Click it and Unblock the Notifications
കൂടുതല് ഫീച്ചറുകള് നല്കി എസ്-ക്രോസിന്റെ വില മാരുതി കൂട്ടി
ഇന്നോവയ്ക്കും ഫോര്ച്യൂണറിനും ടൊയോട്ട വില കൂട്ടിയതുപോലെ കൂടുതല് ഫീച്ചറുകള് നല്കി എസ്-ക്രോസിന്റെ വില മാരുതിയും വര്ധിപ്പിച്ചു. ഇനി മുതല് 8.85 ലക്ഷം രൂപയില് മാരുതി എസ്-ക്രോസിന് വില ആരംഭിക്കും. ക്രോസ്ഓവറിന്റെ വകഭേദങ്ങളില് മുഴുവന് കൂടുതല് സുരക്ഷാ സജ്ജീകരണങ്ങള് ഒരുങ്ങുന്ന പശ്ചാത്തലത്തിലാണ് വിലവര്ധനവ്.
പ്രാരംഭ സിഗ്മ വകഭേദം 8.85 ലക്ഷം രൂപയ്ക്ക് വിപണിയില് എത്തുമ്പോള്, 11.45 ലക്ഷം രൂപയാണ് ഏറ്റവും ഉയര്ന്ന ആല്ഫ വകഭേദത്തിന് വില. മാരുതി എസ്-ക്രോസ് വകഭേദങ്ങളുടെ പുതുക്കിയ വില —
| Variant | Old Price | New Price |
| Sigma | Rs 8.61 lakh | Rs 8.85 lakh |
| Delta | Rs 9.42 lakh | Rs 9.97 lakh |
| Zeta | Rs 9.98 lakh | Rs 10.45 lakh |
| Alpha | Rs 11.32 lakh | Rs 11.45 lakh |
കമ്പനി അടുത്തിടെ കൊണ്ടുവന്ന സിയാസ് ഫെയ്സ്ലിഫ്റ്റില് നിന്നും പ്രചോദനം ഉള്ക്കൊണ്ടാണ് എസ്-ക്രോസില് പുതിയ ഫീച്ചറുകള് ഇടംപിടിക്കുന്നത്. പിന് പാര്ക്കിംഗ് സെന്സറുകള്, സ്പീഡ് അലര്ട്ട് സംവിധാനം, പാസഞ്ചര് സീറ്റ് ബെല്റ്റ് റിമൈന്ഡര് എന്നിവ എസ്-ക്രോസ് മോഡലുകള്ക്ക് മുഴുവന് ലഭിക്കും.
ഇരട്ട മുന് എയര്ബാഗുകള്, ആന്റി - ലോക്ക് ബ്രേക്കിംഗ് സംവിധാനം, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷന്, ISOFIX ചൈല്ഡ് സീറ്റ് മൗണ്ടുകള്, സീറ്റ് ബെല്റ്റ് പ്രീ ടെന്ഷനറുകള് തുടങ്ങിയ സുരക്ഷാ സജ്ജീകരണങ്ങള് എസ്-ക്രോസില് തുടക്കം മുതല്ക്കെയുണ്ട്.
Most Read: തനിമ നഷ്ടപ്പെടാതെ പുത്തന് ഭാവത്തില് മാരുതി വാഗണ്ആര്
ക്രോസ്ഓവറിന്റെ ഇടത്തരം ഡെല്റ്റ വകഭേദത്തില് എഞ്ചിന് സ്റ്റാര്ട്ട്/സ്റ്റോപ് ബട്ടണ്, ക്രൂയിസ് കണ്ട്രോള്, ഓട്ടോമാറ്റിക് ക്ലൈമറ്റ് കണ്ട്രോള്, വൈദ്യുത പിന്തുണയാല് മടക്കിവെയ്ക്കാവുന്ന മിററുകള് എന്നിവ കൂടുതലായി ഒരുങ്ങും.
സീറ്റ, ആല്ഫ വകഭേദങ്ങളില് ഈ ഫീച്ചറുകള് നിലവിലുണ്ട്. 1.3 ലിറ്റര് നാലു സിലിണ്ടര് ഡീസല് എഞ്ചിനാണ് മാരുതി എസ്-ക്രോസില് തുടിക്കുന്നത്. എഞ്ചിന് 88.5 bhp കരുത്തും 200 Nm torque ഉം പരമാവധി സൃഷ്ടിക്കും. അഞ്ചു സ്പീഡാണ് മാനുവല് ഗിയര്ബോക്സ്.
Most Read: ഹ്യുണ്ടായി ക്രെറ്റയെ തകര്ക്കാന് നിസാന് കിക്ക്സ്; ജനുവരിയില് വിപണിയില്
റീജനറേറ്റീവ് ബ്രേക്കിംഗ് ശേഷിയുള്ള സുസുക്കിയുടെ സ്മാര്ട്ട് ഹൈബ്രിഡ് ടെക്നോളജി എസ്-ക്രോസിന്റെ മുഖ്യവിശേഷമാണ്. വിപണിയില് ഹ്യുണ്ടായി ക്രെറ്റ, റെനോ ക്യാപ്ച്ചര്, മഹീന്ദ്ര XUV500 എന്നിവരുമായാണ് മാരുതി എസ്-ക്രോസിന്റെ മത്സരം.
Continue with Google