ജിംനിയെ തള്ളാനും കൊളളാനുമുളള കാരണങ്ങൾ എന്തൊക്കെയെന്ന് അറിയാമോ, ജിംനി വിട പറയുമോ?

ജിംനിയെ സംബന്ധിച്ചിടത്തോളം ഇപ്പോൾ വിൽപ്പനയിൽ പിന്നിലാണ് എങ്കിലും അവതരിപ്പിച്ച സമയത്ത് ജിപ്സിയുടെ പിൻഗാമിയായി എത്തിയപ്പോൾ വലിയ സ്വീകാര്യതയാണ് ലഭിച്ചത്. സാവധാനം വമ്പിച്ച കിഴിവുകൾ ലഭിക്കാൻ തുടങ്ങി, ഇപ്പോൾ, നിങ്ങൾക്ക് ഒരു നെക്സ ഷോറൂമിൽ കയറി പ്രാരംഭ എക്‌സ്-ഷോറൂം വിലയേക്കാൾ കുറഞ്ഞ ഓൺ-റോഡ് വിലയിൽ നിങ്ങൾക്ക് ഒരു ജിംനി സ്വന്തമാക്കാം. അതിനാൽ നിങ്ങൾ ഈ അവസരം പ്രയോജനപ്പെടുത്തി ജിംനിയെ സ്വന്തമാക്കണോ അതോ അതിൽ നിന്ന് മാറിനിൽക്കണോ എന്ന് ആലോചിക്കേണ്ടതുണ്ട്. എന്തുകൊണ്ട് നിങ്ങളൊരു ജിംനി വാങ്ങണം അല്ലെങ്കിൽ വാങ്ങേണ്ട എന്നതാണ് നിങ്ങളുമായി ഈ ലേഖനത്തിൽ പങ്കുവയ്ക്കാൻ പോകുന്നത്.

രാജ്യത്തുടനീളം 15 മുതൽ 16 ലക്ഷം രൂപ വരെയാണ് ജിംനി സീറ്റ ട്രിമ്മിൻ്റെ വില. കസ്റ്റമൈസേഷനുകളും അനുബന്ധ ആക്സസറികളും ഇല്ലാതെ ആൽഫ ട്രിം ഏകദേശം 17 ലക്ഷം മുതൽ 19 ലക്ഷം രൂപ വരെ റോഡിൽ എത്തിയിരുന്നത്. അത് പരിഹരിക്കാൻ, മാരുതി തണ്ടർ എഡിഷൻ അവതരിപ്പിച്ചു, ഇത് ട്രിമ്മുകളിലുടനീളം ഏകദേശം 2 ലക്ഷം രൂപയുടെ വില ആനുകൂല്യം വാഗ്ദാനം ചെയ്തു. എന്നിരുന്നാലും, ജിംനി ലൈനപ്പ് ഈ വർഷം എല്ലാ മാസവും സ്ഥിരമായ കിഴിവുകൾ കണ്ടിരുന്നു, ജൂലൈയിൽ ഇത് ഏകദേശം 3-3.5 ലക്ഷം രൂപ വരെയായി.

ഇപ്പോൾ ജിംനിയുടെ ഓഫ്-റോഡ് യോഗ്യതയെക്കുറിച്ച് ധാരാളം പറഞ്ഞു, അത് തികച്ചും കഴിവുള്ള ഒരു ഓഫ്-റോഡറാണെന്നതിൽ സംശയമില്ല. വലിയതും ആഡംബരപൂർണവും കഴിവുറ്റതുമായ ഒട്ടനവധി ഓഫ്‌റോഡറുകളുടെ കൂട്ടത്തിൽ നമ്മുക്ക് ജിംനിയെ കാണാം. എന്നിട്ടും ഒരിക്കൽ പോലും ജിംനി വെല്ലുവിളിയിൽ നിന്ന് പിന്മാറിയില്ല, വാസ്തവത്തിൽ, അതിൻ്റെ ചെറിയ അളവുകൾ പ്രതിബന്ധങ്ങളെ തരണം ചെയ്യാൻ സഹായിച്ചും എന്ന് വേണം പറയാൻ.

