Just In
- 10 hrs ago കേന്ദ്ര ഇവി പോളിസിയിൽ സന്തോഷം അറിയിച്ച് ബ്രാൻഡുകൾ, ടെസ്ല എത്താൻ ഇനി വൈകില്ല
- 13 hrs ago ഏറ്റവും ഡിമാന്റുള്ള മാരുതി കാറിന് 77,000 രൂപ വിലക്കുറവ്, ഫ്രോങ്ക്സ് വാങ്ങാൻ ഏറ്റവും നല്ലസമയം ഇതു തന്നെ
- 14 hrs ago കാത്തിരിപ്പ് അവസാനിപ്പിക്കാമെന്ന് ആർടിഒ... ഓഫീസുകളിലേക്ക് എത്തുന്നത് എട്ട് ലക്ഷം ലൈസൻസുകളും ആർസി ബുക്കുകളും
- 15 hrs ago ADAS, 360 ഡിഗ്രി ക്യാമറ അങ്ങനെ കുറേ ഫീച്ചറുകൾ; വേറെ ലെവലാവാൻ സ്കോഡ കുഷാഖും സ്ലാവിയയും
Don't Miss
- Travel മംഗലാപുരത്ത് നിന്ന് രാമേശ്വരത്തേയ്ക്ക് നേരിട്ട് ട്രെയിൻ; പഴനി, മധുരൈ, കൊടൈക്കനാൽ യാത്രകൾ ഇനി എളുപ്പം
- Sports IPL 2024: രോഹിത് ഫാന്സ് അതിരുവിടുന്നോ? ഹാര്ദിക്കിന് ചിലത് പറയാനുണ്ട്! മുന്നറിയിപ്പോ?
- News ഉദ്ദിഷ്ടകാര്യ ലബ്ധി, ധനനേട്ടം, ആഡംബര ജീവിതം, പ്രശസ്തി... ഈ രാശിക്കാര്ക്ക് ഒന്നല്ല, രണ്ട് രാജയോഗം..!
- Movies 'മണിക്ക് കൊടുത്തതുകൊണ്ട് ഒരിക്കലും ലാലിന് ഒരു കുഴപ്പവും വരികയില്ല എന്നൊരു അഭിപ്രായമാണ് ഞാൻ പറഞ്ഞത്'
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
- Technology രണ്ടെണ്ണം സൂപ്പറാണ്! ഇൻഫിനിക്സ് നോട്ട് 40 സീരീസ് ലോഞ്ച് ചെയ്തു
- Finance നിക്ഷേപത്തിന് ഉയർന്ന പലിശ വേണോ, നൽകാൻ പോസ്റ്റ് ഓഫീസ് റെഡിയാണ്, നോക്കുന്നോ
ബമ്പര് ഹിറ്റായി മാരുതി ഡിസൈര് — വില്പന മൂന്നുലക്ഷവും കടന്നു കുതിക്കുന്നു
അടുത്തകാലത്ത് മാരുതി കൊണ്ടുവന്ന ബമ്പര് ഹിറ്റുകളില് ഒന്നാണ് പുതുതലമുറ ഡിസൈര്. പേരില് നിന്നും സ്വിഫ്റ്റിനെ വെട്ടിക്കളഞ്ഞ് ഡിസൈറിനെ മാരുതി അവതരിപ്പിച്ചപ്പോള് പലരും മുഖംചുളിച്ചു. സ്വിഫ്റ്റിന്റെ പെരുമകൊണ്ടല്ലേ ഡിസൈറിന് ഇത്ര പ്രചാരം ലഭിക്കാന് കാരണമെന്നു ചോദ്യങ്ങളുണ്ടായി.
എന്നാല് തുടര്ച്ചയായി കാര് വില്പനയില് മാരുതി സെഡാൻ മേലാളിത്തം കൈയ്യടക്കിയതോടുകൂടി ഒരുകാര്യം വ്യക്തം, ഡിസൈറിന് കുതിക്കാൻ സ്വിഫ്റ്റിന്റെ പേരുവേണമെന്നില്ല. ഇപ്പോള് ഇതേ മാരുതി ഡിസൈര് മറ്റൊരു പൊന്തൂവല് കൂടി അണിഞ്ഞിരിക്കുകയാണ്.
