Click it and Unblock the Notifications
ചെറിയ ടെക്നോളജി, വേറെ ലെവല് യാത്രാസുഖം! 10 ലക്ഷം ബജറ്റില് കാര് വാങ്ങുന്നവര് ഇത് ഗൗനിക്കാറേയില്ല
മോഡേണ് കാറുകളില് കണ്ടുവരുന്ന ഒരു സവിശേഷതയാണ് സ്മാര്ട് എയര് പ്യൂരിഫയര് (Smart Air Purifier). ഈ സവിശേഷത കാറുകളിലെ വായു ഗുണനിലവാരം മെച്ചപ്പെടുത്തുകയും യാത്രക്കാര്ക്ക് ആരോഗ്യ സംരക്ഷണം നല്കുകയും ചെയ്യുന്നു. പൊടി, പുക, ദുര്ഗന്ധം, ദോഷകരമായ മാലിന്യങ്ങള് എന്നിവ നീക്കം ചെയ്തുകൊണ്ട് കാറിനകത്തെ വായു വൃത്തിയുള്ളതും പുതുമയുള്ളതുമായി നിലനിര്ത്താനായി സഹായിക്കുന്ന ഒരു ചെറിയ ഉപകരണമാണ് സ്മാര്ട്ട് എയര് പ്യൂരിഫയര് എന്ന് ലളിതമായി പറയാം. ഇത് HEPA, ആക്റ്റിവേറ്റഡ് കാര്ബണ് ഫില്ട്ടറുകള് എന്നിവ ഉപയോഗിച്ച് ചെറിയ പൊടിപടലങ്ങള്, ബാക്ടീരിയ, ദോഷകരമായ വാതകങ്ങള് എന്നിവ ഫില്ട്ടര് ചെയ്യുന്നു.
മൊബൈല് ആപ്പ് അല്ലെങ്കില് വോയ്സ് കമാന്ഡുകള് വഴി ഇത് നിയന്ത്രിക്കാന് കഴിയും. ഇന്ത്യയില് 10 ലക്ഷം രൂപയില് താഴെ വിലയുള്ള കാറുകളില് പോലും ഇപ്പോള് ഇന്-കാബിന് എയര് പ്യൂരിഫയറുകള് ലഭ്യമാണ്. കിയ, ടാറ്റ, ഹ്യുണ്ടായി തുടങ്ങിയ കമ്പനികളും കുറഞ്ഞ ബജറ്റില് വായു ശുദ്ധീകരണ സാങ്കേതികവിദ്യകള് വാഗ്ദാനം ചെയ്യുന്നു. യാത്രാനുഭവം മെച്ചപ്പെടുത്തുന്ന സ്മാര്ട് എയര് പ്യൂരിഫയര് വാഗ്ദാനം ചെയ്യുന്ന 10 ലക്ഷം രൂപയില് താഴെ വിലയുള്ള കാറുകള് പരിചയപ്പെടാം.
കിയ സോനെറ്റ്: 10 ലക്ഷം രൂപയില് താഴെ വിലയില് സ്മാര്ട്ട് പ്യുവര് എയര് പ്യൂരിഫയിംഗ് സിസ്റ്റം വാഗ്ദാനം ചെയ്യുന്ന കാര് ആണ് സോനെറ്റ്. സവിശേഷത സോനെറ്റിന്റെ HTK+ മുതല് മുകളിലോട്ടുള്ള വേരിയന്റുകളില് ലഭ്യമാണ്. വൈറസുകള്ക്കും ബാക്ടീരിയകള്ക്കുമെതിരെ ഇത് സംരക്ഷണം നല്കുന്നു. സോനെറ്റിന്റെ HTK+ വേരിയന്റിന് നിലവില് 9.10 ലക്ഷം രൂപ വിലയുണ്ട്. കാറിനുള്ളിലെ സെന്റര് കണ്സോള് ആംറെസ്റ്റില് ഒരു എയര് പ്യൂരിഫയറും എയര് ക്വാളിറ്റി ഇന്ഡക്സ് (AQI) ഡിസ്പ്ലേയും സംയോജിപ്പിച്ചിരിക്കുന്നു.
ടാറ്റ നെക്സോണ്: ടാറ്റ പുറത്തിറക്കുന്ന സബ് 4 മീറ്റര് എസ്യുവിയാണ് നെക്സോണ്. കഴിഞ്ഞ മാസം 22000-ത്തിലേറെ യൂണിറ്റ് വില്പ്പന നേടി നെക്സോണ് രാജ്യത്തെ ബെസ്റ്റ് സെല്ലര് കാര് ആയി മാറിയിരുന്നു. പെട്രോള്, ഡീസല്, സിഎന്ജി, ഇലക്ട്രിക് എന്നിങ്ങനെ മള്ട്ടിപ്പിള് പവര്ട്രെയിന് ഒാപ്ഷനുകളില് വാങ്ങാം. എസ്യുവിയുടെ ടോപ്പ് വേരിയന്റുകളില് ഇന്-കാബിന് എയര് പ്യൂരിഫയര് ഉള്പ്പെടുന്നു. നെക്സോണിന്റെ എന്ട്രി ലെവല് വേരിയന്റുകള് 10 ലക്ഷം രൂപയില് താഴെ എക്സ്ഷോറൂം വിലയില് ലഭ്യമാണ്.
