ഡിക്കി തുറന്നാൽ ഇരുട്ട് ആവില്ല; ട്രങ്ക് ലൈറ്റുള്ള 10 ലക്ഷത്തിൽ താഴെ കിട്ടുന്ന കാറുകൾ

കാറുകളിൽ സാധാരണയായി ശ്രദ്ധിക്കപ്പെടാതെ പോകുന്ന, പക്ഷേ പലപ്പോഴും പ്രാധാന്യമുള്ള ഒരു ഫീച്ചറാണ് ട്രങ്ക് ലൈറ്റ്. പ്രത്യേകിച്ച് രാത്രി യാത്രകളിലും കുറഞ്ഞ പ്രകാശമുള്ള സ്ഥലങ്ങളിലും ബൂട്ടിൽ നിന്ന് ലഗേജുകളെടുക്കേണ്ടി വരുമ്പോഴാണ് ട്രങ്ക് ലൈറ്റിൻ്റെ പ്രധാന്യം മനസിലാകുന്നത്. എന്നാൽ എല്ലാ കാറുകളിലും നിങ്ങൾക്ക് ട്രങ്ക് ലൈറ്റുകൾ ലഭിക്കുന്നില്ല എന്നതാണ് ഓർക്കേണ്ട മറ്റൊരു കാര്യം. ഈ ലേഖനത്തിൽ ട്രങ്ക് ലൈറ്റുകളുടെ പ്രവർത്തന എപ്രകാരമാണെന്നും അത് പോലെ തന്നെ ട്രങ്ക് ലൈറ്റുകളുണ്ടെങ്കിൽ ഉളള ഗുണങ്ങളെ കുറിച്ചും, പുതിയതായി കൂട്ടിചേർക്കണമെങ്കിൽ എന്തൊക്കെ ചെയ്യണമെന്നുമാണ് പങ്കുവയ്ക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

കാറിന്റെ ബൂട്ട് അല്ലെങ്കിൽ ലഗേജ് വച്ചിരിക്കുന്നിടത്ത് വെളിച്ചം നൽകുന്ന ചെറിയ ലൈറ്റാണ് ട്രങ്ക് ലൈറ്റ്. ബൂട്ട് തുറക്കുമ്പോൾ ഈ ലൈറ്റ് ഓട്ടോമാറ്റിക്കായി തെളിയുകയും ബൂട്ട് അടച്ചതിന് ശേഷം തനിയെ ഓഫ്‌ ആകുകയും ചെയ്യും. ട്രങ്ക് ലൈറ്റിൻ്റെ പ്രധാന ഗുണങ്ങളായി പറയാൻ സാധിക്കുന്നത് രാത്രിയിൽ ലഗേജ് കണ്ടെത്താനുളള സൗകര്യം, വെളച്ചമുളളത് കൊണ്ട് ചെറിയ വസ്തുക്കൾ പോലും വളരെ വ്യക്തമായി കാണാൻ സാധിക്കുന്നു.

ചില പാർക്കിങ്ങ് ഏരിയകളിൽ വെളിച്ചമില്ലെങ്കിൽ ചില ഗാരേജുകളിൽ വെളിച്ചകുറവ് ആണെങ്കിൽ നിങ്ങളുടെ വാഹനത്തിൽ ട്രങ്ക് ലൈറ്റുകളുണ്ടെങ്കിൽ വളരെ സഹായകരമായിരിക്കും. ആരും ശ്രദ്ധിക്കാത്ത ഒരു ഫീച്ചറാണെങ്കിലും 10 ലക്ഷത്തിൽ താഴെ ഈ ഫീച്ചർ ലഭിക്കുന്ന മോഡലുകളെ ഒന്ന് പരിചയപ്പെടാം. ജനപ്രിയ കോംപാക്റ്റ് സെഡാൻ വിഭാഗത്തിലെ ഈ മോഡൽ സാങ്കേതികവിദ്യ, ഇന്ധനക്ഷമത, ബ്രാൻഡിന്റെ വിശ്വാസ്യത എന്നിവയുടെ മികച്ച സംയോജനമാണ്.

