തീക്കട്ടയിലും ഉറുമ്പ് അരിക്കുന്നോ, നാല് ലക്ഷം വ്യാജ ഫെരാരി ഉൽപ്പന്നങ്ങൾ പിടിച്ചെടുത്ത് നശിപ്പിച്ചു

ലോകത്തെ പ്രശസ്താ വാഹന നിർമാതാക്കളാണ് ഫെരാരി. ലോകത്തെവിടെയും ഏറ്റവും കൂടുതൽ ആവശ്യപ്പെടുന്ന വാഹനങ്ങളിൽ ഒന്നാണ് ഫെരാരി സൂപ്പർകാറുകൾ. എന്നാൽ വിരലിലെണ്ണാവുന്നവർക്കു മാത്രമേ ഇത് വാങ്ങാൻ കഴിയു എന്നതാണ് സത്യം. വ്യാജ ഫെരാരി ഉഷപ്പന്നങ്ങളും ശേഖരിക്കാവുന്ന വസ്തുക്കളും ലോകത്തിൻ്റെ പല ഭാഗങ്ങളിലും വളരെ സാധാരണമായിരിക്കുന്നു, ഇതിനെതിരെ പ്രതിരോധ നടപടികൾ ആരംഭിക്കാൻ ഇറ്റാലിയൻ സൂപ്പർകാർ നിർമ്മാതാവ് ആരംഭിച്ചിരിക്കുകയാണ്. ഒരു സോഷ്യൽ മീഡിയ പ്ലാറ്റ്ഫോമിൽ പങ്കുവച്ച് പോസ്റ്റിൻ്റെ വിശദാംശങ്ങളിലേക്ക് നോക്കിയാൽ ഫെരാരി 2023 ൽ നാല് ലക്ഷത്തിലധികം വ്യാജ ഫെരാരി ബ്രാൻഡഡ് ഉൽപ്പന്നങ്ങളും ശേഖരിക്കാവുന്ന വസ്തുക്കളും പിടിച്ചെടുത്ത് നശിപ്പിക്കപ്പെട്ടുവെന്നാണ് അറിയിച്ചിരിക്കുന്നത്.

ഇതിൽ ഒരു ലക്ഷത്തിലധികം വസ്ത്രങ്ങൾ, 30,161 വ്യാജ പെർഫ്യൂമുകൾ, ഏകദേശം 91,000 വ്യാജ കണ്ണടകൾ, ഏകദേശം 61,000 വ്യാജ റിസ്റ്റ് വാച്ചുകൾ, 17,438 വ്യാജ ഷൂകൾ, 13,000 വ്യാജ ബെൽറ്റുകൾ, 872 വ്യാജ സ്കെയിൽ മോഡലുകൾ, കൂടാതെ 57,000 ലധികം വാലറ്റുകൾ എന്നിവ ഉൾപ്പെടുന്നു. എന്നാൽ അതിലും വലിയ തമാശ എന്താണെന്ന് വച്ചാൽ മൂന്ന് ഫെരാരി വ്യാജ കാറുകളും പിടിച്ചെടുത്ത് നശിപ്പിക്കുകയും ചെയ്തു എന്നതാണ്. എങ്ങനെയാണ് ഈ വ്യാജ കാറുകൾ കണ്ടെത്തിയത്, എവിടെ നിന്നാണ് പിടിച്ചെടുത്തത് എന്നതിനെ കുറിച്ച് കമ്പനി പുറത്ത് വിട്ടിട്ടില്ല.

ഫെരാരി 2024 വർഷത്തിൽ മൂന്ന് മോഡലുകളാണ് അവതരിപ്പിക്കാൻ പദ്ധതി ഇട്ടിരിക്കുന്നത്. ഏതൊക്കെ മോഡലുകൾ പ്രതീക്ഷിക്കാം എന്ന കാര്യത്തിൽ ഫെറാറി മുറുകെപ്പിടിക്കുന്നുണ്ടെങ്കിലും, ലാഫെറാറി ഹൈപ്പർകാറിൻ്റെ ഏറെ പ്രതീക്ഷയോടെ കാത്തിരിക്കുന്ന ഒരു കാറായിരിക്കും സാധ്യത. ഇലക്ട്രിക്കലും ടർബോചാർജിംഗിനും അനുകൂലമായി പുതിയ മുൻനിര മോഡൽ V12 എഞ്ചിൻ ഉപേക്ഷിക്കുമെന്നാണ് പ്രതീക്ഷിക്കുന്നത്.

