എസ്‌യുവി ആരാധകരേ ആഹ്ളാദിപ്പിൻ...കിടിലൻ മോഡലുകളുമായി ഫോക്‌സ്‌വാഗൺ

എസ്‌യുവികളുടെ കാര്യത്തിൽ ഒട്ടും പിന്നിലല്ല ജർമ്മൻ വാഹന നിർമാതാക്കളായ ഫോക്‌സ്‌വാഗൺ. കഴിഞ്ഞ വർഷം തങ്ങളുടെ ഹാച്ച്ബാക്ക് മോഡലുകൾ പിൻവലിച്ചതോടെ വിപണിയിൽ കാര്യമായി മുന്നേറ്റം നടത്തുന്നില്ല എങ്കിലും വരുന്ന വർഷം കൈനിറയെ മോഡലുകളുമായി വരികയാണ് ബ്രാൻഡ്. ഫോക്‌സ്‌വാഗണിൻ്റെ ഇന്ത്യയിലെ ആദ്യത്തെ ഇലക്ട്രിക് വാഹനമെന്ന രീതിയിൽ അവതരിപ്പിക്കാൻ ഒരുങ്ങുകയാണ് ID.4 ക്രോസ്ഓവർ. 2024 അവസാനത്തോടെ ഇത് ഇന്ത്യയിൽ അവതരിപ്പിക്കുമെന്നാണ് പ്രതീക്ഷിക്കുന്നു. ഇത് ഒരു CBU ആയി വിൽക്കാനാണ് പദ്ധതി. നിലവിൽ രാജ്യത്തെ 10 നഗരങ്ങളിൽ ഐഡി.4 അവതരിപ്പിക്കാനാണ് ഫോക്‌സ്‌വാഗൺ പദ്ധതിയിടുന്നത്.

ഫോക്‌സ്‌വാഗണിൻ്റെ സമർപ്പിത MEB ആർക്കിടെക്ചറിനെ അടിസ്ഥാനമാക്കിയുള്ളതാണ് ID.4. അന്താരാഷ്ട്രതലത്തിൽ, ക്രോസ്ഓവർ 52 kWh, 77 kWh ബാറ്ററി പാക്കുകളിൽ ലഭ്യമാണ്. ഫോക്‌സ്‌വാഗൺ വലിയ ബാറ്ററി പതിപ്പ് ഇന്ത്യൻ വിപണിയിൽ അവതരിപ്പിക്കുമെന്ന് പ്രതീക്ഷിക്കുന്നു. അടുത്തതായി വരാൻ പോകുന്നത് ഇടത്തരം എസ്‌യുവി സെഗ്മെൻ്റിലെ ടൈഗൂൺ ഫെയ്‌സ്‌ലിഫ്റ്റ് ആയിരിക്കും എത്തുക. അതിൻ്റെ എതിരാളികളുമായി താരതമ്യപ്പെടുത്തുമ്പോൾ, ടൈഗൂണിൻ്റെ ഫീച്ചറുകളുടെ കാര്യത്തിൽ കുറച്ച് പരിമിതികളുണ്ട്.

ഫെയ്‌സ്‌ലിഫ്റ്റ് എത്തുമ്പോൾ ഫോക്‌സ്‌വാഗൺ ഈ പ്രശ്‌നം പരിഹരിച്ചേക്കാനാണ് സാധ്യത. ഈ സെഗ്‌മെൻ്റിൽ സാധാരണമായിരിക്കുന്ന ലെവൽ 2 അഡാസ്, പനോരമിക് സൺറൂഫും പോലുള്ള കൂടുതൽ ഫീച്ചറുകളോടെ അപ്‌ഡേറ്റ് ചെയ്‌ത ടൈഗൂൺ വരുമെന്ന് തന്നെ പ്രതീക്ഷിക്കുന്നു. പുറമേയുള്ള ഡിസൈനിലും ചെറിയ മാറ്റങ്ങൾ ഞങ്ങൾ പ്രതീക്ഷിക്കുന്നു. ടൈഗൺ ഫെയ്‌സ്‌ലിഫ്റ്റ് 2026-ൻ്റെ തുടക്കത്തിൽ അവതരിപ്പിക്കുമെന്ന് ആണ് പ്രതീക്ഷിക്കുന്നു.

