മുടക്കുന്ന കാശിന് ഇവൻ ഒരു മുതൽ തന്നെയാണ്, മഹീന്ദ്ര XEV 9E വാങ്ങണമെന്ന് പറയുന്നതിൻ്റെ ഗുട്ടൻസ്

ഇവികളുടെ കൂട്ടത്തിൽ ഒരു കൊമ്പനായി തലയുയർത്തി നിൽക്കുകയാണ് മഹീന്ദ്രയുടെ ഇവികൾ. അതിൽ തന്നെ ഏവരുടേയും നോട്ടം പോകുന്നത് XEV 9E എന്ന മോഡലിലേക്കാണ്. വാങ്ങാനെത്തുന്ന ഭൂരിഭാഗം ആളുകളും ഇവിയുടെ പായ്ക്ക് ത്രീ എന്ന ടോപ്പ് വേരിയന്റാണ് തെരഞ്ഞെടുക്കുന്നതും. XEV 9e ഇവിയിലേക്ക് നോക്കിയാൽ തെരഞ്ഞെടുക്കുന്ന ബാറ്ററി സജ്ജീകരണത്തെ ആശ്രയിച്ച് യഥാക്രമം 542 കിലോമീറ്ററും 656 കിലോമീറ്ററും റേഞ്ച് വാഗ്ദാനം ചെയ്യാനും സാധിക്കും. പെർഫോമൻസ് കണക്കുകളിലേക്ക് നോക്കിയാൽ ഇവികളുടെ 59 kWh പതിപ്പ് 230 bhp കരുത്തിൽ പരമാവധി 380 Nm torque ഉത്പാദിപ്പിക്കാൻ ശേഷിയുള്ള ഇലക്ട്രിക് മോട്ടോറാണ് ഉപയോഗിക്കുന്നത്.

പ്രധാനമായും വാഹനത്തിൻ്റെ റേഞ്ച് ആണ് എല്ലാവരേയും മോഹിപ്പിക്കുന്ന ഒന്ന് എന്ന് വേണം പറയാൻ. വിലയുടെ കാര്യത്തിലേക്ക് വന്നാൽ 21.90 ലക്ഷം രൂപ മുതൽ 30.50 ലക്ഷം രൂപ വരെയാണ് മഹീന്ദ്ര XUV 9E ഇലക്ട്രിക് എസ്‌യുവിയുടെ എക്സ്ഷോറൂം വില വരുന്നത്. അത് പോലെ തന്നെ വാഹനത്തെ പ്രിയങ്കരമാക്കുന്നത് ബാറ്ററി പാക്കുകളാണ് എന്ന് വേണം പറയാൻ.

ഇവിയുടെ ലോവർ വേരിയന്റുകൾക്ക് 59 kWh ബാറ്ററി പായ്ക്ക് ലഭിക്കുമ്പോൾ ടോപ്പ് വേരിയന്റുകൾ 79 kWh ബാറ്ററി പായ്ക്കോടെയാണ് വിപണിയിലെത്തുന്നത്. ചെറിയ ബാറ്ററി പതിപ്പ് 228 bhp പവറിൽ പരമാവധി 380 Nm ടോർക്ക് വരെ ഉത്പാദിപ്പിക്കാൻ ശേഷിയുള്ളതാണ്. ഇത് സിംഗിൾ ചാർജിൽ 542 കിലോമീറ്റർ റേഞ്ചാണ് വാഗ്ദാനം ചെയ്യുന്നത്.

മറുവശത്ത് വലിയ 79 kWh വേരിയന്റ് 282 Bhp കരുത്തിൽ 380 Nm ടോർക്ക് വരെ നിർമിക്കാൻ പാകമാണ്. ഈ മോഡലുകൾ പൂർണ ചാർജിൽ 656 കിലോമീറ്റർ റേഞ്ച് വരെ സമ്മാനിക്കും. നിലവിൽ ഇന്ത്യയിൽ വിൽപ്പനയ്‌ക്കുള്ള മഹീന്ദ്രയുടെ ഏറ്റവും ചെലവേറിയ ഇലക്ട്രിക് എസ്‌യുവിയാണിത് എന്നതാണ് എടുത്തു പറയേണ്ട വാഹനത്തിന്റെ പ്രത്യേകത.

