ഇലക്ട്രിക് സെഗ്മിന്റ് കൈയ്യടക്കാൻ ടാറ്റ പഞ്ച് ഇവി തയ്യാർ; വിശദാംശങ്ങൾ വെളിപ്പെടുത്തി ടീസർ

ഉപഭോക്താക്കളെ ഏറെ നാളത്തേക്ക് കാത്തിരുത്തിയതിന് ശേഷം ടാറ്റ മോട്ടോർസ് തങ്ങളുടെ ഏറ്റവും പുതിയ ഇലക്ട്രിക് കാറായ പഞ്ച് ഇവി ഇന്ന് അവതരിപ്പിക്കാൻ പോവുകയാണ്. ഈ ജനപ്രിയ മൈക്രോ-എസ്‌യുവിയുടെ പുതിയ ഇലക്ട്രിക് ആവർത്തനം ഇതാ എത്തുകയാണ്, കൂടാതെ കമ്പനി അടുത്തിടെ വാഹനത്തിന്റെ രണ്ട് പുതിയ ടീസറുകളും പങ്കിട്ടു.

ടീസറുകൾക്ക് പുറമെ, വരാനിരിക്കുന്ന ടാറ്റ പഞ്ച് ഇവിയെക്കുറിച്ചുള്ള പുതിയ വിശദാംശങ്ങൾ ഓൺലൈനിൽ പ്രത്യക്ഷപ്പെട്ടിരിക്കുകയാണ്. നെക്സോൺ ഇവി, ടിയാഗോ ഇവി എന്നിവ പോലെ തന്നെ, LR (ലോംഗ് റേഞ്ച്), MR (മീഡിയം റേഞ്ച്) മോഡലുകൾ വാഗ്ദാനം ചെയ്യുന്ന രണ്ട് വ്യത്യസ്ത ബാറ്ററി പായ്ക്കുകൾക്കൊപ്പം പഞ്ച് ഇവിയും വാഗ്ദാനം ചെയ്യും എന്നാണ് റിപ്പോർട്ടുകൾ വ്യക്തമാക്കുന്നത്.

പുതിയ ടീസറുകൾ ഔദ്യോഗിക Tata.ev ഹാൻഡിൽ 'X' എന്ന സോഷ്യൽ മീഡിയ പ്ലാറ്റ്ഫോമിൽ പങ്കിട്ടു. ടാറ്റ പാസഞ്ചർ ഇലക്‌ട്രിക് മൊബിലിറ്റി ലിമിറ്റഡിന് വേണ്ടി കമ്പനി അടുത്തിടെ തങ്ങളുടെ പുതിയ ബ്രാൻഡായ Tata.ev പുറത്തിറക്കിയിരുന്നു. പുതിയ ടീസറുകൾ, വാഹനത്തെ കാണിക്കുന്നില്ലെങ്കിലും, ഈ പുതിയ ഇലക്‌ട്രിക് മോഡലിന്റെ ഗുണങ്ങളുടെ നിരവധി സൂചനകൾ നൽകുന്നു.

മുകളിൽ സൂചിപ്പിച്ചതുപോലെ, അടുത്തിടെ വെളിപ്പെടുത്തിയ ഏറ്റവും പ്രധാനപ്പെട്ട വിശദാംശങ്ങളിലൊന്ന്, പഞ്ച് ഇവിക്കൊപ്പം കമ്പനി രണ്ട് വ്യത്യസ്ത ബാറ്ററി പാക്ക് ഓപ്ഷനുകൾ വാഗ്ദാനം ചെയ്യും എന്നതാണ്. ആദ്യത്തെ ഓപ്ഷൻ ഒരു ചെറിയ 25 kWh ബാറ്ററി പായ്ക്ക് ആയിരിക്കും നൽകുന്നത്. എസ്‌യുവിയുടെ MR (മീഡിയം റേഞ്ച്) വേരിയന്റിനൊപ്പം ഈ ബാറ്ററി പായ്ക്ക് മിക്കവാറും വാഗ്ദാനം ചെയ്യപ്പെടും.

ഈ ബാറ്ററി പായ്ക്കിനൊപ്പം വാഗ്ദാനം ചെയ്യുന്ന കൃത്യമായ ഡ്രൈവിംഗ് റേഞ്ച് കമ്പനി വെളിപ്പെടുത്തിയിട്ടില്ല; എന്നിരുന്നാലും, സിംഗിൾ ചാർജിൽ 330 കിലോമീറ്റർ റേഞ്ച് ഇത് വാഗ്ദാനം ചെയ്യാൻ സാധ്യതയുണ്ട്. കൂടാതെ, വലിയ ബാറ്ററി പായ്ക്കോടുകൂടിയ പഞ്ച് ഇവിയും കമ്പനി ഇതോടൊപ്പം വിപണിയിൽ എത്തിക്കും. ഈ പതിപ്പ് LR (ലോംഗ് റേഞ്ച്) വേരിയന്റായിരിക്കും, കൂടാതെ ഇതിന് 35 kWh ബാറ്ററി പായ്ക്കും ഉണ്ടാവും.

