Click it and Unblock the Notifications
15 മിനിറ്റ് ചാര്ജിലിട്ടാല് 250 കിലോമീറ്റര് ഓടും! ഹാരിയര് ഇവിയെ കുറിച്ച് അറിഞ്ഞിരിക്കേണ്ട 5 കാര്യങ്ങള്
ഇന്ത്യക്കാര് ഏറെ നാളായി കാത്തിരുന്ന ടാറ്റ ഹാരിയര് ഇവി കഴിഞ്ഞ ദിവസം പുറത്തിറങ്ങിയിരിക്കുകയാണ്. കമ്പനിയുടെ ഫ്ലാഗ്ഷിപ്പ് ഇലക്ട്രിക് എസ്യുവിക്ക് 21.49 ലക്ഷം രൂപയാണ് പ്രാരംഭ എക്സ്ഷോറൂം വില നിശ്ചയിച്ചിരിക്കുന്നത്. കേരളത്തിലെ ഒരു വലിയ കുന്നിന് മുകളിലേക്ക് ഹാരിയര് ഓടിച്ച് കയറ്റി അതിന്റെ ഓഫ്റോഡിംഗ് ശേഷിയും കമ്പനി പ്രകടമാക്കിയിരുന്നു. ഈ വീഡിയോ ഏറെ ശ്രദ്ധിക്കപ്പെട്ടു. ഏതായാലും ഹാരിയര് ഇവിയുടെ ബുക്കിംഗ് ജൂലൈ രണ്ട് മുതലാണ് ആരംഭിക്കുക. തുടര്ന്നുള്ള ദിവസങ്ങളില് ഡെലിവറിയും പ്രതീക്ഷിക്കാം. നിങ്ങള് ഒരു ഹാരിയര് ഇവി വാങ്ങാന് ഉദ്ദേശിക്കുന്നുണ്ടെങ്കില് ഇലക്ട്രിക് എസ്യുവിയെ കുറിച്ചുള്ള ഈ 5 പ്രധാനപ്പെട്ട കാര്യങ്ങള് അറിയാന് മറക്കരുത്.
ഡിസൈന്: നൈനിറ്റാള് നോക്റ്റേണ്, എംപവേര്ഡ് ഓക്സൈഡ്, പ്യുവര് ഗ്രേ, പ്രിസ്റ്റൈന് വൈറ്റ് എന്നീ നിറങ്ങളില് ഹാരിയര് ഇവി വാങ്ങാം. ഒരു ഓള്-ബ്ലാക്ക് സ്റ്റെല്ത്ത് എഡിഷന് വൈകാതെ ലഭിക്കും. വ്യത്യസ്തതയ്ക്കായി സൂക്ഷ്മമായ മാറ്റങ്ങളുണ്ടെങ്കിലും ഹാരിയര് ഇവി മറ്റ് ടാറ്റ ഇവികളുടെ പൊതുവായുള്ള ഡിഎന്എ നിലനിര്ത്തുന്നു. ക്ലോസ്ഡ് ഗ്രില്, അതുല്യമായ ബമ്പറുകള്, പുതിയ അലോയ് വീലുകള് എന്നിവയുടെ ബലത്തില് ഹാരിയര് ഇവി അതിന്റ ഐസിഇ പതിപ്പിന്റെ അതേപോലെ ഗംഭീരമായ റോഡ് പ്രസന്സ് നിലനിര്ത്തുന്നു.
ഇന്റീരിയറും ഫീച്ചറുകളും: വയര്ലെസ് ആന്ഡ്രോയിഡ് ഓട്ടോ, ആപ്പിള് കാര്പ്ലേ, സ്ട്രീമിംഗ് ആപ്പുകള്, ഗെയിമുകള് എന്നിവയുള്ള സാംസംഗില് നിന്നുള്ള 14.53 ഇഞ്ച് ക്യുഎല്ഇഡി ഇന്ഫോടെയ്ന്മെന്റ് സ്ക്രീന് ടാറ്റ ഹാരിയര് ഇവിയില് വാഗ്ദാനം ചെയ്യുന്നു. ഇന്റീരിയറില് ഡ്യുവല്-സോണ് ക്ലൈമറ്റ് കണ്ട്രോള്, വെന്റിലേറ്റഡ് സീറ്റുകള്, ഡ്രൈവര് സീറ്റിന് മെമ്മറി ഫംഗ്ഷനോടുകൂടിയ പവര്ഡ് ഫ്രണ്ട് സീറ്റുകള് എന്നിവ ഇലക്ട്രിക് എസ്യുവിയില് നല്കിയിട്ടുണ്ട്.
റിയര് എസി വെന്റുകള്, പനോരമിക് സണ്റൂഫ്, ആംബിയന്റ് ലൈറ്റിംഗ്, ഇലക്ട്രിക് ബോസ് മോഡ്, റിയര് സണ് ഷേഡുകള്, ഡിജിറ്റല് കീ, ജെബിഎല് ബ്ലാക്ക് പ്രീമിയം ഓഡിയോ സിസ്റ്റം, സ്മാര്ട്ട് ഐആര്വിഎം എന്നിവയും മറ്റും ഉണ്ട്. ഈ സവിശേഷതകള് എല്ലാ യാത്രക്കാര്ക്കും സുഖകരമായ യാത്ര ഉറപ്പാക്കുന്നു.
