2 ലക്ഷം കൈയിലുണ്ടോ! എങ്കിൽ നേരെ വിട്ടോ കിയ ഷോറൂമിലേക്ക്,കാർണിവൽ വാങ്ങി മുറ്റത്ത് ഇടാം

വരാനിരിക്കുന്ന പുതിയ കിയ കാർണിവൽ 2 ലക്ഷം രൂപ ടോക്കൺ തുകയ്ക്ക് പ്രീ-ലോഞ്ച് ബുക്കിംഗുകൾ ഇപ്പോൾ നിങ്ങൾക്ക് സ്വന്തമാക്കാം. താൽപ്പര്യമുള്ള ഉപഭോക്താക്കൾക്ക് അവരുടെ ബുക്കിംഗ് സ്ഥിരീകരിക്കുന്നതിന് അടുത്തുള്ള ഷോറൂമുകളോ കിയ വെബ്‌സൈറ്റോ സന്ദർശിക്കേണ്ടതാണ് എന്നാണ് കമ്പനി അറിയിച്ചിരിക്കുന്നത്. പുതിയ കിയ കാർണിവൽ ടൺ കണക്കിന് ആധുനിക സൗകര്യങ്ങളും ഏറ്റവും പുതിയ ഡിസൈനും ഉപയോഗിച്ച് ലുക്കും ഫീച്ചറുകളും കൂട്ടിയിട്ടുണ്ട്.

ഇതിനകം തന്നെ അന്താരാഷ്ട്ര വിപണികളിൽ വിൽപ്പനയ്‌ക്കെത്തിരുന്നു. മുൻവശത്ത്, സാധാരണ വീതിയേറിയ ടൈഗർ നോസ് ഗ്രില്ലും സ്ലീക്ക് എൽഇഡി ഡിആർഎല്ലുകളും ബോണറ്റിൻ്റെ വലിയൊരു ഭാഗം മറയ്ക്കുകയും എൽഇഡി ഹെഡ്‌ലാമ്പുകൾ ഉൾക്കൊള്ളിക്കുകയും ചെയ്യുന്നുണ്ട്.

ബമ്പറിൻ്റെ താഴത്തെ ഭാഗത്ത് എൽഇഡി ഫോഗ് ലാമ്പുകൾ ലഭിക്കുന്നു. വശങ്ങളിലേക്ക് നോക്കിയാൽ, ഗംഭീരമായ അലോയ് വീലുകൾ, സ്ലൈഡിംഗ് ഡോറുകൾ, റൂഫ് റെയിലുകൾ, സൈഡ് ബോഡി ക്ലാഡിംഗ് എന്നിവ ലഭിക്കുന്നു. റിയർ പ്രൊഫൈൽ കണക്റ്റുചെയ്‌ത എൽഇഡി ടെയ്‌ലാമ്പ് ബാറും സ്‌പോർട്ടി ബമ്പറും കമ്പനി വാഗ്ദാനം ചെയ്യും. അതിനുപുറമെ, ഇത് ഒരു ആഡംബര എംപിവി ആയതിനാൽ, പ്രധാന ആകർഷണം വാഹനത്തിൻ്റെ ഇൻ്റീരിയറിലാണ്.

വാങ്ങുന്നവർക്ക് ടൺ കണക്കിന് ആധുനിക കണക്റ്റുചെയ്‌ത സൗകര്യങ്ങളും സൗകര്യ ഉപകരണങ്ങളും സഹിതം ക്യാബിനിനായുള്ള ഏറ്റവും മികച്ച ഫീച്ചറുകളാണ് ലഭിക്കുക.
വെൻ്റിലേഷനും ലെഗ് സപ്പോർട്ടും ഉള്ള രണ്ടാം നിര ലക്ഷ്വറി പവർഡ് റിലാക്സേഷൻ സീറ്റുകൾ, വൺ ടച്ച് സ്മാർട്ട് പവർ സ്ലൈഡിംഗ് ഡോറും ടെയിൽഗേറ്റും, വൈഡ് ഇലക്ട്രിക് ഡ്യുവൽ സൺറൂഫ്,12-സ്പീക്കർ ബോസ് പ്രീമിയം സൗണ്ട് സിസ്റ്റം, ഡ്യുവൽ പനോരമിക് കർവ് ഡിസ്പ്ലേ എന്നിവയൊക്കെയാണ് പ്രധാന ഫീച്ചറുകൾ.