ഇന്ത്യന് വിപണി കണ്ടിട്ടുള്ളതില്വെച്ചു ഏറ്റവും വേഗത്തില് വിറ്റുപോകുന്ന കാറെന്ന ഖ്യാതിയും ഇനി ഡിസൈറിന് സ്വന്തം. കഴിഞ്ഞ 17 മാസത്തിനിടെ മൂന്നുലക്ഷം ഡിസൈര് യൂണിറ്റുകളാണ് വിപണിയില് വിറ്റുപോയത്. അതായത് ഇക്കാലയളവില് പ്രതിമാസം 17,000 യൂണിറ്റിന് മേലെ വില്പന മുടങ്ങാതെ ഡിസൈർ നേടി.
നിലവില് മാരുതിയുടെ ഹിറ്റ് താരമാണ് പുതുതലമുറ ഡിസൈര്. മുന്തലമുറയെക്കാള് 28 ശതമാനം അധികവില്പന പുതിയ ഡിസൈര് കൈയ്യടക്കിക്കഴിഞ്ഞു. സുസുക്കിയുടെ ഭാരംകുറഞ്ഞ HEARTECT അടിത്തറ ഉപയോഗിക്കുന്ന ഡിസൈര്, മട്ടിലും ഭാവത്തിലും ചമഞ്ഞൊരുങ്ങിയാണ് വിപണിയില് എത്തുന്നത്.
സൗകര്യങ്ങളിലും സംവിധാനങ്ങളിലും ധാരാളിത്തം കാഴ്ച്ചവെക്കുന്ന ഏറ്റവും ഉയര്ന്ന ഡിസൈര് വകഭേദത്തിനോടാണ് വിപണിക്ക് കമ്പമെന്നു മാരുതി സുസുക്കി ഇന്ത്യ സീനിയര് എക്സിക്യുട്ടീവ് ഡയറക്ടര് ആര് എസ് ഖല്സി പറയുന്നു.
Most Read: ക്രാഷ് ടെസ്റ്റില് തവിടുപൊടിയായി മാരുതി സ്വിഫ്റ്റ് — ഇനിയും വര്ധിക്കാനുണ്ട് സുരക്ഷ
കണക്കുകള് പ്രകാരം 25 ശതമാനം ഉപഭോക്താക്കള് ഏറ്റവും ഉയര്ന്ന ഡിസൈര് വകഭേദം തെരഞ്ഞെടുക്കുമ്പോള് 20 ശതമാനം ഉപഭോക്താക്കള്ക്ക് പ്രിയം ഓട്ടോ ഗിയര് ഷിഫ്റ്റ് (എഎംടി) സംവിധാനമുള്ള ഓട്ടോമാറ്റിക് മോഡലുകളോടാണ്.
വടിവൊത്ത രൂപവും മേല്ത്തരം സൗകര്യങ്ങളും വിശാലമായ അകത്തളവും ഡിസൈറിന്റെ വിശേഷങ്ങളില്പ്പെടും. 1.2 ലിറ്റര് പെട്രോള്, 1.3 ലിറ്റര് ഡീസല് എഞ്ചിന് പതിപ്പുകളാണ് ഡിസൈറിലുള്ളത്. പെട്രോള് എഞ്ചിന് 82 bhp കരുത്തും 113 Nm torque ഉം പരമാവധിയേകും.
74 bhp കരുത്തും 190 Nm torque -മാണ് ഡീസല് എഞ്ചിന് സൃഷ്ടിക്കുക. ശ്രേണിയില് ഏറ്റവും മികച്ച മൈലേജ് കാര് കൂടിയാണ് പുതിയ ഡിസൈര്. പെട്രോള് മോഡല് 22 കിലോമീറ്ററും ഡീസല് മോഡല് 28.4 കിലോമീറ്റും മൈലേജ് കാഴ്ച്ചവെക്കും.
Most Read: വേഷം മാറി പുത്തന് ഹ്യുണ്ടായി സാന്ട്രോ, ബുക്കിംഗ് തുടങ്ങി
വിപണിയില് ഫോര്ഡ് ആസ്പൈര്, ഹ്യുണ്ടായി എക്സെന്റ്, ഫോക്സ്വാഗണ് അമിയോ മോഡലുകളാണ് ഡിസൈറിന്റെ മുഖ്യ എതിരാളികള്.