറിംഗ് വീൽ ഫോർമുല 1 മോഡലുകളിൽ നിന്ന് പ്രചോദനം ഉൾക്കൊണ്ടതാണ്, മാനെറ്റിനോ ഡയൽ ഉൾപ്പെടെ എല്ലാ അവശ്യ കൺട്രോളുകളോടും കൂടിയാണ് ഇത് വരുന്നത്.

സൂപ്പർകാറുകളുടെ രാജാവ് ഇലക്ട്രിക്കിലേക്ക് തിരിയുമ്പോൾ 2024 പകുതിയോടെ ഇവിയുടെ പ്ലാൻ്റിൻ്റെ നിർമാണം പൂർത്തിയാകുമെന്നാണ് വാഹനനിർമാതാക്കൾ അറിയിച്ചിരിക്കുന്നത്. ഫെറാറിയുടെ നിലവിലെ ഏറ്റവും പുതിയ എൻട്രി ലെവൽ മോഡലാണ് റോമ സ്പൈഡർ. 2010-ൽ നിർത്തലാക്കിയ ഫെറാറി F430 സ്‌പൈഡറിനു ശേഷം സോഫ്റ്റ് ടോപ്പുമായി എത്തുന്ന ഇറ്റാലിയൻ ബ്രാൻഡിന്റെ ആദ്യത്തെ വാഹനം കൂടിയാണിത്.

പൂർണമായും കാർബൺ ഫൈബർ ടബിലാണ് അത്യാഡംബര കാറിന്റെ നിർമാണവും കമ്പനി പൂർത്തിയാക്കിയിരിക്കുന്നത്. ചുരുക്കി പറഞ്ഞാൽ ഒരു കൺവേർട്ടബിൾ-കൂപ്പെ മോഡലായാണ് റോമ സ്പൈഡർ പണികഴിപ്പിച്ചിരിക്കുന്നത്. പുതിയ കൺവേർട്ടബിൾ പതിപ്പായ റോമ സ്പൈഡറിന് അതിന്റെ കൂപ്പെ സ്പോർട്‌സ് കാറിനേക്കാൾ 84 കിലോഗ്രാം ഭാരം കൂടുതലാണ് എന്നതും രസകരമായ കാര്യമാണ്. ഇതിന് കാരണം റൂഫ്-റിട്രാക്ഷൻ മെക്കാനിസം, വിൻഡ് ഡിഫ്‌ലെക്റ്റർ, പിൻ സീറ്റുകൾക്ക് ഇന്റഗ്രേറ്റഡ് ഹെഡ്‌റെസ്റ്റുകൾ എന്നിവ കൂട്ടിച്ചേർത്തതിനാലാണെന്നാണ് ഫെറാറി അവകാശപ്പെടുന്നത്.

1969-ൽ പുറത്തിറക്കിയ 365 GTS4 മോഡലിന് ശേഷം ഫെറാറിയുടെ ഫ്രണ്ട് എഞ്ചിനുള്ള ആദ്യത്തെ സോഫ്റ്റ് ടോപ്പ് വാഹനമാണ് റോമ സ്പൈഡർ എന്നതും ശ്രദ്ധേയമായ കാര്യമാണ്. അഞ്ച് പാളികളുള്ള ബെസ്പോക്ക് ഫാബ്രിക് ഉപയോഗിച്ചാണ് പുതിയ റോമ സ്പൈഡറിന്റെ റൂഫ് നിർമിച്ചിരിക്കുന്നത്. ഭാരം ലാഭിക്കുമ്പോൾ കൂപ്പെയുടെ ടിൻ ടോപ്പിന് സമാനമായ സൗണ്ട് ഇൻസുലേഷനും ഉണ്ട്. മണിക്കൂറിൽ 59 കിലോമീറ്റർ വേഗതയിൽ 13.5 സെക്കൻഡിനുള്ളിൽ ഇത് തുറക്കാനാകുമെന്നാണ് കമ്പനി പറയുന്നത്.