Click it and Unblock the Notifications
Just In
-
-
-
-
Don't Miss
-
ദിലീപ് ശ്രമിച്ചത് അതിനായിരുന്നു': നടി ആക്രമിക്കപ്പെട്ട കേസില് പുതിയ വെളിപ്പെടുത്തലുമായി ടിബി മിനി -
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
'ഈ കാറുകളൊക്കെ ഇന്ത്യയില്‍ ജീവിച്ചിരിപ്പുണ്ടായിരുന്നോ?'; കൗതുകമുണര്‍ത്തിയ ചില അവതാരങ്ങൾ
'ഈ കാറുകള്‍ ഒക്കെ ഇവിടെ ജീവിച്ചിരിപ്പുണ്ടായിരുന്നോ?' - ചിങ്കാര, രാജ, ത്രിശൂല്‍, മീര മുതലായ കാറുകളെ കുറിച്ച് കേള്‍ക്കുമ്പോള്‍ ആദ്യം ഉയരുന്ന ചോദ്യമാണിത്. ഒത്തിരി മോഹങ്ങളുമായി വമ്പന്മാരോട് മത്സരിക്കാന്‍ ഇറങ്ങിത്തിരിച്ച ചില ഇത്തിരി കുഞ്ഞന്‍ കാറുകളാണ് ഇവര്‍.
തനത് വ്യക്തിത്വം ആഗ്രഹിച്ച് എത്തിയ ഈ കാറുകളെ പക്ഷെ വിപണി കണ്ടത് കൗതുക വസ്തുക്കളായിട്ടാണ്. ഇത്തരം ചില കാറുകളെ പരിശോധിക്കാം —
സിപാനി ബാദല്‍
കര്‍ണാടകയില്‍ നിന്നുള്ള സിപാനി ഓട്ടോമൊബൈല്‍സിനെ കുറിച്ച് കേട്ടവര്‍ ചുരുക്കമായിരിക്കും. 1973 ല്‍ സണ്‍റൈസ് ഓട്ടോ ഇന്‍ഡസ്ട്രീസായി തുടങ്ങിയ കമ്പനി, 1980 ലാണ് സിപാനി ലിമിറ്റഡായി രൂപാന്തരപ്പെട്ടത്.
ഫൈബര്‍ ഗ്ലാസില്‍ തീര്‍ത്ത മുചക്ര കാര്‍ ബാദലാണ് സിപാനിയുടെ ഹൈലൈറ്റ്. മൂന്ന് ഡോറുകളാണ് കാറില്‍ സിപാനി നല്‍കിയതും. 4 സ്പീഡ് മാനുവല്‍ ഗിയര്‍ബോക്‌സിനൊപ്പമുള്ള 198 സിസി ടൂ-സ്‌ട്രോക്ക് പെട്രോള്‍ എഞ്ചിന്‍ കരുത്തിലാണ് സിപാനി ബാദല്‍ അണിനിരന്നിരുന്നത്.
സിപാനി ഡോള്ഫിന്
ബാദല്‍ പോലുള്ള മുചക്ര കാറുകളിലൂടെ ഇന്ത്യന്‍ വിപണിയില്‍ കടന്ന് കയറിയ സിപാനി ഓട്ടോമൊബൈല്‍സ്, 1982 ല്‍ ഡോള്‍ഫിനിലൂടെ ഫോര്‍-വീലര്‍ പരിവേഷം നേടിയെടുക്കാന്‍ ശ്രമിച്ചു.
പക്ഷെ, സിപാനി പ്രതീക്ഷിച്ച പോലെ കാര്യങ്ങള്‍ മുന്നോട്ട് നീങ്ങിയില്ല. ഓള്‍-ഗ്ലാസ് ഫൈബര്‍ ബോഡിയാണ് സിപാനി ഡോള്ഫിന് വിനയായത്. മാരുതി 800 ന്റെ പ്രചാരം വര്‍ധിച്ചതും സിപാനി ഡോള്‍ഫിനെ പിന്നോട്ടടിച്ചു.
