ബ്ലേഡ് ബാറ്ററി സംവിധാനവും കിടിലൻ റേഞ്ചും! BYD Atto 3 ഇവിയുടെ റിവ്യൂ വിശേഷങ്ങൾ ഇതാ...

ചൈനീസ് ഇലക്ട്രിക് വാഹന നിർമാതാക്കളായ ബിൽഡ് യുവർ ഡ്രീംസിനെ (BYD) ഇന്ത്യയിലെ പലർക്കും അത്ര പരിചിതമൊന്നും ആയിരിക്കില്ല. എങ്കിലും അടുത്തിടെ രാജ്യത്തെ പാസഞ്ചർ വാഹന വിപണിയിലേക്ക് ചുവടുവെച്ചതോടെ ഈ പേര് പലരും കേൾക്കാനിടയുണ്ടായിട്ടുണ്ടാവാം. ആഭ്യന്തര വിപണിയിലെ ആദ്യത്തെ ഇലക്‌ട്രിക് എംപിവിയായ e6 പുറത്തിറക്കിയാണ് ബ്രാൻഡ് പുതുയുഗത്തിന് തുടക്കമിട്ടത്.

അവിടുന്ന് വൻ സ്വീകാര്യത ലഭിച്ച BYD ഇന്ത്യയിൽ പുതിയ അറ്റോ 3 ഇലക്‌ട്രിക് സ്പോർട്‌സ് യൂട്ടിലിറ്റി വാഹനത്തെ ഇന്ത്യയിൽ അവതരിപ്പിച്ച് ഏവരുടേയും ശ്രദ്ധയിലേക്ക് എത്തി. e6 പോലെ അറ്റോ 3 ഇവിയുടേയും കരുത്ത് കമ്പനിയുടെ വിപ്ലവകരമായ ബ്ലേഡ് ബാറ്ററി പായ്ക്ക് സംവിധാനമാണ്. സെഗ്മെന്റിലെ മറ്റ് മോഡലുകളെ അപേക്ഷിച്ച് അത് വമ്പിച്ച റേഞ്ചാണ് വാഗ്ദാനം ചെയ്യുന്നത്. എന്നാൽ അറ്റോ എന്ന പുത്തൻ എസ്‌യുവിയെ കുറിച്ച് കൂടുതൽ അറിയാൻ ആഗ്രഹിക്കുന്നവർക്കായി അതിന്റെ റിവ്യൂ വിശേഷങ്ങളാണ് ഇന്നിവിടെ പങ്കുവെക്കാൻ പോവുന്നത്.

BYD അറ്റോ 3 എക്സ്റ്റീരിയർ ഡിസൈൻ

BYD അറ്റോ 3 ബ്രാൻഡിന്റെ ഡ്രാഗൺ ഫെയ്‌സ് 3.0 ഫാമിലി ഡിസൈൻ പിന്തുടർന്നാണ് രൂപ കൽപ്പന ചെയ്‌‌തിരിക്കുന്നത്. മുന്നിൽ നിന്ന് നോക്കുമ്പോൾ ഈ ക്രോസ്ഓവർ ശരിക്കും ആകർഷകമാണെന്ന് പറയാതെ വയ്യ. ഇവിയുടെ ത്രികോണാകൃതിയിലുള്ള ക്രിസ്റ്റൽ എൽഇഡി കോമ്പിനേഷൻ ഹെഡ്‌ലാമ്പുകൾ നീല ഹൈലൈറ്റുകൾ അവതരിപ്പിക്കുന്നത് തികച്ചും മനോഹരമായ കാഴ്ച്ചയാണ്. ഒപ്പം 'BYD' എന്ന വാക്കുകൾ എംബോസ് ചെയ്‌തിരിക്കുന്ന ഒരു കട്ടിയുള്ള ക്രോം ബാർ ഉപയോഗിച്ച് ഇവയെ ബന്ധിപ്പിച്ചിരിക്കുന്നതും കാണാം.

ഇലക്ട്രിക് ക്രോസ്ഓവറിന്റെ സ്‌പോർട്ടി ലുക്ക് വർധിപ്പിക്കുന്നത് മുൻ ബമ്പറിന്റെ ഇരുവശത്തുമായി ഇടംപിടിച്ചിരിക്കുന്ന എയർ ഇൻടേക്കുകൾ പോലെ തോന്നിക്കുന്ന ഘടകമാണ്. BYD അറ്റോ 3 ഇലക്‌ട്രിക്കിന്റെ വശങ്ങളിൽ 18 ഇഞ്ച് എയ്‌റോ അലോയ് വീലുകൾ ഉൾപ്പെടെയുള്ള ചില വ്യതിരിക്തമായ ഡിസൈൻ സവിശേഷതകളുമുണ്ട്. ഇത് ആദ്യ കാഴ്ച്ചയിൽ തന്നെ ശ്രദ്ധയാകർഷിക്കുന്ന കാര്യമാണ്. ഒപ്പം സി-പില്ലറിലെ സ്കെയിൽ പോലുള്ള ഘടകങ്ങളും ഇവിയുടെ കിടിലൻ ഡിസൈൻ ഭാഷ്യത്തെ എടുത്തുകാണിക്കുന്നുമുണ്ട്.

