Click it and Unblock the Notifications
7 സീറ്റര് എംപിവിവിയുടെ ഡിമാന്ഡ് കണ്ട് അന്തംവിട്ട് ടൊയോട്ട; ഡെലിവറിക്കായി കാത്തിരിക്കേണ്ടത് 13 മാസം!
ടൊയോട്ട കിര്ലോസ്കര് മോട്ടോര്സിന് റെക്കോഡ് വില്പ്പനയായിരുന്നു കഴിഞ്ഞ വര്ഷം ഇന്ത്യയില് നിന്ന് നേടാന് സാധിച്ചത്. പുത്തന് ലോഞ്ചുകളായ അര്ബന് ക്രൂയിസര് ഹൈറൈഡര്, ഇന്നോവ ഹൈക്രോസ് എന്നിവയുടെ മികച്ച പ്രകടനം ടൊയോട്ടയെ സഹായിച്ചിട്ടുണ്ട്. ഇപ്പോള് 2024 ഫെബ്രുവരി മാസത്തേക്കുള്ള തങ്ങളുടെ കാറുകളുടെ അപ്ഡേറ്റ് ചെയ്ത കാത്തിരിപ്പ് കാലയളവിന്റെ പട്ടിക കമ്പനി പുറത്തുവിട്ടിരിക്കുകയാണ് ജാപ്പനീസ് ബ്രാന്ഡ്.
ബ്രാന്ഡിന്റെ ഒട്ടുമിക്ക കാറുകളും ഉയര്ന്ന കാത്തിരിപ്പ് കാലയളവ് അവകാശപ്പെടുന്നുണ്ട്. റൂമിയോണ്, അര്ബന് ക്രൂയിസര് ഹൈറൈഡര്, ഹൈക്രോസ് എന്നീ ഹിറ്റ് മോഡലുകളുടെ സ്റ്റാന്ഡ്ബൈ കാലയളവ് മാറിയിട്ടുണ്ട്. നിങ്ങള് ടൊയോട്ടയുടെ ഇന്നോവ ഹൈക്രോസ് വാങ്ങാന് ആഗ്രഹിക്കുന്ന ആളാണെങ്കില് ഈ വാര്ത്ത നിങ്ങള്ക്ക് ഉപയോഗപ്രദമാണ്. പ്രീമിയം എംപിവിയുടെ നിലവിലെ കാത്തിരിപ്പ് കാലയളവിനെ കുറിച്ചാണ് ഇനി നമ്മള് പറയാന് പോകുന്നത്.
മൂന്ന്-വരി എംപിവിയുടെ പെട്രോള് വേരിയന്റുകള്ക്ക് ഈ മാസം ബുക്കിംഗ് ദിവസം മുതല് 24 ആഴ്ച അല്ലെങ്കില് ആറ് മാസം വരെ കാത്തിരിപ്പ് കാലയളവുണ്ട്. മറുവശത്ത് ഹൈബ്രിഡ് വേരിയന്റുകള് കൈയ്യില് കിട്ടാന് പരമാവധി 13 മാസം അല്ലെങ്കില് 52 ആഴ്ച വരെ കാത്തിരിക്കണം. ഹൈക്രോസിന്റെ ടോപ്പ്-സ്പെക്ക് ZX, ZX(O) വേരിയന്റുകളുടെ ബുക്കിംഗ് വാഹന നിര്മ്മാതാവ് ഇതുവരെ പുനരാരംഭിച്ചിട്ടില്ല എന്നത് ശ്രദ്ധേയമാണ്. എംപിവിയുടെ ഹൈബ്രിഡ് വേരിയന്റുകള്ക്ക് മികച്ച ഡിമാന്ഡാണ്.
കാത്തിരിപ്പ് കാലയളവ് റോക്കറ്റ് പോലെ കുതിച്ച സാഹചര്യത്തില് ഹൈക്രോസ്, റൂമിയോണ് കാറുകളുടെ ഹൈബ്രിഡ് വേരിയന്റിന്റെ ബുക്കിംഗ് താല്ക്കാലികമായി നിര്ത്തിവെച്ചിരുന്നു. ഹൈക്രോസിന്റെ ഫ്ലെക്സ്-ഫ്യുവല് വേരിയന്റിലും ടൊയോട്ട പ്രവര്ത്തിക്കുന്നുണ്ട്. ഈ മാസം ആദ്യ വാരം ന്യൂഡല്ഹിയില് നടന്ന ഭാരത് മൊബിലിറ്റി ഗ്ലോബല് എക്സ്പോ 2024-ല് ടൊയോട്ട ഇതിന്റെ പ്രോട്ടോടൈപ്പ് പ്രദര്ശിപ്പിച്ചിരുന്നു. ഈ എഞ്ചിന് 80 ശതമാനം വരെ എഥനോള് കലര്ത്തിയ ഇന്ധനത്തില് പ്രവര്ത്തിക്കാന് കഴിയും.
