Click it and Unblock the Notifications
ആദ്യദിനം ഉച്ച വരെ 93689 ബുക്കിംഗ്; മഹീന്ദ്രക്ക് 20500 കോടിയുടെ ബിസിനസ് നേടിക്കൊടുത്ത് XEV 9S, XUV 7XO
ഇന്ത്യന് എസ്യുവി വിപണിയിലെ മുന്നിരക്കാരായ മഹീന്ദ്രയുടെ ഏറ്റവും പുതിയ മോഡലുകളായ XEV 9S, XUV 7XO എന്നിവയ്ക്ക് വിപണിയില് വന് വരവേല്പ്പ്. ഇന്ന് (14 ജനുവരി 2026) റിസര്വേഷന് ആരംഭിച്ച മോഡലുകള്ക്ക് ഉച്ചയ്ക്ക് 2 മണി വരെയുള്ള കണക്കുകള് പ്രകാരം 93,689 ബുക്കിംഗുകള് ലഭിച്ചതായി കമ്പനി ഔദ്യോഗികമായി അറിയിച്ചു. 20,500 കോടിയിലധികം രൂപയുടെ ബുക്കിംഗ് മൂല്യമാണ് ചുരുങ്ങിയ സമയത്തിനുള്ളില് മഹീന്ദ്ര സ്വന്തമാക്കിയത്. പുതിയ കാലഘട്ടത്തിലെ ഉപഭോക്താക്കളുടെ താല്പ്പര്യങ്ങള് മുന്നിര്ത്തി പുറത്തിറക്കിയ ഈ വാഹനങ്ങള് മഹീന്ദ്രയുടെ എസ്യുവി പാരമ്പര്യം ഉയര്ത്തിപ്പിടിക്കുന്നവയാണ്.
ഇലക്ട്രിക്, ഡീസല്, പെട്രോള് പവര്ട്രെയിനുകളില് മികച്ച ഓപ്ഷനുകള് നല്കിക്കൊണ്ട് വിപണിയിലെ തങ്ങളുടെ നേതൃസ്ഥാനം ഉറപ്പിക്കാനാണ് കമ്പനി ലക്ഷ്യമിടുന്നത്. ഉല്പ്പന്നങ്ങളിലെ നൂതനമായ മാറ്റങ്ങളും നിര്മ്മാണ മികവുമാണ് ഇത്രയും വലിയ ബുക്കിംഗ് നേട്ടത്തിന് പിന്നിലെ പ്രധാന ഘടകമെന്ന് കമ്പനി വ്യക്തമാക്കി. അത്യാധുനികമായ സാങ്കേതിക വിദ്യകളും ഫീച്ചറുകളും ഉള്പ്പെടുത്തിയാണ് മഹീന്ദ്ര XEV 9S, XUV 7XO എന്നിവ വിപണിയിലെത്തിച്ചിരിക്കുന്നത്.
ഇലക്ട്രിക് വാഹന വിഭാഗത്തില് മാറ്റം കൊണ്ടുവരാന് XEV 9S സഹായിക്കുമ്പോള്, ഐസി എഞ്ചിന് വാഹ്ന വിപണിയില് XUV 7XO കരുത്ത് തെളിയിക്കുന്നു. ഉപഭോക്താക്കളുടെ വ്യത്യസ്തമായ ഉപയോഗങ്ങള്ക്കും ആവശ്യങ്ങള്ക്കും അനുയോജ്യമായ വേരിയന്റുകള് ഈ രണ്ട് മോഡലുകളിലുമായി മഹീന്ദ്ര ലഭ്യമാക്കിയിട്ടുണ്ട്. XUV 7XO മോഡലുകളുടെ വിതരണം ഇന്ന് മുതല് തന്നെ രാജ്യത്തെ വിവിധ ഡീലര്ഷിപ്പുകള് വഴി ആരംഭിച്ചു കഴിഞ്ഞു.
ബുക്കിംഗ് ക്രമം അനുസരിച്ച് ഘട്ടം ഘട്ടമായാണ് വാഹനങ്ങള് ഉടമകള്ക്ക് കൈമാറുന്നത്. ഈ മോഡലിന് ലഭിച്ച മികച്ച പ്രതികരണം വിപണിയില് മഹീന്ദ്രയ്ക്കുള്ള വിശ്വാസ്യത വര്ദ്ധിപ്പിക്കുന്നതാണ്. എസ്യുവി പ്രേമികള്ക്കിടയില് ഈ വാഹനം വലിയ ചര്ച്ചയായിട്ടുണ്ട്. ഇലക്ട്രിക് വാഹന പ്രേമികള് ഏറെ പ്രതീക്ഷയോടെ കാത്തിരിക്കുന്ന XEV 9S മോഡലുകളുടെ വിതരണം ജനുവരി 26 മുതല് ആരംഭിക്കുമെന്നാണ് കമ്പനി അറിയിച്ചിരിക്കുന്നത്.
