ബ്രെസ്സയെ തൻ്റെ എതിരാളികളിൽ നിന്ന് വ്യത്യസ്തനാക്കുന്നത് ഈ ഫീച്ചറുകൾ, അറിഞ്ഞിരിക്കാം ഈ കാര്യങ്ങൾ

2016-ൽ ഇന്ത്യൻ വിപണിയിലേക്ക് എത്തിയ മാരുതി സുസുക്കിയുടെ സബ് കോംപാക്റ്റ് എസ്‌യുവി ബ്രെസ്സ അതിൻ്റെ സെഗ്‌മെൻ്റിലെ രാജാവായിരുന്നു, തുടർച്ചയായി വിൽപ്പന ചാർട്ടുകളിൽ ഒന്നാമതെത്തുകയും ചെയ്തിട്ടുണ്ട്. എന്നിരുന്നാലും, ഓട്ടോമോട്ടീവ് ലോകം എക്കാലത്തെയും പോലെ വികസിച്ചുകൊണ്ടിരിക്കുകയാണ്, 2022 ൽ ബ്രെസ്സയ്ക്ക് ഒരു അപ്‌ഡേറ്റ് ലഭിച്ചെങ്കിലും, ടാറ്റ നെക്സോണും മഹീന്ദ്ര എക്‌സ്‌യുവി 3xo പോലുള്ള എതിരാളികൾ അപ്ഡേറ്റുകൾ നൽകിക്കൊണ്ടേയിരിക്കുകയാണ്. ഇതൊക്കെയാണെങ്കിലും, ബ്രെസ്സ ഒരു ശക്തമായ ഓപ്ഷനായി ഇപ്പോഴും തുടരുന്നുവെന്നതാണ് നമ്മുടെ ഇന്നത്തെ വിഷയം. എന്തുകൊണ്ടാണ് ബ്രെസ്സ ഇപ്പോഴും എതിരാളികൾക്ക് ഒരു പോരാളിയായി വിപണിയിൽ തുടരുന്നത് എന്ന് വിശദമായി ഒന്ന് പരിശോധിച്ചു നോക്കിയാലോ.

സബ്-4m എസ്‌യുവി സെഗ്‌മെൻ്റിൽ ബ്രെസ്സയ്ക്ക് സവിശേഷമായ ഒരുഫീച്ചറാണ് ഹെഡ്‌സ്-അപ്പ് ഡിസ്‌പ്ലേ . ഡ്രൈവിംഗ് വിവരങ്ങൾ നേരിട്ട് വിൻഡ്ഷീൽഡിലേക്ക് പ്രൊജക്റ്റ് ചെയ്യുന്നത് കൊണ്ട്, നിങ്ങളുടെ കണ്ണുകൾ റോഡിൽ നിന്ന് മാറ്റേണ്ടതിൻ്റെ ആവശ്യകത കുറയ്ക്കുന്നു എന്നതാണ് ഈ ഫീച്ചറിൻ്റെ ഗുണം. നിലവിലെ വേഗത, ഇന്ധന നില, ഗിയർ തിരഞ്ഞെടുക്കൽ, സമയം, മൈലേജ് എന്നിവ പോലുള്ള അവശ്യ വിശദാംശങ്ങൾ ഹെഡ്‌സ്-അപ്പ് ഡിസ്‌പ്ലേയിൽ പ്രദർശിപ്പിക്കുന്നു.

2023-ൻ്റെ തുടക്കത്തിൽ സിഎൻജി ഓപ്ഷൻ നൽകുന്ന ആദ്യ മോഡലായി ബ്രെസ്സ അവതരിപ്പിച്ചുകൊണ്ട് സബ്കോംപാക്റ്റ് എസ്‌യുവി വിഭാഗത്തിൽ മാരുതി ഗണ്യമായ നേട്ടം കൈവരിച്ചിരുന്നു. ടാറ്റ നെക്‌സോൺ പോലുള്ള മറ്റ് സബ് കോംപാക്റ്റ് എസ്‌യുവികൾക്കും സിഎൻജി വേരിയൻ്റ് ലഭിക്കുമെങ്കിലും, നിലവിൽ മാരുതിക്കാണ് മുൻതൂക്കം. മാരുതി ബ്രെസ്സ 1.5 ലിറ്റർ K15C പെട്രോൾ എഞ്ചിനിലാണ് കൂടുതലായി ആശ്രയിക്കുന്നത്. ഈ നാല് സിലിണ്ടർ യൂണിറ്റ്, മാരുതിയുടെ ലൈനപ്പിലെ പ്രധാന താരമാണ്. പ്രകടനത്തിൻ്റെയും ഇന്ധനക്ഷമതയുടെയും ബാലൻസ് വാഗ്ദാനം ചെയ്യുന്നു.

ഇത് 102 bhp കരുത്തും 137 Nm ടോർക്കും ഉത്പാദിപ്പിക്കുന്നു. മാനുവൽ ട്രാൻസ്മിഷൻ വേരിയൻ്റിന് ലിറ്ററിന് 20.15 കിലോമീറ്റർ വരെ ഇന്ധനക്ഷമത മാരുതി അവകാശപ്പെടുന്നു, ഇത് ഇന്ധനചിലവ് ലാഭിക്കാൻ ആഗ്രഹിക്കുന്നവരെ ആകർഷിക്കും. എൻജിൻ ഫൈവ് സ്പീഡ് മാനുവൽ ഗിയർബോക്‌സിനോടോ അപ്‌ഡേറ്റ് ചെയ്‌ത ആറ് സ്പീഡ് ഓട്ടോമാറ്റിക് ട്രാൻസ്മിഷനിലോ ആണ് വരുന്നത്.