ഇലക്‌ട്രിക് ക്രോസ്‌ഓവർ എസ്‌യുവിയുടെ ഡോറുകൾക്ക് കുറുകെ നീളുന്ന കട്ടിയുള്ള ക്യാരക്ടർ ലൈൻ ഉൾപ്പെടെയുള്ള കൊത്തുപണികളുള്ള വശവും ഗ്ലോസി റൂഫ് റെയിലുകളും ബൾബസ് വീലാർച്ചുകളും ടെയിൽ ലൈറ്റുകളിൽ ഒഴുകിയിറങ്ങുന്ന ഫീലാണ് നൽകുന്നത്. ഇനി BYD അറ്റോ 3-യുടെ പിൻവശത്തേക്ക് നോക്കിയാൽ മിനുസമാർന്ന ലൈറ്റ്ബാർ ശൈലിയിലുള്ള എൽഇഡി ടെയിൽലൈറ്റുകളാൽ ആധിപത്യം പുലർത്തുന്നു. മൂന്നാമത്തെ ബ്രേക്ക് ലൈറ്റും പിൻ ബമ്പറിൽ താഴ്ന്നിരിക്കുന്ന റിവേഴ്‌സിംഗ് ലൈറ്റും ഹോസ്റ്റുചെയ്യുന്ന ഇന്റഗ്രേറ്റഡ് റൂഫ് സ്‌പോയിലറും പിന്നിൽ കാണാം.

ഇൻ്റീരിയറും ഫീച്ചറുകളും

പുറംമോടി പോലെ തന്നെ അത്യാകർഷകമായ അകത്തളമാണ് അറ്റോ 3 ഇവിയിൽ BYD ഒരുക്കിയിരിക്കുന്നത്. ഇന്റീരിയർ അതിന്റെ വിചിത്രമായ ഡിസൈൻ സവിശേഷതകളാൽ ആരുടേയും മനംമയക്കാൻ പ്രാപ്‌തമാണ്. ഏതെങ്കിലും തരത്തിലുള്ള ഫോം മെറ്റീരിയൽ കൊണ്ട് നിർമിതാണെന്ന് തോന്നിക്കുന്ന മൾട്ടി ലെയേർഡ് ഡാഷ്ബോർഡാണ് നമ്മെ അകത്തേക്ക് സ്വീകരിക്കുന്നത്. എയർ കണ്ടീഷനിംഗ് സിസ്റ്റത്തിനായുള്ള ഡംബെൽ-സ്റ്റൈൽ വെന്റുകൾ, എയർക്രാഫ്റ്റ് കൺട്രോളർ പോലെയുള്ള ഗിയർ ലിവർ, ഗ്രിപ്പ്-സ്റ്റൈൽ ഡോർ ഹാൻഡിൽ, ഡോറിന്റെ താഴത്തെ ഭാഗത്തുള്ള തികച്ചും നട്ട് ബാസ് ഗിറ്റാർ സ്‌ട്രിംഗുകൾ എന്നിവയെല്ലാണ് ഇന്റീരിയറിനെ സമ്പുഷ്‌ടമാക്കുന്നത്. സീറ്റുകൾ നല്ല വലിപ്പമുള്ളതും വിശാലവുമാണ്. കൂടാതെ കൂറ്റൻ പനോരമിക് സൺറൂഫും ക്യാബിന് വായുസഞ്ചാരവും വിശാലവുമായ അനുഭവം നൽകുന്നു.