നേരത്തെ സൂചിപ്പിച്ചതുപോലെ, ഓഫ്-റോഡിംഗ് സമയത്ത് ജിംനി ഒരു മികച്ച ഉപകരണമാണ്. അതിൻ്റെ അളവ് അതിന് അനുകൂലമായി പ്രവർത്തിക്കുന്നു, മാത്രമല്ല അതിൻ്റെ പരുക്കൻ ആകർഷണവും ഓഫ്റോഡിൽ ഉപയോഗപ്രദമാണ്. എന്നാൽ ഒരു കാർ മാത്രമുളള ഉപഭോക്താക്കളെ സംബന്ധിച്ചിടത്തോളം ജിംനി ഒരു മികച്ച തെരഞ്ഞെടുപ്പായിരിക്കില്ല. ഈ വില വിഭാഗത്തിൽ ലഭ്യമായ മറ്റ് ചില കാറുകളെപ്പോലെ ക്യാബിൻ സുഖകരമല്ലാത്തതാണ് പ്രധാന കാരണം.

കൂടാതെ, ഇതൊരു യൂട്ടിലിറ്റേറിയൻ വാഹനമാണെങ്കിലും, ആ രീതിയിൽ രൂപകല്പന ചെയ്തിട്ടുണ്ടെങ്കിലും, ഹാർഡ് പ്ലാസ്റ്റിക് ഭാഗങ്ങളുടെ ഉപയോഗവും സോഫ്റ്റ് ടച്ച് മെറ്റീരിയലുകളുടെ അഭാവവും കണക്കിലെടുത്ത് ക്യാബിൻ മതിയായ പ്രീമിയമാണെന്ന് പലർക്കും തോന്നിയേക്കില്ല എന്നത് പ്രധാനപ്പെട്ട ഒരു കാര്യമാണ്. ഈ കാര്യങ്ങൾ ആധുനിക കാർ വാങ്ങുന്നവരെ ആകർഷിക്കാനിടയില്ല എന്നതാണ് സത്യം

പല എസ്‌യുവി വാങ്ങുന്നവരും വലിയ വലുപ്പം ആണ് കണക്കിലെടുക്കുന്നതെങ്കിൽജിംനി അങ്ങനെയുളളവരെ ആകർഷിക്കില്ല. വാഹനത്തിൻ്റെ എല്ലാ അളവുകളും ചെറുതാണ്. 2023 ജൂലൈയിൽ 3,778 യൂണിറ്റായിരുന്നു വിൽപ്പനയെങ്കിൽ ഒരു വർഷം തികയുന്നതിനു മുമ്പ് വിൽപ്പന കുത്തനെ കുറഞ്ഞു. പോയ 2024 മെയ് മാസം എസ്‌യുവിയുടെ വെറും 274 യൂണിറ്റുകൾ മാത്രമാണ് കമ്പനിക്ക് നിരത്തിലെത്തിക്കാനായത്.

നിലവിൽ മാരുതിയുടെ ഓഫ്-റോഡറിന് വില 12.74 ലക്ഷം മുതൽ 15 ലക്ഷം രൂപ വരെയാണ് എക്സ്ഷോറൂം വില വരുന്നത്. ഇതിൽ നിന്നും പൈസ കുറയുമ്പോൾ കൂടുതൽ ആളുകൾ തേടിയെത്തുമെന്ന് തന്നെ പ്രതീക്ഷിക്കാം. എങ്കിലും പ്രധാന എതിരാളിയായ മഹീന്ദ്രയുമായി താരതമ്യം ചെയ്യുമ്പോൾ റോഡ് പ്രസൻസില്ലാത്തതും ജിംനിയുടെ പോരായ്‌മയാണ്. മുടക്കുന്ന കാശിനുള്ള മുതലുണ്ടെന്നതിൽ തർക്കമൊന്നും ഇല്ലെന്നതാണ് സത്യം.

മാത്രമല്ല, ഥാറിനേക്കാൾ കൂടുതൽ പ്രാക്‌ടിക്കലായ ഫാമിലി സ്പോർട് യൂട്ടിലിറ്റി വാഹനമാണ് ജിംനി. മഹീന്ദ്ര ഥാറിനെ അപേക്ഷിച്ച് വാഹനത്തിന് അധിക നേട്ടമുണ്ട്. കാരണം ത്രീ-ഡോറുകൾക്ക് വിപരീതമായി ഫൈവ് ഡോറുകളുള്ളത് എന്തായാലും ശരിക്കും ഉപോയഗപ്രദമായ കാര്യമാണ്. പ്രത്യേകിച്ച് ഒരു ഫാമിലി എസ്‌യുവിയായി വാങ്ങാനും കൊണ്ടുനടക്കാനും സാധിക്കുകയും ചെയ്യും. ഇതോടൊപ്പം മാരുതി സുസുക്കിയുടെ വിപുലമായ ഡീലർ ശൃംഖലയും സമാനതകളില്ലാത്തതാണ്.