ഫ്ലഷ് ഡോർ ഹാൻഡിലുകൾ നിരോധിക്കാനൊരുങ്ങി സർക്കാർ; ജീവൻ പോലും നഷ്ടപ്പെടാൻ സാധ്യതയുള്ള ഫീച്ചർ

ഇപ്പോൾ പുതിയതായി അവതരിപ്പിക്കുന്ന വാഹനങ്ങളിൽ ഫ്ലഷ് ഡോർ ഹാൻഡിലുകൾ നിരവധി ബ്രാൻഡുകൾ നൽകിയിട്ടുണ്ട്. എന്നാൽ ചിലർക്ക് അത് ഉപയോഗിക്കാൻ ബുദ്ധിമുട്ടുണ്ട്. പക്ഷേ വാഹനങ്ങളിൽ ഫ്ലഷ് ഡോർ ഹാൻഡിലുകൾ വാഹനത്തിൻ്റെ ഭംഗി കൂട്ടുക മാത്രമല്ല, ചില പോരായ്മകളും ഉണ്ടെന്നാണ് സർക്കാർ ചൂണ്ടിക്കാട്ടുന്നത്. പൂർണ്ണമായിട്ടും മറച്ചിരിക്കുന്നതും അത് പോലെ തന്നെ പിൻവലിക്കാവുന്നതുമായ ഹാൻഡിലുകൾ നിരോധിക്കാൻ ചൈനീസ് അധികാരികൾ തീരുമാനിച്ചിരിക്കുകയാണ്. അത് കൊണ്ട് തന്നെ ചൈനയിൽ വാഹനങ്ങൾ വിൽക്കുന്ന എല്ലാ വാഹന നിർമ്മാതാക്കൾക്കും ഈ നിരോധനം ബാധകമാകുമെന്നാണ് അറിയിച്ചിരിക്കുന്നത്.

സർക്കാർ ഇത്തരത്തിലൊരു തീരുമാനം എടുത്ത സ്ഥിതിക്ക് വാഹന നിർമാതാക്കൾ തങ്ങളുടെ വാഹനത്തിൻ്റെ ഡോർ ഹാൻഡിലുകൾ റീഡിസൈൻ ചെയ്യേണ്ടി വരുമെന്നാണ് അറിയിച്ചിരിക്കുന്നത്. ഇനി ഇതിൻ്റെ പിന്നിലുളള കാരണമെന്താണെന്ന് കൂടി അറിഞ്ഞാലോ. പോപ്പ് അപ്പ് ഡോർ ഹാൻഡിലുകൾ മൂലം പലപ്പോഴും അപകടത്തിൽപ്പെടുന്ന വാഹനങ്ങളിൽ നിന്ന് യാത്രക്കാരെ രക്ഷപ്പെടുത്താൻ സാധിക്കാതെ വരുന്നു എന്നാണ് പരാതികൾ ഉയർന്നത്.

ഇത്തരമൊരു സാഹചര്യം വീണ്ടും സംഭവിക്കാതെ ഇരിക്കുന്നതിന് വേണ്ടിയാണ് ചൈനീസ് സർക്കാർ ഇത്തരമൊരു തീരുമാനം എടുത്തിരിക്കുന്നത്. താമസിയാതെ ഇന്ത്യയിലും ഇത് പോലെയുളള നിരോധനം വരാനുള്ള സാധ്യതയുണ്ടെന്നാണ് തോന്നുന്നത്. എന്നാൽ ഇതുവരെ ഫ്ലഷ് ഡോർ ഹാൻഡിലുകളെ കുറിച്ച് പരാതികൾ ഉയരാത്ത സാഹചര്യത്തിൽ ഇപ്പോൾ പേടിക്കേണ്ട ആവശ്യമില്ല എന്ന് തന്നെ പ്രതീക്ഷിക്കാം.

