ഹ്യുണ്ടായി കാർ വാങ്ങാൻ വരുന്നവർ ആവശ്യപ്പെടുന്നത് ഈ ഫീച്ചർ; ഡിജിറ്റൽ കീ എന്ന കിടിലൻ ഫീച്ചർ

ഇപ്പോൾ വാഹന വിപണിയിൽ ഫീച്ചറുകൾ കൂടുതലുളള വാഹനങ്ങളോടാണ് ജനങ്ങൾക്ക് ഇഷ്ടകൂടുതൽ എന്നത് വളരെ സത്യമാണ്. മാനുവലായി ചെയ്യുന്ന കാര്യങ്ങൾ പലർക്കും ഇപ്പോൾ ഒരു ബുദ്ധിമുട്ടായിരിക്കുകയാണ്. ജനങ്ങളുടെ മനസ് അറിഞ്ഞ് ടെക്നോളജികൾ അവതരിപ്പിക്കുന്നതിൽ കൊറിയൻ ബ്രാൻഡായ ഹ്യുണ്ടായി വേറെ ലെവലാണ്. അതിൽ തന്നെ പ്രധാനമാണ് ഡിജിറ്റൽ കീ. 2024 സെപ്റ്റംബറിൽ ഹ്യുണ്ടായി അൽകസാറിനൊപ്പം ലോഞ്ച് ചെയ്‌ത് പിന്നീട് 2025 ജനുവരിയിൽ ഹ്യുണ്ടായി CRETA ഇലക്ട്രിക്കിൽ അവതരിപ്പിച്ച ഈ ഫീച്ചർ അവതരിപ്പിച്ച് ഒരു വർഷത്തിനുള്ളിൽ തന്നെ അതിവേഗം ഉപഭോക്താക്കൾ ഏറ്റെടുക്കുകയും ചെയ്തു.

ഡിജിറ്റൽ കീ ഹ്യുണ്ടായി ഉപയോക്താക്കളെ അവരുടെ മൊബൈൽ ഉയോഗിച്ച് ഒരു വെർച്വൽ കീ സൃഷ്ടിക്കുന്നു. ഇത് മാനുവലായി കീ കൊണ്ടുപോകേണ്ടതിന്റെ ആവശ്യകത ഇല്ലാതാക്കുന്നു എന്നതാണ് ഏറ്റവും വലിയ പ്രത്യേകത. അനുയോജ്യമായ സ്മാർട്ട് ഉപകരണങ്ങൾ കാറിന്റെ ഡോറിൽ ടാപ്പ് ചെയ്‌ത് ലോക്ക് / അൺലോക്ക് ചെയ്യാനും കാറിന്റെ വയർലെസ് ചാർജിംഗ് പാഡിൽ സ്ഥാപിക്കാനും സാധിക്കുന്നു.

35 ശതമാനത്തോളം ഇന്ത്യൻ ഉപഭോക്താക്കൾക്കായി പ്രീമിയം സവിശേഷതകൾ ജനാധിപത്യവൽക്കരിക്കുന്നതിൽ ഞങ്ങൾ പ്രതിജ്ഞാബദ്ധരാണെന്നും. ഡിജിറ്റൽ കീയോടുള്ള ആവേശകരമായ പ്രതികരണം ദൈനംദിന ജീവിതത്തിന് യഥാർത്ഥ മൂല്യം നൽകുന്ന സാങ്കേതികവിദ്യ സൃഷ്ടിക്കുന്നതിലുള്ള ഞങ്ങളുടെ വിശ്വാസത്തെ വീണ്ടും ഉറപ്പിക്കുന്നു എന്നുമാണ് HMIL-ന്റെ മാനേജിംഗ് ഡയറക്ടർ ശ്രീ. ഉൻസൂ കിം പറഞ്ഞത്.

ഹ്യുണ്ടായിയുടെ പ്രീമിയം ടെക് സ്യൂട്ടിലെ നിരവധി മികച്ച സവിശേഷതകളിൽ ഒന്നായ ഡിജിറ്റൽ കീ NFC (നിയർ ഫീൽഡ് കമ്മ്യൂണിക്കേഷൻ) സാങ്കേതികവിദ്യ വഴിയാണ് പ്രവർത്തിക്കുന്നത്. ഹ്യുണ്ടായ് ബ്ലൂലിങ്ക് ആപ്പ് ഉപയോഗിച്ച് ഉപയോക്താക്കളെ അവരുടെ മൊബൈൽ ഉപകരണത്തിൽ ഒരു വെർച്വൽ കീ സൃഷ്ടിക്കാൻ ഇത് പ്രാപ്തമാക്കുകയും, ഇത് ഒരു ഫിസിക്കൽ കീയുടെ ആവശ്യകതയെ മാറ്റുകയും ചെയ്യുന്നു.

