Click it and Unblock the Notifications
ലിറ്ററിന് 35KM മൈലേജ് തരുന്ന മാരുതി കാര് പരീക്ഷണത്തിനായി നിരത്തില്! വെക്കെടാ ഇതിന് മുകളിലൊരെണ്ണം...
മാരുതി സുസുക്കിയുടെ ഏറ്റവും ജനപ്രിയ ക്രോസ് ഓവര് എസ്യുവികളിലൊന്നായ ഫ്രോങ്ക്സ് പുതിയ മുഖവുമായി ഇന്ത്യന് നിരത്തുകളിലേക്ക് എത്തുന്നു. 2026 ഫ്രോങ്ക്സ് ഫെയ്സ്ലിഫ്റ്റിന്റെ (Maruti Suzuki Fronx Facelif) പരീക്ഷണ ഓട്ടം ഇതിനകം തന്നെ സജീവമാണ്. കനത്ത രീതിയില് മറച്ച നിലയില് നിരത്തില് പരീക്ഷണയോട്ടം നടത്തുന്ന ഫ്രോങ്ക്സ് ഫെയ്സ്ലിഫ്റ്റിന്റെ സ്പൈ ചിത്രങ്ങള് ഇന്റര്നെറ്റില് പ്രത്യക്ഷപ്പെട്ടു. ഡിസൈനിലും സാങ്കേതികവിദ്യയിലും വലിയ മാറ്റങ്ങളുമായിട്ടായിരിക്കും പുതിയ മോഡല് വിപണിയിലെത്തുക എന്ന് വ്യക്തമാക്കുന്നതാണ് പുറത്തുവന്ന സ്പൈ ചിത്രങ്ങള്. വാഹനപ്രേമികള് വലിയ ആവേശത്തോടെയാണ് ഈ കാറിന്റെ വരവിനായി കാത്തിരിക്കുന്നത്.
പുതിയ ഫ്രോങ്ക്സിന്റെ മുന്ഭാഗത്ത് കാര്യമായ മാറ്റങ്ങള് വരുത്താന് മാരുതി സുസുക്കി തീരുമാനിച്ചിട്ടുണ്ട്. പുതുക്കിയ ഗ്രില്, പരിഷ്കരിച്ച ബമ്പറുകള്, കൂടുതല് സ്റ്റൈലിഷായ ഹെഡ്ലൈറ്റുകള് എന്നിവ പുത്തന് മോഡലിന് ലഭിക്കും. വിക്ടോറിസ് മിഡ്-സൈസ് എസ്യുവിയില് നിന്ന് പ്രചോദനം ഉള്ക്കൊണ്ട ഡിസൈന് ഘടകങ്ങള് ഫ്രോങ്ക്സില് ദൃശ്യമാകും. എസ്യുവി പ്രേമികളെ ആകര്ഷിക്കുന്ന തരത്തിലുള്ള ഗാംഭീര്യമുള്ള ലുക്കാണ് പുതിയ മോഡലിന് നല്കുന്നത്.
രൂപകല്പ്പനയില് വരുത്തുന്ന ഈ മാറ്റങ്ങള് വാഹനത്തിന്റെ പ്രീമിയം ഫീല് ഉയര്ത്താന് സഹായിക്കും. സാങ്കേതികവിദ്യയുടെ കാര്യത്തില് വലിയ കുതിച്ചുചാട്ടമാണ് മാരുതി ലക്ഷ്യമിടുന്നത്. ലെവല് 2 ADAS സുരക്ഷാ സംവിധാനമായിരിക്കും ഇതിലെ പ്രധാന ആകര്ഷണം. പരീക്ഷണയോട്ടത്തിനിടെ ക്യാമറക്കണ്ണില് പതിഞ്ഞ കാറിലെ ലിഡാര് (LIDAR) യൂണിറ്റ് ഇതിന്റെ തെളിവാണ്. ചുറ്റിലുമുള്ള റോഡ് സാഹചര്യങ്ങള് ലേസര് പള്സുകള് വഴി കൃത്യമായി അളക്കാന് ഈ സംവിധാനത്തിന് കഴിയും.
യാത്രക്കാരുടെ സുരക്ഷയ്ക്ക് ഏറ്റവും മുന്ഗണന നല്കുന്ന രീതിയിലായില് ഒരുക്കുന്ന പുതിയ ഫ്രോങ്ക്സിന് ഡ്രൈവര് അസിസ്റ്റന്സ് സിസ്റ്റംസ് പുതിയ മാനം നല്കും. ഫെയ്സ്ലിഫ്റ്റഡ് ഫ്രോങ്ക്സിന്റെ ക്യാബിനിലും മാരുതി സുസുക്കി വലിയ അഴിച്ചുപണി നടത്തുന്നുണ്ട്. ഉയര്ന്ന വേരിയന്റുകളില് വെന്റിലേറ്റഡ് സീറ്റുകള്, പനോരമിക് സണ്റൂഫ് തുടങ്ങിയ മോഡേണ് ഫീച്ചറുകള് ലഭ്യമാകും. പുതിയ ഇന്റീരിയര് ട്രിമ്മുകളും അപ്ഹോള്സ്റ്ററി ഓപ്ഷനുകളും കാറിന് ലഭിക്കുമെന്ന് ഉറപ്പാണ്.
