ഇനി ഡ്രൈവിങ്ങിനിടെ ശ്രദ്ധ തെറ്റില്ല; സൺറൂഫ് തുറക്കാൻ ഈ കാറുകളിൽ നിങ്ങളുടെ ശബ്ദം മതി

ഇന്ത്യൻ വാഹന വിപണിയിൽ വോയിസ് കൺട്രോൾ സൺറൂഫുകളോടുള്ള താൽപ്പര്യം വർധിച്ചുവരികയാണ് എന്നാണ് റിപ്പോർട്ടുകൾ സൂചിപ്പിക്കുന്നത്. ഡ്രൈവിങ്ങിനിടെ കൈകൾ ഉപയോഗിക്കാതെ തന്നെ സൺറൂഫ് തുറക്കാനും അടക്കാനും സാധിക്കുന്ന ഈ ഇലക്ട്രിക് സംവിധാനം ഉയർന്നുവരുന്ന ഒരു ഫീച്ചറാണ്. 10 ലക്ഷം രൂപയിൽ താഴെ എക്സ്-ഷോറൂം വിലയിൽ ഈ സൗകര്യം നൽകുന്ന മികച്ച ചില കാറുകളെ പരിചയപ്പെട്ടാലോ.സൺറൂഫ് ഉളള മോഡലുകൾക്ക് ആവശ്യക്കാർ ഏറി വരികയാണ്. എന്നാൽ പലർക്കും സൺറൂഫിൻ്റെ പ്രധാന ഉപയോഗം മനസിലാക്കാതെ ഒരു ആഡംബര ഫീച്ചറെന്ന നിലയിലാണ് സൺറൂഫ് മോഡലുകൾ ആവശ്യപ്പെടുന്നത്.

വോയിസ് കൺട്രോൾ സൺറൂഫ് വാഗ്ദാനം ചെയ്യുന്ന ഏറ്റവും താങ്ങാനാവുന്ന വാഹനങ്ങളിലൊന്നാണ് ഹ്യുണ്ടായ് എക്സ്റ്റർ. ഇതിൻ്റെ 'എസ് സ്മാർട്ട്' (S Smart) വേരിയൻ്റ് മുതൽ സിംഗിൾ-പേൻ ഇലക്ട്രിക് സൺറൂഫ് ലഭ്യമാണ്. എക്സ്റ്ററിൻ്റെ എക്സ്-ഷോറൂം വില 7.68 ലക്ഷം മുതൽ 9.61 ലക്ഷം വരെയാണ്. എക്സ്റ്ററിന് ശക്തനയ എതിരാളിയായി ടാറ്റ പഞ്ച് 'അക്കംപ്ലിഷ്ഡ് എസ്' (Accomplished S) വേരിയൻ്റിലൂടെ വോയിസ് കൺട്രോൾ ഇലക്ട്രിക് സൺറൂഫ് നൽകുന്നു.

ഈ മൈക്രോ-എസ്‌യുവിയുടെ ഇപ്പോഴത്തെ എക്സ്-ഷോറൂം വില 7.71 ലക്ഷം മുതൽ 9.24 ലക്ഷം വരെയാണ്. ടാറ്റ മോട്ടോഴ്സിൻ്റെ പ്രീമിയം ഹാച്ച്ബാക്കായ ടാറ്റ ആൾട്രോസിൻ്റെ 'പ്യൂർ എസ്' (Pure S) വേരിയൻ്റ് മുതൽ വോയിസ് കൺട്രോൾ സൺറൂഫ് ലഭ്യമാണ്. ഈ മോഡലിന്റെ എക്സ്ഷോറും വില 7.36 ലക്ഷം മുതൽ 10.51 ലക്ഷം വരെയാണെങ്കിലും, ചില ഉയർന്ന വേരിയൻ്റുകൾ 10 ലക്ഷം രൂപയ്ക്ക് മുകളിലേക്ക് പോകും.