ടൈഗൂൺ പോലെ, വെർട്ടിസ് സെഡാനും ഒരു മുഖം മിനുക്കേണ്ടതുണ്ട്. ADAS, പനോരമിക് സൺറൂഫ് തുടങ്ങിയ പുതിയ ഫീച്ചറുകൾക്കൊപ്പം കോസ്‌മെറ്റിക് അപ്‌ഡേറ്റുകളും വെർട്ടിസിന് ലഭിക്കും എന്നാണ് റിപ്പോർട്ടുക. മെക്കാനിക്കലായി, 1.0-ലിറ്റർ TSI, 1.5-ലിറ്റർ TSI എഞ്ചിനുകൾ വാഗ്ദാനം ചെയ്യുന്ന സെഡാൻ അതേപടി നിലനിൽക്കും. Virtus ഫെയ്‌സ്‌ലിഫ്റ്റ് 2026-ൻ്റെ മധ്യത്തോടെ പുറത്തിറങ്ങുമെന്ന് തന്നെയാണ് പ്രതീക്ഷിക്കുന്നത്.

ടെയ്‌റോൺ എസ്‌യുവിയാണ് ഫോക്‌സ്‌വാഗണിൻ്റെ വരാനിരിക്കുന്ന അടുത്ത മോഡലായി പറയാൻ സാധിക്കുന്നത്. ടിഗുവാൻ Allspace-ന് പകരമായി അവതരിപ്പിക്കുന്ന 7 സീറ്റർ SUV ആണിത്. ഇത് ഒരു CKD ആയി ഓഫർ ചെയ്യാനാണ് പദ്ധതി, 2025 അവസാനത്തോടെ ലോഞ്ച് ചെയ്യുമെന്ന് പ്രതീക്ഷിക്കുന്നു. സ്‌കോഡ കൊഡിയാക്, ജീപ്പ് മെറിഡിയൻ എന്നിവയുമായി ടെയ്‌റോൺ മത്സരിക്കും. അന്താരാഷ്ട്ര തലത്തിൽ, എസ്‌യുവി വിവിധ എഞ്ചിൻ ഓപ്ഷനുകളിൽ ലഭ്യമാണ്, എന്നാൽ ഇന്ത്യൻ പതിപ്പിന് AWD സംവിധാനമുള്ള 2.0 ലിറ്റർ ടർബോ പെട്രോൾ എഞ്ചിനാണ് ലഭിക്കാൻ സാധ്യത.

ജര്‍മന്‍ ബ്രാന്‍ഡിന്റെ ഇന്ത്യ 2.0 സ്ട്രാറ്റജിക്ക് കീഴില്‍ വന്ന വെര്‍ട്ടിസ്, ടൈഗൂണ്‍ എന്നിവയുടെ അതേ MQB A0 IN പ്ലാറ്റ്ഫോമിനെ അടിസ്ഥാനമാക്കിയുള്ളതായിരിക്കും വരാന്‍ പോകുന്ന എസ്‌യുവി. സ്‌കോഡയുടെ സ്ലാവിയക്കും കുഷാഖിനും അടിവരയിടുന്നത് ഇതേ ആര്‍ക്കിടെക്ചറാണ്. സ്‌കോഡ ഇതിനകം തന്നെ ഭൂരിഭാഗം ജോലികളും ചെയ്തതിനാല്‍ എസ്‌യുവിയുടെ മൊത്തം വികസന ചെലവിന്റെ ഒരു ഭാഗം മാത്രമേ ഫോക്‌സ്‌വാഗണിന് ചെലവഴിക്കേണ്ടി വരികയുള്ളൂ.

എന്നിരുന്നാലും കൈലാക്കിന്റെ ഫോക്‌സ്‌വാഗണ്‍ പതിപ്പ് വികസിപ്പിക്കാന്‍ ബ്രാന്‍ഡ് 25 ദശലക്ഷം യൂറോ (ഏകദേശം 227.5 കോടി രൂപ) ചെലവഴിക്കേണ്ടി വരുമെന്നാണ് റിപ്പോര്‍ട്ടുകള്‍. ബ്രാന്‍ഡിന്റെ ഡിസൈന്‍ ഭാഷയുമായി യോജിക്കുന്ന പുതിയ ഗ്രില്‍, പുതിയ ഫ്രണ്ട്, റിയര്‍ ലൈറ്റുകള്‍, ബമ്പറുകള്‍, മറ്റ് കോസ്മറ്റിക് മാറ്റങ്ങള്‍ എന്നിവ മാറ്റങ്ങളില്‍ ഉള്‍പ്പെടും. കുഷാക്കിന്റെ ചെറിയ പതിപ്പ് പോലെയാണ് സ്‌കോഡ കൈലാക്ക് കാണപ്പെടുന്നത്.