Click it and Unblock the Notifications
Just In
Don't Miss
-
രാജസ്ഥാനിൽ സച്ചിൻ പൈലറ്റിന് പ്ലാൻ ബി! ബിജെപിയുടെ പണി പാളി, പുകഞ്ഞ കൊള്ളി പുറത്തെന്ന് കോൺഗ്രസ്! -
ആ കണ്ണും, ആ ചിരിയും ആടയാഭരണങ്ങളും; അനിഘയില് നിന്ന് കണ്ണെടുക്കാന് തോന്നുന്നില്ല -
സേവന മാനദണ്ഡങ്ങൾ ലംഘിച്ചു; വോഡഫോൺ ഐഡിയയുടെയും എയർടെല്ലിന്റെയും പ്രീമിയം പ്ലാനുകൾ ട്രായ് റദ് -
ഐഒഎസ് ഉപയോക്താക്കളുടെ ഡാറ്റ ചോർത്തിയതിൽ ലിങ്ക്ഡ്ഇൻനെതിരെ കേസ് -
റസ്സലുമായുള്ള ഉടക്ക്, അന്ന് ഗാംഗുലി ലങ്കന് ഡ്രസിങ് റൂമിലെത്തി!- വെളിപ്പെടുത്തി സങ്കക്കാര -
ജലദോഷം, പനി; അകറ്റിനിര്ത്താം ഈ അണുബാധകളെ -
കൊടിമരം മുതല്‍ പടി വരെ സ്വര്ണ്ണത്തില്..കുന്നിന് മുകളിലെ കൃഷ്ണ ക്ഷേത്രം
മെര്‍സിഡീസ് ബെന്‍സ് E ക്ലാസ് ലോങ്ങ് വീല്‍ബേസ് വിപണിയില്‍ — വില 57.5 ലക്ഷം രൂപ മുതല്‍
ജര്‍മ്മന്‍ ആഢംബര കാര്‍ നിര്‍മ്മാതാക്കളായ മെര്‍സിഡീസ് ബെന്‍സ്, E ക്ലാസ് ലോങ്ങ് വീല്‍ബേസ് സെഡാനെ വിപണിയിലെത്തിച്ചു. ഇന്ത്യയില്‍ ഉടന്‍ പ്രാബല്യത്തില്‍ വരാനിരിക്കുന്ന ഭാരത് സ്റ്റേജ് VI മാര്‍ഗനിര്‍ദ്ദേശങ്ങള്‍ പാലിക്കുന്നതാണ് പുതിയ മെര്‍സിഡീസ് ബെന്‍സ് E ക്ലാസ് ലോങ്ങ് വീല്‍ബേസ്. 57.5 ലക്ഷം രൂപ മുതല്‍ 62.5 ലക്ഷം രൂപയാണ് സെഡാന്റെ എക്‌സ്‌ഷോറൂം വില.
ഏഴ് എയര്‍ബാഗുകള്‍, പാര്‍ക്കിംഗ് പൈലറ്റ്, ആക്റ്റിവ് പാര്‍ക്കിംഗ് അസിസ്റ്റ്, അഡാപ്റ്റിവ് ബ്രേക്ക് ലൈറ്റുകള്‍ എന്നിവയുള്‍പ്പടെ ഒരുപിടി മികച്ച ഫീച്ചറുകളാണ് പുതിയ മെര്‍സിഡീസ് ബെന്‍സ് E ക്ലാസ് ലോങ്ങ് വീല്‍ബേസിലുള്ളത്.
മൊബൈല്‍ ഫോണുകള്‍ ചാര്‍ജ് ചെയ്യാനുള്ള വയര്‍ലെസ് ചാര്‍ജിംഗ് സംവിധാനം സെഡാന്റെ മുന്‍, പിന്‍ വശങ്ങളിലുണ്ട്. മീഡിയ, ക്ലൈമറ്റ് കണ്‍ട്രോള്‍ തുടങ്ങിയവ പിന്‍യാത്രക്കാര്‍ക്ക് ക്രമീകരിക്കാനയുള്ള ടച്ച്‌സ്‌ക്രീന്‍ സംവിധാനവും സെഡാന്റെ പുറക് വശത്ത് കമ്പനി ഒരുക്കിയിരിക്കുന്നു.
കഴിഞ്ഞ രണ്ട് ദശകങ്ങളിലായി 41,000 യൂണിറ്റ് E ക്ലാസ് സെഡാനുകളാണ് കമ്പനി ഇന്ത്യയില്‍ വിറ്റിരിക്കുന്നതെന്നും ശ്രേണിയില്‍ മികച്ച വില്‍പ്പന കാഴ്ചവെയ്ക്കാന്‍ പുതിയ E ക്ലാസ് ലോങ്ങ് വീല്‍ബേസിന് സാധിക്കുമെന്നാണ് കമ്പനി പ്രതീക്ഷിക്കുന്നതെന്നും മെര്‍സിഡീസ് ബെന്‍സ് ഇന്ത്യ തലവന്‍ മാര്‍ട്ടിന്‍ ഷ്വെങ്ക് അറിയിച്ചു.
