ലുക്കിലും പവറിലും മാത്രമല്ല ഫീച്ചറുകളിലും ജിംനിയെ വെല്ലാൻ 5-ഡോർ ഥാർ

ഏറെ പ്രതീക്ഷയോടെ ഇന്ത്യൻ വിപണി കാത്തിരിക്കുന്ന മഹീന്ദ്ര ഥാർ 5-ഡോർ ഒടുവിൽ ഈ വർഷം വിൽപ്പനയ്‌ക്ക് എത്തും. ഥാർ ഫൈവ് ഡോറിന് ലോഞ്ച് ചെയ്യുമ്പോൾ "ഥാർ അർമാഡ" എന്ന നെയിംപ്ലേറ്റ് ലഭിക്കുമെന്നും ഞങ്ങൾ നേരത്തെ റിപ്പോർട്ട് ചെയ്തിരുന്നു. ഇതിനോടകം നിർമ്മാതാക്കൾ ഈ നെയിംപ്ലേറ്റ് ട്രേഡ്മാർക്ക് ചെയ്തിട്ടുണ്ട്.

ഈ പുതിയ എസ്‌യുവി രണ്ട് എക്സ്ട്ര ഡോറുകളുള്ള ഒരു സാധാരണ ഥാർ മാത്രമല്ല എന്നും ശ്രദ്ധിക്കേണ്ടതാണ്. പുതിയ സ്പൈ ഷോട്ടുകൾ, വരാനിരിക്കുന്ന ഥാർ ഫൈവ് ഡോറിൽ നമ്മൾ കാണാൻ പോകുന്ന മാറ്റങ്ങളുടെയും അധിക ഫീച്ചറുകളുടെയും ഒരു നീണ്ട ലിസ്റ്റ് തന്നെ വെളിപ്പെടുത്തുന്നു.

എക്സ്റ്റീരിയർ ഹൈലൈറ്റുകൾ: പുറത്ത്, ഥാർ ഫൈവ് ഡോറിന് പുതിയ ഗ്രില്ലും ബമ്പർ ഡിസൈനും, ഇന്റഗ്രേറ്റഡ് ഫോഗ് ലാമ്പുകളും ലഭിക്കും. ടോപ്പ് സ്പെക്ക് വകഭേദങ്ങൾക്ക് ഹെഡ്‌ലാമ്പുകൾ, മുൻ ഫെൻഡറുകളിലെ സൈഡ് ഇൻഡിക്കേറ്ററുകൾ, ഫോഗ് ലാമ്പുകൾ എന്നിവ ഉൾപ്പെടെ ഓൾ എൽഇഡി ലൈറ്റുകളും ലഭിക്കും.

ടെയിൽ ലാമ്പുകളും എൽഇഡി യൂണിറ്റുകളായിരിക്കും, ഥാർ ത്രീ ഡോറിൽ നിന്ന് അല്പം വ്യത്യസ്തമായിരിക്കും ഇത്. ടെസ്റ്റ് മോഡലുകൾ ശരിയായി മറച്ചിരിക്കുമ്പോഴും, തനതായ ശൈലിയിലുള്ള റിയർ ഡോർ ഹാൻഡിലുകളുടെയും റിയർ ക്വാർട്ടർ ഗ്ലാസിൻ്റെ ആകൃതിയുടെയും ഒരു സൂചന നമുക്ക് ലഭിക്കുന്നു, അത് ഥാർ ഇവി കൺസെപ്റ്റിനോട് സാമ്യമുള്ളതാണ്.

വീലുകൾക്കും ടയറുകൾക്കും ഉപഭോക്താക്കൾക്ക് ഒന്നിലധികം ചോയ്‌സുകൾ ഉണ്ടായിരിക്കും. മുൻനിര വകഭേദങ്ങൾക്ക് 19 -ഇഞ്ച് ഡയമണ്ട് കട്ട് അലോയികളും ചില മിഡ് സ്പെക്ക് വേരിയൻ്റുകളിൽ ലളിതമായി കാണപ്പെടുന്ന അലോയി വീലുകളും ലഭിക്കും. എൻട്രി ലെവൽ ട്രിമ്മുകൾക്ക് ഇവയ്ക്ക് പകരം സ്റ്റീൽ വീലുകൾ ലഭിക്കുമെന്ന് സോഴ്സുകൾ വ്യക്തമാക്കുന്നു.

