മോട്ടോജിപി വേഷമണിഞ്ഞ് സുസുക്കി GSX-R125 വിപണിയിൽ

പുതിയ മോട്ടോജിപി എഡിഷന് 3,93,800 യെൻ ആണ് വില. അതേസമയം GSX-R125 സ്റ്റാൻഡേർഡ് പതിപ്പിന് 2,79,811 യെൻ മാത്രമാണ് വില വരുന്നത്. ജൂലൈയിലെ ആദ്യ ആഴ്ചയിൽ തന്നെ ഉദയ സൂര്യന്റെ നാട്ടിൽ വാഹനം വിൽപ്പനയ്ക്കെത്തും.

കമ്പനിയുടെ നൂറാം വാർഷികത്തോടനുബന്ധിച്ചുള്ള ആഘോഷത്തിന്റെ ഭാഗമാണ് പുതിയ മോട്ടോജിപി എഡിഷൻ എന്നത് ശ്രദ്ധേയമാണ്. ടീം സുസുക്കി എക്സ്റ്റാറിന്റെ ഏറ്റവും പുതിയ GSX-RR മോട്ടോജിപി റേസ് ബൈക്കിനെ അടിസ്ഥാനമാക്കിയുള്ളതാണ് ഈ കളർ കോമ്പനിനേഷൻ.

MOST READ: കമ്മ്യൂട്ടർ ശ്രേണിയിലേക്ക് ബിഎസ്-VI ഹോണ്ട ലിവോ വീണ്ടും എത്തുന്നു, കാണാം ടീസർ വീഡിയോ

ബ്ലൂ, സിൽവർ നിറങ്ങളുടെ സംയോജനമാണ് ഇതിൽ കാണാൻ സാധിക്കുന്നത്.. പുതിയ കളറിംഗ് കൂടാതെ മോട്ടോർസൈക്കിളിൽ മറ്റ് മാറ്റങ്ങളൊന്നും സുസുക്കി ഉൾപ്പെടുത്തിയിട്ടില്ല.

124 സിസി സിംഗിൾ സിലിണ്ടർ ലിക്വിഡ്-കൂൾഡ് എഞ്ചിനാണ് സുസുക്കി GSX-R125 എൻട്രി ലെവൽ സ്പോർട്സ് ബൈക്കിന്റെ ഹൃദയം. DOHC സജ്ജീകരണവും ഫ്യുവൽ ഇഞ്ചക്ഷൻ സംവിധാനവും ഉൾക്കൊള്ളുന്നതാണ് ഈ സൂപ്പർബൈക്ക്.

MOST READ: കെടിഎമ്മിന്റെ ജന്മ നാട്ടിൽ മോട്ടോർസൈക്കിളുകൾക്ക് വിലക്ക്

ഇതിന് 10,000 rpm-ൽ‌ 15 bhp പവറും 8,000 rpm-ൽ‌ 11 Nm torque ഉം ഉത്പാദിപ്പിക്കാൻ ശേഷിയുള്ളതാണ്. ആറ് സ്പീഡ് ഗിയർബോക്സുമായാണ് എഞ്ചിൻ ഘടിപ്പിച്ചിരിക്കുന്നത്.

വലിയ ശേഷിയുള്ള ജിക്‌സർ ബൈക്കുകളുടെ മുൻവശം കടമെടുത്തിട്ടുള്ള GSX-R125 എൽഇഡി ടെയിൽ ലാമ്പ്, ക്ലിപ്പ് ഓൺ ഹാൻഡിൽബാറുകൾ, ഗിയർ പൊസിഷൻ ഇൻഡിക്കേറ്ററുള്ള പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നീ സവിശേഷതകൾ ഓഫറിൽ വാഗ്‌ദാനം ചെയ്യുന്നു.

MOST READ: ആൾട്രോസിന്റെ ടർബോ പതിപ്പ് ഉടൻ വിപണിയിലേക്ക്, പരീക്ഷണ ചിത്രങ്ങൾ പുറത്ത്

കെടിഎം RC 125 മോഡലിന്റെ പ്രധാന എതിരാളിയാണ് സുസുക്കിയുടെ ഈ സ്പോർട്സ് ബൈക്ക്. സമീപഭാവിയിൽ GSX-R125 ഇന്ത്യൻ വിപണിയിലും എത്തുമെന്നാണ് പ്രതീക്ഷിക്കുന്നത്.

കൂടാതെ ആഗോളതലത്തിലുള്ള തങ്ങളുടെ സാന്നിധ്യം വർധിപ്പിക്കുന്നതിനായി അടുത്തിടെ തായ്‌വാനിൽ പുതിയ 2020 സ്വിഷ് 125 സ്കൂട്ടറിനെയും കമ്പനി അവതരിപ്പിച്ചു. ഏറ്റവും പുതിയ അവതാരത്തിൽ പുതിയ സവിശേഷതകളോടൊപ്പം ആകർഷകമായ പുതിയ കളർ ഓപ്ഷനുകളും സ്വിഷ് നേടി.