ഫാസ്റ്റ് ചാർജിങ്ങ് മാത്രമല്ല, ഫാസ്റ്റ് മേക്കിങ്ങുമുണ്ട് ഷവോമിക്ക്, മണിക്കൂറിൽ 40 കാർ നിർമിക്കുമെന്ന് ബ്രാൻഡ്

ഇലക്ട്രിക് വാഹന വിപണിയിലേക്ക് കന്നി മോഡലുമായി എത്തിയ ബ്രാൻഡാണ് ഷവോമി. വാഹന രംഗത്തേക്ക് എത്തുന്നതിന് മുൻപ് തന്നെ ബ്രാൻഡിനെ ഏല്ലാവർക്കും സ്മാർട്ഫോൺ നിർമാതാക്കൾ എന്ന് രീതിയിൽ സുപരിചിതമാണ്. തങ്ങളുടെ ഇലക്ട്രിക് കാറായ SU7-ന് മികച്ച പ്രതികരണമാണ് ലഭിച്ചുകൊണ്ടിരിക്കുന്നതെന്നാണ് കമ്പനിയുടെ അവകാശവാദം. കമ്പനിയുടെ ആദ്യത്തെ EV ലോഞ്ച് ചെയ്ത് ഒരു മാസത്തിനുള്ളിൽ 75,000 ഓർഡറുകൾ ആണ് ഇപ്പോൾ നിലവിലുളളത്.

ഡെലിവറികൾ വേഗത്തിലാക്കാനും കാത്തിരിപ്പ് സമയം കുറയ്ക്കാനും സഹായിക്കുന്നതിന്, SU7 നിർമ്മിക്കുന്നതിന് ഗിഗാകാസ്റ്റിംഗും സ്റ്റാമ്പിംഗ് പ്രക്രിയകളും ഉപയോഗിക്കുന്ന ഒരു പുതിയ പ്രൊഡക്ഷൻ പ്രോസസ് ഷവോമി വികസിപ്പിച്ചെടുത്തിരിക്കുകയാണ്. '9100t' എന്ന് പേരിട്ടിരിക്കുന്ന ഈ സംവിധാനം രണ്ട് ബാസ്‌ക്കറ്റ്‌ബോൾ കോർട്ടുകളുടെ വലിപ്പത്തോളം വരും. പുതിയ സിസ്റ്റം SU7 ൻ്റെ മുഴുവൻ ഫ്ലോർ അസംബ്ലിയും നിർമിക്കുകയും, പിൻ ഫ്ലോർ അസംബ്ലി ഇപ്പോൾ വെറും 100 സെക്കൻഡിൽ നിർമ്മിക്കാൻ കഴിയും.

പ്രൊഡക്ഷൻ ലൈനിലെ ഒരൊറ്റ ഭാഗത്തിൻ്റെ ഉപയോഗം 840 വെൽഡിംഗ് പോയിൻ്റുകൾ കുറയ്ക്കുകയും ഉൽപ്പാദന സമയം 45 ശതമാനം കുറയ്ക്കുകയും ചെയ്യുന്നുണ്ട്. സിംഗിൾ-പാർട്ട് ഉപയോഗം കാറിനെ 17 ശതമാനം ഭാരം കുറയ്ക്കുകയും റോഡിലെ ശബ്ദം 2 ഡിബി കുറയ്ക്കുകയും ചെയ്യുന്നു. ഈ ഭാഗത്തിൻ്റെ ലൈഫ് ഇപ്പോൾ 2 ദശലക്ഷം കിലോമീറ്ററിലധികം ആണെന്നും കമ്പനി അവകാശപ്പെടുന്നുണ്ട്, കാരണം പരമ്പരാഗത ഫ്ലോർ പാനലിനേക്കാൾ 10 മടങ്ങ് കൂടുതലാണ് ഇത്.

ഈ ഉയർന്ന തോതിലുള്ള ഓട്ടോമേഷൻ, ഓരോ കാറിനും ഒരു മണിക്കൂർ അല്ലെങ്കിൽ 76 സെക്കൻഡിനുള്ളിൽ 40 കാറുകളുടെ ശേഷി വർദ്ധിപ്പിക്കാൻ ബ്രാൻഡിനെ സഹായിച്ചിരിക്കുകയാണ്. ഷവോമിയുടെ പ്രൊഡക്ഷൻ പ്ലാൻ്റിൽ 700 റോബോട്ടുകളും 181 ഓട്ടോണമസ് മൊബൈൽ റോബോട്ടുകളും ഉപയോഗിക്കുന്നുണ്ട്. ഷവോമിയുടെ ഗുണനിലവാര പരിശോധനയ്ക്കായി മെഷീനുകളും ഉപയോഗിക്കുന്നതിന്, 99.9 ശതമാനം കൃത്യത ഉണ്ടെന്നാണ് കമ്പനി പറയുന്നത്.

