ഹൈ-സ്‌പീഡ് ഇലക്‌ട്രിക് ബൈക്കുകൾ; കബീര KM3000, KM4000 മോഡലുകൾ ഫെബ്രുവരി 15-ന് വിപണിയിലെത്തും

അടുത്ത കാലത്തായി ഇലക്ട്രിക് ഇരുചക്ര വാഹന കമ്പനികളുടെ വളർച്ചക്കാണ് ഇന്ത്യൻ വിപണി സാക്ഷ്യംവഹിക്കുന്നത്. പൂർണമായും ഇന്ത്യയിൽ നിർമിക്കുന്ന ഹൈ-സ്‌പീഡ് മോട്ടോർസൈക്കിളുകളാണ് കബീര മോഡലുകൾ.

നിലവിൽ ഇലക്ട്രിക് ഇരുചക്ര വാഹനങ്ങളുടെ വിൽപ്പനയിൽ ഭൂരിഭാഗവും സ്കൂട്ടറുകളാണ്. മുപ്പതിൽ അധികം മോഡലുകളുള്ള ശ്രേണിയിൽ പോയവർഷം 30,000 യൂണിറ്റുകൾ പോലും വിറ്റഴിക്കാൻ കമ്പനികൾക്ക് സാധിച്ചിട്ടില്ല എന്നകാര്യവും ശ്രദ്ധേയമാണ്.

MOST READ: ഹൊസൂരിലെ പുതിയ നിർമ്മാണശാലയിൽ ഉത്പാദനം ആരംഭിച്ച് ഏഥർ എനർജി

നിലവിൽ ചെറിയ ഇലക്ട്രിക് ഇരുചക്ര വാഹനങ്ങൾക്ക് വിപണിയിലെത്തുന്നത് വളരെ കുറവായതിനാൽ വളർച്ചയെ മികച്ച രീതിയിൽ കൈകാര്യം ചെയ്യുന്നതിന് പ്രാരംഭ ഘട്ടത്തിൽ കബീര മൊബിലിറ്റി പ്രതിബദ്ധതയും ചെലവും പരിമിതപ്പെടുത്തിയിരിക്കുകയാണ്.

ഇന്ത്യയിൽ കബീര മൊബിലിറ്റിക്ക് രണ്ട് നിർമാണ പ്ലാന്റുകളാണുള്ളത്. ഒന്ന് ഗോവയിലും മറ്റൊന്ന് കർണാടകയിലെ ധാർവാഡിലുമാണ് സ്ഥിതിചെയ്യുന്നത്. ഇപ്പോൾ ഇത് ധാർവാഡിലെ ഏറ്റവും വലിയ ഇവി നിർമാണ കേന്ദ്രമാണ്. 2021 ഏപ്രിലിൽ ഇത് പ്രവർത്തനക്ഷമമാകും.

MOST READ: മൂന്ന് ഇലക്ട്രിക് ഇരുചക്ര വാഹനങ്ങള്‍ അവതരിപ്പിച്ച് എര്‍ത്ത് എനര്‍ജി; മോഡല്‍, വില, ശ്രേണി വിവരങ്ങള്‍ ഇതാ

കബീര ഇലക്ട്രിക് മോട്ടോർസൈക്കിളുകളുടെ പ്രതിമാസ ഉത്പാദന ശേഷി പ്രതിമാസം 75,000 യൂണിറ്റായി പട്ടികപ്പെടുത്തിയിട്ടുണ്ട്. ഇ-കൊമേഴ്‌സ്, ഡീലർഷിപ്പ് എന്നിവയിലൂടെ വിൽപ്പന നടത്താനാണ് ബ്രാൻഡ് ലക്ഷ്യമിടുന്നത്.

അതോടൊപ്പം രാജ്യവ്യാപകമായി വിപുലീകരിക്കാനും ആഗോളതലത്തിലേക്ക് പ്രവേശിക്കാനും കബീരയ്ക്ക് പദ്ധതികളുണ്ട്. കോംബി-ബ്രേക്കുകൾ, ബെസ്റ്റ്-ഇൻ-ക്ലാസ് ശ്രേണി, ഫാസ്റ്റ് ചാർജിംഗ് എന്നിവയെല്ലാം സജ്ജീകരിച്ചാണ് KM 3000, KM 400 ഇലക്ട്രിക് ബൈക്കുകൾ വിപണിയിലേക്ക് എത്തുന്നത്.

MOST READ: ഫെബ്രുവരിയിലും മോഡൽ നിരയിലാകെ ഓഫറുകൾ പ്രഖ്യാപിച്ച് ഹോണ്ട

KM3000 ഒരു ഇലക്ട്രിക് സ്പോർട്സ് ബൈക്കായി അരങ്ങേറ്റം കുറിക്കുമ്പോൾ KM4000 ഒരു ‘ഇലക്ട്രിക് സ്ട്രീറ്റ് ബൈക്കായാണ് ഒരുങ്ങിയിരിക്കുന്നത്. ഫയർപ്രൂഫ് ബാറ്ററി, പാർക്ക് അസിസ്റ്റ്, മറ്റ് മികച്ച ആവേശകരമായ സവിശേഷതകൾ എന്നിവ കബീര ബൈക്കുകളുടെ പ്രത്യേകതകളാണ്.

ഈ ഇലക്ട്രിക് ബൈക്കുകൾക്കായി റോഡ് സൈഡ് അസിസ്റ്റൻസും കമ്പനി വാഗ്‌ദാനം ചെയ്യും. പൂർണ ചാർജിൽ 150 കിലോമീറ്റർ ശ്രേണിയാണ് കബീര ബൈക്കുകൾ വാഗ്‌ദാനം ചെയ്യുന്നത്. 2020 ഓട്ടോഎക്സ്പോയിൽ കബീര മൊബിലിറ്റി ആറ് ഇലക്ട്രിക് സ്കൂട്ടറുകൾ പുറത്തിറക്കിയിരുന്നു. ഇവയെല്ലാം പിന്നീടുള്ള ഘട്ടങ്ങളിൽ വിപണിയിൽ എത്തും.