ഇതാണോ ജാഗ്വാറിന്റെ ഭാവി? പുത്തൻ വിഷൻ കൺസെപ്റ്റ് അവതരിപ്പിച്ച് ബ്രിട്ടീഷ് ബ്രാൻഡ്, എങ്ങനെയുണ്ട്?

ബ്രിട്ടീഷ് ആഡംബര കാർ നിർമ്മാതാക്കളായ ജാഗ്വാർ അടുത്തിടെ തങ്ങളുടെ പുതുതായി രൂപകൽപ്പന ചെയ്ത ലോഗോയും ഭാവിയിലേക്കുള്ള തങ്ങളുടെ പുതിയ ഐഡൻ്റിറ്റിയും വെളിപ്പെടുത്തിയിരുന്നു. ഈ വെളിപ്പെടുത്തൽ വളരെ ഒരു കോളിളക്കം തന്നെ സൃഷ്ടിച്ചു, കൂടാതെ കമ്പനിയ്ക്ക് ഓൺലൈനിലും ക്രൂരമായി പലവിധ ട്രോളുകളും ഏൽക്കേണ്ടി വന്നു. എന്നിരുന്നാലും, സ്വയം വീണ്ടെടുക്കാനുള്ള ശ്രമത്തിൽ, കമ്പനി അടുത്തിടെ തങ്ങളുടെ പുതിയ ഇലക്ട്രിക് വാഹനമായ ജാഗ്വാർ വിഷൻ ഡിസൈൻ കൺസെപ്റ്റിൻ്റെ ചിത്രങ്ങൾ പുറത്തുവിട്ടിരിക്കുകയാണ്. ഈ സ്പെഷ്യൽ മോഡലിന് സൂപ്പർ യുണീക്കായ ഷൂട്ടിംഗ് ബ്രേക്ക് ഡിസൈനാണ് ലഭിക്കുന്നത്; വളരെ ഫ്യൂച്ചറിസ്റ്റിക്കായി ഇത് കാണപ്പെടുന്നു.

എക്സ്റ്റീരിയർ: ആദ്യം, നമുക്ക് ജാഗ്വാർ വിഷൻ ഡിസൈൻ കോൺസെപ്റ്റിൻ്റെ എക്സ്റ്റീരിയർ രൂപകൽപ്പനയെക്കുറിച്ച് സംസാരിക്കുമ്പോൾ, ചിത്രങ്ങളിൽ നിന്ന്, ജാഗ്വാർ തങ്ങളുടെ ബ്രാൻഡ് ഐഡൻ്റിറ്റി മാത്രമല്ല, ഇതോടൊപ്പം ഡിസൈൻ ഫിലോസഫിയും പുനർരൂപകൽപ്പന ചെയ്തിട്ടുണ്ട് എന്ന് നമുക്ക് മനസിലാക്കാൻ കഴിയും. മുമ്പ് വളരെ പ്രചാരത്തിലുണ്ടായിരുന്ന കർവ്വി ഡിസൈൻ ശൈലിയ്ക്കും പകരമായി, ഇപ്പോൾ വളരെ ഷാർപ്പായ ഒരു ഡിസൈനാണ് നിർമ്മാതാക്കൾ ഉപയോഗിക്കുന്നത്.

മുൻവശത്ത്, വളരെ നേർത്ത എൽഇഡി ഹെഡ്‌ലൈറ്റുകളുമായി വരുന്ന വളരെ ക്ലീനായ ഒരു ഫാസിയ ലഭിക്കുന്നു. പുതിയ ജാഗ്വാർ ലെറ്ററിംഗ്/ ലോഗോ എന്നിവയ്‌ക്കൊപ്പം പുതിയ ബ്ലാങ്കഡ് -ഓഫ് ഗ്രില്ല് ഡിസൈനും കൺസെപ്റ്റ് കാർ അവതരിപ്പിക്കുന്നു. നമ്മൾ ഇത്രയും കാലം ഇഷ്ടപ്പെട്ടിരുന്ന പഴയ ജാഗ്വാർ ഫെയ്സിന്റെ ലോഗോ പൂർണ്ണമായും മാറിയിരിക്കുന്നു. ഈ വാഹനത്തിൻ്റെ ലോവർ സെക്ഷൻ നോക്കിയാലും, താഴെയും യൂണീക്ക് ഗോൾഡൻ ആക്‌സൻ്റുകളോട് കൂടിയ നേർത്ത എൽഇഡി DRL-കൾ ലഭിക്കുന്നു.