ഭാരത് സ്റ്റേജ് VI നിലവാരത്തിലുള്ള രണ്ട് പെട്രോള്‍, ഡീസല്‍ എഞ്ചിനുകളാണ് E ക്ലാസ് ലോങ് വീല്‍ബേസിലുള്ളത്. കൂടാതെ മികച്ച ഇന്റീരിയര്‍ ഫീച്ചറുകളും സെഡാന്റെ മാറ്റു കൂട്ടുന്നു. 197 bhp കരുത്ത് കുറിക്കുന്ന 2.0 ലിറ്റര്‍ പെട്രോള്‍ എഞ്ചിനില്‍ രണ്ട് വകഭേദങ്ങളാണ് സെഡാനുള്ളത്.
ഇവയ്ക്ക് യഥാക്രമേണ 57.5 ലക്ഷം രൂപയും 61.5 ലക്ഷം രൂപയുമാണ് എക്‌സ്‌ഷോറൂം വില. മറുഭാഗത്ത് 194 bhp കരുത്ത് സൃഷ്ടിക്കുന്ന ഡീസല്‍ യൂണിറ്റിലും രണ്ട് വകഭേദങ്ങളാണുള്ളത്. എക്‌സ്‌ഷോറൂമില്‍ 58.5 ലക്ഷം രൂപയും 62.5 ലക്ഷം രൂപയും വില വരുന്നതാണിവ.
Most Read: പുസ്തക വില്‍പ്പനയ്ക്കിറങ്ങി ബെന്റ്‌ലി, ബുക്കൊന്നിന് വില 1.80 കോടി രൂപ
E ക്ലാസ് ലോങ്ങ് വീല്‍ബേസിനെ കൂടാതെ നാല് വകഭേദങ്ങളില്‍ മെര്‍സിഡീസ് ബെന്‍സ് E ക്ലാസ് ലഭ്യമാണ്. രണ്ട് വീതം പെട്രോള്‍, ഡീസല്‍ പതിപ്പുകളാണിവ. പെട്രോള്‍ പതിപ്പായ E ക്ലാസ് E 200 -ലെ 2.0 ലിറ്റര്‍ എഞ്ചിന്‍ 181 bhp കരുത്തും 300 Nm torque ഉം പരമാവധി സൃഷ്ടിക്കാന്‍ കഴിവുള്ളതാണ്.
Most Read: സാമൂഹ്യവിരുദ്ധരുടെ അഴിഞ്ഞാട്ടം, ആസിഡ് ആക്രമണങ്ങൾക്ക് ഇരയായി കാറുകൾ
ഒമ്പത് സ്പീഡാണ് ഇതിലെ ഓട്ടോമാറ്റിക്ക് ഗിയര്‍ബോക്‌സ്. മറ്റൊരു പെട്രോള്‍ യൂണിറ്റായ E ക്ലാസ് E 63 AMG -യിലെ 4.0 ലിറ്റര്‍ എഞ്ചിന്‍ 612 bhp കരുത്തും 850 Nm torque ഉം കുറിക്കും. ആറ് സ്പീഡ് ഓട്ടോമാറ്റിക്ക് ഗിയര്‍ബോക്‌സാണ് ഈ യൂണിറ്റിലുമുള്ളത്.
എക്‌സ്‌ഷോറൂം കണക്കു പ്രകാരം യഥാക്രേമണ 59.12 ലക്ഷം രൂപ, 1.50 കോടി രൂപ എന്നിങ്ങനെയാണിവയുടെ വില. മെര്‍സിഡീസ് ബെന്‍സ് E ക്ലാസ് E 220d, E 350 d എന്നിവയാണ് ഡീസല്‍ പതിപ്പുകള്‍.
E 220 d -യിലെ 2.0 ലിറ്റര്‍ ഡീസല്‍ എഞ്ചിന്‍ 192 bhp കരുത്തും 41 Nm torque ഉം ആയിരിക്കും സൃഷ്ടിക്കുക. E 350 d -യിലെ 3.0 ലിറ്റര്‍ ഡീസല്‍ എഞ്ചിനാവട്ടെ 255 bhp കരുത്തും 620 Nm torque കുറിക്കുന്നതാണ്. ഒമ്പത് സ്പീഡാണ് ഇരു ഡീസല്‍ യൂണിറ്റിലെയും ഗിയര്‍ബോക്‌സ്. യഥാപ്രകാരം 60.12 ലക്ഷം രൂപ, 73.21 ലക്ഷം രൂപ എന്നിങ്ങനെയാണ് ഇവയുടെ എക്‌സ്‌ഷോറൂം വില.