ഉടമകൾക്ക് അനുയോജ്യമായ സ്മാർട്ട്‌ഫോണുകൾ, സ്മാർട്ട് വാച്ചുകൾ അല്ലെങ്കിൽ ഒരു ആക്‌സസറിയായി ലഭ്യമായ ഒരു സമർപ്പിത NFC കാർഡ് വഴി അവരുടെ ഡിജിറ്റൽ കീ സൃഷ്ടിക്കാൻ കഴിയും. സജ്ജീകരിച്ചുകഴിഞ്ഞാൽ, കീ കുടുംബാംഗങ്ങൾ, സുഹൃത്തുക്കൾ അല്ലെങ്കിൽ ഡ്രൈവർമാർ എന്നിവരുമായി സുരക്ഷിതമായി പങ്കിടാനും അധിക നിയന്ത്രണത്തിനായി എപ്പോൾ വേണമെങ്കിലും നിങ്ങൾക്ക് പിൻവലിക്കാനും കഴിയും. കൂടാതെ, ഫിസിക്കൽ കീ മറന്ന് പോകുന്നതി്റെ കളഞ്ഞു പോകുന്നതിൻ്റെയോ ടെൻഷൻ ഒഴിവാകുന്നു.

കഴിഞ്ഞ ഒരു ദശാബ്ദമായി ഇന്ത്യന്‍ വിപണിയില്‍ ശക്തമായ പിടിമുറുക്കാന്‍ ഹ്യുണ്ടായി ക്രെറ്റയ്ക്ക് കഴിഞ്ഞു. 10 വര്‍ഷം കൊണ്ട് ഇതുവരെ 12 ലക്ഷം വീടുകളിലാണ് ക്രെറ്റ എത്തിയിരിക്കുന്നത്. മികച്ച ഡിസൈന്‍, ഏറ്റവും പുതിയ സാങ്കേതികവിദ്യ, ശക്തമായ പെര്‍ഫോമന്‍സ് എന്നിവയുടെ ബലത്തില്‍ പുതുതലമുറ എസ്‌യുവി ഉപഭോക്താക്കളുടെ ആദ്യ ചോയ്‌സായി ക്രെറ്റ തുടരുകയാണ്. കാലികമായി കാറില്‍ വരുത്തുന്ന അപ്‌ഡേറ്റുകളും ഇതിന് ഗുണം ചെയ്യുന്നു.

കഴിഞ്ഞ വര്‍ഷം ജനുവരിയില്‍ ക്രെറ്റ ഫെയ്സ്ലിഫ്റ്റിന് വിധേയമായിരുന്നു. അതിന് ശേഷം ക്രെറ്റയുടെ വില്‍പ്പന കുതിച്ചുയരുന്നതാണ് കണ്ടത്. E, EX, S, S(O), SX, SX ടെക്, SX(O) എന്നിങ്ങനെ 7 വേരിയന്റുകളിലാണ് ക്രെറ്റ വിപണിയില്‍ എത്തുന്നത്. നിലവില്‍ ആഭ്യന്തര വിപണിയില്‍ 11.11 ലക്ഷം രൂപ മുതല്‍ 20.50 ലക്ഷം രൂപ വരെയാണ് ക്രെറ്റയുടെ എക്‌സ്‌ഷോറൂം വില പോകുന്നത്.

1.5 ലിറ്റര്‍ നാച്ചുറലി ആസ്പിറേറ്റഡ് പെട്രോള്‍, 1.5 ലിറ്റര്‍ ടര്‍ബോ-പെട്രോള്‍, 1.5 ഡീസല്‍ എന്നിങ്ങനെ മൂന്ന് എഞ്ചിന്‍ ഓപ്ഷനുകളിലാണ് ഹ്യുണ്ടായി ക്രെറ്റ സ്വന്തമാക്കാനാവുക. 6 സ്പീഡ് മാനുവല്‍, ഇന്റലിജന്റ് വേരിയബിള്‍ ട്രാന്‍സ്മിഷന്‍ (ഐവിടി), 7 സ്പീഡ് ഡ്യുവല്‍ ക്ലച്ച് ട്രാന്‍സ്മിഷന്‍ (ഡിസിട), 6 സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് എന്നിങ്ങനെ വൈവിധ്യമാര്‍ന്ന ട്രാന്‍സ്മിഷന്‍ ചോയ്‌സുകളും എസ്‌യുവിയില്‍ ഓഫര്‍ ചെയ്യുന്നു.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.