അടുത്തതായി സൈഡ് പ്രൊഫൈലിലേക്ക് നീങ്ങുമ്പോൾ, ജാഗ്വാർ വിഷൻ ഡിസൈൻ കൺസെപ്റ്റിന് ഷൂട്ടിംഗ് ബ്രേക്ക് റിയർ എൻഡ് വരുന്ന ഒരു ടു ഡോർ ശൈലിയിൽ എത്തുന്നു എന്ന് നമുക്ക് ശ്രദ്ധിക്കാം. ഗോൾഡൻ, ബ്ലാക്ക് ഡ്യുവൽ ടോൺ നിറങ്ങളിൽ പൂർത്തിയാക്കിയ കൂറ്റൻ എയറോഡൈനാമിക് അലോയി വീലുകളും പുത്തൻ ഇവിയ്ക്ക് ലഭിക്കുന്നു.

പരമ്പരാഗത ORVM -കൾക്ക് പകരം ക്യാമറകകളുടെ കൂട്ടിച്ചേർക്കലാണ് സൈഡ് പ്രൊഫൈലിൻ്റെ മറ്റൊരു പ്രധാന ഹൈലൈറ്റായി ചൂണ്ടിക്കാട്ടാവുന്നത്. വാഹനം ഓണായിരിക്കുമ്പോൾ തുറന്നു വരുന്ന ഒരു ഗോൾഡൻ ഡിസൈൻ എലമെൻ്റിന് പിന്നിലാണ് ഈ ക്യാമറകൾ സ്ഥാപിച്ചിരിക്കുന്നത്. ഇതൊരു മികവുറ്റ പ്രീമിയം ഫീച്ചറായി നമുക്ക് കണക്കാക്കാവുന്നതാണ്.

അടുത്തതായി, ഈ വാഹനത്തിൻ്റെ പിൻഭാഗത്തേക്ക് വരുമ്പോൾ, മുൻവശത്തെ അതേ ബ്ലാങ്ക്ഡ് ഓഫ് ഗ്രില്ല് ഡിസൈൻ പിൻഭാഗത്തും നിലനിർത്തിയിരിക്കുന്നത് ഒറ്റനോട്ടത്തിൽ ശ്രദ്ധിക്കാം. കൺസെപ്റ്റ് പതിപ്പിന് റിയർ ഗ്ലാസ് ലഭിച്ചിട്ടില്ല. എന്നിരുന്നാലും, മിക്കവാറും, പ്രൊഡക്ഷൻ സ്പെക്ക് മോഡൽ ഒരു റിയർ വിൻഡ്ഷീൽഡും ചെറുതായി പുനർരൂപകൽപ്പന ചെയ്ത ബമ്പറും നൽകും.

ഇൻ്റീരിയർ: വിഷൻ ഡിസൈൻ കോൺസെപ്റ്റിൻ്റെ ഇൻ്റീരിയയി, ജാഗ്വാർ വളരെ മിനിമലിസ്റ്റിക് ഡിസൈൻ തീമാണ് ഉപയോഗിച്ചിരിക്കുന്നത്. വാഹനത്തിനുള്ളിൽ സ്‌ക്രീനുകളോ ബട്ടണുകളോ പരമ്പരാഗത ഇൻസ്ട്രുമെൻ്റ് ഗേജ് ക്ലസ്റ്റർ പോലുമില്ല എന്നത് ശ്രദ്ധിക്കണം. ഇവയ്ക്ക് എല്ലാം പകരം, ഒരു ഫ്ലാറ്റ് സ്റ്റിയറിംഗ് വീൽ മാത്രമേയുള്ളൂ. മുഴുവൻ ഇൻ്റീരിയറിലും വുഡ് എലമെന്റുകളാൽ ആക്സൻ്റ് ചെയ്ത വെളുത്ത നിറത്തിലുള്ള ഷേഡിലാണ് പൂർത്തിയാക്കിയിരിക്കുന്നത്.

ഡ്രൈവറിനേയും പാസഞ്ചറിനെയും വേർതിരിക്കുന്ന ഒരു വലിയ സെപ്പറേഷൻ മധ്യഭാഗത്തുണ്ട്. നിലവിൽ വരാനിരിക്കുന്ന വാഹനത്തെക്കുറിച്ചുള്ള വിവരങ്ങൾ ഒന്നും ജാഗ്വാർ വെളിപ്പെടുത്തിയിട്ടില്ല. നമുക്ക് ഈ അവസരത്തിൽ അറിയാവുന്ന ഒരേയൊരു കാര്യം എന്നത് ഇതിന് ഒരു പൂർണ്ണ ഇലക്ട്രിക് പവർട്രെയിൻ ആണെന്ന് മാത്രമാണ്. നിലവിൽ, ഈ വാഹനത്തിൻ്റെ നിർമ്മാണംവും മറ്റ് ടെസ്റ്റുകളരും കമ്പനി യുകെയിൽ പരീക്ഷിച്ചു തുടങ്ങിയിട്ടുണ്ട്.