കൂടാതെ, ഥാർ ഫൈവ് ഡോറിന് റിയർ വൈപ്പർ സജ്ജീകരണവും റിമോട്ട് ഫ്യൂവൽ ഫില്ലിംഗ് ക്യാപ് ഓപ്പണിംഗ് ഓപ്ഷനും ലഭിക്കും. ഇവ രണ്ടും ഥാർ ത്രീ ഡോറിൽ നഷ്‌ടമായതിനാൽ ഥാറിൻ്റെ ഫീച്ചർ ലിസ്റ്റിലേക്ക് ഇവ ഒരു വലിയ അഡീഷൻ തന്നെയാണ് എന്ന് നിസംശയം പറയാം.

ഇൻ്റീരിയർ ഹൈലൈറ്റുകൾ: അകത്തളത്തിൽ, ഥാർ ത്രീ ഡോറിനെ അപേക്ഷിച്ച് കുറച്ച് വ്യത്യാസങ്ങളും ആഡോണുകളും ഉണ്ട്. ഒന്നാമതായി, ഡാഷ്‌ബോർഡിന് വേരിയൻ്റിനെ ആശ്രയിച്ച് സിംഗിൾ ടോൺ, ഡ്യുവൽ ടോൺ ഓപ്ഷനുകൾ ഉണ്ടായിരിക്കും. പുതിയ ഥാർ ഫൈവ് ഡോറിൻ്റെ ഡാഷ്‌ബോർഡ് ഡിസൈൻ, പ്രത്യേകിച്ച് സെൻ്റർ കൺസോളിനായി, ഒരു വലിയ ഇൻഫോടെയിൻമെൻ്റ് സ്‌ക്രീൻ ഉൾക്കൊള്ളുന്നതിനായി കുറച്ച് ട്വീക്ക് ചെയ്‌തിരിക്കുന്നു.

സ്‌ക്രീനുകളെക്കുറിച്ച് പറയുകയാണെങ്കിൽ, ഥാർ ഫൈവ് ഡോറിന് 10.25 ഇഞ്ച് വലിപ്പമുള്ള രണ്ട് പൂർണ്ണ ഡിജിറ്റൽ സ്‌ക്രീനുകൾ ലഭിക്കും, ഇവയിൽ ഒന്ന് ഇൻഫോടെയിൻമെൻ്റിനും മറ്റൊന്ന് ഇൻസ്ട്രുമെൻ്റേഷൻ ഡ്യൂട്ടിക്കുമായി. ഇൻഫോടെയിൻമെൻ്റ് സ്‌ക്രീൻ വരാനിരിക്കുന്ന XUV300 ഫെയ്‌സ്‌ലിഫ്റ്റിൽ ഡ്യൂട്ടി ചെയ്യുന്നതിന് സമാനമാണെന്ന് തോന്നുന്നു, അതേസമയം ഇൻസ്ട്രുമെൻ്റ് ക്ലസ്റ്റർ ഞങ്ങൾ ഇതിനകം XUV700 -ൽ കണ്ടതായി തോന്നുന്നു.

പുഷ് ബട്ടൺ സ്റ്റാർട്ട്, ഫ്രണ്ട് & റിയർ സെൻ്റർ ആംറെസ്റ്റുകൾ, ലെതറെറ്റ് സീറ്റ് അപ്ഹോൾസ്റ്ററി, സൺറൂഫ്, പിൻ എസി വെൻ്റുകൾ എന്നിവയും മറ്റ് ക്രീച്ചർ കംഫർട്ടുകൾക്കൊപ്പം ഥാർ ഫൈവ് ഡോറിലെ എക്സ്ട്ര ഫീച്ചറുകളിൽ ഉൾപ്പെടുന്നു. ഥാർ ഫൈവ് ഡോർ ത്രീ ഡോർ ഥാർ പോലെ ഫൈവ് സീറ്റ് മോഡലായി തന്നെ തുടരും, ഥാർ ഫൈവ് ഡോറിന് മൂന്നാം നിര സീറ്റുകൾ ലഭിക്കുന്നതിനെക്കുറിച്ച് വാർത്തകളൊന്നുമില്ല.