മിക്കവാറും, ഈ വേരിയന്റിന് സിംഗിൾ ചാർജിൽ ഏകദേശം 460 കിലോമീറ്റർ ഓടാൻ കഴിയും. ഇവിയുടെ പ്ലാറ്റ്‌ഫോമിനെ സംബന്ധിച്ചിടത്തോളം, വരാനിരിക്കുന്ന ടാറ്റ പഞ്ച് ഇവി, ടാറ്റയുടെ ജെൻ 2 ഇവി ആർക്കിടെക്ചറിനൊപ്പം ബ്രാൻഡിന്റെ ഇതിനോടകം വിപുലമായി ടെസ്റ്റ് ചെയ്ത ആൽഫ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. റിപ്പോർട്ടുകൾ പ്രകാരം, ഇത് മിക്കവാറും ലിക്വിഡ്-കൂൾഡ് ബാറ്ററിയും ഫ്രണ്ട് ആക്‌സിലിൽ സ്ഥാപിക്കുന്ന പെർമെനന്റ് മാഗ്നറ്റ് സിൻക്രണസ് മോട്ടോറുമായും വരും.

ടാറ്റ പഞ്ച് ഇവിയുടെ ഡിസൈൻ വിശദാംശങ്ങളിലേക്ക് വരുമ്പോൾ. എക്സ്റ്റീരിയറിൽ, ICE പഞ്ച് മൈക്രോ-എസ്‌യുവിയുടെ ഇലക്ട്രിക് പതിപ്പിന് ക്ലോസ്-ഓഫ് ഗ്രില്ലും മുൻവശത്ത് പൂർണ്ണമായി കണക്റ്റ് ചെയ്‌തിരിക്കുന്ന എൽഇഡി ഡിആർഎൽ ലൈറ്റ് ബാറും അടങ്ങുന്ന പുതുക്കിയ ഫ്രണ്ട് ഫാസിയ ലഭിക്കും. ഇതിലും സ്പ്ലിറ്റ് ഹെഡ്‌ലാമ്പ് രൂപകൽപ്പന തന്നെ മാറ്റമില്ലാതെ തുടരും.

പക്ഷേ ഒരു പുതിയ ഫ്രണ്ട് ബമ്പറിൽ ഇതിൽ സജ്ജീകരിക്കും. നമ്മൾ ഇതുവരെ കണ്ട ടെസ്റ്റ് മോഡലുകളിലെ സ്പൈ ഷോട്ടുകളിൽ നിന്ന്, വാഹനത്തിന് മുൻവശത്ത് ചാർജിംഗ് പോയിന്റ് ലഭിക്കും എന്ന് വ്യക്തമാണ്. ഇതുകൂടാതെ, കാറിന് ഒരു സ്റ്റ് പുതിയ അലോയി വീലുകളും ലഭിക്കും, കൂടാതെ നാല് വീലുകളിലും ഡിസ്‌ക് ബ്രേക്കുകളും ഉണ്ടാവും.

ക്യാബിനിനുള്ളിലെ വിശദാംശങ്ങളിലേക്ക് വരുമ്പോൾ, പുതിയ പഞ്ച് ഇവിക്ക് അല്പം ആധുനികവും അപ്പ്ഡേറ്റ് ചെയ്തതുമായ ലേയൗട്ട് ലഭിക്കും. ഫ്ലോട്ടിംഗ് ഡിസൈനോടു കൂടിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം കൂട്ടിച്ചേർക്കുന്നതാണ് പുതിയ ഇന്റീരിയറിന്റെ പ്രധാന ഹൈലൈറ്റ് എന്ന് പറയാം. ലോ സ്പെക്ക് വെരിയന്റുകൾ 7.0 ഇഞ്ച് സ്‌ക്രീനുകളോടെയാണ് വരുന്നത്.

കൂടാതെ, വെന്റിലേറ്റഡ് ഫ്രണ്ട് സീറ്റുകൾ, നെക്‌സോൺ ഇവിയിൽ നിന്നുള്ള ജുവൽഡ് ഡ്രൈവ് സെലക്ടർ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഇലക്ട്രോണിക് പാർക്കിംഗ് ബ്രേക്ക്, പുതിയ ഇല്യുമിനേറ്റഡ് ടാറ്റ ലോഗോയുള്ള ടു -സ്‌പോക്ക് സ്റ്റിയറിംഗ് വീൽ എന്നിവയും കാറിന് ലഭിക്കും. ഇലക്ട്രിക് വിപണിയിൽ ഇത് ഒരു വിപ്ലവം സൃഷ്ടിക്കും എന്നാണ് കരുതുന്നത്.