എന്നിരുന്നാലും, പൊടി കണ്ടെത്താനുള്ള സെന്സറുകള് സജ്ജമാക്കിയ എയര് പ്യൂരിഫയറുകള് സാധാരണയായി ഉയര്ന്ന സ്പെക്ക് ഫിയര്ലെസ് വേരിയന്റുകളില് മാത്രമേ ലഭ്യമാകൂ. ഈ ഉയര്ന്ന സ്പെക്ക് വേരിയന്റുകള് സ്വന്തമാക്കാന് 10 ലക്ഷം രൂപയില് അല്പ്പം കൂടി മുടക്കേണ്ടി വരും. എയര് പ്യൂരിഫയറിന്റെ ഡിസ്പ്ലേ ഇന്ഫോടെയ്ന്മെന്റ് സിസ്റ്റത്തില് സംയോജിപ്പിച്ചിരിക്കുന്നതിനാല് യാത്രക്കാര്ക്ക് കാറിന്റെ അകത്തെ വായു ഗുണനിലവാരം എളുപ്പത്തില് നിരീക്ഷിക്കാന് കഴിയും.
ഹ്യുണ്ടായി വെന്യു: ദക്ഷിണ കൊറിയന് വാഹന നിര്മാതാക്കളായ ഹ്യുണ്ടായി പുറത്തിറക്കുന്ന ജനപ്രിയ സബ് കോംപാക്ട് എസ്യുവിയാണ് വെന്യു. മറ്റ് ഹ്യുണ്ടായി കാറുകളെ പോലെ വെന്യുവും നിരവധി മോഡേണ് ഫീച്ചറുകള് ഓഫര് ചെയ്യുന്നു. ഹ്യുണ്ടായി വെന്യു അതിന്റെ മുന്നിര വേരിയന്റുകളില് 'ഓട്ടോ ഹെല്ത്തി എയര് പ്യൂരിഫയര്' എന്ന എയര് പ്യൂരിഫയര് വാഗ്ദാനം ചെയ്യുന്നു. ഇന്റഗ്രേറ്റഡ് എയര് പ്യൂരിഫയര് സവിശേഷത ലഭിക്കാന് നിങ്ങള് വെന്യുവിന്റെ SX(O) വേരിയന്റ് തിരഞ്ഞെടുക്കണം.
നെക്സോണിനെപ്പോലെ വെന്യുവിലും 10 ലക്ഷം രൂപയില് കൂടുതല് വിലയുള്ള ഒരു എയര് പ്യൂരിഫയര് വേരിയന്റ് ലഭ്യമാണ്. കുറഞ്ഞത്, SX (ഓപ്ഷണല്) വേരിയന്റിന് 11.50 ലക്ഷം രൂപയാണ് വില. ശ്രദ്ധേയമായി, ഡീസല് മാനുവല് പവര്ട്രെയിനുള്ള വെന്യു വേരിയന്റുകളില് ഈ എയര് പ്യൂരിഫയര് ഇല്ല. ഏതായാലും ഈ എയര് പ്യൂരിഫയറിന്റെ സാന്നിധ്യം വെന്യു ഉടമകള്ക്ക് ശുദ്ധവും ആരോഗ്യകരമായ ഡ്രൈവിംഗ് അനുഭവം സമ്മാനിക്കുന്നു.
ഒരു സ്മാര്ട്ട് കാര് എയര് പ്യൂരിഫയര് നിങ്ങളുടെ വാഹനത്തിനുള്ളിലെ വായു യാന്ത്രികമായി നിരീക്ഷിച്ച് വൃത്തിയാക്കുന്നു. ഇത് കാറിലെ യാത്രക്കാര് ശുദ്ധവും സുരക്ഷിതവുമായ വായു ശ്വസിക്കുന്നുണ്ടെന്ന് ഉറപ്പാക്കുന്നു. ഡല്ഹി പോലെ വായു മലിനീകരണം കൂടുതലുള്ള നഗരങ്ങളില് ഇത് ഉപയോഗപ്രദമാണ്. മാത്രമല്ല കനത്ത ട്രാഫിക്കില് പെട്ടുപോകുമ്പോഴും ഇത് രക്ഷയാകും.
എയര് പ്യൂരിഫയര് ഒരു പ്രീമിയം സവിശേഷതയാണ്. അതുകൊണ്ടാണ് 10 ലക്ഷം രൂപയില് താഴെ വിലയുള്ള കിയ സോനെറ്റില് മാത്രമേ ഇത് ലഭ്യമാകൂ. മുകളില് പററ്റ മറ്റ് രണ്ട് കാറുകളുടെയും വില 10 ലക്ഷം രൂപയില് അല്പ്പം കൂടുതലാണ്. ഈ ലേഖനത്തില് പരാമര്ശിച്ചിരിക്കുന്ന എല്ലാ വിലകളും കാറുകളുടെ എക്സ്-ഷോറൂം വിലകളാണെന്ന് പ്രത്യേകം ശ്രദ്ധിക്കുക. ക്യാബിന് അന്തരീക്ഷവും ആരോഗ്യവുമെല്ലാം ശ്രദ്ധിക്കുന്ന ബന്ധുക്കളും സുഹൃത്തുക്കളും നിങ്ങള്ക്കുണ്ടെങ്കില് ഈ എയര് പ്യൂരിഫയറിന്റെ കാര്യം അവരെ ഓര്മിപ്പിക്കുമല്ലോ.
Continue with Google