പിന്നിലെ സീറ്റുകൾ തൈ സപ്പോർട്ട് കാര്യമായി നൽകുന്നില്ലെങ്കിലും ഫ്ലോറിൽ ഘടിപ്പിച്ച ബാറ്ററികളും ചരിഞ്ഞ റൂഫ്‌ലൈനും സ്പേസ് ഉണ്ടാക്കുന്നതിൽ കാര്യമായ സംഭാവ നൽകിയിട്ടുണ്ട്. ഇത് പല ഇലക്ട്രിക് കാറുകളിലും കാണാത്തൊരു കാര്യമാണ്. എന്നിരുന്നാലും ക്യാബിന്റെ ഏറ്റവും വലിയ ഹൈലൈറ്റ് വലിയ 12.8 ഇഞ്ച് ഇൻഫോടെയ്ൻമെന്റ് ഡിസ്പ്ലേയാണ്. ഇൻഫോടെയ്ൻമെന്റ് ഡിസ്‌പ്ലേ ഒരു ബട്ടണിൽ അമർത്തുമ്പോൾ ലാൻഡ്‌സ്‌കേപ്പിൽ നിന്ന് പോർട്രെയിറ്റ് മോഡിലേക്ക് മാറുന്നതും ശ്രദ്ധേയമാണ്. അതായത് ടച്ച്സ്ക്രീൻ ആവശ്യാനുസരണം വട്ടംകറക്കിയെടുക്കാമെന്ന് സാരം. ഇത് ഒരു രസകരമായ ഫീച്ചറാണ്.

ആപ്പിൾ കാർപ്ലേ, ആൻഡ്രോയിഡ് ഓട്ടോ Apple എന്നിവയെ പിന്തുണയ്ക്കുന്ന ഇൻഫോടെയ്ൻമെന്റ് ഡിസ്പ്ലേയാണിത്. എന്നാൽ വയർലെസ് അല്ലായെന്നത് പലരേയും നിരാശപ്പെടുത്തിയേക്കാം. ഡ്രൈവർ ഡിസ്‌പ്ലേയ്ക്കും കാര്യമായ വലിപ്പം ഇല്ലാത്തതും നിരാശയുളവാക്കുന്ന കാര്യമാണ്. ഫോണിനുള്ള വയർലെസ് ചാർജർ, എൻഎഫ്‌സി കാർഡ് കീ, ഓപ്പണിംഗ് ഹൈറ്റ് മെമ്മറി ഫംഗ്‌ഷൻ ഫീച്ചർ ചെയ്യുന്ന ഒരു ഓട്ടോമാറ്റിക് ടെയിൽ‌ഗേറ്റ് എന്നിങ്ങനെയുള്ള മറ്റ് നിരവധി സവിശേഷതകളും BYD അറ്റോ 3 ഇവിയിൽ നിറഞ്ഞിരിക്കുന്നു.

7 എയർബാഗുകൾ, 360-ഡിഗ്രി ക്യാമറ, എബിഎസ്, ഇഎസ്‌സി, ട്രാക്ഷൻ കൺട്രോൾ, ഹിൽ ഡിസന്റ് കൺട്രോൾ എന്നിവയുൾപ്പെടെയുള്ള സുരക്ഷാ സവിശേഷതകളും ഇലക്ട്രിക് എസ്‌യുവിയിൽ ലഭ്യമാണ്. തീരുന്നില്ല, ഇവയ്ക്കു പുറമെ ഓട്ടോമാറ്റിക് എമർജൻസി ബ്രേക്കിംഗ്, അഡാപ്റ്റീവ് ക്രൂയിസ് കൺട്രോൾ, ബ്ലൈൻഡ് സ്പോട്ട് മോണിറ്ററിംഗ്, ലെയ്ൻ-കീപ്പ് അസിസ്റ്റ്, ഫ്രണ്ട് ആൻഡ് റിയർ കൂട്ടിയിടി മുന്നറിയിപ്പ് തുടങ്ങിയ ADAS സവിശേഷതകളും ഇലക്ട്രിക് അറ്റോ 3 എസ്‌യുവിയിൽ ചൈനീസ് വാഹന നിർമാതാക്കൾ ഒരുക്കിയിട്ടുണ്ട്.

പെർഫോമൻസും ഡ്രൈവിംഗ് മികവും

BYD-യുടെ വിപ്ലവകാരിയായ ബ്ലേഡ് ലിഥിയം ഫെറോ ഫോസ്ഫേറ്റ് (LFP) ബാറ്ററി പായ്ക്കാണ് അറ്റോ 3 ഇവിക്ക് തുടിപ്പേകുന്നത്. ഇത് സെല്ലുകളെ കൂടുതൽ സാന്ദ്രമായി പായ്ക്ക് ചെയ്യാൻ അനുവദിക്കുകയും ഇടം ലാഭിക്കാൻ സഹായിക്കുന്ന പരമ്പരാഗത കൂളിംഗ് സെലൂഷനുകൾ ഒഴിവാക്കുകയും ചെയ്യുന്നു. ബോങ്കേഴ്‌സ് നെയിൽ പെനട്രേഷൻ ടെസ്റ്റ് ഉൾപ്പെടെ നിരവധി സുരക്ഷാ പരിശോധനകൾക്ക് ബ്ലേഡ് ബാറ്ററി പായ്ക്ക് വിധേയമായിട്ടുണ്ട്. വാഹനത്തിലെ ബ്ലേഡ് ബാറ്ററി പായ്ക്കിന് 60.48kWh ശേഷിയാണുള്ളത്.

