ടാറ്റ സിയറയുടെ ബേസ് വേരിയൻ്റിൽ എന്തൊക്കെയുണ്ട്; 11.50 ലക്ഷത്തിന് ഇതിഹാസത്തെ വീട്ടിലെത്തിക്കാം

മാസങ്ങൾ നീണ്ട കാത്തിരിപ്പിനൊടുവിലാണ് ടാറ്റ തങ്ങളുടെ ഐതിഹാസിക മോഡലായ സിയറ അവതരിപ്പിച്ചത്. ബുക്കിങ്ങ് ആരംഭിച്ചപ്പോൾ തന്നെ 70000 ബുക്കിങ്ങുകളാണ് ലഭിച്ചത് എന്നത് തന്നെ വാഹനത്തോടുളള ജനങ്ങളുടെ പ്രിയം മനസിലാക്കാൻ സാധിക്കുമല്ലോ. ഘട്ടംഘട്ടമായി ഓരോ മോഡലുകളുടേയും വില പുറത്ത് വിടുന്നതായിരുന്നു ടാറ്റയുടെ പുതിയ രീതി. 11.49 ലക്ഷം (എക്സ്-ഷോറൂം) പ്രാരംഭ വിലയിൽ ലഭിക്കുന്ന ഈ മിഡ്-സൈസ് എസ്‌യുവിയുടെ ഏറ്റവും കുറഞ്ഞ വിലയുള്ള 'സ്മാർട്ട്+' എന്ന ബേസ് വേരിയൻ്റിനെ കുറിച്ച് വിശദമായി തന്നെ അറിഞ്ഞാലോ. ജനങ്ങൾക്ക് എല്ലാം അറിയേണ്ടത് എപ്പോഴും ബേസ് വേരിയൻ്റിൽ എന്തൊക്കെ ഫീച്ചറുകൾ കിട്ടുമെന്നായിരിക്കുമല്ലോ.

സിയറ യൂട്ടിലിറ്റി വാഹനത്തിന്റെ എല്ലാ വേരിയന്റുകളുടെയും അകത്തും പുറത്തുമുള്ള ചിത്രങ്ങൾ ടാറ്റ തങ്ങളുടെ ഔദ്യോഗിക വെബ്സൈറ്റിൽ പങ്കുവെച്ചിട്ടുണ്ട്. ഇതിൽ ഏറ്റവും വില കുറഞ്ഞ 11.49 ലക്ഷം വില വരുന്ന എൻട്രി-ലെവൽ 'സ്മാർട്ട്+' വേരിയന്റിന്റെ ചിത്രങ്ങളും ഉൾപ്പെടുത്തിയിരുന്നു. ലളിതമായ ഡിസൈനിലൊരുക്കിയിട്ടുള്ള ഈ വേരിയന്റിൽ ഉപഭോക്താക്കൾക്ക് ലഭിക്കുന്ന ഫീച്ചറുകൾ എന്തൊക്കെയാണെന്ന് നോക്കിയാലോ.

സിയേറയുടെ എൻട്രി-ലെവൽ വേരിയന്റാണെങ്കിലും, 'സ്മാർട്ട്+' മോഡൽ പെട്രോൾ, ഡീസൽ എഞ്ചിൻ ഓപ്ഷനുകളിൽ ലഭ്യമാണ്. റെവോട്രോൺ ടർബോ പെട്രോൾ എഞ്ചിനുള്ള മോഡലിന് 11.49 ലക്ഷവും, ക്രയോജെറ്റ് ഡീസൽ എഞ്ചിനുള്ളതിന് 12.99 ലക്ഷവുമാണ് മോഡലുകളുടെ എക്സ്ഷോറൂം വില. ഈ വേരിയന്റ് ഏത് എഞ്ചിൻ ഓപ്ഷനിൽ വാങ്ങിയാലും 6-സ്പീഡ് മാനുവൽ ഗിയർബോക്സുമായി മാത്രമാണ് എത്തുന്നത്.

പുതിയ സിയറാ സ്മാർട്ട്+ വേരിയന്റ് ആകർഷകമായ ഒട്ടേറെ സവിശേഷതകളോടെയാണ് വരുന്നത്. ബൈ-എൽഇഡി പ്രൊജക്ടർ ഹെഡ്‌ലാമ്പുകൾ, ഇലക്ട്രിക്കായി ക്രമീകരിക്കാവുന്ന ഒആർവിഎമ്മുകൾ, പവേർഡ് ടെയിൽഗേറ്റ്, പിന്നിലെ ജനലുകൾക്കുള്ള സൺഷേഡുകൾ, ഓട്ടോ-ഹോൾഡ് സംവിധാനത്തോടുകൂടിയ ഇലക്ട്രോണിക് പാർക്കിംഗ് ബ്രേക്ക് (EPB) എന്നിവയെല്ലാം ഇതിൽ പ്രധാനമാണ്.