പലപ്പോഴും ഡോർ ഹാൻഡിൽ എങ്ങനെ നന്നായി ഉപയോഗിക്കണമെന്ന് പലർക്കും അറിയില്ല എന്നതാണ് സത്യം. കാറിന്റെ ഡോറുകള്‍ ഒരു സ്പ്രിംഗുമായി ബന്ധിപ്പിച്ചിരിക്കുന്ന ഒരു ലാച്ച് സിസ്റ്റം ഉപയോഗിക്കുന്നു. നിങ്ങള്‍ ഡോര്‍ അടയ്ക്കുമ്പോള്‍ ലാച്ച് മുകളിലേക്ക് നീങ്ങുകയും യാന്ത്രികമായി പൂട്ടുകയും ചെയ്യുന്നു. തുറക്കാനായി സ്പ്രിംഗിന്റെ സഹായത്തോടെ ലാച്ച് റിലീസ് ചെയ്യുന്ന ബട്ടണ്‍ ഉപയോഗിക്കുക.

ഡോറുകളില്‍ മാത്രമല്ല ബോണറ്റിലും ഇതേ സിസ്റ്റമാണ് ഉപയോഗിക്കുന്നത്. ഡോര്‍ അടയ്ക്കുമ്പോള്‍ ലോക്കില്‍ വീഴാന്‍ അല്‍പ്പം ശക്തി ആവശ്യമാണ്. ശക്തിയില്ലാതെ കാറിന്റെ ഡോര്‍ പതിയെ അടിച്ചാല്‍ ഈ ലോക്കില്‍ വീഴില്ല. ഇത് കാരണം ഡോര്‍ ശരിയായി അടയാതെ വരും. നിങ്ങള്‍ റോഡിലൂടെ പോകുമ്പോള്‍ ഇങ്ങനെ 'പകുതി' അടഞ്ഞ ഡോറുകള്‍ നമുക്ക് കാണാന്‍ പറ്റും. ഇത് ശരിക്കും അപകടകരമാണ്.

നിങ്ങളുടെ കാറിന്റെ വിൻഡോ, ഡോർ സീൽ എന്നിവയെല്ലാം പതിവായി വൃത്തിയാക്കുന്നത് അവരുടെ ആയുസ്സ് വർദ്ധിപ്പിക്കുന്നതിനുള്ള ഏറ്റവും എളുപ്പവും ഫലപ്രദവുമായ മാർഗ്ഗമാണ്. പതുക്കെ തുടയ്ക്കാൻ വൃത്തിയുള്ളതും നനഞ്ഞതുമായ തുണി ഉപയോഗിക്കുക. കഠിനമായ രാസവസ്തുക്കളോ ഉരച്ചിലുകളോ ഉപയോഗിക്കുന്നത് ഒഴിവാക്കുക, കാരണം റബ്ബർ മെറ്റീരിയലിനെ നശിപ്പിക്കുന്നതിന് പകരം വീര്യം കുറഞ്ഞ സോപ്പോ പ്രത്യേക റബ്ബർ വൃത്തിയാക്കുന്ന ഉൽപ്പന്നമോ ഉപയോഗിക്കാൻ പ്രത്യേകം ശ്രദ്ധിക്കണം.

നിങ്ങളുടെ ചർമ്മത്തിൻ്റെ ആരോഗ്യം നിലനിർത്താൻ മോയ്സ്ചറൈസേഷൻ ആവശ്യമായി വരുന്നതുപോലെ, നിങ്ങളുടെ കാറിന്റെ റബ്ബർ സീലുകൾക്ക് വഴക്കമുള്ളതും വിള്ളലുകളെ പ്രതിരോധിക്കുന്നതും നിലനിർത്താൻ പതിവ് കണ്ടീഷനിംഗിൽ നിന്ന് പ്രയോജനം ലഭിക്കും. ഈ പ്രക്രിയ ഓരോ മൂന്ന് മാസത്തിലൊരിക്കൽ എങ്കിലും ചെയ്യണം, പ്രത്യേകിച്ച് ചൂട് കാലാവസ്ഥയുള്ള പ്രദേശങ്ങളിൽ. ഇത് ചെയ്യുന്നത് നിങ്ങളുടെ കാർ കൂടുതൽ വൃത്തിയായി സൂക്ഷിക്കാൻ സാധിക്കും.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.