സ്റ്റീവ് ജോബ്സിന്റെ സ്വപ്നമായ ഉല്ലാസക്കപ്പൽ യാഥാർഥ്യമായി

സ്റ്റീവ് ജോബ്സിന്റെ വിധവയായ ലോറൻസ് പവൽ ജോബ്സിന്റെ ഉടമസ്ഥതയിലാണ് ഈ ആഡംബര ചെറുകപ്പൽ ഇപ്പോഴുള്ളത് എന്നാണ് കേൾക്കുന്നത്.

120 ദശലക്ഷം ഡോളർ ചെലവിട്ടുള്ള ഈ യാനത്തിന്റെ നിർമാണത്തിൽ സ്റ്റീവ് ജോബ്സ് അത്യാവേശത്തോടെയാണ് പങ്കെടുത്തത്. വീനസ് എന്നാണ് യാച്ചിന് പേര്.

ബ്രിട്ടിഷ് വിർജിൻ ദ്വീപസമൂഹത്തിലെ നോർമൻ ദ്വീപിന്റെ തീരങ്ങളിലാണ് വീനസ് ഇപ്പോഴുള്ളത്.

വീനസ്സിന്റെ നിർമാണം പൂർത്തിയാകാൻ മാസങ്ങൾ മാത്രം ശേഷിക്കെയാണ് സ്റ്റീവ് മരണത്തിനു കീഴടങ്ങിയത്.

2008ലായിരുന്നു വീനസ്സിന്റെ പണികൾ തുടങ്ങിയത്. തന്റെ സുഹൃത്തിന്റെ ഉടമസ്ഥതയിലുള്ള ഒരു ചെറുകപ്പലിൽ അവധിക്കാലം ചെലവിട്ടു വന്നതിനു ശേഷമാണ് സ്വന്തമായി ഒരെണ്ണം വേണമെന്ന ആഗ്രഹം സ്റ്റീവിന് തോന്നിയത്.

വേണ്ടത്ര പണത്തിന്റെ പിൻബലമുള്ള ആഗ്രഹത്തെയാണ് ആഗ്രഹം എന്നു വിളിക്കേണ്ടതെന്ന സിദ്ധാന്തത്തിന്റെ പ്രയോക്താവാണ് സ്റ്റീവ് ജോബ്സ്. സ്റ്റീവിന്റെ ഈ ആഗ്രവും വേണ്ടത്ര പണത്തിന്റെ പിൻബലമുള്ള ഒരു കോർപറേറ്റ് ആഗ്രഹമായിരുന്നു.

അന്തംവിട്ട മൗലികതയാണ് ആപ്പിൾ ഉൽപന്നങ്ങളുടെയെല്ലാം പ്രത്യേകത. ഈ ചെറുകപ്പലിന്റെ ഡിസൈനിലും സ്റ്റീവിന്റെ മൗലികസ്പർശം കാണാവുന്നതാണ്. ആപ്പിളിന്റെ ചീഫ് എൻജിനീയറുടെ സഹായത്തോടെയാണ് വീനസ്സിന്റെ പണി പൂർത്തിയാക്കിയത്.

ആറ് ബെഡ്‌റൂമുകളുണ്ട് ഈ ഉല്ലാസക്കപ്പലിൽ. അലൂമിനിയം അടക്കമുള്ള ദ്രവ്യങ്ങളുപയോഗിച്ചാണ് നിർമാണം.

കൂടുതൽ

മിസ്റ്റര്‍ ആപ്പിള്‍, നിങ്ങളുടെ ഗര്‍ഭം ഇങ്ങനെയാണോ?

എന്തിനാണ് ആപ്പിള്‍ കാറുണ്ടാക്കുന്നത്?

റിനോ ഡസ്റ്ററിന്റെ ആഫ്രിക്കൻ കണ്‍സെപ്റ്റ്

ഡിസി ഡസ്റ്റര്‍: ചിത്രങ്ങളും വിവരങ്ങളും