വ്ളാഡിമിർ പുടിൻ്റെ സേഫ്റ്റി ഇവൻ്റെ കൈയിൽ സേഫ്; വില 5.6 കോടി രൂപ

റഷ്യൻ പ്രസിഡന്റ് വ്‌ളാഡിമിർ പുടിൻ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ചയ്ക്കായി ഇന്ത്യയിലെത്തിയിരിക്കുകയാണ്. രാഷ്ട്രത്തലവന്മാർക്കും ഉന്നത ഉദ്യോഗസ്ഥർക്കുമായി പ്രത്യേകം നിർമ്മിച്ച അതിസുരക്ഷാ ഔറസ് സെനറ്റ് ലിമോസിനിലാണ് പുടിന്റെ യാത്ര എന്നതാണ് ഇപ്പോഴത്തെ ചർച്ചാവിഷയം.റഷ്യയുടെ ഔറസ് മോട്ടോർസും NAMI ഇൻസ്റ്റിറ്റ്യൂട്ടും ചേർന്നാണ് സൈനിക നിലവാരമുള്ള സുരക്ഷയോടെ ഈ ലിമോസിൻ വികസിപ്പിച്ചിരിക്കുന്നത്. 'കോർട്ടെസ് പ്രോജക്ടിന്റെ' ഭാഗമായി 2018-ലാണ് ഇത് പ്രസിഡന്റിന്റെ വാഹനവ്യൂഹത്തിൽ ഉൾപ്പെടുത്തിയത്. ആഭ്യന്തര, വിദേശ യാത്രകൾക്ക് പുടിൻ ഇത് തുടർച്ചയായി ഉപയോഗിക്കുന്നു. വാഹനത്തിൻ്റെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

റോൾസ് റോയ്സ് കാറുകളോട് സമാനമായ വലിയ ക്രോം ഗ്രില്ലോടുകൂടിയ ഈ ലിമോസിൻ, പുതിയ യുണിഫൈഡ് മോഡുലാർ പ്ലാറ്റ്‌ഫോമിലാണ് നിർമ്മിച്ചിരിക്കുന്നത്. യാത്രക്കാർക്ക് പരമാവധി സുരക്ഷ ഉറപ്പാക്കുകയാണ് ഇതിന്റെ തത്വം. നേരത്തെ, ചൈനയിൽ പ്രധാനമന്ത്രി മോദി ഇതേ വാഹനത്തിൽ പുടിനുമായി 45 മിനിട്ട് കൂടിക്കാഴ്ച നടത്തിയിരുന്നു.

സൈനിക വാഹനങ്ങളോട് കിടപിടിക്കുന്ന VR8, VR10 ലെവൽ ബാലിസ്റ്റിക് സംരക്ഷണം ഔറസ് സെനറ്റിനുണ്ട്. 20 ഇഞ്ച് ബുള്ളറ്റ് പ്രൂഫ് വീലുകൾ, തീപിടിത്ത, സ്ഫോടന പ്രതിരോധ ഇന്ധന ടാങ്ക്, രാസായുധ ആക്രമണങ്ങളിൽ നിന്ന് സംരക്ഷണം നൽകുന്ന അഗ്നിശമന, എയർ ഫിൽട്ടറിംഗ് സംവിധാനങ്ങൾ എന്നിവ പ്രധാന സവിശേഷതകളാണ്.

ബാഹ്യ ആശയവിനിമയ സംവിധാനങ്ങളും അടിയന്തിര എക്സിറ്റും അടങ്ങിയ ഇതിന് മിസൈൽ, ഡ്രോൺ ആക്രമണങ്ങൾ, വലിയ സ്ഫോടനങ്ങൾ, ഉയർന്ന കാലിബർ വെടിയുണ്ടകൾ എന്നിവയിൽ നിന്ന് സംരക്ഷണം നൽകാനാകും. വെള്ളത്തിൽ പൊങ്ങിക്കിടക്കാനും കേടായ ടയറുകളുണ്ടായിട്ടും വേഗത്തിൽ ഓടാനും കഴിയുന്ന ടയറുകൾ വാഹനത്തിൻ്റെ പ്രത്യേകതയായി എടുത്തു പറയേണ്ടതാണ്.

ഔറസ് സെനറ്റിന് 4.4-ലിറ്റർ V8 ഹൈബ്രിഡ് ടർബോ-പെട്രോൾ എഞ്ചിനാണ് കരുത്ത്. 598 bhp പവറും 880 Nm ടോർക്കും ഉത്പാദിപ്പിക്കുന്ന എഞ്ചിൻ 9-സ്പീഡ് ഓട്ടോമാറ്റിക് ട്രാൻസ്മിഷനുമായി ചേരുന്നു. 62 bhp പവർ നൽകുന്ന ഹൈബ്രിഡ് ഇലക്ട്രിക് മോട്ടോറുള്ള ഇത് ഓൾ-വീൽ ഡ്രൈവ് (AWD) വാഹനമാണ്. 6 സെക്കൻഡിൽ 0-ൽ നിന്ന് 100 ​​km/h വേഗതയും 160 km/h ഉയർന്ന വേഗതയുമുണ്ട്.

ലോകോത്തര നിലവാരത്തിലുള്ള സൗകര്യങ്ങളും ആഡംബരവുമാണ് ഔറസ് സെനറ്റിന്റെ ഇന്റീരിയറിൽ കാണാൻ സാധിക്കുന്നത്. ഹീറ്റിങ്ങ്, വെൻ്റിലേറ്റഡ് മസാജ് സംവിധാനമുള്ള സീറ്റുകൾ, അത്യാധുനിക ഇൻഫോടെയ്ൻമെന്റ് സംവിധാനങ്ങൾ, പ്രീമിയം ലെതർ അപ്ഹോൾസ്റ്ററി, വുഡൺ ട്രിമ്മുകൾ എന്നിവ ആഡംബര അനുഭവം നൽകുന്നു.

ഔറസ് സെനറ്റ് ലോകത്തിലെ മറ്റ് രാഷ്ട്രത്തലവന്മാർക്കും ലഭ്യമാണ്. ഇതിന് ഏകദേശം ₹5.6 കോടി രൂപ വിലവരും. ബ്രിട്ടനിലെ കിംഗ് ചാൾസ് മൂന്നാമൻ, യു.എസിലെ മുൻ പ്രസിഡന്റ് ട്രംപ്, ഇന്ത്യയിലെ പ്രധാനമന്ത്രി നരേന്ദ്ര മോദി തുടങ്ങിയ ലോകനേതാക്കളെല്ലാം സമാനമായ സുരക്ഷാ വാഹനങ്ങൾ ഉപയോഗിക്കുന്നുണ്ട്. ഇന്ത്യയിലേക്കുളള സന്ദർശനത്തിൽ പല പ്രധാന നയതന്ത്ര പദ്ധതികളും ചർച്ച ചെയ്യുമെന്നാണ് പ്രതീക്ഷിക്കുന്നത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.