വരാനിരിക്കുന്ന യമഹ FZ-X മോഡലിന്റെ കൂടുതൽ വിവരങ്ങൾ പുറത്ത്

മോഡേൺ-റെട്രോ സ്റ്റൈലിംഗ് മുമ്പോട്ടു കൊണ്ടുപോകുന്ന മോട്ടോർസൈക്കിളായിരിക്കും ഇത്. അടുത്തിടെ മോഡലിനായുള്ള ടൈപ്പ്-അപ്രൂവൽ സർട്ടിഫിക്കറ്റും യമഹ സ്വന്തമാക്കിയിരുന്നു. ഈ രേഖകൾ പുറത്തുവന്നതോടെ വരാനിരിക്കുന്ന ബൈക്കിനെ കുറിച്ചുള്ള കൂടുതൽ വിവരങ്ങൾ വെളിപ്പെട്ടിരിക്കുകയാണ്.

പരീക്ഷണ ചിത്രങ്ങളിൽ കണ്ടതുപോലെ യമഹ FZ-X മോഡേൺ-റെട്രോ സ്റ്റൈലിംഗ് അവതരിപ്പിക്കുന്നു. റെട്രോ തീംഡ് ഇരുചക്രവാഹനങ്ങളിൽ ഉപഭോക്തൃ താൽപ്പര്യമുള്ളതിനാൽ ഇത് മോട്ടോർസൈക്കിളിന് ഗുണകരമാകും.

MOST READ: കുറഞ്ഞ ഡൗണ്‍ പേയ്മെന്റും പലിശ നിരക്കും; പുതിയ ഫിനാന്‍സ് പദ്ധതികളുമായി ഹോണ്ട

ഫോർക്ക് ഗെയ്‌റ്ററുകൾ, ബൾക്കിയർ ലുക്കിംഗ്, ബോക്സ്-ടൈപ്പ് ഫ്യുവൽ ടാങ്ക്, ഫ്ലാറ്റ് സീറ്റ് ഡിസൈൻ, ഷോർട്ട് ടെയിൽ എന്നിവ FZ-X പതിപ്പിലെ പ്രധാന സവിശേഷതകളാണ്. അലോയ് വീലുകൾ, സ്ലീക്ക് ടേൺ ഇൻഡിക്കേറ്ററുകൾ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, അപ്‌സ്വെപ്റ്റ് എക്‌സ്‌ഹോസ്റ്റ് എന്നിവയും മോട്ടോർസൈക്കിളിൽ സജ്ജീകരിക്കും.

ശരിക്കും FZ15 മോഡലുകളെ അടിസ്ഥാനമാക്കിയായിരിക്കും പുതിയ യമഹ FZ-X ഒരുങ്ങുക. എന്നാൽ കൂടുതൽ സുഖപ്രദമായ റൈഡിംഗ് പൊസിഷനായിരിക്കും മോഡൽ വാഗ്ദാനം ചെയ്യുക. ഇത് നഗര യാത്രകൾക്കും ദീർഘദൂര ടൂറിംഗിനും അനുയോജ്യമാകും എന്നതിൽ സംശയമൊന്നും വേണ്ട.

MOST READ: ഇലക്ട്രിക് വാഹനം പ്രോത്സാഹിപ്പിക്കുക; വെലക്ട്രിക്കുമായി പങ്കാളിത്തം പ്രഖ്യാപിച്ച് ഒഖിനാവ

രാജ്യത്തെ ഡ്രൈവിംഗ് അവസ്ഥകൾക്കും ഉപഭോക്തൃ മുൻഗണനകൾക്കും അനുസൃതമായി ഒന്നിലധികം പ്രത്യേക സവിശേഷതകൾ FZ-X പതിപ്പിനുണ്ടാകുമെന്ന് പ്രതീക്ഷിക്കുന്നു. MT15, R15 തുടങ്ങിയ മോട്ടോർസൈക്കിളുകളിലും യമഹ ഇതേ തന്ത്രം പിന്തുടർന്നിട്ടുണ്ട്.

ടൈപ്പ് അംഗീകാര സർട്ടിഫിക്കറ്റ് അനുസരിച്ച് 2021 യമഹ FZ-X പുതിയ 149 സിസി, എയർ-കൂൾഡ്, SOHC എഞ്ചിൻ ലഭിക്കും. ഇത് പരമാവധി 7,250 rpm-ൽ 12.4 bhp പവറും 5,500 rpm-ൽ 13.3 Nm torque ഉം ഉത്പാദിപ്പിക്കും. അഞ്ച് സ്പീഡ്, കോൺസ്റ്റെന്റ് മെഷ് ഗിയർബോക്‌സുമായാകും എഞ്ചിൻ ജോടിയാക്കുക.

MOST READ: IS സര്‍ട്ടിഫിക്കേഷനോടുകൂടിയ ബ്രാത് ഹെല്‍മെറ്റുകള്‍ പുറത്തിറക്കി സ്റ്റീല്‍ബേര്‍ഡ്

മോട്ടോർസൈക്കിളിന്റെ അളവുകളും റഷ്‌ലൈൻ പുറത്തുവിട്ട രേഖകൾ വെളിപ്പെടുത്തുന്നുണ്ട്. അതായത് യമഹ FZ-X 2,020 മില്ലീമീറ്റർ നീളവും 785 മില്ലീമീറ്റർ വീതിയും 1,115 മില്ലീമീറ്റർ ഉയരവും അളക്കും. മോട്ടോർസൈക്കിളിന് 1,330 മില്ലീമീറ്റർ വീൽബേസാകും ഉണ്ടായിരിക്കുക.

ഇത് FZ15 മോഡലിന്ന് സമാനമാണ്. പുതിയ മോട്ടോർസൈക്കിൾ FZ, R15, MT15 എന്നിവ ഉൾപ്പെടുന്ന യമഹയുടെ നിലവിലുള്ള 150 സിസി മോട്ടോർസൈക്കിൾ ശ്രേണിയിൽ ചേരും. 1.10 ലക്ഷം രൂപയാണ് പുതിയ FZ-X മോഡേൺ-റെട്രോ മോഡലിന് പ്രതീക്ഷിക്കുന്ന എക്സ്ഷോറൂം വില. പുതിയ ബൈക്കിനൊപ്പം ഉയർന്ന മത്സരമുള്ള 150 സിസി -200 സിസി വിഭാഗത്തിൽ വിപണി വിഹിതം മെച്ചപ്പെടുത്താനാണ് യമഹയുടെ പദ്ധതി.