സാന്‍ സ്റ്റോം
ഇന്ത്യയുടെ ആദ്യ കണ്‍വേര്‍ട്ടബിള്‍ കാറാണ് സാന്‍ സ്റ്റോം. ഇന്ത്യന്‍ വിപണിയ്ക്ക് കണ്‍വേര്‍ട്ടബിളുകളെയും, കൂപ്പെകളെയും പരിചയപ്പെടുത്താനുള്ള ശ്രമമാണ് സാന്‍ മോട്ടോര്‍സ് നടത്തിയത്.
വിജയ് മല്യയ്ക്ക് കീഴിലുള്ള കിംഗ്ഫിഷറാണ് സാന്‍ മോട്ടോര്‍സിനെ നയിച്ചിരുന്നതും. പൂര്‍ണമായും ഫൈബര്‍ ഗ്ലാസില്‍ ഒരുങ്ങിയ ടൂ-സീറ്റര്‍ കാറാണ് സാന്‍ സ്റ്റോം.
1998 ല്‍ അവതരിച്ച സാന്‍ സ്‌റ്റോമില്‍ 60 bhp കരുത്തേകുന്ന 1.2 ലിറ്റര്‍ റെനോ എഞ്ചിനാണ് ഒരുങ്ങിയിരുന്നത്. ഇന്നും ഗോവയിലുള്ള സാന്‍ മോട്ടോര്‍സില്‍ നിന്നും കാറിനെ ഉപഭോക്താക്കള്‍ക്ക് ഓര്‍ഡര്‍ ചെയ്യാം.
ചിങ്കാര
ഇന്ത്യയുടെ ആദ്യ ലൈറ്റ്‌വെയ്റ്റ് സ്‌പോര്‍ട്‌സ് കാറാണ് ചിങ്കാര. 90 bhp കരുത്ത് ഉത്പാദിപ്പിക്കുന്ന 1800 സിസി ഇസൂസു എഞ്ചിനില്‍ അണിനിരന്ന ചിങ്കാരയില്‍, 5 സ്പീഡ് മാനുവല്‍ ഗിയര്‍ബോക്‌സാണ് കമ്പനി നല്‍കിയതും.
ജര്‍മ്മനിയില്‍ നിന്നും ഒരുങ്ങിയ സ്‌പെയ്‌സ് ഫ്രെയിം ചാസിയും, കസ്റ്റം ഫൈബര്‍ ഗ്ലാസ് ബോഡിയുമാണ് ചിങ്കാരയുടെ പ്രധാന വിശേഷം. ഭാരക്കുറവിന്റെ പശ്ചാത്തലത്തില്‍ 8 സെക്കന്‍ഡ് കൊണ്ട് തന്നെ മണിക്കൂറില്‍ 100 കിലോമീറ്റര്‍ വേഗത ചിങ്കാര പിന്നിട്ടിരുന്നു. മണിക്കൂറില്‍ 190 കിലോമീറ്ററാണ് മോഡലിന്റെ ടോപ്‌സ്പീഡ്.
രാജ ക്രീപ്പര്‍
ഇന്ത്യന്‍ വിപണിയില്‍ ഇടംകണ്ടെത്താന്‍ കേരളത്തില്‍ നിന്നുള്ള രാജ മോട്ടോര്‍സും ശ്രമിച്ചിരുന്നു. ഇതിന്റെ ഭാഗമായി 2012 ദില്ലി ഓട്ടോ എക്‌സ്‌പോയില്‍ വെച്ച് ചെറു അള്‍ട്രാ-കാര്‍ ക്രീപ്പറിനെ കമ്പനി കാഴ്ചവെച്ചു.
Recommended Video
ബംഗളൂരു ആസ്ഥാനമായ മോട്ടോര്‍മൈന്‍ഡിന്റെ ഡിസൈനിനെ അടിസ്ഥാനപ്പെടുത്തിയാണ് രാജ ക്രീപ്പര്‍ ഒരുങ്ങിയത്. ടൂ-സീറ്റര്‍ പരിവേഷത്തില്‍ എത്തിയ മോഡലില്‍, 800 സിസി പെട്രോള്‍ എഞ്ചിനാണ് ഇടംപിടിച്ചതും.
