റോസ് ഗോള്‍ഡ് നിറത്തില്‍ ടാറ്റ നെക്‌സോണ്‍

പേരുസൂചിപ്പിക്കുന്നതുപോലെ അടിമുടി റോസ് ഗോള്‍ഡ് നിറത്തിലാണ് എസ്‌യുവി. അതേസമയം ഗ്രില്ല്, എയര്‍ഡാം, ബാഡ്ജുകള്‍, മിററുകള്‍ എന്നിവയ്‌ക്കെല്ലാം കറുപ്പാണ് നിറം. പുതിയ നിറശൈലി എടുത്തുകാണിക്കാന്‍ കടുപ്പമേറിയ വിന്‍ഡോലൈനിനും കഴിയുന്നുണ്ട്.

നെക്‌സോണിന്റെ ബാഡ്ജുകള്‍ പോലും റോസ് ഗോള്‍ഡ് നിറത്തിലാണ്. ഇരുണ്ട പശ്ചാത്തലമുള്ള അലോയ് വീലുകളും റൂഫ്‌റെയിലുകളും റോസ് ഗോള്‍ഡ് എഡിഷന് പൂര്‍ണ്ണത സമര്‍പ്പിക്കുന്നു. അകത്തളത്തിലും റോസ് ഗോള്‍ഡ് നിറമാണ് പ്രഭചൊരിയുന്നത്.

Most Read: വന്‍ചതി, റോയല്‍ എന്‍ഫീല്‍ഡിന് നേരെ ആഞ്ഞടിച്ച് പെഗാസസ് ഉടമകള്‍

ഡാര്‍ക്ക് ഗ്രെയ് നിറത്തിലാണ് ഡാഷ്‌ബോര്‍ഡെങ്കില്‍ റോസ് ഗോള്‍ഡാണ് സീറ്റുകളുടെ നിറം. മേല്‍ത്തരം സീറ്റ് അപ്‌ഹോള്‍സ്റ്ററി മോഡലിന്റെ സവിശേഷതകളില്‍പ്പെടും.

ഫീച്ചറുകളും സൗകര്യങ്ങളും മുഴുവനായുള്ള ഏറ്റവും ഉയര്‍ന്ന നെക്‌സോണ്‍ പെട്രോള്‍ വകഭേദമാണ് റോസ് ഗോള്‍ഡ് എഡിഷന് ആധാരം. റോസ് ഗോള്‍ഡ് എഡിഷനിലുള്ള 1.2 ലിറ്റര്‍ ടര്‍ബ്ബോചാര്‍ജ്ഡ് പെട്രോള്‍ എഞ്ചിന്‍ 108 bhp കരുത്തും 170 Nm torque ഉം പരമാവധി ഉത്പാദിപ്പിക്കും.

ആറു സ്പീഡ് മാനുവല്‍, എഎംടി ഗിയര്‍ബോക്‌സ് ഓപ്ഷനുകള്‍ എസ്‌യുവിയില്‍ ലഭ്യമാണ്. 1.5 ലിറ്റര്‍ ടര്‍ബ്ബോചാര്‍ജ്ഡ് ഡീസല്‍ എഞ്ചിന്‍ പതിപ്പും നെക്‌സോണിലുണ്ട്. ഡീസല്‍ എഞ്ചിന് 108 bhp കരുത്തും 260 Nm torque ഉം സൃഷ്ടിക്കാനാവും.

നിലവില്‍ ടാറ്റയുടെ ഏറ്റവുമധികം വില്‍ക്കപ്പെടുന്ന എസ്‌യുവി മോഡലാണ് നെക്‌സോണ്‍. പ്രതിമാസം 4,000 യൂണിറ്റുകളുടെ വില്‍പന നെക്‌സോണ്‍ മുടക്കംകൂടാതെ നേടുന്നുണ്ട്. 6.29 ലക്ഷം മുതലാണ് ടാറ്റ നെക്‌സോണിന് വിപണിയില്‍ വില.

Most Read: ഏഴുകോടിയുടെ പുത്തന്‍ റോള്‍സ് റോയ്‌സ് മുംബൈയില്‍ ഇടിച്ചുതകര്‍ന്നു

എത്‌ന ഓറഞ്ച്, വെര്‍മോണ്ട് റെഡ്, മൊറോക്കന്‍ ബ്ലൂ, സിയാറ്റില്‍ സില്‍വര്‍, ഗ്ലാസ്‌ഗോ ഗ്രെയ്, കാല്‍ഗറി വൈറ്റ് എന്നീ ആറു നിറങ്ങളിലാണ് മോഡല്‍ ഔദ്യോഗികമായി വില്‍പനയ്‌ക്കെത്തുന്നത്.