റിപ്പോർട്ടുകൾ പ്രകാരം, ഫെറാറിയുടെ 499P എൻഡ്യൂറൻസ് റേസ് കാറിൽ ഉപയോഗിക്കുന്ന പവർട്രെയിനിന് സമാനമായ ടർബോചാർജ്ഡ് V6 എഞ്ചിനുമായി ജോടിയാക്കിയ ശക്തമായ ഹൈബ്രിഡ് സെറ്റ്-അപ്പ് പുതിയ ഹൈപ്പർകാർ ഉപയോഗിക്കാനാണ് സാധ്യതയെന്നാണ് റിപ്പോട്ടുകൾ പുറത്തുവരുന്നത്. 2024ൽ എത്താൻ സാധ്യതയുള്ള മറ്റൊരു മോഡൽ 812 സൂപ്പർഫാസ്റ്റിന് പകരമാണ്. കാറിൻ്റെ ടെസ്റ്റ്മ്യൂളുകൾ യൂറോപ്യൻ റോഡുകളിൽ വളരെക്കാലമായി കണ്ടുവരുന്നതാണ്.

കൂടാതെ കാർ V12 എഞ്ചിൻ നിലനിർത്തുമെന്ന് തന്നെയാണ് പ്രതീക്ഷിക്കുന്നത്. 812 സൂപ്പർഫാസ്റ്റിന് പകരക്കാരനെയും ഫെറാറി പരീക്ഷിക്കുന്നുണ്ട്. 2025-ൽ ആരംഭിക്കുന്ന ഫോർമുല 1 ടീമിനായി ലൂയിസ് ഹാമിൽട്ടണിൻ്റെ സേവനം ഉറപ്പാക്കിക്കൊണ്ട് ഫെറാറി അടുത്തിടെ മോട്ടോർസ്പോർട്സിൽ തരംഗമായി. ഫെറാറി വാഹനം ഇപ്പോൾ മലയാളികൾക്ക് കൂടുതൽ സുപരിചിതം ദുൽഖർ സൽമാൻ വാങ്ങിയ പുതിയ മോഡലിലൂടെയാണ്.

എലഗൻസും ടെക്നോളജിയും സമന്വയിക്കുന്ന ഒരു സൂപ്പർകാറാണ് 296 GTB. ഇലക്ട്രിക് മോട്ടോറുമായി കണക്ട് ചെയ്ത 3.0 ലിറ്റർ V6 എഞ്ചിനാണ് ഇതിന്റെ ഹൃദയം. ഹൈബ്രിഡ് പെട്രോൾ എഞ്ചിൻ മറ്റേതൊരു ഫെറാറിയെയും പോലെ തന്നെ പെർഫോമെൻസിനായി ട്യൂൺ ചെയ്തിരിക്കുന്നു. ഈ ഹൈബ്രിഡ് സജ്ജീകരണം 818 PS മാക്സ് പവർ പുറപ്പെടുവിക്കുന്നു.

സൂപ്പർകാറുകളുടെ രാജാവ് ഇലക്ട്രിക്കിലേക്ക് തിരിയുമ്പോൾ 2024 പകുതിയോടെ ഇവിയുടെ പ്ലാൻ്റിൻ്റെ നിർമാണം പൂർത്തിയാകുമെന്നാണ് വാഹനനിർമാതാക്കൾ അറിയിച്ചിരിക്കുന്നത്. ഫെറാറിയുടെ നിലവിലെ ഏറ്റവും പുതിയ എൻട്രി ലെവൽ മോഡലാണ് റോമ സ്പൈഡർ. 2010-ൽ നിർത്തലാക്കിയ ഫെറാറി F430 സ്‌പൈഡറിനു ശേഷം സോഫ്റ്റ് ടോപ്പുമായി എത്തുന്ന ഇറ്റാലിയൻ ബ്രാൻഡിന്റെ ആദ്യത്തെ വാഹനം കൂടിയാണിത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.