ഇനി കൈവിട്ട് കളിക്കാൻ പോകുന്നത് ഗ്രാൻഡ് വിറ്റാരയിലാണോ, അഡാസ് ഫീച്ചർ അവതരിപ്പിക്കാനൊരുങ്ങി ബ്രാൻഡ്

മാരുതി സുസുക്കി തങ്ങളുടെ കാറുകളിൽ അഡാസ് അവതരിപ്പിക്കാൻ ഒരുങ്ങുകയാണ് എന്ന വാർത്തകൾ പുറത്ത് വരികയാണ്. അഡാസ് ലഭിക്കുന്ന ആദ്യ മാരുതി കാർ ഗ്രാൻഡ് വിറ്റാരയായിരിക്കും എന്ന പ്രത്യേകതയുമുണ്ട്. 2024 അവസാനത്തോടെ പുതിയ ഫീച്ചർ അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്. മനേസറിലെ മാരുതിയുടെ ടെസ്റ്റ് ഫെസിലിറ്റിയിൽ അഡാസ് സിസ്റ്റം പരീക്ഷിക്കുന്നതിനായി ഇൻ്റർനാഷണൽ സെൻ്റർ ഫോർ ഓട്ടോമോട്ടീവ് ടെക്നോളജിയുമായി മാരുതി ഇതിനകം ചർച്ചകൾ നടത്തിവരികയാണ്.

ഈ വർഷം അവസാനത്തോടെ അഡാസ് സജ്ജീകരിച്ച ഗ്രാൻഡ് വിറ്റാര പുറത്തിറക്കാൻ മാരുതി സുസുക്കി പദ്ധതിയിട്ടിരുന്നതായി കമ്പനി അറിയിച്ചിട്ടുണ്ട്. ഗ്രാൻഡ് വിറ്റാരയ്ക്ക് സമാനമായ ടൈംലൈനിൽ ഹൈറൈഡറിനും അഡാസ് ലഭിക്കുമെന്നാണ് പ്രതീക്ഷിക്കുന്നു. സ്മാർട്ട് ഹൈബ്രിഡ്, സ്ട്രോങ്ങ് ഹൈബ്രിഡ് വേരിയൻ്റുകളുടെ നിലവിലെ ടോപ്പ് എൻഡ് ട്രിമ്മുകളേക്കാൾ 50,000 രൂപ മുതൽ 70,000 രൂപ വരെ വില കൂടുതലാണ് ADAS-ന് പ്രതീക്ഷിക്കുന്നത്.

മാരുതി സുസുക്കി ഗ്രാൻഡ് വിറ്റാര എസ്‌യുവി സ്ട്രോംഗ്-ഹൈബ്രിഡ് വേരിയന്റുകൾക്ക് പുതുക്കിയ വില വർധനവിന് ശേഷം 18.29 ലക്ഷം മുതൽ 19.79 ലക്ഷം രൂപ വരെയാണ് എക്സ്ഷോറൂം വില നൽകേണ്ടത്. കഴിഞ്ഞ വർഷം സെപ്റ്റംബറിലാണ് മാരുതി സുസുക്കി ഗ്രാൻഡ് വിറ്റാര എസ്‌യുവിയെ ഇന്ത്യക്കായി സമർപ്പിക്കുന്നത്. മൈൽഡ് ഹൈബ്രിഡ്, സ്ട്രോംഗ് ഹൈബ്രിഡ് എന്നിങ്ങനെ രണ്ട് പതിപ്പുകളിലാണ് വാഹനത്തെ പരിചയപ്പെടുത്തിയത്.

കൂടാതെ ഫോർ വീൽ ഡ്രൈവ് ഓപ്ഷനുകളും സി‌എൻ‌ജി കിറ്റും വാഗ്ദാനം ചെയ്യുന്ന സെഗ്‌മെന്റിലെ ആദ്യത്തെ എസ്‌യുവികളിൽ ഒന്നാണിത് എന്നതും വലിയൊരു ഹൈലൈറ്റാണ്. 10.70 ലക്ഷം മുതൽ 17.07 ലക്ഷം രൂപ വരെയാണ് ഗ്രാൻഡ് വിറ്റാര മൈൽഡ് ഹൈബ്രിഡ് വേരിയന്റുകൾക്ക് വില വരുന്നത്. മാരുതിയുടെ പുതിയ തലമുറ K-സീരീസ് 1.5 ലിറ്റർ, ഡ്യുവൽ ജെറ്റ്, ഡ്യുവൽ വിവിടി പെട്രോൾ എഞ്ചിൻ ഗ്രാൻഡ് വിറ്റാരയിലെ മൈൽഡ് ഹൈബ്രിഡ് വേരിയന്റുകളിൽ സജ്ജീകരിച്ചിരിക്കുന്നത്.

