തൂവെള്ളയിൽ അണിഞ്ഞൊരുങ്ങി കസ്റ്റമൈസ്ഡ് മഹീന്ദ്ര ഥാർ; വീഡിയോ

പരിഷ്കരിച്ച മുൻതലമുറ മഹീന്ദ്ര ഥാറിന്റെ നിരവധി ഉദാഹരണങ്ങൾ നാം മുമ്പ് കണ്ടിട്ടുണ്ട്. ഈ വർഷം മഹീന്ദ്ര പുതിയ ഥാർ വിപണിയിലെത്തിച്ചു. മുൻതലമുറയെപ്പോലെ ഇത് ഉപഭോക്താക്കൾക്കിടയിൽ ഒരു തൽക്ഷണ വിജയമായി മാറി.

പുതിയ ഥാറിനുള്ള ആക്‌സസറികളും വിപണിയിൽ എത്തിത്തുടങ്ങിയിട്ടുണ്ട്, അവയിൽ ചിലത് ഇതിനകം നാം കണ്ടു. ഇവിടെ നമുക്ക് വളരെ സവിശേഷമായ പെയിന്റിംഗ് ലഭിച്ചിരിക്കുന്ന ഒരു ഥാർ പരിചയപ്പെടാം.

MOST READ: നോയിഡയിലെ പ്രൊഡക്ഷൻ യൂണിറ്റ് അടച്ചുപൂട്ടി ഹോണ്ട, പ്രവർത്തനങ്ങൾ ഇനി രാജസ്ഥാനിൽ

താനിഷ് താനിഷ്ലോഹിയ എന്ന വ്യക്തി തന്റെ യൂട്യൂബ് ചാനലിലാണ് ഈ വീഡിയോ അപ്‌ലോഡ് ചെയ്തിരിക്കുന്നത്. എസ്‌യുവി പുർണ്ണവായും വൈറ്റ് നിറത്തിലാണ് പെയിന്റ് ചെയ്തിരിക്കുന്നത്.

ഥാറിനൊപ്പം മഹീന്ദ്ര ഈ നിറം വാഗ്ദാനം ചെയ്യുന്നില്ല. ഈ പുതിയ പെയിന്റ് ജോലി വാഹനത്തിന്റെ ലുക്ക് വർധിപ്പിച്ചിട്ടുണ്ട്. ബ്ലാക്ക് വിനൈൽ സ്റ്റിക്കറുകളുള്ള വൈറ്റ് ബോഡി പെയിന്റിന്റെ സംയോജനം കാറിൽ മികച്ചതായി കാണപ്പെടുന്നു.

MOST READ: സ്യൂട്ട്കേസിനുള്ളിൽ ഒരു കുഞ്ഞൻ കാർ; പരിചയപ്പെടാം മൂന്ന് പതിറ്റാണ്ടായിട്ടും പുറത്തിറങ്ങാത്ത മസ്ദയുടെ ആശയത്തെ

മുന്നിലും പിന്നിലുമുള്ള ബമ്പർ, വീൽ ആർച്ചുകളെല്ലാം ബ്ലാക്ക് നിറത്തിലാണുള്ളത്. ഗൺ മെറ്റൽ ഗ്രേ ഫിനിഷ്ഡ് സ്റ്റോക്ക് അലോയി വീലുകൾക്ക് ഗ്ലോസ്സ് ബാക്ക് പെയിന്റ് ലഭിക്കുന്നു, ഇത് ഥാറിന്റെ മൊത്തത്തിലുള്ള രൂപവുമായി നന്നായി ഇണങ്ങുന്നു.

4 സീറ്റർ സോഫ്റ്റ്-ടോപ്പ് കൺവേർട്ടിബിൾ പതിപ്പാണ് വീഡിയോയിൽ കാണുന്ന ഥാർ. ഇന്റീരിയറുകൾ എല്ലാം ബ്ലാക്ക് നിറത്തിലുള്ളതും തികച്ചും മനോഹരവുമാണ്.

MOST READ: ഇലക്ട്രിക് മോട്ടോറിൽ മാത്രം 57 കിലോമീറ്റർ ശ്രേണിയുമായി 2021 കിയ സോറന്റോ പ്ലഗ്-ഇൻ ഹൈബ്രിഡ്

കസ്റ്റമൈസ് ചെയ്ത പെയിന്റിനുപുറമെ, ഈ ഥാറിലെ ഹെഡ്‌ലൈറ്റുകളും പരിഷ്‌ക്കരിച്ചു. സാധാരണ ഹാലജൻ സജ്ജീകരണത്തിന് പകരം ഒരു പ്രൊജക്ടർ എൽഇഡി യൂണിറ്റ് ഉപയോഗിച്ചിരിക്തുന്നു. എൽഇഡി ഡിആർഎല്ലുകളും ടേൺ ഇൻഡിക്കേറ്ററും ഇതിനോടൊപ്പം സംയോജിപ്പിച്ചിരിക്കുന്നു.