വാഹനത്തിൻ്റെ വിശേഷങ്ങളിലേക്ക് വന്നാൽ സ്പോർട്ടി അലോയ് വീലുകളും അക്വാ ബ്ലൂ എക്സ്റ്റീരിയർ കളർ ഓപ്ഷനുമെല്ലാം വാഹനത്തിന്റെ അഴകിനെ വേറെ തലത്തിലെത്തിക്കുന്നുണ്ടെന്ന് വേണം പറയാൻ. സെൽഫ് പാർക്കിംഗ് പോലുള്ള ഓട്ടോണമസ് ഡ്രൈവിംഗ് ഫീച്ചറുകളും ഷവോമി SU7 ഇലക്ട്രിക് കാറിൽ വാഗ്ദാനം ചെയ്യും. ഹൈ റെസല്യൂഷൻ ക്യാമറകൾ, ലിഡാർ, അൾട്രാസോണിക്, റഡാർ എന്നിവയാണ് ഈ സവിശേഷത കൈവരിക്കാനായി കമ്പനി ഉപയോഗിച്ചിരിക്കുന്നത്.

4,997 mm നീളവും 1,963 mm വീതിയും 1,455 mm വരെ ഉയരവും 3,000 mm വീൽബേസുമാണ് 4-ഡോർ ഇലക്ട്രിക് സെഡാനായി വരുന്ന ഷവോമി SU7 ഇവിക്കുള്ളത്. ഷവോമി അതിന്റെ ബാറ്ററിയുടെ ഊർജ സംഭരണ ശേഷി കൊണ്ട് വേർതിരിച്ച രണ്ട് കോൺഫിഗറേഷനുകളിൽ വാഹനം ലഭ്യമാക്കുമെന്നാണ് വിവരം. ഇതോടൊപ്പം ധാരാളം വേരിയന്റുകളും കാറിലുണ്ടാവും. എൻട്രി ലെവൽ വേരിയന്റിന് 73.6 kWh ബാറ്ററി പായ്ക്കാവും ഇടംപിടിക്കുക.

ടോപ്പ്-ഓഫ്-ലൈൻ വേരിയന്റിന് വലിയ 101 kWh ബാറ്ററി പായ്ക്ക് ലഭിക്കും. തങ്ങളുടെ ആദ്യ ഇലക്ട്രിക് കാറിനായി ഷവോമി സ്വന്തമായി സെൽ-ടു-ബോഡി (CTB) സാങ്കേതികവിദ്യ വികസിപ്പിച്ചെടുത്തിട്ടുണ്ട്. അത് ബാറ്ററിയെ വാഹനത്തിലേക്ക് സംയോജിപ്പിക്കുകയും ഘടനയുടെ കാഠിന്യം ഗണ്യമായി മെച്ചപ്പെടുത്തുകയും ചെയ്യുന്നുണ്ട്. കമ്പനി പറയുന്നത് അനുസവിച്ച് SU7 ഇവിക്ക് ഒറ്റ ചാർജിൽ SU7 800 കിലോമീറ്റർ വരെ റേഞ്ച് നൽകാനാവും.

ഷവോമി 2025-ൽ 1,200 കിലോമീറ്റർ റേഞ്ചുള്ള വലിയ 150 kWh ബാറ്ററി പായ്ക്കോടുകൂടിയ V8 എന്ന പുതിയ വേരിയന്റും അവതരിപ്പിക്കും. വേഗതയുടെ കാര്യത്തിൽ SU7 ഇലക്ട്രിക് സെഡാൻ ലോകമെമ്പാടുമുള്ള ഏറ്റവും വേഗതയേറിയ മോഡലുകൾക്ക് തുല്യമായിരിക്കും. എന്തായാലും നിങ്ങൾ ഒരു ഷവോമി പ്രേമിയാണെങ്കിൽ നിങ്ങളുടെ അഭിപ്രായം തീർച്ചയായും കമൻ്ഫ് ബോക്സിൽ രേഖപ്പെടുത്താൻ മറക്കരുത്. നിങ്ങൾ ബുക്ക് ചെയ്യാൻ താൽപ്പര്യപ്പെടുന്നുണ്ങെകിൽ എന്താണ് കാരണമെന്നും രേഖപ്പെടുത്തുക.