സുരക്ഷാ സവിശേഷതകൾ: ഥാർ ത്രീ ഡോറിന് ഡ്യുവൽ ഫ്രണ്ട് എയർബാഗുകളും പിന്നിൽ ഡ്രം ബ്രേക്കുകളും ലഭിക്കുന്നു, എന്നിരുന്നാലും, മഹീന്ദ്ര ഥാർ ഫൈവ് ഡോറിൽ ആറ് എയർബാഗുകളും റിയർ വീൽ ഡിസ്ക് ബ്രേക്കുകളും സജ്ജീകരിക്കും. വാഹനത്തിന് ഫ്രണ്ട് പാർക്കിംഗ് സെൻസറുകളും ഡാഷ്‌ക്യാമും ലഭിക്കും. ADAS -ൻ്റെ സ്ഥിരീകരണമോ ഥാർ ഫൈവ് ഡോറിനായി 360 -ഡിഗ്രി ക്യാമറ സജ്ജീകരണമോ ഇല്ല എന്നതും ശ്രദ്ധേയമാണ്.

പ്ലാറ്റ്ഫോം, സസ്‌പെൻഷൻ, പവർട്രെയിനുകൾ: സ്‌കോർപിയോ N -ൽ നിന്നുള്ള സമാനമായ ലാഡർ ഫ്രെയിം ഷാസിയിൽ ഥാർ ഫൈവ് ഡോർ സജ്ജീകരിക്കും, അതായത് ഥാർ ഫൈവ് ഡോറിൻ്റെ വീൽബേസ് സ്കോർപിയോയ്ക്ക് സമാനമായിരിക്കാം. കൂടാതെ, ഥാർ ഫൈവ് ഡോറിലെ സസ്പെൻഷൻ സജ്ജീകരണം സ്കോർപ്പിയോ N -ൽ കാണുന്നതിന് സമാനമാണെന്ന് തോന്നുന്നു. ഇതിനർത്ഥം, വാഹനത്തിന് ഫൈവ് -ലിങ്ക് സസ്‌പെൻഷൻ സജ്ജീകരണവും ഫോർഡ് എൻഡവർ പോലെയുള്ള വാട്ടിൻ്റെ ലിങ്കേജും ലഭിക്കുമെന്നാണ്.

2.0 ലിറ്റർ ടർബോ പെട്രോൾ, 2.2 ലിറ്റർ ടർബോ ഡീസൽ, സ്കോർപിയോ N -ൻ്റെ അതേ എഞ്ചിൻ ഓപ്ഷനുകൾ ഥാർ ഫൈവ് ഡോറിന് ലഭിക്കുമെന്ന് പ്രതീക്ഷിക്കുന്നു. വിശാലമായ ഉപഭോക്താക്കളെ ആകർഷിക്കുന്നതിനായി മഹീന്ദ്ര ഥാർ ഫൈവ് ഡോറിൽ 4WD, 2WD ഓപ്ഷനുകൾ അവതരിപ്പിക്കും എന്ന് പ്രതീക്ഷിക്കാം.

ലോഞ്ച് ടൈംലൈനും, പ്രതീക്ഷിക്കുന്ന വിലകളും: 2024 മധ്യത്തോടെ ഥാർ ഫൈവ് ഡോർ ലോഞ്ച് ഉണ്ടാവുമെന്ന് ഔദ്യോഗിക വൃത്തങ്ങൾ വ്യക്തമാക്കുന്നു, ഫെബ്രുവരിയിൽ വിൽപ്പനയ്‌ക്കെത്തുന്ന അപ്‌ഡേറ്റ് ചെയ്ത XUV300 -ക്ക് ശേഷമുള്ള മഹീന്ദ്രയുടെ അടുത്ത വലിയ ലോഞ്ചാണിത്. വിലനിർണ്ണയത്തെ സംബന്ധിച്ചിടത്തോളം, സ്കോർപിയോ N -നേക്കാൾ അല്പം ഉയർന്ന വിലയിൽ ഥാർ ഫൈവ് ഡോറിന്റെ വിലകൾ ആരംഭിക്കുമെന്ന് ഞങ്ങൾ പ്രതീക്ഷിക്കുന്നു.