Click it and Unblock the Notifications
സീബ്ര ക്രോസിങ്ങിലുളളവരെ അവഗണിക്കല്ലേ, ലൈസൻസ് വരെ തെറിപ്പിക്കുന്ന MVD-യുടെ പുതിയ നിർദേശമിങ്ങനെ
ഡ്രൈവിങ്ങിൽ എതിരെ വരുന്ന വാഹനങ്ങളെ മാത്രമല്ല റോഡിലുടെ നടന്ന് പോകുന്ന യാത്രക്കാരേയും കൂടി പരിഗണിക്കേണ്ടത് വളരെ അത്യാവശമാണ്. റോഡ് എന്നാൽ വാഹനമോടിക്കുന്നവർക്ക് മാത്രമുളളതല്ല എന്ന് കൂടി ഓർക്കണം. എന്നാൽ പല ഡ്രൈവർമാരും സീബ്രാ ലൈനിൽ കൂി പോകുന്നവരേയും അത് പോലെ തന്നെ സീബ്രാ ലൈനിൽ വാഹനങ്ങൾ നിർത്തുകയും ചെയ്യുന്നത് പതിവാണ്. കാൽനടയാത്രക്കാരുടെ സുരക്ഷ ഉറപ്പാക്കാൻ വേണ്ടിയാണ് നഗരങ്ങളിലും ഗ്രാമങ്ങളിലും സീബ്ര ക്രോസിംഗുകൾ ഒരുക്കിയിരിക്കുന്നത്. റിപ്പോർട്ടുകൾ പ്രകാരം ഈ വർഷം ഇതുവരെ 800-ലധികം കാൽനടയാത്രക്കാരുടെ മരണങ്ങൾ രാജ്യത്ത് രേഖപ്പെടുത്തിയിട്ടുണ്ട്. അതിൽ 50 ശതമാനം പേരും മുതിർന്ന പൗരന്മാർ ആണ്.
സീബ്ര ക്രോസിംഗുകളിൽ കാൽനടയാത്രക്കാരോട് വലിയൊരു വിഭാഗം വാഹന ഡ്രൈവർമാർ യാതൊരു വിധ പരിഗണനയും കാണിക്കുന്നില്ല. പല ഡ്രൈവർമാരും സീബ്ര ക്രോസിംഗിന് മുകളിൽത്തന്നെ വാഹനങ്ങൾ പാർക്ക് ചെയ്ത് കാണാൻ പോലും സാധിക്കുന്നില്ല. കാൽനടപ്പാതകൾ പോലും വാഹന പാർക്കിങ്ങിനായി ഉപയോഗിക്കുന്നത് വളരെ തെറ്റായ ഡ്രൈവിംഗ് സംസ്കാരത്തെയാണ് സൂചിപ്പിക്കുന്നത്.
സീബ്ര ക്രോസിംഗിന് അടുത്ത് എത്തുമ്പോൾ വേഗത കുറയ്ക്കാതെ അതിവേഗം ഓടിക്കുന്നത് കാൽനടയാത്രക്കാർക്ക് ആശയക്കുഴപ്പമുണ്ടാക്കുന്നു. ഒരു കാൽനടയാത്രക്കാരൻ കാത്തുനിൽക്കുമ്പോൾ, ഡ്രൈവർ ക്രമേണ വേഗത കുറച്ച് സീബ്ര ക്രോസിംഗിൽ നിന്ന് കുറഞ്ഞത് 3 മീറ്റർ അകലെ വാഹനം നിർത്തി കൊടുക്കണമെന്നാണ് നിയമം അനുശാസിക്കുന്നത്.
കാൽനടയാത്രക്കാരെ പരിഗണിക്കുന്നതും അവരുടെ നീക്കങ്ങൾ മുൻകൂട്ടി കാണുന്നതും ഡ്രൈവിംഗ് ലൈസൻസ് നിലനിർത്താൻ അത്യാവശ്യമാണ്. കാൽനടയാത്രക്കാരുടെ സുരക്ഷ ലംഘിക്കുന്ന ഡ്രൈവർമാരുടെ ലൈസൻസ് റദ്ദാക്കാൻ MVD ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്. കൂടാതെ, മോട്ടോർ വാഹന നിയമം സെക്ഷൻ 184 പ്രകാരം ഇവർക്ക് 2000/- രൂപ പിഴയും ചുമത്തും. കാൽനടയാത്രക്കാരുടെ സുരക്ഷ ഉറപ്പാക്കാൻ നിയമം കർശനമായി നടപ്പാക്കാൻ ഹൈക്കോടതിയും നിർദ്ദേശിച്ചിട്ടുണ്ട്.
കേരളത്തിലെ മോട്ടോർ വാഹന വകുപ്പിൻ്റെ ഫെയ്സ്ബുക്ക് പേജിൽ പുതിയ നിർദേശത്തെ കുറിച്ച് പോസ്റ്റ് ചെയ്തിട്ടുണ്ട്. നല്ല രീതിയൽ വാഹനമോടിക്കാ കുറച്ച് കാര്യങ്ങൾ ചെയ്യേണ്ടതായിട്ടുണ്ട്. ഉയര്ന്ന വേഗതയില് വാഹനമോടിക്കുന്നത് ചിലര്ക്ക് ആവേശം നല്കും. എന്നാല് ഇത് നിങ്ങള്ക്കും നിങ്ങളുടെ ചുറ്റുമുള്ള മറ്റ് വാഹനങ്ങള്ക്കും അപകടകരമായേക്കാം. തുറന്ന സ്ട്രെച്ച് ഉള്ള ഹൈവേയില് ആണെങ്കിലും, എപ്പോഴും വേഗപരിധിക്കുള്ളില് വാഹനം ഓടിക്കാന് ശ്രമിക്കുക.
അപകടകരമായ സാഹചര്യം വല്ലതും നേരിടുമ്പോള് അല്ലാതെ അമിതവേഗത ഒഴിവാക്കുക. അമിതവേഗത നിങ്ങളുടെ വാഹനത്തിന്റെ നിയന്ത്രണം നഷ്ടപ്പെടാന് ഇടയാക്കിയേക്കാം. അത് മാരകമായ പ്രത്യാഘാതങ്ങളില് ചെന്ന് പതിക്കും. ഇടത്തോട്ടോ വലത്തോട്ടോ തിരിയുന്നതിന് മുമ്പ് സ്റ്റിയറിംഗ് വീൽ മുന്കൂട്ടി തിരിക്കുന്നത് തികച്ചും അപകടകരമാണ്. സ്റ്റിയറിംഗ് വീൽ പ്രാരംഭ സ്ഥാനത്ത് ആയിരിക്കണം.
നിങ്ങള് വണ്ടിയോടിക്കുമ്പോള് ഹൈ ബീമുകളും ലോ ബീമുകളും ശരിയായി ഉപയോഗിക്കുക. ഹൈ ബീം ഉപയോഗിക്കുന്നത് എതിര്വശത്ത് നിന്ന് വരുന്ന ഡ്രൈവര്ക്ക് പ്രശ്നമുണ്ടാക്കിയേക്കാം. കാരണം അത് അവരുടെ കാഴ്ച നിമിഷനേരം കൊണ്ട് മറച്ചേക്കാം. അത് മാരകമായ അപകടത്തിന് കാരണമാകുമെന്നതിനാല് അക്കാര്യം ഒഴിവാക്കുക. എത്രയൊക്കെ തിരക്കുണ്ടെങ്കിലും സീബ്രാ ലൈനിൽ നിൽക്കുന്നവർക്ക് പരിഗണന നൽകാതിരിക്കരുതേ.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.
Continue with Google