ഇതിന്റെ ZXi വേരിയന്റ് 10 ലക്ഷം രൂപ വില പരിധിയിൽ വരുന്നതും ട്രങ്ക് ലൈറ്റ് സൗകര്യമുള്ളതുമാണ്. അടുത്തത് ഹോണ്ട അമേസാണ്. മികച്ച എഞ്ചിനും വിശാലമായ ക്യാബിനും പേരുകേട്ട അമേസ്, ഒരു സെഡാൻ മോഡലാണ്. ഡിസയറിന് സമാനമായി, ഈ കോംപാക്റ്റ് സെഡാന്റെ V, VX വേരിയന്റുകളിലും ട്രങ്ക് ലൈറ്റ് പോലുള്ള ദൈനംദിന ഉപയോഗത്തിനുള്ള ഫീച്ചറുകൾ ലഭ്യമാണ്.

ഡിസയർ, അമേസ് എന്നിവയെപ്പോലെ, താങ്ങാനാവുന്ന വിലയിൽ ലഭിക്കുന്ന ഒരു സെഡാൻ കാറാണ് ടിഗോർ. ഇതിന് 4-സ്റ്റാർ GNCAP സുരക്ഷാ റേറ്റിംഗും ട്രങ്ക് ലൈറ്റോട് കൂടിയ പ്രായോഗിക ബൂട്ട് സ്പേസും ഉണ്ട്. ഈ മോഡലിന്റെ പല വേരിയന്റുകളും 10 ലക്ഷം രൂപയിൽ താഴെ ലഭ്യമാണ്. കൊറിയൻ ബ്രാൻഡായ ഹ്യുണ്ടായി ഓറയിലേക്ക് നോക്കിയാൽ ഗ്രാൻഡ് i10 നിയോസിന്റെ സഹോദര മോഡലായ ഓറ, ട്രങ്ക് ലൈറ്റ് ഉൾപ്പെടെ നിരവധി ആധുനിക ഫീച്ചറുകൾ വിവിധ വേരിയന്റുകളിൽ വാഗ്ദാനം ചെയ്യുന്നു.

മാരുതി സുസുക്കിയുടെ വളരെ ജനപ്രിയ ഒരു വലിയ പ്രീമിയം സെഡാൻ ആണെങ്കിലും, സിയാസിന്റെ എൻട്രി-ലെവൽ വേരിയന്റുകളായ സിഗ്മയും ഡെൽറ്റയും പത്ത് ലക്ഷം രൂപയിൽ താഴെ ലഭ്യമാണ്. 510 ലിറ്റർ വിശാലമായ ബൂട്ട് സ്പേസുള്ള ഇതിൽ ട്രങ്ക് ലൈറ്റ് ഒരു സ്റ്റാൻഡേർഡ് ഫീച്ചറായി നൽകിയിരിക്കുന്നു. മറ്റൊരു ഇന്ത്യൻ ബ്രാൻഡായ ടാറ്റ പഞ്ചിലും നിങ്ങൾക്ക് ട്രങ്ക് ലൈറ്റ് ലഭിക്കുന്നുണ്ട്.

ഗ്ലോബൽ NCAP ക്രാഷ് ടെസ്റ്റിൽ 5-സ്റ്റാർ സുരക്ഷാ റേറ്റിംഗും കരുത്തുറ്റ ബോഡിയുമുള്ള ഒരു മൈക്രോ-എസ്‌യുവിയാണ് ടാറ്റ പഞ്ച്. 10 ലക്ഷം രൂപയിൽ താഴെ വില വരുന്ന ഇതിന്റെ ടോപ്പ്-സ്പെക്ക് വേരിയന്റുകളിൽ ബൂട്ട് ലാമ്പ് പോലുള്ള അവശ്യ സൗകര്യങ്ങൾ ഉൾപ്പെടുത്തയിട്ടുളളത് കൊണ്ട് തന്നെ വിൽപ്പനയിലും പഞ്ച് മുന്നിൽ തന്നെയാണ് കേട്ടോ.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.