മറ്റൊരു പ്രധാന കാര്യം എന്നത് വാഹനത്തിൻ്റെ ഇൻ്റീരിയറാണ്. അൽപ്പം പരിചിതമെന്ന് തോന്നിക്കുംവിധമാണ് എന്നാൽ പുതിയ EV-യുടെ ഡാഷ്‌ബോർഡിലുടനീളം വ്യാപിച്ചുകിടക്കുന്ന ട്രിപ്പിൾ സ്‌ക്രീൻ സജ്ജീകരണത്തിൻ്റെ ആധിപത്യമുള്ളതുമായ ഒരു ക്യാബിൻ ആണ് നിങ്ങളെ സ്വാഗതം ചെയ്യുന്നത്. ഈ മൂന്ന് 12.3 ഇഞ്ച് സ്‌ക്രീനുകൾ (യാത്രക്കാർക്കും ഇൻഫോടെയ്ൻമെൻ്റ് യൂണിറ്റുകൾക്കുമുള്ള ടച്ച്‌സ്‌ക്രീനുകൾ) തിരഞ്ഞെടുത്ത ഡ്രൈവിംഗ് മോഡിനായി വ്യത്യസ്ത നിറങ്ങളോടെയാണ് വരുന്നത് - റേഞ്ച്,എവരിഡേ,റേസ്.

ക്ലൈമറ്റ് കൺട്രോൾ സംവിധാനം, ഓഡിയോ, ഡ്രൈവ് മോഡുകൾ തുടങ്ങിയ ഫംഗ്‌ഷനുകൾക്കായി മിക്കവാറും എല്ലാ കൺട്രോളറുകളും ഇൻഫോടെയ്ൻമെൻ്റ് സ്‌ക്രീനിലേക്ക് മാറ്റാൻ മഹീന്ദ്ര തിരഞ്ഞെടുത്തിട്ടുണ്ട്. സീറ്റുകളിലേക്ക് വന്നാൽ മഹീന്ദ്ര XEV 9e-യിലെ സീറ്റുകൾ വളരെ വിശാലവും ഇരിക്കാൻ സൗകര്യപ്രദവുമാണ്. പവർഡ് ഡ്രൈവിംഗ് സീറ്റ് മികച്ച ഡ്രൈവിംഗ് പൊസിഷനിൽ എത്താൻ നിങ്ങളെ അനുവദിക്കുന്നവയാണ്.

സ്പേസിൻ്റെ കാര്യത്തിലേക്ക് വന്നാൽ ഓരോ ഡോറുകളിലും കുപ്പി ഹോൾഡറുകളും നിക്ക്നാക്കുകളും മറ്റ് ദൈനംദിന അവശ്യവസ്തുക്കളും സൂക്ഷിക്കുന്നതിനുള്ള അധിക സ്ഥലവും സജ്ജീകരിച്ചിരിക്കുന്നു. മുൻ സീറ്റുകൾക്കിടയിൽ അധിക സ്റ്റോറേജും ഉണ്ട്. കൂടാതെ, ഡാഷ്‌ബോർഡിൻ്റെ സെൻട്രൽ സ്‌പൈൻ വിഭാഗത്തിൽ രണ്ട് വയർലെസ് ഫോൺ ചാർജിംഗ് പാഡുകളും സ്റ്റോറേജ് ഏരിയയിൽ രണ്ട് USB-C ചാർജിംഗ് പോർട്ടുകളും ഉണ്ട്, ഇത് കൂടുതൽ സൗകര്യം നൽകുന്നു.

XEV 9e-യുടെ സ്റ്റിയറിംഗ് സജ്ജീകരണം ഭാരം കുറഞ്ഞതും കൈകാര്യം ചെയ്യാൻ എളുപ്പവുമാണ്. കുറഞ്ഞ വേഗതയിൽ, ഇത് വളരെ അനായാസമായി ലോക്കിൽ നിന്ന് ലോക്കിലേക്ക് മാറ്റാൻ കഴിയും, ഇത് ട്രാഫിക്കിലൂടെ ഈ വലിയ എസ്‌യുവി കൂപ്പിനെ കൈകാര്യം ചെയ്യുന്നത് അനായാസമാക്കുന്നു. നിങ്ങൾ ഉയർന്ന വേഗതയിൽ ഹൈവേയിൽ വാഹനമോടിക്കുമ്പോൾ, സ്റ്റിയറിങ്ങിന് അൽപ്പം ഭാരം കൂടുന്നു, ഇത് സ്ഥിരതയുള്ളതും കൺട്രോൾ ലഭിക്കുന്ന ഒരു അനുഭവം നൽകുന്നു എന്നതൊക്കെയാണ് വാഹനം കൂടുതൽ വിറ്റഴിക്കാൻ കാരണം.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.