Click it and Unblock the Notifications
ആദ്യത്തെ അറേബ്യന് കാറിന് പുതിയ ഹൈബ്രിഡ് പതിപ്പ് വരുന്നു
അറേബ്യയുടെ ആദ്യത്തെ തനത് സൂപ്പര്കാര് എന്ന നിലയില് ലൈകാന് നമ്മുടെയെല്ലാം ശ്രദ്ധ പിടിച്ചുപറ്റിയതാണ്. ഈ വാഹനം വീണ്ടും വാര്ത്തകളില് നിറയുകയാണിപ്പോള്. കുറെക്കൂടി വേഗതയേറിയ ഒരു ഹൈബ്രിഡ് പതിപ്പ് ഈ വാഹനത്തിന് ലഭിക്കുമെന്നാണ് അറിയുന്നത്.
ലൈകാന് സൂപ്പര്കാറിനെ അടുത്തറിയാം
ഡബ്ല്യു മോട്ടോഴ്സാണ് ലൈകാന് സൂപ്പര്കാറിന്റെ നിര്മാതാവ്. ഇലക്ട്രിക് ഹൈബ്രിഡായിരിക്കും പുതിയ ലൈകാന് എന്നുറപ്പായിട്ടുണ്ട്. രണ്ടാമത്തെ ഇന്ധനം ഏതാണെന്ന് ഇപ്പോഴും വ്യക്തമല്ല. ഇത് ഫോസ്സില് ഇന്ധനമായിരിക്കില്ല എന്നാണറിയുന്നത്.
എയര് ഫ്യുവല് സിന്തസിസ് എന്നു പേരായ ഒരു കമ്പനിയുമായി ചേര്ന്ന് ഡബ്ല്യു മോട്ടോഴ്സ് പ്രവര്ത്തിക്കുന്നതായി വാര്ത്തകളുണ്ട്.
ലോകത്തില് വില്പനയിലുള്ള കാറുകളില് ഏറ്റവും വിലയേറിയ സ്പോര്ട്സ് കാറാണ് ഈ വാഹനം, പ്രയോഗത്തില്. വൻതോതിലുള്ള കസ്റ്റമൈസേഷൻ സൗകര്യങ്ങളൊരുക്കുക വഴിയാണിത് സംഭവിക്കുക.
750 കുതിരശക്തി പകരുന്ന എന്ജിനാണ് ലൈകാനിനുള്ളത്. 1000 എന്എം ചക്രവീര്യം ഈ എന്ജിന് നല്കും. മണിക്കൂറില് 100 കിലോമീറ്റര് എന്ന വേഗത പിടിക്കാന് വെറും 2.8 സെക്കന്ഡ് മതിയിവന്. പരമാവധി പിടിക്കാവുന്ന വേഗത മണിക്കൂറില് 395 കിലോമീറ്റര്.
Continue with Google