അതോടൊപ്പം തന്നെ 12.3-ഇഞ്ച് CCNC ഇൻഫോടെയ്ൻമെൻ്റ് & 12.3-ഇഞ്ച് ഇൻസ്ട്രുമെൻ്റ് ക്ലസ്റ്റർ ADAS ലെവൽ 2, മുന്നിലും പിന്നിലും ഡാഷ്‌ക്യാമുകൾ, ഡിജിറ്റൽ ഐആർവിഎം, ഹെഡ്-അപ്പ് ഡിസ്പ്ലേ, ആംബിയൻ്റ് ലൈറ്റിംഗ്, 19 ഇഞ്ച് അലോയ് വീലുകൾ എന്നിവയൊക്കെ നിങ്ങൾക്ക് പുതിയ കിയ കാർണിവലിൽ ലഭിക്കുന്നുണ്ട്. പുതിയ കിയ കാർണിവൽ ഒരു CBU ആയിരിക്കുമെന്നാണ് കമ്പനി അറിയിച്ചിരിക്കുന്നത്. ഓട്ടോമാറ്റിക് ട്രാൻസ്മിഷനോടുകൂടിയ 2.2 ലിറ്റർ ടർബോ ഡീസൽ എഞ്ചിനാണ് ലഭിക്കുക.

ഫ്രണ്ട് എൻഡിൽ ലംബമായി അടുക്കിയിരിക്കുന്ന ഇൻസെർട്ടുകൾ, ഇൻവേർട്ടഡ് L-ആകൃതിയിലുള്ള എൽഇഡി ഡിആർഎലുകൾ, നാല് ബീമുകളുള്ള ലംബമായി അടുക്കിയ ഹെഡ്‌ലാമ്പുകൾ, പുതിയ എൽഇഡി ടെയിൽ ലൈറ്റുകൾ, വ്യത്യസ്തമായ ഗ്രിൽ ഇൻസെർട്ടുകൾ, ഓൾ-ബ്ലാക്ക് അലോയ് വീലുകൾ തുടങ്ങിയ കാര്യങ്ങളും എംപിവിയുടെ സ്പോട്ടിനെസ് എടുത്തുകാണിക്കും. ഒന്നിലധികം സീറ്റിംഗ് ലേഔട്ടുകൾക്കൊപ്പം ഇത് ലഭ്യമാകുമെന്ന് പ്രതീക്ഷിക്കുന്നു.

അതായത് 7, 9, 11-സീറ്റർ സജ്ജീകരണം ഉൾപ്പെടെ കാർണിവലിൽ ഇനിയുണ്ടാവുമെന്ന് സാരം. മുമ്പ് 7 അല്ലെങ്കിൽ 8 സീറ്റർ ഓപ്ഷനോടെയാണ് കിയ കാർണിവൽ വാഗ്‌ദാനം ചെയ്തിരുന്നത്. ADAS, വെൻ്റിലേറ്റഡ്, മസാജ് സീറ്റുകൾ, ഓട്ടോമാറ്റിക് ക്ലൈമറ്റ് കൺട്രോൾ, ഹെഡ്‌സ്-അപ്പ് ഡിസ്‌പ്ലേ (HUD), ഡിജിറ്റൽ റിയർ വ്യൂ മിറർ, ഫിംഗർപ്രിൻ്റ് ഡിറ്റക്ഷനുള്ള ഡിജിറ്റൽ കീ എന്നിവ അകത്തളത്തെ മനോഹരമാക്കാനായി ഇടംപിടിക്കുകയും ചെയ്യും.

അന്താരാഷ്ട്രതലത്തിൽ പ്രീമിയം എംപിവിക്ക് 1.6 ലിറ്റർ ടർബോ-പെട്രോൾ ഹൈബ്രിഡ്, 3.5 ലിറ്റർ V6 പെട്രോൾ പവർട്രെയിൻ ഓപ്ഷനുകൾ ലഭിക്കുന്നുണ്ട്. ഹൈബ്രിഡ് രാജ്യത്ത് കൊണ്ടുവരാൻ തീരുമാനിച്ചാൽ അതൊരു ഗെയിം ചേഞ്ചറായിരിക്കും. പൂർണമായും വിദേശത്ത് നിർമിച്ച് ഇറക്കുമതി ചെയ്യുന്നതിനാൽ പുത്തൻ കാർണിവലിന് ഏകദേശം 50 ലക്ഷം രൂപയ്ക്ക് മുകളിൽ വില വരുമെന്നാണ് പ്രതീക്ഷിക്കുന്നത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.