നിത്യാനന്ദ ശിഷ്യ രഞ്ജിതയുടെ ലോറ

Updated: Monday, September 24, 2012, 12:08 [IST]

പ്രശസ്ത ആള്‍ദൈവം സ്വാമി നിത്യാനന്ദ പരമഹംസയുടെ ശിഷ്യയായ രഞ്ജിത ഒരു മികച്ച നടിയാണ്. ശ്രീ വള്ളി എന്നാണ് മാതാപിതാക്കള്‍ രഞ്ജിതയ്ക്കിട്ട പേര്. മുരുകനോടുള്ള ഭക്തി പ്രമാണിച്ചാണ് അദ്ദേഹത്തിന്‍റെ ഭാര്യയുടെ പേര് തന്നെ രഞ്ജിതയ്ക്ക് മാതാപിതാക്കള്‍ നല്‍കിയത്. സിനിമയിലെത്തിയപ്പോള്‍ ശ്രീവള്ളി എന്ന പേര് ഉപേക്ഷിച്ചെങ്കിലും മുരുകഭക്തി ഒട്ടും കുറഞ്ഞില്ല. വേല് പിടിച്ചു നില്‍ക്കുന്ന ആരെക്കണ്ടാലും രഞ്ജിത ബഹുമാനിക്കും.

മാഫിയ, ജോണി വാക്കര്‍, ചമയം, കൈക്കുടന്ന നിലാവ് തുടങ്ങിയ മലയാള ചിത്രങ്ങളിലൂടെ രഞ്ജിതയുടെ അഭിനയശേഷി മലയാളികള്‍ അറിഞ്ഞതാണ്. തെലുഗ്, തമിള്‍ തുടങ്ങിയ ദക്ഷിണേന്ത്യന്‍ ഭാഷകളിലെല്ലാം രഞ്ജിത നിറഞ്ഞാടിയിട്ടുണ്ട്. സിനിമയിലെ നായികക്കാലം കഴിഞ്ഞതോടെ അവര്‍ സീരിയലുകളില്‍ കാര്യമായി ശ്രദ്ധിക്കാന്‍ തുടങ്ങി.

തെലുഗ് സിനിമയായ മാവിച്ചിഗുരു (മാമ്പൂവ്)വിലെ അഭിനയത്തിന് മികച്ച സഹനടിക്കുള്ള ആന്ധ്ര സംസ്ഥാന സര്‍ക്കാരിന്‍റെ നന്ദി പുരസ്കാരം അവര്‍ക്ക് ലഭിച്ചിട്ടുണ്ട്.

കാര്യങ്ങള്‍ ഇത്രമാത്രമേയുള്ളൂ എന്ന് ധരിക്കേണ്ട. രഞ്ജിത ഒരു സ്കോ‍ഡ ലോറ കാറിന് ഉടമയാണ്. വെള്ള നിറമുള്ള കാറാണ് രഞ്ജിതയ്ക്കുള്ളത്. ഇതിഹാസങ്ങള്‍ തന്നെ പറയാനുണ്ടാകും ആ കാറിന് എന്നത് ഉറപ്പാണല്ലോ. നമുക്ക് അതൊന്ന് പരിശോധിക്കാം.

ലോറ എന്ന മാദകസുന്ദരി