കൂടാതെ, ഓട്ടോ-ഡിമ്മിംഗ് ഐആർവിഎം, പിൻ സീറ്റുകൾക്ക് എയർ കണ്ടീഷനിംഗ് വെന്റുകൾ, ഡ്യുവൽ-ടോൺ പെയിന്റ്, ഫ്ലഷ് ഫിറ്റിംഗ് ഡോർ ഹാൻഡിലുകൾ എന്നിവയും ഈ വേരിയന്റിൽ ലഭ്യമാണ്. 45W ടൈപ്പ്-സി ചാർജിംഗ് പോർട്ട്, എല്ലാ ചക്രങ്ങളിലും ഡിസ്ക് ബ്രേക്കുകൾ, എൽഇഡി ഡിആർഎല്ലുകൾ, ടെയിൽ ലൈറ്റുകൾ, നാല് പവർ വിൻഡോകൾ എന്നിവയും ഇതിൻ്റെ ഭാഗമാണ്.

സേഫ്റ്റി ഫീച്ചറുകളുടെ കാര്യത്തിൽ, വില കുറഞ്ഞ വേരിയന്റായിട്ടും സിയേറാ സ്മാർട്ട്+ മോഡലിൽ ആറ് എയർബാഗുകൾ ടാറ്റ നൽകിയിട്ടുണ്ട്. ഇതിനൊപ്പം ഇബിഡിയുള്ള എബിഎസ്, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ഹിൽ അസിസ്റ്റ് കൺട്രോൾ (HAC), ഹൈഡ്രോളിക് ബ്രേക്ക് അസിസ്റ്റ് (HBA), ട്രാക്ഷൻ സ്റ്റെബിലിറ്റി കൺട്രോൾ (TSC), റിവേഴ്സ് പാർക്കിംഗ് സെൻസറുകൾ, പഞ്ചർ റിപ്പയർ കിറ്റ്, ഉയരം ക്രമീകരിക്കാവുന്ന സീറ്റ് ബെൽറ്റുകൾ തുടങ്ങിയ സുരക്ഷാ സംവിധാനങ്ങളും ലഭ്യമാണ്.

ഈ എൻട്രി-ലെവൽ വേരിയന്റ് പ്രിസ്റ്റിൻ വൈറ്റ്, പ്യുർ ഗ്രേ, കൂർഗ് ക്ലൗഡ്സ് എന്നീ മൂന്ന് നിറങ്ങളിൽ ലഭിക്കും. സ്മാർട്ട്+ വേരിയന്റിൽ ഡിജിറ്റൽ ഇൻസ്ട്രുമെന്റ് ക്ലസ്റ്റർ ഉണ്ടെങ്കിലും, ടച്ച്‌സ്‌ക്രീൻ ഇൻഫോടെയ്ൻമെന്റ് അല്ലെങ്കിൽ ഓഡിയോ സിസ്റ്റം ഉൾപ്പെടുത്തിയിട്ടില്ല എന്നത് ശ്രദ്ധിക്കേണ്ട കാര്യങ്ങളാണ്. പക്ഷേ ബേസ് വേരിയൻ്റിന് വേണ്ടി മിക്ച ബുക്കിങ്ങുകൾ ലഭിക്കുന്നുണ്ട്.

ഈ വേരിയന്റ് 106 bhp കരുത്തും 145 Nm ടോർക്കും നൽകുന്ന 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനിലും അല്ലെങ്കിൽ 118 bhp കരുത്തും 260 Nm ടോർക്കും നൽകുന്ന 1.5 ലിറ്റർ ഡീസൽ എഞ്ചിനിലുമോ ലഭ്യമാണ്. ഡ്രൈവ്‌സ്‌പാർക്കിന്റെ അഭിപ്രായത്തിൽ, ടാറ്റയുടെ ആധുനിക എസ്‌യുവി കുറഞ്ഞ വിലയിൽ സ്വന്തമാക്കാൻ ആഗ്രഹിക്കുന്നവർക്ക് ഈ വേരിയന്റ് അനുയോജ്യമാണ്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.