Click it and Unblock the Notifications
ഇന്ത്യയിലുണ്ടാക്കിയ 3 സീരീസ് ഗ്രാന് ടൂറിസ്മോ എത്തി
പ്രാദേശികമായി നിര്മിച്ച ബിഎംഡബ്ല്യു ഗ്രാന് ടൂറിസ്മോ വിപണിയിലെത്തിയിരിക്കുയാണ്. ആഡംബര കാര് വിപണിയില് മറ്റ് ജര്മന് കമ്പനികള്ക്കെതിരെ ബീമര് നടത്തുന്ന റോഡ് യുദ്ധത്തിന് ഒരു കിടിലന് പടക്കോപ്പായി ഇന്ത്യയില്ത്തന്നെ നിര്മിച്ച ഈ വാഹനത്തെ കാണണം.
ഇറക്കുമതിച്ചുങ്കം അടച്ചുകൊണ്ട് കാര് വാങ്ങുന്നവരെ 'പഴയ തലമുറ'യിലെ ആളുകളായി പരിഗണിക്കാന് തുടങ്ങിയ കാലമാണിത്. രാജ്യം അത്യാവശ്യം വളര്ന്നു കഴിഞ്ഞതായും വലിയ സാധ്യതകള് ഇനിയുമുണ്ടെന്നും തിരിച്ചറിയുന്ന ഉപഭോക്താക്കളെ നേരിടാന് ഉല്പന്നങ്ങള് പ്രാദേശികമായി നിര്മിക്കല് മാത്രമാണ്.
ചെന്നൈയില് വെച്ചാണ് ഇന്ത്യയില് നിര്മിച്ച ഗ്രാന്ഡ് ടൂറിസ്മോയുടെ ലോഞ്ച് നടന്നത്. സിഹ്കപ്പെരുമാള് കോയിലിലുള്ള ബിഎംഡബ്ല്യു 3 സീരീസ് ഗ്രാന് ടൂറിസ്മോയുടെ ചെന്നൈ എക്സ്ഷോറൂം വില 42.75 ലക്ഷമാണ്.
2.0 ലിറ്ററിന്റെ ട്വിന് ടര്ബോ, 4 സിലിണ്ടര് എന്ജിനാണ് വാഹനത്തില് ഘടിപ്പിച്ചിരിക്കുന്നത്. 7.9 സെക്കന്ഡിനുള്ളില് 100 കിലോമീറ്റര് വേഗത പിടിക്കാന് ശേഷിയുണ്ട് ഈ എന്ജിന്.
മണിക്കൂറില് 226 കിലോമീറ്റര് വേഗതയില് പായാന് ഗ്രാന് ടൂറിസ്മോ എന്ജിന് സാധിക്കും.
വാഹനം 110 കിലോമീറ്റര് വേഗത കൈവരിച്ചാല് സ്വയം പ്രവര്ത്തിച്ചുതുടങ്ങുന്ന ഒരു റിയര് സ്പോയ്ലര് വാഹനത്തിനുണ്ട്. വേഗത 70 കിലോമീറ്ററില് താഴെയെത്തുമ്പോള് സ്പോയ്ലര് സ്വയം മടങ്ങുന്നു.
Continue with Google