അഞ്ച് സ്പീഡ് മാനുവൽ അല്ലെങ്കിൽ ആറ് സ്പീഡ് ഓട്ടോമാറ്റിക് ട്രാൻസ്മിഷനുമായാണ് ജോടിയാക്കിയിരിക്കുന്ന ഇതിന് 101 bhp കരുത്തിൽ 136 Nm torque വരെ ഉത്പാദിപ്പിക്കാൻ കഴിയും. മൈല്‍ഡ് ഹൈബ്രിഡ് പവര്‍ട്രെയിന്‍ ഗ്രാന്‍ഡ് വിറ്റാരയുടെ ഉടമകള്‍ക്ക് സില്‍വര്‍ ആക്സന്റുകളോട് കൂടിയ ഇന്റീരിയറിന് ബ്ലാക്ക്, ബോര്‍ഡോ തീം ഉണ്ട്. പുതിയ മാരുതി ഗ്രാന്‍ഡ് വിറ്റാരയുടെ സ്‌ട്രോംഗ് ഹൈബ്രിഡ് പതിപ്പ് വാങ്ങുന്നവര്‍ക്ക് ഷാംപെയ്ന്‍ ഗോള്‍ഡ് ആക്സന്റുകളോട് കൂടിയ ബ്ലാക്ക് ഇന്റീരിയര്‍ ലഭിക്കും.

സുസുക്കി കണക്റ്റ് ആപ്പ് വഴി ഉപയോക്താക്കള്‍ക്ക് ആക്സസ് ചെയ്യാന്‍ കഴിയുന്ന 40-ലധികം കണക്റ്റുചെയ്ത കാര്‍ ഫീച്ചറുകള്‍ ചേര്‍ക്കുന്ന ഗ്രാന്‍ഡ് വിറ്റാരയുടെ കണക്റ്റഡ് കാര്‍ സ്യൂട്ട് ആക്സസ് ചെയ്യാനും ഡിസ്പ്ലേ ഉപയോഗിക്കാം. ഇന്‍ഫോടെയ്ന്‍മെന്റ് സ്‌ക്രീനിന് താഴെ HVAC സിസ്റ്റത്തിനായുള്ള നിയന്ത്രണങ്ങള്‍, 12V സോക്കറ്റ്, കണക്റ്റിവിറ്റിക്കുള്ള USB പോര്‍ട്ടുകള്‍, വയര്‍ലെസ് ഫോണ്‍ ചാര്‍ജിംഗ് ട്രേ എന്നിവയും നല്‍കിയിട്ടുണ്ട്.

തിരഞ്ഞെടുത്ത മോഡലിനെ ആശ്രയിച്ച്, ഓള്‍-വീല്‍ ഡ്രൈവ് മോഡലിനുള്ള റോട്ടറി ഡ്രൈവ് മോഡ് സെലക്ടര്‍ അല്ലെങ്കില്‍ പുതിയ വിറ്റാരയുടെ ഗിയര്‍ബോക്സിന് സമീപമുള്ള സ്‌ട്രേംഗ് ഹൈബ്രിഡ് മോഡലിന്റെ ബട്ടണുകളും കാണാന്‍ സാധിക്കും. ഗ്രാന്‍ഡ് വിറ്റാരയിലെ മറ്റ് ഓപ്ഷനുകളില്‍ പനോരമിക് സണ്‍റൂഫ്, ആംബിയന്റ് ലൈറ്റിംഗ്, ഹെഡ്സ് അപ്പ് ഡിസ്പ്ലേ, എളുപ്പത്തില്‍ പാര്‍ക്കിംഗിനായി 360 ഡിഗ്രി ക്യാമറ എന്നിവ ഉള്‍പ്പെടുന്നു.

പാഡില്‍ ഷിഫ്റ്ററുകളുള്ള 6-സ്പീഡ് ഓട്ടോമാറ്റിക് അല്ലെങ്കില്‍ സുസുക്കി ഓള്‍-ഗ്രിപ്പ് ഓള്‍-വീല്‍ ഡ്രൈവ് സിസ്റ്റവുമായി ജോടിയാക്കാന്‍ കഴിയുന്ന 5-സ്പീഡ് മാനുവല്‍ തിരഞ്ഞെടുക്കുന്നതിലൂടെ എഞ്ചിന്‍ വാഗ്ദാനം ചെയ്യുന്നു. FWD മാനുവല്‍ ക്ലെയിം ചെയ്ത 21.1km/l നല്‍കുന്നു, AWD മാനുവല്‍ 19.38km/l ഓഫര്‍ ചെയ്യുന്നു, അതേസമയം ഓട്ടോമാറ്റിക് 20.58km/l നല്‍കുന്നു