മഹീന്ദ്രയുടെ കോംപാക്റ്റ് എസ്‌യുവിയായ XUV 3XO-യുടെ 'MX2 പ്രോ' (MX2 Pro) വേരിയൻ്റ് മുതൽ സിംഗിൾ-പേൻ സൺറൂഫ് ലഭിക്കുന്നുണ്ട്. 10 ലക്ഷം രൂപയിൽ താഴെയുള്ള ചില വേരിയൻ്റുകളിൽ പനോരമിക് സൺറൂഫും ലഭ്യമാണ് എന്നതാണ് ഹൈലൈറ്റ്. ഇതിൻ്റെ എക്സ്-ഷോറൂം വില ഏകദേശം 8.99 ലക്ഷം മുതൽ 9.99 ലക്ഷം വരെയാണ്.

സബ്-കോംപാക്റ്റ് എസ്‌യുവി വിഭാഗത്തിൽ ഹ്യുണ്ടായി വെന്യുവിൻ്റെ E+, SX വേരിയൻ്റുകൾ 10 ലക്ഷം രൂപ ബജറ്റിനുള്ളിൽ ഇലക്ട്രിക് സൺറൂഫ് ഫീച്ചറുമായി എത്തുന്ന മോഡലാണ്. ഇതിൻ്റെ എക്സ്-ഷോറൂം വില ഏകദേശം 8.32 ലക്ഷം മുതൽ 9.99 ലക്ഷം വരെയാണ്. ടാറ്റയുടെ ജനപ്രിയ കോംപാക്റ്റ് എസ്‌യുവി മോഡലായ ടാറ്റ നെക്സോണിൻ്റെ 'സ്മാർട്ട്+ S' വേരിയൻ്റുകളിലും വോയിസ് കൺട്രോൾ ഇലക്ട്രിക് സൺറൂഫ് സൗകര്യം ലഭിക്കുന്നുണ്ട്. നെക്സോണിന്റെ എക്സ്-ഷോറൂം വില 9.20 ലക്ഷം മുതൽ 9.80 ലക്ഷം വരെ വരുന്നു.

ഈ കാറുകളിലെ സൺറൂഫ് സൗകര്യം സാധാരണയായി മിഡ് വേരിയൻ്റ് മുതൽ ഉയർന്ന വേരിയൻ്റുകളിലാണ് വാഗ്ദാനം ചെയ്യുന്നത്. ഇവിടെ നൽകിയിരിക്കുന്ന വിലകൾ എക്സ്-ഷോറൂം വിലകൾ മാത്രമാണ് എന്ന് പ്രത്യേകം ഓർമിപ്പിക്കുകയാണ്. ആർടിഒ നിരക്കുകൾ, ഇൻഷുറൻസ്, പ്രാദേശിക നികുതികൾ എന്നിവ ഉൾപ്പെടെയുള്ള ഓൺ-റോഡ് വില നഗരത്തിനനുസരിച്ച് 10 ലക്ഷം കവിഞ്ഞേക്കാം.

കൂടുതൽ കൃത്യമായ വിവരങ്ങൾക്കും ഏറ്റവും പുതിയ ഓഫറുകൾക്കും, ബന്ധപ്പെട്ട വാഹന നിർമ്മാതാക്കളുടെ വെബ്സൈറ്റുകളോ അടുത്തുള്ള ഡീലർമാരെയോ സമീപിക്കണം കേട്ടോ. സൺറൂഫ് മോഡലുകൾ വാങ്ങുമ്പോൾ ഗുണവും ദോഷവും ഉണ്ട്. പതിവായി പ്രവർത്തിപ്പിച്ചില്ലെങ്കിൽ കേടാവാനുള്ള സാധ്യതയുണ്ട്. അത് നിങ്ങളുടെ ആവശത്തിന് അനുസരിച്ചുള്ള വേരിയൻ്റ് വാങ്ങുന്നതാണ് എപ്പോഴും ഉചിതം. വെറുതെ ആഡംബര കാണിക്കുന്നതിൽ കാര്യമില്ല.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.