ഇത് ഒറ്റ ചാർജിൽ 521 കിലോമീറ്റർ ARAI സാക്ഷ്യപ്പെടുത്തിയ റേഞ്ച് നൽകുന്നു. അറ്റോ 3 ആ കണക്കുമായി എത്രത്തോളം അടുക്കുന്നു എന്നറിയാൻ കൂടുതൽ സമയം വേണ്ടിവരും. സജ്ജീകരണം റീചാർജ് ചെയ്യുന്ന 80kW DC ഫാസ്റ്റ് ചാർജറിലേക്ക് കണക്‌റ്റ് ചെയ്യുമ്പോൾ ആ ബാറ്ററി പായ്ക്ക് ചാർജ് ചെയ്യുന്നത് വളരെ വേഗത്തിലാണെന്ന് കമ്പനി ഉറപ്പുവരുത്തിയിട്ടുണ്ട്. എസ്‌യുവിയുടെ ബ്ലേഡ് ബാറ്ററി പായ്ക്ക് മുൻ വീലുകളെ ചലിപ്പിക്കുന്ന ഒരൊറ്റ ഇലക്ട്രിക് മോട്ടോറാണ് നൽകുന്നതും. ഇവിയുടെ ഇലക്ട്രിക് മോട്ടോർ 240 bhp (150kW) കരുത്തിൽ 310 Nm torque നൽകുന്ന പെർമനന്റ് മാഗ്‌നെറ്റ് സിങ്ക്രനസ് മോട്ടറാണ് ഇതിലുള്ളത്.

ഇത് ഇലക്ട്രിക് എസ്‌യുവിയെ 7.3 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ അനുവദിക്കുന്നുണ്ട്. BYD അറ്റോ 3 ഇവിക്ക് 4,455 mm നീളവും 1,865 mm വീതിയും 1,615 mm ഉയരവും ഉള്ള ഒരു മാന്യമായ വാഹനമാണ്. BYD അറ്റോ 3 യുടെ വീൽബേസ് 2,720 മീറ്ററും ഗ്രൗണ്ട് ക്ലിയറൻസ് 175 മില്ലീമീറ്ററുമാണ്. ഇലക്ട്രിക് മോട്ടോറിൽ നിന്നുള്ള ലീനിയർ ഡെലിവറി വേഗതയിൽ വളരെ പ്രവചനാതീതമായ വർധനവ് അനുവദിക്കുന്നുണ്ട്. ഇക്കോ, നോർമൽ, സ്‌പോർട്ട് എന്നിങ്ങനെ മൂന്ന് ഡ്രൈവിംഗ് മോഡുകളും ഓഫറിൽ ഉണ്ട്. രണ്ട് റീജെൻ മോഡുകളും ഓഫറിലുണ്ട്. മറ്റ് മിക്ക ഇവികളിലും കാണുന്ന ഒറ്റ പെഡൽ ഡ്രൈവിംഗ് ഫീച്ചറും ഇതിന് ലഭിക്കുന്നില്ല.

അറ്റോ 3യുടെ സസ്പെൻഷൻ സജ്ജീകരണം കുണ്ടും കുഴികളും കുഴികളും അനായാസം കൈകാര്യം ചെയ്യാൻ പ്രാപ്‌തമാണ്. കോർണറിംഗ് കഴിവുകളൊന്നുമില്ലെങ്കിലും മാന്യമായ വേഗതയിൽ അവയെ വളരെ മനോഹരമായി കൊണ്ടുപോകാനാവും. ഏത് വേഗത്തിലും സ്റ്റിയറിങ്ങിന്റെയും ബോഡി റോളിന്റെയും വ്യതിയാനങ്ങൾ അനുഭവപ്പെട്ടേക്കും. നാല് വീലുകളിലും ഡിസ്‌ക് ബ്രേക്കിന്റെ സഹായത്തോടെയാണ് വാഹനം പ്രവർത്തിക്കുന്നത്. ക്യാബിനിനുള്ളിലെ NVH ലെവലുകൾ വളരെ മികച്ചതാണ്. എന്നിരുന്നാലും ലോ സ്പീഡിൽ ക്യാബിനിനുള്ളിൽ ഒരു ചെറിയ ശബ്ദം കേൾക്കാം. മൊത്തത്തിൽ മോഡലിന്റെ ബിൽഡ് ക്വാളിറ്റിയും മികച്ചതാണെന്ന് പറയാതെ വയ്യ.