റിപ്പബ്ലിക് ദിനം മുതല് ഉപഭോക്താക്കള്ക്ക് വാഹനങ്ങള് ലഭിച്ചു തുടങ്ങും. വൈദ്യുത വാഹന വിപണിയില് മഹീന്ദ്രയുടെ ആധിപത്യം ഉറപ്പിക്കാന് ഈ എസ്യുവിക്ക് സാധിക്കുമെന്നാണ് വിലയിരുത്തലുകള്. ഡീലര്ഷിപ്പുകളില് വാഹനത്തിന്റെ പ്രദര്ശനം ഇതിനകം ആരംഭിച്ചു കഴിഞ്ഞു.വാഹനങ്ങളുടെ സാങ്കേതിക വശങ്ങളിലേക്ക് നോക്കിയാല്, സുരക്ഷയ്ക്കും സൗകര്യങ്ങള്ക്കും ഒരുപോലെ പ്രാധാന്യം നല്കുന്ന മെക്കാനിക്കല് ഘടനയാണ് മഹീന്ദ്ര ഉപയോഗിച്ചിരിക്കുന്നത്.
പെട്രോള്, ഡീസല് എഞ്ചിനുകള്ക്കൊപ്പം കരുത്തുറ്റ ബാറ്ററി പാക്കുകളും മോട്ടോറുകളും വാഹനത്തിന്റെ കാര്യക്ഷമത വര്ദ്ധിപ്പിക്കുന്നു. ഓഫ്-റോഡ് യാത്രാ സൗകര്യങ്ങളും അത്യാധുനിക ഡാവിഞ്ചി സസ്പെന്ഷന് സംവിധാനങ്ങളും വാഹനത്തെ കൂടുതല് പ്രിയപ്പെട്ടതാക്കുന്നു. ഏത് ഭൂപ്രകൃതിയിലും സുഗമമായി വാഹനം ഓടിക്കാന് ഈ സംവിധാനങ്ങള് സഹായിക്കും. ഇന്ത്യന് വാഹന വിപണിയില് എസ്യുവികളുടെ വളര്ച്ചയ്ക്ക് മഹീന്ദ്ര നല്കുന്ന സംഭാവനകള് വളരെ വലുതാണ്.
ഓരോ പുതിയ മോഡലുകള് പുറത്തിറക്കുമ്പോഴും അത്യാധുനിക ഫീച്ചറുകള് ഉള്പ്പെടുത്താനും സമാനതകളില്ലാത്ത യാത്രാ സുഖം നല്കാനും കമ്പനി ശ്രമിക്കുന്നുണ്ട്. XEV 9S, XUV 7XO എന്നിവ വരും മാസങ്ങളില് വിപണിയില് വലിയ ചലനങ്ങള് സൃഷ്ടിക്കുമെന്ന് ഉറപ്പാണ്. ഈ വലിയ ബുക്കിംഗ് നേട്ടം കമ്പനിയുടെ ഉല്പ്പാദന ശേഷി വര്ദ്ധിപ്പിക്കുന്നതിലേക്കും പുതിയ പരീക്ഷണങ്ങളിലേക്കും വഴിതുറക്കും.
നിലവില് ലഭിച്ച ബുക്കിംഗുകള് വേഗത്തില് പൂര്ത്തിയാക്കി വാഹനങ്ങള് വിതരണം ചെയ്യാനാണ് മഹീന്ദ്രയുടെ നീക്കം. കൂടുതല് മോഡലുകള് വരും വര്ഷങ്ങളില് വിപണിയിലെത്തിക്കാനുള്ള തയാറെടുപ്പിലാണ് മഹീന്ദ്ര ഇപ്പോള്. കഴിഞ്ഞ വര്ഷം വില്പ്പനയുടെ കാര്യത്തില് മാരുതിയുടെ പിന്നില് രണ്ടാമതെത്തിയ കമ്പനി വിപണിയില് തങ്ങളുടെ കുതിപ്പ് തുടരുമെന്ന് തന്നെയാണ് പ്രഖ്യാപിക്കുന്നത്.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.
Continue with Google