ഒറിക്സുമായി ചേർന്ന് പുതിയ ലീസിംഗ് സംവിധാനം അവതരിപ്പിച്ച് ഹോണ്ട

സിവിക്, സിആർ-വി, സിറ്റി മോഡലുകളാണ് ലീസിംഗ് ഓപ്ഷനുകളിൽ ലഭിക്കുന്നത്. എല്ലാത്തരം ഉപഭോക്താക്കൾക്കും ഈ സേവനം ലഭ്യമാകുമെന്നാണ് കമ്പനി അറിയിച്ചിരിക്കുന്നത്. കോർപ്പറേറ്റുകൾ, വ്യക്തികൾ, സ്വയം ജോലി ചെയ്യുന്ന പ്രൊഫഷണലുകൾ, ബിസിനസുകാർ എന്നിവ ഇതിൽ ഉൾപ്പെടുന്നു.

ഹോണ്ട കാറുകളും ഒറിക്സും തമ്മിലുള്ള പങ്കാളിത്തം കാർ വാങ്ങാതെ തന്നെ ഉപഭോക്താക്കൾക്ക് എളുപ്പത്തിൽ ഉപയോഗിക്കാൻ അനുവദിക്കും. ഉടമസ്ഥാവകാശത്തിന്റെ പരമാവധി ആനുകൂല്യങ്ങൾ ആസ്വദിക്കുന്നതിനായി ഓരോ വ്യക്തിക്കും അനുയോജ്യമായ പ്രതിവിധികൾ ഓറിക്സ് വാഗ്ദാനം ചെയ്യും.

കാറുകൾക്കുള്ള ലീസിംഗ് പരിപാടിക്ക് ഇന്ത്യൻ വിപണിയിൽ ജനപ്രീതി വർധിച്ചുകൊണ്ടിരിക്കുകയാണ്. പ്രത്യേകിച്ചും, ഇന്ത്യയിലെ കാർ നിർമ്മാതാക്കൾ നേരിടുന്ന വാഹന വിപണിയിലം മാന്ദ്യത്തോടെ, രാജ്യത്ത് ഒരു പുതിയ കാർ ഉപയോഗിക്കുന്നതിനുള്ള മികച്ച ഓപ്ഷനായി ലീസിംഗ് മാറിയേക്കും.

കാറുകളുടെ ഉടമസ്ഥാവകാശം കൂടാതെ, വാഹനങ്ങൾ ലീസിനെടുത്ത ഉപഭോക്താക്കൾക്ക് മറ്റ് ആനുകൂല്യങ്ങളും വാഗ്ദാനം ചെയ്യുന്നു. സമഗ്രമായ ഇൻഷുറൻസ് പദ്ധതികൾ, നികുതി മാനേജ്മെന്റ്, മെയിന്റനൻസ് പാക്കേജുകൾ, ആവശ്യാനുസരണം ക്യൂറേറ്റുചെയ്‌ത വാടകകൾ എന്നിവ ഇതിൽ ഉൾപ്പെടുന്നു.

കാർ ലീസിംഗ് സൗകര്യം പുതിയ വാഹനങ്ങളിലേക്കുള്ള പ്രവേശനം വാഗ്ദാനം ചെയ്യുന്നു. കൂടാതെ വാങ്ങാതെ തന്നെ കാർ ഉപയോഗിക്കുന്നതിന്റെ ആനുകൂല്യങ്ങൾ ആസ്വദിക്കാനും ഇത് ഉപഭോക്താക്കളെ പ്രാപ്തരാക്കും. നിലവിലെ സാഹചര്യത്തിൽ കാർ ലീസിംഗ് ജനപ്രീതി നേടുന്നുണ്ടെന്ന് ഹോണ്ട കാർസ് ഇന്ത്യ ലിമിറ്റഡിന്റെ സെയിൽസ് & മാർക്കറ്റിംഗ് സീനിയർ വിപി & ഡയറക്ടർ രാജേഷ് ഗോയൽ പറഞ്ഞു.

ഒറിക്സുമായി പങ്കാളിത്തം വഹിക്കുന്നതിൽ ‌ ഞങ്ങൾ‌ സന്തുഷ്ടരാണ്. കോർപ്പറേറ്റ് ഉപഭോക്താക്കൾ‌ക്ക് പുറമേ, വ്യക്തിഗത ഉപഭോക്താക്കൾ‌ക്കും വേണ്ടി പ്രോഗ്രാം പ്രത്യേകമായി തയ്യാറാക്കിയിട്ടുണ്ടെന്നും അദ്ദേഹം വ്യക്തമാക്കി.

Most Read: ഫോർച്യൂണർ TRD സ്‌പോർടിവോ ഈ മാസം 12 ന് ഇന്ത്യയിൽ അവതരിപ്പിക്കും

ഹോണ്ട കാർസ് ഇന്ത്യ രാജ്യത്ത് ഒരു മുൻനിര ബ്രാൻഡാണ്. ഈ പങ്കാളിത്തം നിരവധി യുവ സ്വപ്നങ്ങൾ നിറവേറ്റുമെന്നാണ് ഞങ്ങളുടെ വിശ്വസമെന്ന് ഓറിക്സ് ഇന്ത്യ എംഡിയും സിഇഒയുമായ സന്ദീപ് ഗംഭീർ അഭിപ്രായപ്പെട്ടു.

Most Read: ലോറി ഡ്രൈവര്‍ക്ക് ലഭിച്ചത് നിലവിലുള്ള ഏറ്റവും ഉയര്‍ന്ന പിഴ

ഇത്തരത്തിൽ ഹ്യുണ്ടായിയും കാറുകൾ ലീസിംഗിന് നൽകുന്ന പരിപാടി ആവിഷ്ക്കരിച്ചിരുന്നു. പ്രമുഖ കാര്‍ റെന്റല്‍ കമ്പനിയായ റെവ്വുമായി ചേര്‍ന്നാണ് വാഹനം വാടകയ്ക്ക് നല്‍കുന്ന പദ്ധതിയ്ക്ക് കൊറിയൻ നിർമ്മാതാക്കൾ തുടക്കമിട്ടത്.

Most Read: വിപണിയിലെ തകർച്ചക്കിടയിലും മികച്ച വിൽപ്പനയുള്ള കാറുകൾ

ദീര്‍ഘ നാളത്തെ ഉപയോഗത്തിന് വേണ്ടി കാര്‍ വാങ്ങുന്ന കാലഘട്ടമൊക്കെ കടന്നുപോയ്ക്കൊണ്ടിരിക്കുകയാണ്.. പ്രതിദിനം ഒട്ടനവധി കാറുകള്‍ വിപണിയിലെത്തുന്ന ഇക്കാലത്ത് വളരെ ചുരുങ്ങിയ കാലയളവിലേക്ക് മാത്രമെ ഉപഭോക്താക്കള്‍ കാറുകള്‍ വാങ്ങാറുള്ളൂ.

സ്ഥിരമായൊരു കാര്‍ എന്നതിന് പകരം അതാത് കാലയളവില്‍ പുതിയ കാറുകള്‍ വാങ്ങുകയോ നിലവിലുള്ള കാറുകള്‍ കൊടുത്ത് പുത്തന്‍ മോഡലുകള്‍ സ്വന്തമാക്കുകയോ ചെയ്യുന്ന ട്രെന്‍ഡാണ് വിപണിയില്‍ മിക്ക ഉപഭോക്താക്കളിലും ഇപ്പോൾ കണ്ടുവരുന്നത്.