മാരുതി ബ്രെസ്സ ഒരൊറ്റ എഞ്ചിൻ ഓപ്ഷൻ ആണ് വാഗ്ദാനം ചെയ്യുന്നു: 1.5 ലിറ്റർ പെട്രോൾ എഞ്ചിൻ. ഈ എഞ്ചിൻ 5-സ്പീഡ് മാനുവൽ ട്രാൻസ്മിഷൻ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സുമായി ജോടിയാക്കാം. മാനുവൽ വേരിയൻ്റുമായി താരതമ്യപ്പെടുത്തുമ്പോൾ ഇന്ധനക്ഷമത മെച്ചപ്പെടുത്തുന്നതിൽ ശ്രദ്ധ കേന്ദ്രീകരിക്കുന്ന മാരുതി സുസുക്കിയുടെ സ്മാർട്ട്-ഹൈബ്രിഡ് സാങ്കേതികവിദ്യയാണ് ഓട്ടോമാറ്റിക് ട്രാൻസ്മിഷനിൽ ഉൾപ്പെടുത്തിയിരിക്കുന്നത്. ബ്രെസ്സയുടെ ഓട്ടോമാറ്റിക് വേരിയൻ്റുകൾക്ക് ലിറ്ററിന് 19.8 കിലോമീറ്റർ ഇന്ധനക്ഷമതയാണ് മാരുതി അവകാശപ്പെടുന്നത്.

സബ് കോംപാക്റ്റ് എസ്‌യുവി വിഭാഗത്തിലെ ബ്രെസ്സയുടെ എതിരാളികൾ നിരവധി എഞ്ചിൻ, ട്രാൻസ്മിഷൻ ഓപ്ഷനുകൾ വാഗ്ദാനം ചെയ്യുന്നു എന്നത് ശ്രദ്ധിക്കേണ്ടതാണ്. ഉദാഹരണത്തിന്, ടാറ്റ നെക്‌സോൺ അതിൻ്റെ ഓട്ടോമാറ്റിക് വേരിയൻ്റിന് 17.18 കിലോമീറ്റർ മൈലേജും അതിൻ്റെ ഡ്യുവൽ ക്ലച്ച് ട്രാൻസ്മിഷന് 17.01 കിലാമീറ്റർ ഇന്ധനക്ഷമത അവകാശപ്പെടുന്നു. മഹീന്ദ്ര XUV 3XO 18.2 kmpl മൈലേജ് വാഗ്ദാനം ചെയ്യുന്നു, അതേസമയം കിയ സോണറ്റ്, ഹ്യുണ്ടായി വെന്യു എന്നിവ യഥാക്രമം 18.4 ഉം 18.3 ഉം കിലോമീറ്ററാണ് ലഭിക്കുന്നത്.

ടാറ്റ നെക്‌സോൺ, മഹീന്ദ്ര XUV300, കിയ സോനെറ്റ് എന്നിവ പോലെ സ്ലൈഡിങ്ങ് റൂഫുകളുളള ചില ബ്രെസ്സയുടെ എതിരാളികളിൽ നിന്ന് വ്യത്യസ്തമായി, മാരുതി ബ്രെസ്സ ഒരു ക്ലാസിക്, ബോക്‌സി എസ്‌യുവി ലുക്ക് ആണ് നിലനിർത്തുന്നത്. അത് കൊണ്ട് തന്നെ ഇത് വളരെ മികച്ചതും ആർക്കും ഇഷ്ടപ്പെടുന്നതുമായ ഡിസൈനാണ്. റാപ്പറൗണ്ട് എൽഇഡി ടെയിൽലൈറ്റുകളും ഡ്യുവൽ-ടോൺ അലോയ് വീലുകൾക്കുള്ള ഓപ്ഷനും ഇതിനോടൊപ്പം ലഭിക്കുന്നു എന്നതാണ് പ്രത്യേകത.

മാരുതി ബ്രെസയുടെ സിഎന്‍ജി വകഭേദങ്ങളില്‍ ഇപ്പോള്‍ ഒരു ഇലക്ട്രോണിക് സ്റ്റെബിലിറ്റി പ്രോഗ്രാമും ഹില്‍ഹോള്‍സ് അസിസ്റ്റും ഉള്‍ക്കൊള്ളിച്ചിരിക്കുകയാണ്. വേരിയന്റുകളിലുടനീളം ഇവ ലഭ്യമാകും. ഈ രണ്ട് ഫീച്ചറുകളും മുമ്പ് പെട്രോള്‍ പതിപ്പുകള്‍ക്ക് മാത്രമായിരുന്നു. പുതിയ ഫീച്ചറുകള്‍ കൂട്ടിച്ചേര്‍ത്തെങ്കിലും ബ്രെസ സിഎന്‍ജി വേരിയന്റുകളുടെ വിലയില്‍ മാറ്റങ്ങളൊന്നും വരുത്തിയിട്ടില്ല എന്നത് ശ്രദ്ധേയമാണ്. 9.29 ലക്ഷം രൂപ മുതലാണ് ബ്രെസ സിഎന്‍ജി വേരിയന്റുകളുടെ വില ആരംഭിക്കുന്നത്. എക്‌സ്‌ഷോറൂം വിലയാണിത്.