ത്രിശൂല്‍
വിപണിയില്‍ നിന്നും പാടെ മാഞ്ഞ മറ്റൊരു നിര്‍മ്മാതാക്കളാണ് ത്രിശൂല്‍. കമ്പനിയുമായി ബന്ധപ്പെട്ട് ഏറെ വിവരങ്ങള്‍ ലഭ്യമല്ല. ബീഹാറിലെ പാറ്റ്‌ന ആസ്ഥാനമായി പ്രവര്‍ത്തിച്ചിരുന്ന ത്രിശൂല്‍, ജീപിന് സമാനമായ 4 വീല്‍ ഡ്രൈവ് മോഡലിനെയാണ് അവതരിപ്പിച്ചത്.
ഡോറുകള്‍ ഇല്ല എന്നതായിരുന്നു മോഡലിന്റെ പ്രധാന ആകര്‍ഷണം. 500 സിസി സിംഗിള്‍ സിലിണ്ടര്‍ ഡീസല്‍ എഞ്ചിനില്‍ അണിനിരന്ന മോഡല്‍, കിഴക്കന്‍ സംസ്ഥാനങ്ങളില്‍ ഒരല്‍പം പ്രചാരം നേടി.
മീര മിനി കാര്‍
1949 ല്‍ എസ് ഡി കുല്‍ക്കര്‍ണി വിഭാവനം ചെയ്ത അവതാരമാണ് മീന മിനി കാര്‍. 19 bhp കരുത്തേകുന്ന പാരലല്‍ ട്വിന്‍ ഫോര്‍-സ്‌ട്രോക്ക് വാട്ടര്‍/എയര്‍ കൂള്‍ഡ് എഞ്ചിനിലാണ് ഈ കാര്‍ അവതരിച്ചത്.
4 സ്പീഡ് മാനുവല്‍ ഗിയര്‍ബോക്‌സാണ് മോഡലില്‍ ഉള്‍പ്പെട്ടിരുന്നതും.
Trending On DriveSpark Malayalam:
കിസാഷി, വെര്‍സ, എ-സ്റ്റാര്‍...; മാരുതിയെ ഞെട്ടിച്ച 7 വമ്പന്‍ പരാജയങ്ങള്‍
അഞ്ച് അടി വെള്ളത്തിലും അടി പതറാതെ ടാറ്റ ടിഗോര്‍; ഇത് അതിശയിപ്പിക്കും!
ബ്രേക്ക് പാഡുകള്‍ ഫലപ്രദമായി മാറ്റേണ്ടത് എപ്പോള്‍?
കാറുകളെ കുറിച്ച് ഇന്നും പ്രചാരത്തിലുള്ള ചില തെറ്റിദ്ധാരണകള്‍
തുടങ്ങിയത് ഔഡി, തകര്‍ത്താടിയത് ബിഎംഡബ്ല്യു, അവസാനിപ്പിച്ചത് ബെന്റ്‌ലി; വിപണി കണ്ട തുറന്ന പോര്
രേവ ജെന്‍ 1
ഇലക്ട്രിക് കാറുകളെ കുറിച്ച് ഇന്ത്യ ചിന്തിച്ച് തുടങ്ങുന്നതിന് മുമ്പ് തന്നെ വിപണിയില്‍ എത്തിയ അവതാരമാണ് രേവ. 2000 ത്തിലാണ് രേവയുടെ ആദ്യ തലമുറ വിപണിയില്‍ കടന്നുവന്നത്.
ബംഗളൂരുവില്‍ നിന്നും ഉത്പാദിപ്പിക്കപ്പെട്ട രേവയില്‍ ആദ്യ കാലത്ത് 6.4 bhp ഡിസി മോട്ടോറാണ് ഒരുങ്ങിയിരുന്നത്. 2007 ല്‍ 17 bhp കരുത്തേകുന്ന എസി മോട്ടോറിനെ രേവയില്‍ കമ്പനി നല്‍കി.
Image Source:Team BHP,Autoweek,The Automotive India