ഹൈക്രോസിലേക്ക് മടങ്ങിവന്നാല് സൂപ്പര് വൈറ്റ്, പ്ലാറ്റിനം വൈറ്റ് പേള്, സില്വര് മെറ്റാലിക്, ആറ്റിറ്റിയൂഡ് ബ്ലാക്ക് മൈക്ക, സ്പാര്ക്ക്ലിംഗ് ബ്ലാക്ക് പേള് ക്രിസ്റ്റല് ഷൈന്, അവന്റ് ഗ്രേഡ് ബ്രോണ്സ് മെറ്റാലിക്, ബ്ലാക്കിഷ് അഗേഹ ഗ്ലാസ് ഫ്ലേക്ക് എന്നീ നിറങ്ങളില് എംപിവി സ്വന്തമാക്കാം. ഇന്നോവയുടെ മൂന്നാംതലമുറ എംപിവി കാലാനുസൃതമായ മാറ്റങ്ങളാടെയാണ് വിപണിയില് എത്തിയത്. കമ്പനിയുടെ മോഡുലാര് TNGA-C: GA-C പ്ലാറ്റ്ഫോമിലാണ് ഹൈക്രോസ് പണിതിരിക്കുന്നത്.
ആകെ 8 വേരിയന്റുകളാണ് ഹൈക്രോസിനുള്ളത്. അതില് 4 പെട്രോളും 4 ഹൈബ്രിഡുമാണ് ഉള്പ്പെടുക. ഡീസല് ഇല്ലെങ്കിലും സ്ട്രോംഗ് ഹൈബ്രിഡ് പെട്രോള് എഞ്ചിനുമായാണ് ഹൈക്രോസ് വിപണി കീഴടക്കാനെത്തിയത്. ഇന്നോവ ഹൈക്രോസിന്റെ സ്ട്രോംഗ് ഹൈബ്രിഡ് പതിപ്പില് ഒരു ഇലക്ട്രിക് മോട്ടോറുമായി ജോടിയാക്കിയ 2.0 ലിറ്റര് പെട്രോള് എഞ്ചിനാണ് ലഭിക്കുക. ഇതിന് പരമാവധി 183 bhp കരുത്ത് വരെ ഉത്പാദിപ്പിക്കാനാവും.
ഹൈബ്രിഡ് വേരിയന്റിന് 23.24 കിലോമീറ്ററിന്റെ ഇന്ധനക്ഷമതയാണ് ടൊയോട്ട അവകാശപ്പെടുന്നത്. ഇത് ഈ സെഗ്മെന്റിലെ ഏറ്റവും ഉയര്ന്നതാണ്. മറുവശത്ത് സാധാരണ പെട്രോള് പതിപ്പ് 171 bhp നല്കുന്ന 2.0 ലിറ്റര് പെട്രോള് എഞ്ചിനും ഉപയോഗിക്കുന്നു. പെട്രോള്, സ്ട്രോംഗ് ഹൈബ്രിഡ് പതിപ്പുകള്ക്ക് യഥാക്രമം സിവിടി, ഇ-സിവിടി ഗിയര്ബോക്സുകള്ക്കൊപ്പം മാത്രമേ വാങ്ങാനാവൂ.
വലിയ 10.1 ഇഞ്ച് ഫ്ലോട്ടിംഗ് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, പനോരമിക് സണ്റൂഫ്, പവര്ഡ് ടെയില്ഗേറ്റ്, മെമ്മറി ഫംഗ്ഷനോടുകൂടിയ പവര്ഡ് ഡ്രൈവര് സീറ്റ്, വെന്റിലേറ്റഡ് ഫ്രണ്ട് സീറ്റുകള്, ഡ്യുവല് സോണ് ക്ലൈമറ്റ് കണ്ട്രോള്, പിന് സീറ്റുകള്ക്കുള്ള പവര്ഡ് ഓട്ടോമന് സപ്പോര്ട്ട്, വയര്ലെസ് ആപ്പിള് കാര്പ്ലേ, ആന്ഡ്രോയിഡ് ഓട്ടോ, ക്വില്ഡ് ലെതര് സീറ്റുകള്, 9-സ്പീക്കര് JBL സൗണ്ട് സിസ്റ്റം എന്നിവയെല്ലാമാണ് അകത്തളത്തില് ടൊയോട്ട ഒരുക്കിയിരിക്കുന്നത്.
19.77 ലക്ഷം രൂപ മുതലാണ് ഹൈക്രാസിന്റെ എക്സ്ഷോറൂം വില ആരംഭിക്കുന്നത്. പ്രീമിയം എംപിവികളിലെ രാജാവായ ഇന്നോവയുടെ ഹൈക്രോസിനൊപ്പം തന്നെ ക്രിസ്റ്റയും ടൊയോട്ട വില്പ്പനക്കെത്തിക്കുന്നുണ്ട്. ഡീസല് എഞ്ചിന് ഓപ്ഷനില് മാത്രമാണ് ഇപ്പോള് ക്രിസ്റ്റ വാങ്ങാന് സാധിക്കുക. വാഹനത്തിന്റെ ഹൈബ്രിഡ് വേരിയന്റ് സ്വന്തമാക്കാന് ഉപഭോക്താക്കള് എത്ര കാലം വേണമെങ്കിലും കാത്തിരിക്കുമെന്നാണ് തോന്നുന്നത്.
Continue with Google