സ്റ്റോക്ക് രൂപത്തിൽ പോലും വളരെ മനോഹരമായി കാണപ്പെടുന്ന എസ്‌യുവിയാണ് മഹീന്ദ്ര ഥാർ. പരിഷ്കാരങ്ങൾ വാഹനത്തിന്റെ ലുക്ക് അടുത്ത ഘട്ടത്തിലേക്ക് കൊണ്ടുപോയി. പുതിയ പെയിന്റ് ചില കോണുകളിൽ നിന്ന് ജീപ്പ് റൂബിക്കണിനെ ഓർമ്മപ്പെടുത്തുന്നു.

MOST READ: യൂറോപ്പില്‍ എത്തുന്ന ആദ്യ ഇന്ത്യന്‍ നിര്‍മ്മിത ഇലക്ട്രിക് എസ്‌യുവിയാകാനൊരുങ്ങി മഹീന്ദ്ര eXUV300

എല്ലാ അർത്ഥത്തിലും ഒരു പുതിയ വാഹനമാണ് 2020 മഹീന്ദ്ര ഥാർ. ഇത് ഒരു പുതിയ പ്ലാറ്റ്‌ഫോമിലാണ് നിർമ്മിച്ചിരിക്കുന്നത്, ഇത് പഴയ പതിപ്പിനേക്കാൾ വിശാലവും ദൈർഘ്യമേറിയതുമാക്കുന്നു. മുമ്പത്തേതിനേക്കാൾ ഇത് ഇപ്പോൾ അകത്ത് വളരെയധികം ഇടം നൽകുന്നു.

സവിശേഷത അപ്‌ഡേറ്റുകളുടെ കാര്യത്തിൽ, പുതിയ ഥാർ‌ ഒരു വലിയ മെച്ചപ്പെടുത്തലായിരുന്നു. ഇതിന് ആദ്യമായി ഒരു കമ്പനി ഫിറ്റഡ് ഹാർഡ് ടോപ്പ് ലഭിക്കുന്നു.

കൂടാതെ, ആപ്പിൾ കാർപ്ലേ, ആൻഡ്രോയിഡ് ഓട്ടോ സംവിധാനമുള്ള ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, റൂഫിൽ ഘടിപ്പിച്ച സ്പീക്കറുകൾ, ഫ്രണ്ട് ഫേസിംഗ് പിൻ സീറ്റുകൾ എന്നിവ ലഭിക്കുന്നു.

സോഫ്റ്റ് ടോപ്പ്, കൺവേർട്ടിബിൾ സോഫ്റ്റ് ടോപ്പ്, ഹാർഡ് ടോപ്പ് ഓപ്ഷനുകൾ ഉപയോഗിച്ച് മഹീന്ദ്ര ഥാർ ലഭ്യമാണ്. സോഫ്റ്റ് ടോപ്പ് AX ട്രിമ്മുകളിൽ മാത്രമേ ലഭ്യമാകൂ, അതേസമയം LX -ന് കൺവേർട്ടിബിൾ സോഫ്റ്റ് ടോപ്പ്, ഹാർഡ് ടോപ്പ് ഓപ്ഷനുകൾ ലഭിക്കും. ആദ്യമായി ഒരു പെട്രോൾ എഞ്ചിനൊപ്പം ഥാർ ലഭ്യമാണ്.

150 bhp കരുത്തും 320 Nm torque ഉം ഉത്പാദിപ്പിക്കുന്ന ബിഎസ് VI കംപ്ലയിന്റ് 2.0 ലിറ്റർ എംസ്റ്റാലിയൻ ടർബോ പെട്രോൾ എഞ്ചിനാണ് പെട്രോൾ പതിപ്പിന് ശക്തി പകരുന്നത്.

2.2 ലിറ്റർ എംഹോക്ക് ടർബോ ഡീസൽ എഞ്ചിൻ 130 bhp കരുത്തും 320 Nm torque ഉം ഉത്പാദിപ്പിക്കുന്നു. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ പെട്രോൾ, ഡീസൽ പതിപ്പുകൾ ലഭ്യമാണ്.