സേഫ്റ്റിയും ടെക്നോളജിയും: Acti.ev+ പ്ലാറ്റ്ഫോമിനെ അടിസ്ഥാനമാക്കിയുള്ള മോണോകോക്ക് ഷാസി ഉപയോഗിച്ച് കാറിന്റെ സുരക്ഷ മെച്ചപ്പെടുത്തിയിരിക്കുന്നു. ലെവല്-2 ADAS സ്യൂട്ടില് ഓട്ടോ-എമര്ജന്സി ബ്രേക്കിംഗ്, അഡാപ്റ്റീവ് ക്രൂയിസ് കണ്ട്രോള് തുടങ്ങിയ 22 സവിശേഷതകള് ഉള്പ്പെടുന്നു. ആറ് എയര്ബാഗുകള്, ഇഎസ്പി, എബിഎസ്, 360-ഡിഗ്രി ക്യാമറകള്, ബ്ലൈന്ഡ്സ്പോട്ട് മോണിറ്ററിംഗ് തുടങ്ങിയവയാണ് മറ്റ് സ്റ്റാന്ഡേര്ഡ് സേഫ്റ്റി ഫീച്ചറുകള്.
സ്പെസിഫിക്കേഷനുകള്: 65 kWh, 75 kWh എന്നിങ്ങനെ രണ്ട് ബാറ്ററി പായ്ക്ക് ഓപ്ഷനിലാണ് ടാറ്റ ഹാരിയര് ഇവി വരുന്നത്. 75 kWh ബാറ്ററി പായ്ക്ക് ഫുള് ചാര്ജില് 627 കിലോമീറ്റര് വരെ റേഞ്ച് അവകാശപ്പെടുന്നു. RWD വേരിയന്റ് 238PS പീക്ക് പവര് നല്കുന്നു. ഡ്യുവല്-മോട്ടോര് കോണ്ഫിഗറേഷന് 504 Nm സംയോജിത ടോര്ക്കിനായി മുന്വശത്ത് 158PS മോട്ടോര് ചേര്ക്കുന്നു.
7.2kW AC ചാര്ജര് ഉപയോഗിച്ചോ അല്ലെങ്കില് 25 മിനിറ്റിനുള്ളില് 20% മുതല് 80% വരെ SOC ചാര്ജ് ചെയ്യുന്ന 125KW DC ചാര്ജര് ഉപയോഗിച്ചോ ഇവി സുഖമായി ചാര്ജ് ചെയ്യാം. ടാറ്റയുടെ മെഗാ ചാര്ജറുകള് ഉപയോഗിക്കുമ്പോള് വെറും 15 മിനിറ്റ് ചാര്ജ് ചെയ്താല് 250 കിലോമീറ്റര് വരെ ദൂരം സഞ്ചരിക്കാം.
ഓഫ്-റോഡ് ശേഷികള്: ഹെക്സ, സഫാരി സ്റ്റോം എന്നിവയ്ക്ക് ശേഷം RWD, QWD (ക്വാഡ് വീല് ഡ്രൈവ്) ഓപ്ഷനുകളുമായി വരുന്ന ആദ്യ ടാറ്റ കാറാണ് ഇത്. ഉയര്ന്ന ട്രിമ്മുകള്ക്കായി ഓരോ ആക്സിലിലും ഒരു മോട്ടോര് ഉള്ക്കൊള്ളുന്ന ഡ്യുവല്-മോട്ടോര് വേരിയന്റുകളെ QWD (ക്വാഡ് വീല് ഡ്രൈവ്) എന്ന് വിളിക്കുന്നു. നാനോയ്ക്ക് ശേഷം ഹാരിയര് ഇവിയില് റിയര് ഇന്ഡിപെന്ഡന്റ് സസ്പെന്ഷനും ടാറ്റ അവതരിപ്പിക്കുന്നു.
ഓഫ്-റോഡ് സാഹസികതകള്ക്കായി, നവീകരിച്ച ടെറൈന് മോഡുകള് ഇവിയില് ലഭ്യമാണ്. നോര്മല്, സാന്ഡ്, മഡ് റട്ട്സ്, സ്നോ/ഗ്രാസ്, റോക്ക് ക്രാള്, കസ്റ്റം മോഡുകള് പരുക്കന് ഭൂപ്രദേശങ്ങളില് അതിന്റെ കഴിവ് വര്ധിപ്പിക്കാന് സഹായിക്കുന്നു. ഓഫ്-റോഡ് നാവിഗേഷനെ സഹായിക്കുന്ന അണ്ടര്ബോഡി ഏരിയകളുടെ പോലും വീഡിയോ ഫീഡ് ട്രാന്സ്പരന്റ് മോഡ് നല്കുന്നു.
എംജിയില് നിന്നും മഹീന്ദ്രയില് നിന്നും കടുത്ത വെല്ലുവിളി നേരിടുന്ന സാഹചര്യത്തില് ടാറ്റയെ സംബന്ധിച്ചിടത്തോളം ഹാരിയര് ഇവിയുടെ ലോഞ്ച് ഒരു പ്രധാന ചുവടുവെപ്പാണ്. മഹീന്ദ്രയുടെ ഇന്ത്യന് ടെസ്ലകളുമായി കട്ടയ്ക്ക് മുട്ടിനില്ക്കാന് പോന്ന മോഡല് തന്നെയാണ് ഹാരിയര് ഇവി. ഏതായാലും മത്സരം അനുദിനം കടുക്കുന്ന സാഹചര്യത്തില് മഹീന്ദ്ര ഇതിന് മറുപണി എന്താണ് ഒരുക്കുന്നതെന്ന് നോക്കാം.
Continue with Google