NMAX 155 മാക്‌സി സ്‌കൂട്ടര്‍ മലേഷ്യന്‍ വിപണിയില്‍ അവതരിപ്പിച്ച് യമഹ

RM 8,998 (ഏകദേശം 1.62 ലക്ഷം രൂപ) രൂപയാണ് തെക്കുകിഴക്കന്‍ ഏഷ്യന്‍ വിപണിയിലെ വില. റോഡ് ടാക്‌സ്, ഇന്‍ഷുറന്‍സ് അല്ലെങ്കില്‍ രജിസ്‌ട്രേഷന്‍ തുക ഇതില്‍ ഉള്‍പ്പെടുന്നില്ലെന്നും റിപ്പോര്‍ട്ടില്‍ പറയുന്നു.

പുതിയ യമഹ NMAX 155 യുവതലമുറയെ ലക്ഷ്യം വെച്ചാണ് വിപണിയില്‍ എത്തിയിരിക്കുന്നത്. നാല് ലോ-ബീം, രണ്ട് ഹൈ-ബീം ലൈറ്റുകള്‍ എന്നിവ ഉള്‍ക്കൊള്ളുന്ന ആറ് ഘടകങ്ങളുള്ള എല്‍ഇഡി യൂണിറ്റാണ് സ്‌കൂട്ടറിന്റെ ഹെഡ്‌ലാമ്പ്. ഇരുചക്രവാഹനത്തിന്റെ മൊത്തത്തിലുള്ള വിഷ്വല്‍ ആകര്‍ഷണം വര്‍ദ്ധിപ്പിക്കുന്ന എല്‍ഇഡി ഡിആര്‍എല്ലുകളും യമഹ ഉള്‍പ്പെടുത്തിയിട്ടുണ്ട്.

MOST READ: പ്രാരംഭ വില 4.99 ലക്ഷം രൂപ; എസ്‌യുവി നിരയിൽ കളംനിറയാൻ നിസാൻ മാഗ്നൈറ്റ് എത്തി

2021 NMAX155-ന്റെ പിന്‍ഭാഗം അതിന്റെ മുന്‍വശം പോലെ ശ്രദ്ധേയമാണ്. ഇതിന്റെ മെലിഞ്ഞ ടെയില്‍ ലാമ്പ് നാല് എല്‍ഇഡി സ്ട്രിപ്പുകള്‍ നല്‍കിയിട്ടുണ്ട്. സൈഡ് ടേണ്‍ സിഗ്‌നലുകള്‍ പരമ്പരാഗത ഹാലോജന്‍ യൂണിറ്റുകളായി അവശേഷിക്കുന്നു.

പുതിയ സ്‌കൂട്ടറിന്റെ സൈഡ് പ്രൊഫൈല്‍ നിലനിര്‍ത്തുന്നുവെന്ന് ഉറപ്പാക്കുന്നതിനായി അപ്വെപ്റ്റ് എക്സ്ഹോസ്റ്റും നല്‍കിയിട്ടുണ്ട്. 2021 യമഹ NMAX 155-ന്റെ എല്‍സിഡി മോണോക്രോം ഇന്‍സ്ട്രുമെന്റ് ക്ലസ്റ്ററിന് ന്യായമായ വലുപ്പമുണ്ട്, കൂടാതെ ധാരാളം വിവരങ്ങള്‍ ഇത് നല്‍കുകയും ചെയ്യുന്നു.

MOST READ: യുറൽ റേഞ്ചർ; 21 -ാം നൂറ്റാണ്ടിൽ സൈഡ്-കാറുമായി ഒരു വ്യത്യസ്ത മോട്ടോർസൈക്കിൾ

സീറ്റിനടിയില്‍ 23.3 ലിറ്റര്‍ സ്റ്റോറേജ് സ്‌പെയ്‌സ് നല്‍കാന്‍ ജാപ്പനീസ് കമ്പനിക്ക് കഴിഞ്ഞു, കൂടാതെ ഫ്രണ്ട് ആപ്രോണില്‍ യുഎസ്ബി സോക്കറ്റും സ്ഥാപിച്ചു. ഹാര്‍ഡ്വെയറിനെ സംബന്ധിച്ചിടത്തോളം, പുതിയ NMAX155 -ലെ സസ്പെന്‍ഷന്‍ ഡ്യൂട്ടികള്‍ കൈകാര്യം ചെയ്യുന്നത് മുന്‍വശത്ത് ഒരു ജോഡി ടെലിസ്‌കോപ്പിക് ഫോര്‍ക്കുകളും പിന്നില്‍ ഷോക്ക് അബ്‌സോര്‍ബറുകളുമാണ്.

മുന്നിലും പിന്നിലും 230 mm റോട്ടറുകളാണ് ബ്രേക്കിംഗ് നല്‍കുന്നത്. നിര്‍ഭാഗ്യവശാല്‍, മലേഷ്യന്‍ വേരിയന്റില്‍ യമഹ എബിഎസ് ഉള്‍പ്പെടുത്തിയിട്ടില്ല. 2021 NMAX155-യ്ക്ക് കരുത്ത് നല്‍കുന്നത് യമഹയുടെ VVA സാങ്കേതികവിദ്യയ്ക്കൊപ്പം ഒരു SOHC ഉള്‍ക്കൊള്ളുന്ന 155 സിസി സിംഗിള്‍ സിലിണ്ടര്‍ എഞ്ചിനാണ്.

MOST READ: ഥാർ ഇഫക്ട്; നവംബർ വിൽപ്പനയിൽ 4.0 ശതമാനം വർധന നേടി മഹീന്ദ്ര

ഈ എഞ്ചിന്‍ 8,000 rpm-ല്‍ 14.9 bhp കരുത്തും 6,000 rpm-ല്‍ 14.4 Nm torque ഉം ഉത്പാദിപ്പിക്കും. അനോഡൈസ്ഡ് റെഡ്, പവര്‍ ഗ്രേ എന്നീ രണ്ട് കളര്‍ ഓപ്ഷനുകളിലാകും മലേഷ്യന്‍ വിപണിയില്‍ സ്‌കൂട്ടര്‍ ലഭ്യമാകുക. അടുത്തിടെയാണ് NMAX 155 സ്‌കൂട്ടറിന്റെ പുതിയ വേരിയന്റ് ഇന്തോനേഷ്യയില്‍ യമഹ അവതരിപ്പിച്ചത്.

IDR 31 മില്യണാണ് (ഏകദേശം 1.62 ലക്ഷം രൂപ) പുതിയ വേരിയന്റിന്റെ വില. സ്റ്റാന്‍ഡേര്‍ഡ് പതിപ്പിനും ടോപ്പ്-ഓഫ്-ലൈന്‍ കണക്റ്റുചെയ്ത എബിഎസ് വേരിയന്റിനും ഇടയിലാണാണ് പുതിയ പതിപ്പ് സ്ഥാനം പിടിച്ചിരിക്കുന്നത്. ബ്രാന്‍ഡ് 2021 എയറോക്‌സ് 155 പുറത്തിറക്കി ദിവസങ്ങള്‍ക്ക് ശേഷമാണ് ഇപ്പോള്‍ NMAX 155-യ്ക്ക് പുതിയ വേരിയന്റ് സമ്മാനിച്ചിരിക്കുന്നത്.