Just In
- 8 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 46 min ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 1 hr ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 2 hrs ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
Don't Miss
- Lifestyle നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- Movies സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- News തിരുവനന്തപുരത്ത് വോട്ടിംഗ് മെഷീനുകളിൽ തകരാർ എന്ന് വ്യാജവാർത്ത: ജില്ലാ കളക്ടർക്ക് പരാതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
മാരുതി വില്പ്പന വീണ്ടും കൂപ്പുകുത്തി, നിസഹായരായി ബ്രെസ്സയും എര്ട്ടിഗയും
വാഹന നിര്മ്മാതാക്കളുടെ ദുരിതകാലം തീരുന്നില്ല. മെയ് മാസം പിന്നിടുമ്പോള് രാജ്യത്തെ ഏറ്റവും വലിയ കാര് നിര്മ്മാതാക്കളായ മാരുതി സുസുക്കിയ്ക്ക് വില്പ്പനയില് പാടെ ചുവടുതെറ്റി. കഴിഞ്ഞമാസം 1.34 ലക്ഷം യൂണിറ്റുകള് മാത്രമാണ് കമ്പനിക്ക് വില്ക്കാനായത്. മുന്വര്ഷം ഇതേ കാലയളവില് 1.72 യൂണിറ്റുകള് മാരുതി വിറ്റിരുന്നു. വില്പ്പനയില് സംഭവിച്ചത് 22 ശതമാനം ഇടിവ്.
ടൊയോട്ടയ്ക്കായി നിര്മ്മിച്ച 2,302 ഗ്ലാന്സ യൂണിറ്റുകള് മാരുതിയുടെ വില്പ്പന കണക്കിലാണ് ഉള്പ്പെടുത്തിയിരിക്കുന്നത്. നേരത്തെ ഗ്ലാന്സ യൂണിറ്റുകള് ആരുടെ പേരില് കുറിക്കണമെന്ന ആശയക്കുഴപ്പം മാരുതിയും ടെയോട്ടയും തമ്മിലുണ്ടായിരുന്നു. ആഭ്യന്തര വിപണിയില് മാരുതിയുടെ ക്ഷീണം തുടരുകയാണ്. രാജ്യത്തെ മാരുതി കാര് വില്പ്പന 1.21 ലക്ഷം യൂണിറ്റുകളായി കഴിഞ്ഞമാസം ചുരുങ്ങി.
2018 മെയ്യില് 1.61 ലക്ഷം യൂണിറ്റുകളുടെ ആഭ്യന്തര വില്പ്പനയുണ്ടായിരുന്നു മാരുതിക്ക്. ഒരു കാര് ശ്രേണിയില്പോലും കമ്പനിക്ക് പ്രത്യാശ പ്രകടിപ്പിക്കാന് സാധിച്ചിട്ടില്ലെന്നത് വീഴ്ച്ചയുടെ ആഘാതം കൂട്ടുന്നു. പ്രാരംഭ സെഗ്മന്റില് ആള്ട്ടോയ്ക്കും പഴയ തലമുറ വാഗണ്ആറിനും പ്രതീക്ഷ കാക്കാനായില്ല. പുതുതലമുറ വാഗണ്ആര് വന്നെങ്കിലും ടാക്സി വിപണിയില് പഴയ വാഗണ്ആര് മോഡലിനെ മാരുതി ഇപ്പോഴും വില്ക്കുന്നുണ്ട്.
ഈ വിഭാഗത്തില് മാത്രം 56.7 ശതമാനം വില്പ്പന ഇടിവ് കമ്പനി നേരിട്ടു. 37,864 യൂണിറ്റുകളുടെ വില്പ്പനയുണ്ടായിരുന്ന പ്രാരംഭ ശ്രേണിയില് വില്പ്പന 16,394 യൂണിറ്റുകളിലേക്ക് കൂപ്പുകുത്തി. പുതുതലമുറ വാഗണ്ആറിന് സ്ഥാനക്കയറ്റം നല്കിയതും പ്രാരംഭ കാര് നിരയിലെ വില്പ്പന ഇടിയാന് കാരണമാണ്.
നിലവില് സ്വിഫ്റ്റ്, ബലെനോ, സെലറിയോ, ഇഗ്നിസ്, ഡിസൈര് മോഡലുകളുള്ള കോമ്പാക്ട് ശ്രേണിയിലാണ് വാഗണ്ആര് പെടുന്നത്. ഇവിടെയും ചിത്രം ആശാവഹമല്ല. 70,135 യൂണിറ്റുകള് വിറ്റെങ്കിലും വളര്ച്ചയിലേക്ക് കരകയറാന് മാരുതിയുടെ കോമ്പാക്ട് കാറുകള്ക്ക് കഴിഞ്ഞിട്ടില്ല. 9.2 ശതമാനം ഇടിവ് കോമ്പാക്ട് ശ്രേണിയില് കമ്പനിക്ക് സംഭവിച്ചു.
Most Read: ബെന്സിനെ വെല്ലുന്ന ആഢംബര കാറുകളുമായി ഹ്യുണ്ടായി, ജെനിസിസ് ഇന്ത്യയിലേക്ക്
പതിവിന് വിപരീതമായി മാരുതിയുടെ യൂട്ടിലിറ്റി വാഹനങ്ങള്ക്കും മെയ്യില് അടിതെറ്റി. എര്ട്ടിഗ, വിറ്റാര ബ്രെസ്സ, എസ്-ക്രോസ്, ജിപ്സി തുടങ്ങിയ താരങ്ങളുണ്ടായിട്ടും 25.3 ശതമാനം ഇടിവ് മാരുതിയെ തേടിയെത്തി. 19,152 യൂണിറ്റുകളില് ഒതുങ്ങി യൂട്ടിലിറ്റി വാഹനങ്ങളുടെ വില്പ്പന. ഒമ്നി, ഈക്കോ ഉള്പ്പെടുന്ന വാന് ശ്രേണിയില് 29.7 ശതമാനമാണ് വില്പ്പന ഇടിവ്.
Most Read: ബേബി ഫോര്ച്യൂണറായി ടൊയോട്ട റഷ് ഇന്ത്യയിലേക്ക്
ഇടത്തരം കാറായ സിയാസിനെയും ശനിദശ വിട്ടുമാറിയിട്ടില്ല. 2018 -ല് 4,024 യൂണിറ്റുകളുടെ വില്പ്പന കുറിച്ചിരുന്ന സിയാസ് ഇക്കുറി 3,592 യൂണിറ്റുകളുടെ വില്പ്പനയില് തൃപ്തിപ്പെടേണ്ടി വന്നു. പാസഞ്ചര് വാഹനങ്ങളില് തിരിച്ചടി തുടരുന്നെങ്കിലും വാണിജ്യ വാഹന ശ്രേണിയില് 31 ശതമാനം വളര്ച്ച മാരുതി നേടിയിട്ടുണ്ട്.
Most Read: ക്യാന്റീന് ഡിസ്കൗണ്ട് തീരും മുന്പേ ജീപ്പ് കോമ്പസ് വാങ്ങി നാവികസേനാ മേധാവി
പോയമാസം 2,230 സൂപ്പര് ക്യാരി യൂണിറ്റുകളാണ് കമ്പനി വിറ്റത്. 2018 മെയ്യില് 1,703 യൂണിറ്റുകളായിരുന്നു സൂപ്പര് ക്യാരി വില്പ്പന.