യാത്രക്കാര്ക്ക് കൂടുതല് ആഡംബരവും സുഖകരമായ യാത്രയും പ്രദാനം ചെയ്യാന് ഈ മാറ്റങ്ങള് സഹായിക്കും. നിലവിലെ ഫ്രോങ്ക്സിലുള്ള മികച്ച സൗകര്യങ്ങള് നിലനിര്ത്തി കൂടുതല് ഫീച്ചറുകള് കൂട്ടിച്ചേര്ക്കും.ഫ്രോങ്ക്സ് ഹൈബ്രിഡിലെ ഏറ്റവും ശ്രദ്ധേയമായ മാറ്റം മാരുതിയുടെ പുതിയ സീരീസ് ഹൈബ്രിഡ് സാങ്കേതികവിദ്യയുടെ സാന്നിധ്യമായിരിക്കും. കാറിലെ 1.2 ലിറ്റര് Z12E പെട്രോള് എഞ്ചിന് ഇലക്ട്രിക് മോട്ടോറുമായി ചേര്ന്ന് പ്രവര്ത്തിക്കും.
ഇവിടെ പെട്രോള് മോട്ടോര് ബാറ്ററികള് ചാര്ജ് ചെയ്യാനുള്ള ജനറേറ്ററായി പ്രവര്ത്തിക്കുകയും ഇലക്ട്രിക് മോട്ടോര് വീലുകള്ക്ക് നേരിട്ട് കരുത്ത് പകരുകയും ചെയ്യുന്നു. സാധാരണ ഹൈബ്രിഡ് എഞ്ചിനുകളെക്കാള് മികച്ച ഇന്ധനക്ഷമത ഇതിന് ഉറപ്പാക്കാനാകും. ഇത് ലിറ്ററിന് ഏകദേശം 35 കിലോമീറ്റര് മൈലേജ് വാഗ്ദാനം ചെയ്യുമെന്ന് പ്രതീക്ഷിക്കുന്നതായി ചില പ്രമുഖ ഓട്ടോമോട്ടീവ് പോര്ട്ടലുകള് റിപ്പോര്ട്ട് ചെയ്യുന്നു.
മാരുതിയുടെ ഭാവി മോഡലുകളിലും ഈ സാങ്കേതികവിദ്യ ഉപയോഗിക്കാന് സാധ്യതയുണ്ട്. AWD സംവിധാനത്തെ കുറിച്ചുള്ള അഭ്യൂഹങ്ങളും ശക്തമാണ്. പരീക്ഷണയോട്ടം നടത്തിയ വാഹനത്തിന്റെ റിയര് ആക്സിലില് അധിക ഹാര്ഡ്വെയറുകള് കണ്ടെത്തിയത് ഇത് AWD സംവിധാനം ലഭിക്കാനുള്ള സാധ്യത വര്ദ്ധിപ്പിക്കുന്നു. ദുഷ്കരമായ റോഡുകളിലും മികച്ച ഗ്രിപ്പ് നല്കാന് ഈ സംവിധാനം സഹായിക്കും. എസ്യുവി വിഭാഗത്തില് മത്സരം വര്ദ്ധിക്കുന്ന സാഹചര്യത്തില് ഇതൊരു വലിയ നേട്ടമായിരിക്കും. ഔദ്യോഗിക സ്ഥിരീകരണം വരാനിരിക്കുന്നതേയുള്ളൂവെങ്കിലും പ്രതീക്ഷകള് വലുതാണ്.
ഫ്രോങ്ക്സിന്റെ ഈ പരിഷ്കാരങ്ങള് ഇന്ത്യന് കോംപാക്ട് എസ്യുവി വിപണിയിലെ മത്സരം കൂടുതല് കടുപ്പിക്കും. പുതിയ ഹൈബ്രിഡ് ടെക്നോളജിയും സുരക്ഷാ സംവിധാനങ്ങളും ഉള്പ്പെടുത്തുന്നത് ഫ്രോങ്ക്സിന്റെ പ്രീമിയം ഇമേജ് വര്ദ്ധിപ്പിക്കും. നിലവില്, ഇന്ത്യന് വിപണിയില് മാരുതി സുസുക്കി ഫ്രോങ്ക്സിന്റെ എന്ട്രി ലെവല് വേരിയന്റിന്റെ പ്രാരംഭ വില വെറും ₹6.85 ലക്ഷമാണ്. വിലയില് വലിയ മാറ്റങ്ങള് പ്രതീക്ഷിക്കുന്നുണ്ടെങ്കിലും ഉപഭോക്താക്കള്ക്ക് കൂടുതല് മൂല്യം നല്കാന് മാരുതി ശ്രമിക്കുന്നുണ്ട്.
ഇന്ത്യന് വാഹന വിപണിയിലെ വലിയൊരു മാറ്റത്തിനാണ് മാരുതി സുസുക്കി തുടക്കമിടുന്നത്. ഫ്രോങ്ക്സ് ഫെയ്സ്ലിഫ്റ്റിന്റെ ലോഞ്ച് തീയതി സംബന്ധിച്ച വിവരങ്ങള് മാരുതി ഉടന് പുറത്തുവിടുമെന്നാണ് പ്രതീക്ഷിക്കുന്നത്. നിലവിലുള്ള മോഡലിന്റെ വിലയും സവിശേഷതകളും പരിഗണിക്കുമ്പോള് ഫെയ്സ്ലിഫ്റ്റ് പതിപ്പ് വലിയ വിജയം കൈവരിക്കുമെന്ന് ഉറപ്പാണ്. പരീക്ഷണയോട്ടം പൂര്ത്തിയാക്കി 2026-ന്റെ അവസാനത്തോടെ ഈ മോഡല് വിപണിയിലെത്തിയേക്കും. മാരുതി ഫ്രോങ്ക്സിന്റെ പുതിയ ഫെയ്സ്ലിഫ്റ്റ് പതിപ്പിനെ കുറിച്ച് നിങ്ങളുടെ പ്രതീക്ഷകള് താഴെ കമന്റ് ചെയ്യൂ.
Continue with Google